هلا بك عدّ ما مطير تسوق لضيفها الترحاب
يا أعذب قلب بـ حضوره أسر وقتي وذاكرته
قصيد الألسُن الفصحى لقى بك موطن وإعراب
وكل بحرٍ من بحور الخليل بـ حسنك أبحرته
لو أطباعك لها يِخلق مثيلٍ في زمانٍ غاب
كان أعظم شاعرٍ يفخر بـ ذكرك في معلقته
يا اهل الهوى خاطري طايب
من الولع والسهر والنوح
ما عاد لي صاحبٍ غايب
ولا عاد لي صاحبٍ بيروح
كان الصبى غرني تايب
وكان الوله ضرني مسموح
سهم الهوى مخطي وصايب
وراعي السهم جارح ومجروح
تركت قلب الخطا ذايب
في دربكم والدمع مسفوح
ورجعت طفلٍ وانا شايب
باللي بقالي فالجسد والروح
الغيم ما يحزن على موت الاشجار
والشمس تشرق لي وتشرق لغيري
والناس تتزاحم على شرب الانهار
وانا مكفيني عن الناس بيري
ويوم الطيور تهاجر وتقطع الابحار
انا مبرقع داخل الصدر طيري
ماني لكل مضيع دياره .. ديار
ولا هو ضروري كلٍ يذوق خيري
