Seeker of knowledge

حتى كلمة غذاء مشتقة من الغذو

كنت سابقًا ولحد قبل شوي اسمع كلمة (تغذوك) على انها (تغزوك) بالواقع طلعت تغذوك وهي من الكلمة (غذو) بمعنى تمدك بما تحتاجه لتكبر او تجي بسياق رعاية الآباء للأبناء بالتربية والتنشئة. فهو يكول تغذوك الحقول بما يليق ايّ، كأن الطبيعة بالحقول ترعاك وتنشئك وممكن حتى بالإمداد من الطعام بالطبيعة.

الرواية تحجي عن شاب من البصرة إسمه يمان وحسب ذاكرتي هو متخصص بالدراسة بقسم علم الآثار، يمان ينتقل من خلال لوح طين عبر الزمن حتى يروح لحضارة قديمة جِدًّا، حضارة يُظلم بيها الناس بإسم الدين، بإسم الرب، فتكون كلها رحلة فلسفية ليمان بهذه الحضارة وبيها نقد فكريًا وحتى تعبيريًا للسلطات السياسية الّلي تتلبس لباس الدين في سبيل تخدير شعوبها عن اعتياد الظلم والفساد الّلي تقوم بيه هاي السلطات.

وهمين تعتمد المهمات القمرية على Lagrange Points بوجود الجذب المركزي ما بين القمر والأرض، وكذلك قوة الطرد المركزي الّلي تكون ناتجة عن دوران الأجسام بالفضاء، بنقاط لاغرانج، تتوازن قوة الطرد مع الجذب المركزي، وهالشي يسمح للمركبات الفضائية ان تبقى بنقطة ثابتة بدون استهلاك وقود، ونقاط لاغرانج هي ٥ نقاط، الاولى تكون بين الارض والقمر، والثانية خلف القمر والثالثة خلف الارض، ال٤ وال٥ تكون موجود على مدار القمر، اوّل ثلاث نقاط تكون ما مستقرة بشكل تام، اما الاثنين الباقيات فتكون جِدًّا مستقرة، فتستقر بيها الكويكبات الصغيرة والغبار الكوني، النقاط الّلي نعتمدها غالبًا بالمهمات القمرية هي النقطة الاولى بين الارض والقمر، والنقطة الثانية، خلف القمر. والّلي يخلّي النقاط ثابتة هو ان بتساوي قوة الطرد المركزي، وجاذبية القمر والأرض، تكون المحصلة صفر، الّلي تخلّي الجسم يثبت بمكانه.

الهندسة الفضائية جِدًّا عبقرية

وطبعًا بضرورة اعتماد المسارات البيضوية، Hohmann Transfer Orbit والّلي هو مدار تقريبًا نصف بيضوي، يكون قطع ناقص، ويكون هو المسار الأفضل لتهيئة كل هذا بالاعتماد على جاذبية القمر.

السبب الّلي يخلّي المركبة تدور بهالطريقة هو غالبًا لسببين، والاثنين يعتمدون بيها على جاذبية القمر، اثناء مرور المركبة بالقرب من القمر، فجاذبية القمر هي الّلي تخلّيه يكدر يثني مساره بأن يرجع للأرض، وهالشي عن طريق حساب مسبق من خلال قوانين كبلر بشكل خاص، وحتى قوانين نيوتن. وبالعلاقة ما بين البعد والزمن، يعني لازم توصل المركبة لنقطة معينة بالفضاء باللحظة نفسها لازم يكون القمر عند هالنقطة كذلك موجود، فيتم استخدام قانون كبلر لحساب السرعة المطلوبة بهالبعد، ونحسب الزمن الدوري T بإعتباره يمثل اكمال دورة كاملة، ومتوسط المسافة بين المركبة ومركز الارض a، وحتى السرعة نكدر نحددها من خلال هالشي لأن كلما زاد البعد، زاد الزمن الدوري، فتكون سرعة المركبة اقل كلما ابتعدت عن الارض.

بصراحة أنا بعدين يلا عرفت ان هالمقطوعة الموسيقية، بدأ ماكس ريختر العمل عليها من ٢٠٠٣، ب٢٠٠٤ اصدرها، وكان السبب متعلق بتعبير عن الحزن والعنف الّلي صار بالحروب بفترة ٢٠٠٣ وتحديدًا حرب العراق. لمّا سمعتها لأوّل مرة حسيت بعاطفة الحزن الّلي كانت بيها، هذا النوع من الحزن الّلي يكون كأنه رثاء للعالم بأكمله، فحسّيت بشعور لطيف لمّا عرفت عن هالشي للسببين.

الفيزيائي موري جيل مان، اثناء بحثه ومحاولة توسعه بنظرية الجسيمات تحت الذرية، كان اكو صوت لنطق كلمة بذهنه وهو كوارك او كورك، وما كان يعرف شلون يكتبها، بعد ما قرأ رواية يقظة فينيغان لجيمس جويس، استوقفته جملة Three quarks for Muster Mark بمعنى ثلاثة كواركات للسيد مارك، وعلى ما اعتقد هنا كان اشتقاق من كلمة Quarts الّلي هي وحدة قياس للسوائل. بعدها اختار موري جيل مان ان يكون اسم الجسيمات تحت الذرية هو quarks.

هنا اكو تلاعب ما بين الإنجليزية والألمانية، وعلى وجه الخصوص بمثل جملة wills gen wonts, معناها الإرادات ضد العادات، كلمة wonts كأنما هي كتابة للفظ كلمة wants الإنجليزية الّلي كذلك تعبر عن الرغبات والاحتياجات، وكلمة wills هي من الفعل الألماني wollen بمعنى يريد، تعبيرًا عن الإرادة، والبعض يعتقد انها مقتبسة من اسم william ويليام شكسبير، لأن جويس كان جِدًّا مهتم بشكسبير. اما كلمة gen المشتقة من كلمة gegen الألمانية والّلي تعني (ضد).

مثلًا آخذ مقتبس عشوائي من بداية الكتاب What clashes here of wills gen wonts, oystrygods gaggin fi shy- gods! Brékkek Kékkek Kékkek Kékkek! Kóax Kóax Kóax! Ualu Ualu Ualu! Quaouauh! Where the Baddelaries partisans are still out to mathmaster Malachus Micgranes and the Verdons cata- pelting the camibalistics out of the Whoyteboyce of Hoodie Head. Assiegates and boomeringstroms.

جيمس بتعبير روايته عن الاحلام كان يشوف ان بالحلم ما تكفينا لغة واحدة لوصفه، لذلك كتبها باكثر من لغة. وبشكل مو منتظم تعبيرًا عن طبيعة الاحلام.

بهذا الكتاب لجيمس جويس، جيمس مزج بلغة الكتاب، لغات كثيرة ويخلق من خلالها معاني جديدة، فتبقى قراءته صعبة، يكون بطل الرواية هو همفري شيمبدن ايرويكر، وهو بالواقع صاحب حانة لكن بالحلم، يتحول لتمثيل حدثي عن رجال كثيرين عبر التاريخ بمختلف جوانب التأريخ مثل النبي آدم، ونوح عليهم السلام، نابليون، يوليوس قيصر، القديس باتريك…إلى آخره. وكانت القصة تنتقل انتقال لحظي مثلًا وهو ظاهر بصفته كآدم، يتحول مباشرةً للظهور بشخصية نابليون وزوجته كذلك كانت نفس الشي وياها يحصل.