TIKVAH-SPORT

አርጀንቲና ስብስቧን አሳውቃለች ! በአሰልጣኝ ሊዮኔል ስካሎኒ የሚመራው የአርጀንቲና ብሔራዊ ቡድን በቀጣይ ላሉበት ሁለት የወዳጅነት ጨዋታ ለሀያ ዘጠኝ ተጨዋቾች ጥሪ አቅርቧል። ብሔራዊ ቡድኑ ጥሪ ካደረገላቸው ከሀያ ዘጠኝ ተጨዋቾች ውስጥ ለቀጣዩ የ2024 ኮፓ አሜሪካ ውድድር ሶስት ተጨዋቾች እንደሚቀንስ ተገልጿል። ለኮፓ አሜሪካ ውድድር ዝግጅት የሚጀምረው ብሔራዊ ቡድኑ በቀጣይ ሳምንታት ከኢኳዶር እና ጓቴማላ ብሔራዊ ቡድኖች ጋር የወዳጅነት ጨዋታ ያደርጋል። ሙሉ የቡድን ስብስቡ ከላይ በመስሉ ላይ ተያይዟል። @tikvahethsport     @kidusyoftahe

የቡንደስሊጋ የአመቱ ምርጥ ተጫዋች ይፋ ሆነ ! በባየር ሌቨርኩሰን አሸናፊነት የተጠናቀቀው የጀርመን ቡንደስሊጋ የ2023/24 የውድድር ዘመን የአመቱ ምርጥ ተጨዋች ይፋ ተደርጓል። በዚህም መሰረት ጀርመናዊው የባየር ሌቨርኩሰን የመሐል ሜዳ ተጨዋች ፍሎሪያን ዊርትዝ የጀርመን ቡንደስሊጋ የአመቱ ምርጥ ተጨዋች በመባል በአብላጫ ድምጽ መመረጡ ተገልጿል። የ 21ዓመቱ ፍሎሪያን ዊርትዝ በውድድር አመቱ ባደረጋቸው ሰላሳ ሁለት ጨዋታዎች አስራ አንድ ግቦችን አስቆጥሮ አስራ ሁለት ለግብ የሆኑ ኳሶች አመቻችቶ ማቀበል ችሏል። @tikvahethsport     @kidusyoftahe

ባምላክ ተሰማ የአለም ዋንጫ ማጣሪያ ጨዋታ ይመራሉ ! ኢትዮጵያዊው ኢንተርናሽናል ዳኛ ባምላክ ተሰማ ከሀያ አንድ ቀናት በኋላ የሚደረግ የአፍሪካ አህጉር የአለም ዋንጫ ማጣሪያ የምድብ ጨዋታ እንዲመሩ በፊፋ ተመርጠዋል። ባምላክ ተሰማ በምድብ ሶስት የሚገኙት የቤኒን እና ናይጄሪያ ብሔራዊ ቡድኖች የሚያደርጉትን የአለም ዋንጫ ማጣሪያ የምድብ አራተኛ ጨዋታ በመሐል ዳኝነት እንደሚመሩ ታውቋል። የሁለቱ ብሔራዊ ቡድኖች የአለም ዋንጫ ማጣሪያ የምድብ አራተኛ ጨዋታ ሰኞ ሰኔ 3/2016 ዓ.ም የሚደረግ ይሆናል። በተጨማሪም አልጄሪያ ከጊኒ ጋር የምታደርገውን የአለም ዋንጫ ማጣሪያ የምድብ ሰስተኛ ጨዋታ ኢትዮጵያዊው ዳኛ ባምላክ ተሰማ ሊመሩ እንደሚችሉ እየተገለፀ ይገኛል። አልጄሪያ ለጨዋታው የተመረጡ የጋቦን ዳኛ እንዲቀየሩ ፊፋን መጠየቋ ሲገለፅ ጨዋታውን ባምላክ ተሰማ በዋና ዳኝነት እንዲሁም ቴዎድሮስ ምትኩ በአራተኛ ዳኝነት ሊመሩ እንደሚችሉ ተነግሯል። @tikvahethsport     @kidusyoftahe

" ፖቼቲኖ እንደማይቀጥሉ ሰምቻለሁ " ፈርዲናንድ የቀድሞ እንግሊዛዊ የማንችስተር ዩናይትድ የተከላካይ ስፍራ ተጨዋች ሪዮ ፈርዲናንድ አርጀንቲናዊው አሰልጣኝ ማውሪስዮ ፖቼቲኖ ከቼልሲ ጋር እንዳማይቀጥሉ መስማቱን ገልጿል። ሪዮ ፈርዲናንድ ከውስጥ ሰምቼዋለሁ እንዳለው መረጃ ከሆነ አርጀንቲናዊው አሰልጣኝ ማውሪስዮ ፖቼቲኖ በሚቀጥለው አመት " በምዕራብ ለንደኑ ክለብ ቼልሲ ቤት አይቀጥሉም " ብሏል። @tikvahethsport     @kidusyoftahe

ኮማን ጉዳት እንዳጋጠመው ተገለጸ ! ፈረንሳዊው የባየር ሙኒክ የፊት መስመር ተጨዋች ኪንግስሌይ ኮማን በድጋሜ ጉዳት እንዳጋጠመው ተገልጿል። ተጨዋቹ በልምምድ ወቅት የጉልበት ጉዳት እንዳጋጠመው ሲገለፅ የጉዳት መጠኑ ምን ያህል እንደሆነ በይፋ የታወቀ ነገር የለም። ኪንግስሌይ ኮማን ለቀጣዩ የአውሮፓ ዋንጫ ውድድር በፈረንሳይ ብሔራዊ ቡድን ጥሪ ከቀረበላቸው የፊት መስመር ተጨዋቾች አንዱ መሆኑ ይታወቃል። @tikvahethsport     @kidusyoftahe

ክሮሽያ ስብስቧን አሳውቃለች ! የክሮሽያ ብሔራዊ ቡድን በቀጣይ ጀርመን በምታዘጋጀው የ2024 አውሮፓ ዋንጫ ውድድር የሚጠቀመውን ስብስብ ይፋ አድርጓል። የ 38ዓመቱ የሪያል ማድሪድ የመሐል ሜዳ ተጨዋች ሉካ ሞድሪች ለብሔራዊ ቡድኑ ጥሪ ቀርቦለታል። ሙሉ ስብስቡ ከላይ በምስሉ ላይ ተያይዟል። @tikvahethsport     @kidusyoftahe

#Tecno #Camon30Pro5G ቪድዮዎች  እና ምስሎችን በከፍተኛ ጥራት ማንሳት እንዲያስችል Sony Imx890 የካሜራ ሴንሰርን የተገጠመለት አዲሱ Tecno Camon Pro 5G ምርጫዎ ያድርጉ #Camon30Et #Camon30pro5GEt  #Camon30 #Camon30Pro5G #TecnoEt

መልካም ዕድል! ከፍ የተደረጉ ኦዶችን አይተዋል ? እንግዲያውስ ተወራረዱባቸው! Bologna - Juventus Salernitana - Verona ለተሻለ ውርርድ ቤቲካን ይጠቀሙ! አሁኑኑ Betika.et ላይ /በቴሌግራም ቦታችን - @BetikaETBot ይወራረዱ!

" የምንሄደው ኤፌ ካፑን ለማሸነፍ ነው " ኦናና የማንችስተር ዩናይትዱ ግብ ጠባቂ አንድሬ ኦናና ቡድናቸው ቀጣይ ሳምንት ከማንችስተር ሲቲ ጋር የሚያደርገውን የኤፌ ካፕ ፍፃሜ ጨዋታ ለማሸነፍ ወደ ሜዳ እንደሚገባ ገልጿል። የኤፌ ካፕ ዋንጫው ጥሩ አመት ላላሳለፉት ቀያዮቹ ሴጣኖች አስፈላጊ መሆኑን ያነሳው አንድሬ ኦናና " እኛ ማንችስተር ዩናይትዶች ነን ወደ ፍፃሜው የምናመራው ለማሸነፍ ነው " ሲል ተደምጧል። የእንግሊዝ ኤፌ ካፕ ፍፃሜ ጨዋታ የፊታችን ቅዳሜ 11:00 ሰዓት በዌምብሌይ ስታዲየም በማንችስተር ዩናይትድ እና ማንችስተር ሲቲ መካከል ይደረጋል። @tikvahethsport     @kidusyoftahe

አስቶን ቪላ ከአዲዳስ ጋር ስምምነት ፈፀመ ! የፕርሚየር ሊጉ ክለብ አስቶን ቪላ ከሚቀጥለው የውድድር አመት ጀምሮ አዲዳስ ይፋዊ የክለቡ ትጥቅ አቅራቢ ተቋም በመሆን ከስምምነት መድረሳቸውን አስታውቀዋል። የአውሮፓ ሻምፒየንስ ሊግ ተሳትፎ ቦታን በማግኘት ድንቅ የውድድር አመት ያሳለፈው አስቶን ቪላ በታሪኩ ለመጀመሪያ ጊዜ የአዲዳስን የመጫወቻ እና ልምምድ ማልያ እንደሚለብስ ተገልጿል። ክለቡ ከእውቁ የስፖርት ትጥቅ አቅራቢ ብራንድ አዲዳስ ጋር ለበርካታ አመታት የሚቆይ የውል ስምምነት መፈፀሙን አሳውቋል። @tikvahethsport     @kidusyoftahe