Hadis va Oyat

Солиҳ зурриёт сўрашлик борасида келган етти оят (وأصلح لي في ذريتي) Ва менинг зурриётларимни ҳам солиҳлардан қилгин. (Ахқоф: 15) (وإني أعيذها بك وذريتها) Мен бунга ва унинг зурриётига даргоҳингдан қувилган шайтоннинг ёмонлигидан паноҳ беришингни Сендан илтижо қиламан». (Оли Имрон: 36) (ربنا هب لنا من أزواجنا وذرياتنا قرة أعين) «Роббимиз, Ўзинг бизларга жуфти ҳалолларимиздан ва зурриётларимиздан шод-хуррамлик ҳадя этгин ва бизларни тақводорларга пешво қилгин». (Фурқон: 74) (رب اجعلني مقيم الصلاة ومن ذريتي) Роббим, мени ва зурриётимдан (бўлган болаларимни) намозни тўкис адо этгувчи қилгин. (Иброҳим: 40) (ربنا واجعلنا مسلمين لك ومن ذريتنا) Роббимиз, бизни Ўзингга бўйинсунгувчилардан қилгин ва зурриётимиздан ҳам Ўзингга итоат қиладиган кишилар чиқаргин. (Бақара: 128) (رب هب لي من لدنك ذرية طيبة) Роббим менга ҳам Ўз ҳузурингдан бир покиза фарзанд ато эт! (Оли Имрон: 38) (واجنبني وبني أن نعبد الأصنام) Мени ва болаларимни бутларга ибодат қилишдан йироқ қилгин. (Иброҳим: 35)

إِنَّ ٱلْإِنسَـٰنَ لَكَفُورٌ Албатта, инсон ўта ношукрдир. 📖 Хаж сураси, 66-оят.

⭐ Falokat  -  Allohdan uzoqlikdir..⭐             Hayotiy hikoya.                      7-Qism. O‘zimcha ota-onamga  ''jarohat'' yetkazmay bu vaziyatdan chiqishni o‘ylardim. Istihora namozini ko‘plar biladi, ammo kam insonlar o‘qiydigan bir namoz deb bilaman va onam ham bilsalar-da bu namozni o‘qiganlari menga qorong‘u. Yoki men ularga sezdirmaganimdek... Ular ham menga sezdirmagandirlar. Xullas, istihora namozini o‘qib bo‘lganimdan so‘ng tamomila o‘zgardim. Yanada yaxshi bo‘ldim, ketish qarorini berganimdan so‘ng, ketsam ko‘ngillarini ham olib ketaman deya dilimga tukkandim. Qaynonam, ovsinim bilan ham ahul inoq edik. Erim esa... Erim o‘z suygani bilan... Men uning hayotida yo‘qdek edim. Istihoradan so‘ng, ikki bor ota uyimga bordim. Ammo ularga sezdirmadim. Lekin ukam chet elga ishlash uchun ketmoqchiligini,  u yerdagi ''saroy hayoti'' va katta maosh uchun berilgan va'dalarga ishonishgani menga yoqmadi va shu yerda ham ishi yaxshiligini,  ''Uzoqning somonidan,  yaqinning bug‘doyi yaxshi'' ekanini aytdim.  Iltimos qilib, istihora qilishlarini tushuntirdim onamga. Alhamdulillah, Alloh dillariga solib istihora qilibdilar. Ilk kechadayoq... tushlarida ukam yolg‘iz, yig‘lab o‘tirgan emish. Onam qattiq qarshilik qildilar. Ukam arazlab ikki, uch kun gapirmabdi ham onamga. Sheriklari jo‘nab ketgan kuni ham onamni xafa qilibdi. Lekin Alloh eng Mehribon, Qudratli zot! O‘ziga yuzlanganlarni tashlab qo‘ymaydi. Ukamni olib ketmoqchi bo‘lganlarning ''cheklovi'' bor ekan,  hammasi qaytibdi. Ukam chetga bormagan, yo‘l-yo‘riqni bilmay uyog‘larda sarson bo‘larmidi ketsa... Yoki yo‘l haqiga  ''kuyardi''. Allohga hamdlar aytdim. O‘zi menga yordam berayotgan edi. Keyingisi undan ham xayrli bo‘ldi. Ukam chet elga ketmagach, otam - Chalg‘ib qoladi shekilli, Uylatib qo‘ya qolaylik, - deya onamga maslahat solibdilar. Va onamga bu juda ma'qul tushib qiz qidira boshlashdi. Lekin ukamning ko‘ngil qo‘ygani bor ekan. Anchadan beri  ''yurisharkan''.  Onam sovchilikka borgan kunlari meni ham chaqirdilar. Qiz istaralikkina, shirin qiz ekan. Tomonlarga ma'quldek tuyuldi. Onam va akam meni uyga tashlab ketishar ekan, - Iltimos, onam, istihora  namozini o‘qing, deya xayrlashdim. Shunchalik osonmi deb o‘ylashingiz mumkindir... U kunlarni bugun eslashni ham hohlamayman. Bu og‘riqlarga sabr ila chidaganimga ba'zan o‘zimga lol qolaman. Ammo meni hisobim bo‘yicha farzandli bo‘lsam, so‘ngra bolam bilan andarmon bo‘lib uyda siqilmayman, ovunchag‘im bo‘ladi deb reja qilardim... Allohim bilan aloqam yanada yaxshilangan edi. Unga yaqinlikni tuyardim. Har tushimni eslasam yuzim kulardi. Ne sinoat edi bu? Bilmadim... Xullas, bir necha kun o‘tgach onam bilan gaplashdim. Istihoraning 4-kunida qip-qizil olma ko‘rganlarini, lekin uni ololmay turganlarini aytdilar. - Siqilmang onajon, demak yaxshilikka bo‘lsin deb boshqa qizni qidiring. - Sardorga nima deyman. Doniyor ham ikkilanib qoldi. Dadangga hali aytmadim. - Siz chetga ketmoqchi bo‘lganingda falokatingni ayirgan Alloh umr savdosida seni tashlab qo‘yarmidi, sen Allohga tavakkal qil-chi deng. Uyog‘ini o‘zingiz hal qilasiz-da ona, deya ular bilan suhbatni yakunladim. Ammo ukam osonlikcha ko‘nmadi... U qiz ham onangizga so‘zingiz o‘tmadi deb achchiq qilib boshqasiga fotiha qilinibdi. Bejiz emasligi belgi bera boshladi. Ukam esa menga dushmanga qaragandek munosabatda bo‘lardi. Men esa Allohga suyangan edim. Ahir Mening Ishonganim faqat U edi... #Davomi_bor...

Фиръавн ҳақидаги ҲАҚИҚАТ 1981 йилда Франсуа Меттеран президент бўлгач, Франция Мисрдан Фиръавннинг мўмиёланган жасадини тадқиқ қилишни илтимос қилди... Тадқиқотда тиббиёт ва археология соҳасида илмий изланишлар олиб борувчи кўплаб олимлар иштирок этишди. Тадқиқотга бошчилик қилиш ва жарроҳларга раҳбар бўлиш Морис Букайга ишониб топширилди, унинг асосий вазифаси эса Фиръавн қандай ҳалок бўлганини аниқлашдан иборат эди. Рамзес II нинг жасади бошқа мўмиёланган жасадлардан фарқ қилиб турарди. Тадқиқотчиларга бир ҳолат жуда кутилмаган бўлди: улар мўмиёлар қатламини ечиб олишаётганда жасаднинг чап қўли юқорига кўтарилиб кетди, худдики уни мўмиёлаётган пайтларида куч билан бу ҳолатга келтирганга ўхшарди. Тадқиқот натижалари профессор Морисга шуни кўрсатдики, Фиръавн чўкиб ўлган эди, чунки унинг рентген суратларида танадаги туз қолдиқлари ва кўплаб суяк синиқлари бор эди, бироқ терида бирор бир жароҳат кўринмасди. Бу эса сув оғирлиги натижасида суяклар синганидан далолат қиларди. Бу барча далиллар Фиръавн сувга чўкиб ўлган заҳоти денгиздан олиб чиқилганини билдирарди. Профессор Морис тадқиқот ўтказиб бўлингач, газеталарнинг сарлавҳалари нималар деб жар солишини тасаввур қилиб турган бир пайтда, улардан бири «Шошилманг, месье Морис, мусулмонлар XIV аср олдин Фиръавннинг чўкиб ўлганини билишарди», деди... Профессор бу сўзларга мутлақо бепарволик билан қаради, чунки у ўта замонавий тиббий аппаратлар ва тадқиқот техникасисиз буни айтишнинг имкони йўқлигига қаттиқ ишонарди. Шунга қарамай, бу сўзлар Морис Букайнинг хаёлига қаттиқ ўрнашиб қолди... У туни билан Фиръавн жасади олдида ўтириб чиқиб, бирорта мусулмон давлатга бориш ва у ерда олимлар билан айни мавзуда суҳбатлашиш, уларнинг бу борада фикрларини ўрганиш керак деган фикрга келади... У худди шундай қилди ҳам, бир киши унга Қуръонни очиб, Аллоҳнинг қуйидаги оятларини ўқиб бермагунча, у бунга ишонмаган эди: -- «Бугун сенинг баданингни қутқарамиз... Токи ўзингдан кейингиларга ибрат бўлгин. Албатта, кўп одамлар Бизнинг оятларимиздан ғофилдирлар..». (Юнус, 92) Бу сўзлар профессор Морис Букайни ниҳоятда таажжубга солди ва ўрнидан туриб, бироз гандиракладию, йиғилганлар ичида --«Мен Исломга кирдим ва Қуръонга иймон келтирдим» деди...

Firavn tafakkur qiling. 👆

#Бир_оятки. Бу, Аллоҳнинг яратганидир. Қани Менга кўрсатинг-чи, Ундан бошқалар нимани яратдилар. Йўқ! Золимлар очиқ-ойдин адашувдадирлар. 🧕 Луқмон сураси, 11-оят.

Ажиб ликопчани ясаб ижодкор, Недир айтмоғини қилибди ошкор: «Сен емай қолдирган луқма таомга, Қанчалар дунёда зор кишилар бор!»