علنا نهتدي🔻

الإنسان لما بيكون واعى بدوافع تصرفاته بيكون اكتر قدرة على إيقافها انهارده بس أدركت سبب تصرف بعمله بقالى سنين وكنت بحارب إن أوقفه وبفشل كل مرة وكنت فاكرة ان المشكلة ف الإرادة أو أو أو وبعدين اكتشفت ان المشكلة شئ مختلف تماماً واعتقد بعدها بقيت اكتر قدرة على إيقاف الشئ ده بقول الكلام ده ليه ؟ عشان اشيد فعلا بفكرة ان الانسان يبحث ف ذاته ويسمع فيديوهات كتير ويقرا كتب ويحاوط نفسه بناس بتفهم وكفاية بجد إهدار للوقت ف الريلز الفاضية والتريندات التافهه اللى بنطلع منها بحالات اسوأ وبجهل متزايد الوعى مهم ومطلوب عشانك گ انسان وعشان لو هتكون ف يوم أب/أم فتقدر على الأقل متضرش عيالك بالعكس تكون ليهم مرجع وتساعدهم ف حياتهم

لا حول ولا قوة إلا بالله العلي العظيم

وأما السلامة فتكون: ١. بكثرة الصمت. ٢. وسرعة العودة من الذنب. ٣. وعدم الاسترسال في الغضب. ٤. وعدم القول بغير علم. ٥. وتعاهد القلب بالعفو والمسامحة. ٦. والتقرب من الصالحين. ٧. وتعود القدم على السير إلى المساجد. ٨. وعدم امتهان النفس للناس. ٩. والحرص على الحلال. ١٠. ودوام القرب من ذي الجلال والجمال.

الثلث الأخير من الليل لا تنسونا من صالح دعائكم

وتكميلاً للكلام اللي فوق.. الأنس كله بيجي لما تبتدي تفهم وتعرف ربنا أكتر https://youtu.be/RvZLqmV9_SI

الصحبة متعة وبتهون الطريق بشكل جميل بصراحه ربنا يرزقنا الصحبة الصالحة يارب

أيام الرجوع الأولى لـنفسك القديمة بتقابل فيها مشاعر حلوه زى انك قادر تتنفس و إنك حاسس بفضل ربنا عليك و انك بترجع وإن المشاكل والتوهان طلع ممكن ينتهوا فعلا ومش هنفضل نسأل نفسنا سؤال من تلت حروف إلا إن الموضوع لوحدك منهك بشكل لا يعقل وان الشيطان بيحاول محاولات مستميته انه يرجعك لما قبل نقطة الصفر كمان ويشعرك بالحزن بإنه يدخل القنوط قلبك ويذكرك بما لا تحب من الذكريات عشان كده دايما وانت بتحاول تتغير او ترجع استعن بالله واسمع عن معانى اسمائه هتلاقي فيها الكثير والكثير من الأنس وإن استطعت انك تلاقى صحبة تكون صالحة تقدر تشدك ومتكنش لوحدك اكيد هيكون أفضل من المشى وحيدا وقاوم وقتها هتوصل او بمعنى تانى هتهدى نفسياً وتحس ان فيه أمل