រដ្ឋបាលស្រុកកំពង់ត្របែក ខេត្តព្រៃវែង

នារសៀលថ្ងៃទី១ ខែកញ្ញា ឆ្នាំ២០២៦ លោក ភុន សម្ផស្ស អភិបាល នៃអគណៈអភិបាលស្រុក បានអញ្ជើញជាអធិបតីក្នុងកិច្ចប្រជុំការដឹកនាំរៀបចំកាប្រគួតកីឡាមហាជនដណ្ដើមពានរង្វាន់ ឯកឧត្ដម អភិសន្ដិបណ្ឌិត​ ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ។ កិច្ចប្រជុំនេះបានការអញ្ជើញចូលរួមពី លោកអភិបាលរងស្រុកទទួលបន្ទុក ប្រធាន អនុប្រធាន ការិយាល័យអប់រំ យុវជន និងកីឡា មេឃុំទាំង១៣ នាយកវិទ្យាល័យទាំង៤ក្នុងស្រុក។ 🌐|Facebook    🌐|Telegram

កិច្ចប្រជុំសាមញ្ញលេីកទី២៧​ អាណត្តិទី៤​ របស់ក្រុមប្រឹក្សាស្រុកកំពង់ត្របែក ​ ព្រឹកថ្ងៃអង្គារ ៣រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩ ខែកញ្ញា ឆ្នាំ២០២៦ លោក ប៉ិល ឆន ប្រធានក្រុមប្រឹក្សាស្រុក រួមជាមួយលោក ស្រី ឈុនលី អភិបាលរងស្រុក តំណាងលោក ភុន សម្ជស្ស អភិបាលនៃគណៈអភិបាលស្រុក បានអញ្ជើញជាអធិបតីក្នុងកិច្ចប្រជុំសាមញ្ញលើកទី២៧ អាណត្តិទី៤ របស់ក្រុមប្រឹក្សាស្រុកកំពង់ត្របែក កិច្ចប្រជុំនេះមានការចូលរួមពី ឯកឧត្ដមសមាជិកក្រុមប្រឹក្សាខេត្ដ លោក លោកស្រីអភិបាលរងស្រុក លោកនាយករដ្ឋបាល លោក​ លោកស្រី នាយករងរដ្ឋបាល លោកអធិការ មេបញ្ជការកងកម្លាំងទាំង៣ ប្រធានការិយាល័យ អង្គភាពទាំង១៣ ប្រធានការិយាល័យប្រជាពលរដ្ឋ ប្រធានការិយាល័យសុខាភិបាលស្រុកប្រតិបត្តិ​ ប្រធានមន្ទីរពេទ្យបង្អែក និងនាយកវិទ្យាល័យទាំង៤ ។ 🌐|Facebook    🌐|Telegram

នារសៀល ថ្ងៃអង្គារ ១១កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែកញ្ញា ឆ្នាំ២០២៦ លោក ភុន សម្ផស្ស អភិបាល នៃគណៈអភិបាលស្រុក បានអញ្ជើញដឹកនាំ លោកអភិបាលរងទទួលបន្ទុក លោកនាយករងរដ្ឋបាល ប្រធានការិយាល័យផែនការ និងគាំទ្រឃុំសង្កាត់ និងមេឃុំទាំង១៣ ចូលរួមកិច្ចប្រជុំស្ដីពីការអនុវត្តគម្រោងមូលនិធិឃុំសង្កាត់ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ តាមប្រព័ន្ធ Zoom។ 🌐|Facebook    🌐|Telegram

កិច្ចប្រជុំគណៈបញ្ជាការឯកភាពរដ្ឋបាលស្រុកកំពង់ត្របែក ខេត្តព្រៃវែង ព្រឹកថ្ងៃសុក្រ ៧កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៨ ខែកញ្ញា​ ឆ្នាំ២០២៦ លោក ភុន សម្ផស្ស អភិបាល នៃគណៈអភិបាលស្រុក និងជាប្រធានគណៈបញ្ជការឯកភាព បានអញ្ជើញដឹកនាំកិច្ចប្រជុំគណៈបញ្ជាការរដ្ឋបាលស្រុក ប្រចាំខែកញ្ញា និងលើកទិសដៅអនុវត្តបន្ត។ សមាសភាពចូលរួមកិច្ចប្រជុំនេះរួមមាន៖​ លោក លោកស្រីអភិបាលរងស្រុក លោកនាយករដ្ឋបាល លោក លោកស្រី នាយករងរដ្ឋបាល លោកអធិការ មេបញ្ជាការកងកម្លាំងទាំង៣ ប្រធានការិយាល័យ អង្គភាពទាំង១៣ នៃរដ្ឋបាលស្រុក ប្រធានការិយាល័យអង្គភាពជុំវិញស្រុក មេឃុំ នាយប៉ុស្ដិ៍ ស្មៀនឃុំ នាយកវិទ្យាល័យ-អនុវិទ្យាល័យ ប្រធានកម្រងបឋមសិក្សា ប្រធានមណ្ឌលសុខភាព មន្រ្តីកសិកម្មឃុំ សរុបចំនួន ១២៣នាក់។ 🌐|Facebook    🌐|Telegram

នាព្រឹកថ្ងៃទី១៨ ខែកញ្ញា ឆ្នាំ២០២៦ លោក ភុន សម្ផស្ស អភិបាល នៃគណៈអភិបាលស្រុក បានអញ្ជើញជាអធិបតីក្នុងកិច្ចប្រជុំសំណោះសំណាល់ជាមួយក្រុមគ្រូពេទ្យសត្វ និងជំរុញការចុះចាក់វ៉ាកសាំងសត្វគោ ក្របី ក្នុងឃុំកំពង់ត្របែក ។ សមាសភាពអញ្ជើចូលរួម៖ - លោក លោកស្រី ប្រធានការិយាល័យក្នុងស្រុក - ពេទ្យសត្វស្រុក ភ្នាក់ងារពេទ្យសត្វឃុំទាំង១៣ -លោក លោកស្រីក្រុមប្រឹក្សាឃុំ -លោក នាយប៉ុស្ដិ៍ -មន្ត្រីកសិកម្មឃុំ -លោក លោកស្រីថ្នាក់ដឹកនាំភូមិ សរុបអ្នកចូលរួម ៥៣ នាក់ ស្រី ០៤ នាក់។ 🌐|Facebook    🌐|Telegram

នាថ្ងៃទី១២​ ខែកញ្ញា​ ឆ្នាំ២០២៦ លោក​ ភុន​ សម្ផស្ស​ អភិបាល​ នៃគណៈអភិបាលស្រុក​ អមដំណេីរដោយលោកនាយករងដ្ឋបាលសាលាស្រុក​ និងលោកស្រីមេឃុំព្រៃឈរ បាននាំយកថវិកា​ ១​ ០០០​ ០០០រៀល​ អង្ករ​ ៥០គីឡូក្រាម​ មី​ ១កេស​ ឧបត្ថម្ភ​ដល់សិស្សជាប់និទ្ទេស​ A ឈ្មោះ​ រិន​ វណ្ណា​ ដែលជាក្មេងកំព្រារស់នៅជាមួយជីដូន​ដែលមានជីវភាពខ្វះខាត​ រស់នៅភូមិដូង​ ឃុំព្រៃឈរ។

នារសៀលថ្ងៃទី១១​ ខែកញ្ញា ឆ្នាំ២០២៦ លោក​ ឡាំ​ សុផល​ អភិបាលរងស្រុក​ តំណាងលោក​ ភុន​ សម្ផស្ស​ អភិបាល​ នៃគណៈអភិបាលស្រុក បានអញ្ជេីញជាអធិបតីក្នុងពិធីប្រកាសទទួលស្គាល់លោក​ អ៊ូ​ សុភក្ដី​ ជាសមាជិកក្រុមប្រឹក្សាឃុំប្រាសាទ​ ជំនួស​ លោក​ អ៊ុក​ វ៉ង់​ ដែលបានទទួលមរណភាព។ ក្នុងពិធីនេះផងដែរបានការអញ្ជេីញចូលរួមពី លោកនាយករងរដ្ឋបាល អធិការមេបញ្ជាការ ទាំង៣ ប្រធានការិយាល័យ អង្គភាព នៃរដ្ឋបាលស្រុក ប្រធានការិយាល័យ អង្គភាព ជុំវិញស្រុក ក្រុមប្រឹក្សាឃុំ បុគ្គលិកឃុំ នាយប៉ុស្ដិ៍នគរបាលរដ្ឋបាលឃុំ ប្រធានមណ្ឌលសុខភាព នាយកសាលាបឋមសិក្សា មត្តេយ្យសិក្សា មេភូមិ សរុបចំនួន ៥៣នាក់។ 🌐|Facebook    🌐|Telegram

លោក ប៉ិល ឆន ប្រធានក្រុមព្រឹក្សាស្រុក និងលោក ភុន សម្ផស្ស អភិបាល នៃគណ:អភិបាលស្រុក បានអញ្ជើនចូលរួមកិច្ចប្រជុំពិភាក្សាការងាររវាងគណ:កម្មការទី២ នៃព្រឹទ្ឋសភា ជាមួយក្រុមប្រឹក្សាស្រុក និងគណ:អភិបាលស្រុក កិច្ចប្រជុំនេះស្ថិតក្រោមអធិបតីភាព ឯកឧត្តម យស ផានីត្តា ដែលជាប្រធានគណ:កម្មការទី២ នៃព្រឹទ្ឋសភា ដោយមានកាអញ្ជើនចូលរួម ពីលោក លោកស្រីសមាជិកក្រុមប្រឹក្សាស្រុក លោក លោកស្រី គណ:អភិបាលស្រុក លោកនាយក នាយករងរដ្ឋបាលស្រុក។

ព្រឹកថ្ងៃចន្ទ ទី៧ ខែកញ្ញា ឆ្នាំ២០២៦ លោក​ សំអុន​ សូនី​ អភិបាលរងស្រុក​ តំណាង​ លោក​ ភុន​ សម្ផស្ស​ អភិបាល​នៃគណៈអភិបាលស្រុក​ បានអញេីញចូលរួមក្នុងសន្និបាតបូកសរុបការងារក្រុមប្រឹក្សាឃុំ​ អាណត្ដិទី៥​ តាមប្រព័ន្ធអនឡាញ​ ZOOM ។ 🌐|Facebook    🌐|Telegram

នៅព្រឹក ថ្ងៃទី៦ ខែកញ្ញា ឆ្នាំ២០២៦ លោក ភុន សម្ផស្ស អភិបាលនៃគណ:អភិបាលស្រុក បាននាំយកថវិកាចំនួន១,០០០,០០០រៀល អង្ករ៥០kg និងមី១កេស ដែលជាអំណោយរបស់ឯកឧត្តម សួន សុម៉ាលីន អភិបាល នៃគណ:អភិបាលខេត្ត និងលោកជំទាវ ទៅជូនសិស្សនិទ្ទេសA (អេង​ សុជាតិ)​ដែលមានជីវភាពខ្វះខាតស្ថិតនៅភូមិសហករណ៍ ឃុំពាមមន្ទារ។

ព្រឹកថ្ងៃទី៤ ខែកញ្ញា​ ឆ្នាំ២០២៦ លោក ភុន សម្ផស្ស អភិបាល នៃគណៈអភិបាលស្រុកកំពង់ត្របែក បានអញ្ជើញចូលរួមអមដំណើរឯកឧត្តម ស្បោង សារ៉ាត ប្រធានក្រុមប្រឹក្សាខេត្ត និងឯកឧត្តម សួន សុម៉ាលីន អភិបាលខេត្ត ចុះពិនិត្យស្ថានភាពផ្លូវ ៣១២B (ទិសដៅពីផ្សារកអណ្ដើក ទៅច្រកទ្វារតំបន់ស្វាយអាង៉ោង)។ 🌐|Facebook    🌐|Telegram

ថ្ងៃអាទិត្យ​ ២រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣០ ខែសីហា ឆ្នាំ២០២៦ ​ ឯកឧត្ដម ហាស់ សារ៉េត ប្រធានក្រុមការងារស្រុក បានអញ្ជើញជាអធិបតីដ៏ខ្ពង់ខ្ពស់ក្នុងពិធីដាំកូនឈើប្រណិតចំនួន ៣ ០០០ដើម ស្ថិតក្នុងបរិវេណវត្ដសិរីឧត្ដម ឃុំចាម ដោយបានការនិមន្ដ និងអញ្ជើញចូលរួមពី សម្ដេចព្រះមហាអរិវង្ស យ៉ន សេង យៀត ព្រះសាកលវិទ្យាធិការ ពុទ្ធិកសិក្សាសហីនុរាជ ព្រះមន្រ្ដីសង្ឃស្រុក ឯកឧត្ដម លោកជំទាវ អនុប្រធានក្រុមការងារស្រុក ឯកឧត្ដម ប្រធានក្រុមការងារឃុំចាម លោក ប៉ិល ឆន ប្រធានក្រុមប្រឹក្សាស្រុក លោក ភុន សម្ផស្ស អភិបាលស្រុក សមាជិកក្រុមប្រឹក្សាស្រុក អភិបាលរងស្រុក នាយក នាយករងរដ្ឋបាលសាលាស្រុក កងកម្លាំងទាំង៣ ប្រធានការិយាល័យ អង្គភាពជុំវិញស្រុក មេឃុំ ក្រុមប្រឹក្សាឃុំចាម លោកគ្រូ អ្នកគ្រូ សិស្សានុសិស្ស និងពុទ្ធបរិស័ទសរុបប្រមាណ ៣០០នាក់។ 🌐|Facebook    🌐|Telegram