Тўрақўрғон тумани ҳокимлиги |расмий канали

Kuchli shamol vaqtida xavfsizlik choralari - yashash joylarida eshik-derazalar, chordoq va havo aylanish tizimlarini mahkam berkitish; - elektr va gaz vositalarini o‘chirish; - ko‘chalarda daraxt va elektr ustunlari tagida turmaslik; - ko‘p qavatli binolar balkonlarida, deraza tokchalari hamda tashqaridagi buyumlarni imkon qadar xavfsiz joylarga olib qo‘yish yoki mustahkamligini tekshirish; - shamol kuchayganda, mustahkam qurilgan binolar, yer osti o‘tish yo‘llari va boshqa yashirinish mumkin bo‘lgan joylarda muhofazalanish; - ochiq maydonda yurgan hollarda pastliklar, chuqurliklar va barcha xavfsiz yerlarga yotgan holda himoyalanish; - buzilgan binolarga kirish, xavfli ustunlar, reklama ustunlari va daraxtlar ortiga yashirinish taqiqlanadi; - kuchli shamoldan so‘ng elektr va gaz jihozlaridan ular tekshirilgandan keyin foydalanish talab etiladi. Shu o‘rinda Favqulodda vaziyatlar vazirligi avtomobillarni daraxtlar ostida qoldirmaslikni tavsiya etadi.

🟥🟥🟥🟥🟥🟥 ⏺⏺⏺⏺⏺⏺ 📣QADRLI NAMANGANLIK YOSHLAR!!! 🇺🇿Sizlarni 19-iyun soat 19:30da Davlatobod tumanida joylashgan "Afsonalar vodiysi" tematik parkida "Yoshlar oyligi" munosabati bilan bo'lib o'tadigan “Yangi O'zbekiston yoshlari, birlashaylik!” shiori ostidagi GALAKONSERTga taklif etamiz. 🎶Dastur mehmonlari yoshlarimiz suygan san'atkorlar, estradamiz yulduzlari Bojalar guruhi, Shohruh REPPER, Benom guruhi, Shohruhxon, Bravo jamoasi vakillari hamda Yoshlar ovozi tanlovining respublika bosqichi g‘oliblari shuningdek viloyatimizning bir guruh xushovoz xonandalari ishtirok etishadi. 🎙Konsertga kirish mutlaqo BEPUL. #yoshlarkuni #yoshlik #yoshlarbilan Bizning sahifalarimiz: ✅Telegram | ✅Instagram | ✅Facebook‌‌

“TELERADIOKOMPANIYA ZO‘R” MChJ Saran Media International Limited (Malta) kompaniyasi bilan “Yevro-2024” futbol musobaqalarini O‘zbekiston Respublikasi hududida to‘g‘ridan to‘g‘ri efirga uzatish bo‘yicha litsenziya shartnomasi tuzilganligini ma’lum qildi. Namangan viloyat adliya boshqarmasi ✅Kanalga ulanish: @aokanamangan

63-xalqaro gullar festivali #17june #uzbekiston24 mtrk.uz | Youtube | Facebook | Telegram | uztv.tv | TV-dastur

♻️ Байрам шукухи ва "Мехр саховат" тадбирлари давом этмоқда. 🔰 Бугун Тўрақўрғон туман "Инсон" ижтимоий хизматлар маркази томонидан "Хайит байрами" муносабати ногиронлиги бўлган шахсларни маданий хордиқ олишларини таъминлаш мақсадида Поп туманида жойлашган "Чодак" дам олиш масканига саёҳатлари ташкил этилди.

✅ Мазкур дам олиш масканига туманда истиқомат қилувчи 30 га яқин ногиронлиги бўлган шахслар жалб қилинди.

✳️Туманда байрам ва "Меҳр-саховат" тадбирлари давом эттирилмоқда.

Азиз тумандошлар! Мана шу файзли дамларда Сизларни улуғ айём – Қурбон ҳайити билан чин қалбимдан самимий табриклайман. Ушбу кунга тинчлик-омонлик ва сиҳат-саломатликда етказгани учун Яратганга чексиз шукроналар айтамиз. Инсонни, унинг шаъни, қадр-қиммати ва ҳурматини улуғлаш каби муқаддас тушунчаларни ўзида акс эттирган ушбу байрам юртимизда халқимизни ҳаётдан рози қилиш борасида олиб бораётган кенг кўламли ислоҳотларнинг маъно-мазмунига ҳар томонлама уйғун ва ҳамоҳанг экани билан ҳам эътиборлидир. Эл-юртимизнинг бу муборак ойда қилган ибодатлари, эзгу ниятлари ижобат бўлсин! Азиз Ватанимизда тинчлик ва барқарорлик ҳамиша бардавом бўлсин! Аҳрорбек Мансуров, Тўрақўрғон тумани ҳокими.

Ўзбекистон халқига Қурбон ҳайити табриги — Поздравление народу Узбекистана с праздником Курбан хайит Prezident.uz|Facebook|Instagram|YouTube|X

🔰Тўрақўрғон туманида ғалла ўрими авж паллага кўтарилди ИИБ бошлиғи, 3-сектор раҳбари Улуғбек Муродуллаев томонидан туман ҳудудида ғалла ўрими жараёнлари назорат қилинмоқда. Туман ғаллакорлари бу йил 4876 гектар майдонда деҳқончилик қилиб, қабул пунктларига ҳар қачонгидан ҳам мўл, сара дон етказиб бериш учун астойдил меҳнат қилмоқдалар. Эндиги навбат ўрим-йиғимни уюшқоқлик билан ўтказишдан иборат. Бу муҳим агротехник тадбирга 19 та юқори унумли ўрим комбайнлари ҳамда ҳар битта отрядга 5 тадан юк ташиш машинаси, кўчма дам олиш хонаси, зарур қишлоқ хўжалик техникалари, техник хизмат кўрсатиш устахонаси, ёқилғи таъминотчиси, сомон йиғиш механизмлари жалб этилган.

Қурбон ҳайитини кўнгилли ўтказамиз Туман ички ишлар бўлимида Қурбон ҳайити байрамига тайёргарлик кўриш бўйича ҳокимлик, имом хатиблар, корхона ва ташкилотлар раҳбарлари, масжидлар ҳудудидаги маҳалла фуқаролар йиғинлари раислари иштирокида йиғилиш ўтказилди. Йиғилишда жомъе масжидларида Ҳайит намози вақтида жамоат тартибини сақлаш, йўл ҳаракати хавфсизлигини таъминлаш, фуқаролар томонидан автомобилларни тартибсиз жойлаштириш ҳолатларини олдини олиш ва ёнғин хавфсизлигини таъминлаш, тез тиббий ёрдам машинаси ва малакали тиббиёт ходимлари навбатчилигини ташкил қилиш, электр тизими билан боғлиқ юзага келиши мумкин бўлган муаммоларни барвақт олдини олиш бўйича мутасаддиларга кўрсатмалар берилди. Тўрақўрғон тумани ҳокимлиги Ахборот хизмати.

Ёшларни ватанпарварлик руҳида тарбиялаш, уларга тўғри йўл кўрсатиш мақсадида 2-сектор маҳаллаларидаги оталиққа олинган, мактаб битирувчилари ҳамда уюшмаган ёшларни прокуратура органлари фаолияти билан яқиндан таништириш мақсадида туман прокуратураси биносида “Очиқ эшиклар куни” тадбири ўтказилди. Дастлаб тадбир иштирокчиларига прокуратура органлари фаолиятига бағишланган видеоролик намойиш этилди. Шунингдек, туман прокурори А.Юсупов ва тизим ходимлари, Иқтисодий жиноятларга  қарши курашиш департаменти ва Мажбурий ижро бюроси туман бўлими раҳбарлари ўзларига юклатилган вазифалар ҳақида ёшлар билан самимий суҳбатлашиб, ҳуқуқий соҳадаги касблар тўғрисида атрофлича маълумот беришди. Шу каби, соҳада амалга оширилаётган ишлар, ходимларни ижтимоий ҳимояси, яратилган шароитлар билан атрофлича таништирилди. Тадбир сўнгида ўсиб келаётган ёшларга ҳаётда юксалиш, ўз олдига қўйган мақсадга эришиш омиллари бўйича тегишли тавсиялар берилди ҳамда фаол ёшларга китоблар совға қилинди.

Қўшқайрағоч маҳалласида истиқомат қилувчи Нозимжон Қозоқов меҳнат фаолиятининг асосий қисмини халқ таълими соҳасини ривожлантиришга бағишлаб, бугунги кунда кексалик гаштини сураётган табаррук инсонлардан бири. Қурбон ҳайити муносабати билан вилоят ҳокими Шавкатжон Абдураззоқов, Нуронийлар кенгаши раиси Икромхон Нажмиддинов Нозимжон Қозоқовни йўқлаб келишди. 1984-1988 йилларда вилоят халқ таълими соҳасини бошқарган пайтларимда асосий эътиборни уч навбатли мактабларни кенгайтиришга қаратганмиз. Наманган шаҳри, Косонсой, Уйчи, Чуст, Тўрақўрғон туманларида жами йигирма минг ўринли мактаб, 12 минг ўринли боғчалар қурилган,-деди меҳнат фахрийси. Суҳбат давомида ҳозирда таълимга берилаётган эътибор, иқтидорли ёшларнинг сони тобора ортиб бораётгани тўғрисида сўз борди. Ва шундай ишларнинг ташаббускори муҳтарам Президентимизга миннатдорчилик билдирилди. Тўрақўрғон тумани ҳокимлиги Ахборот хизмати.

Наманган вилояти ИИБ бошлиғи полковник Шухрат Алиев томонидан Тўрақўрғон туманидаги маҳаллалар фаолияти ўрганилди Бугун полковник Шухрат Алиев маҳаллаларда жиноятчилик ва ҳуқуқбузарликларнинг олдини олишда амалга оширилаётган ишлар билан танишиш мақсадида Тўрақўрғон туманида бўлиб, «Исвахон» ҳамда «Истиқлол» маҳаллалари еттилиги билан учрашди ҳамда уларнинг ўтган давр мобайнидаги фаолиятини атрофлича муҳокама қилди. Ўрганиш давомида маҳаллаларда содир этилган оила-турмуш доирасидаги жиноятларнинг келиб чиқиш сабаблари чуқур таҳлил қилиниб, бу борада «маҳалла еттилиги»нинг аҳоли муаммоларини ўрганишда етарлича иш ташкил этмаганлиги танқид қилинди. Шу билан бирга, маҳаллаларда хавфсиз муҳитни шакллантириш, ҳудудларни тўлиқ камералаштирган ҳолда профилактика инспекторининг хизмат хонасига интеграция қилиш, миграциядан қайтган фуқароларнинг бандлигини таъминлаш, аҳоли муаммоларини доимий ўрганиб бориш юзасидан масъул ходимлар зиммасига тегишли вазифалар юкланди. Шунингдек, профилактика инспекторига кунлик фаолияти давомида хизмат интизоми ва қонунийликка қатъий амал қилиши юзасидан аниқ топшириқлар берилди. Наманган вилояти ИИБ Ахборот хизмати.