ИСЛАМ ТААНУУ

Шаууаль айында алты күн орозо тутуу Абу Аюуб Аль-Ансорийден (андан Аллах ыраазы болсун) риваят: "Аллахтын Элчиси ﷺ айтты: "Кимде-ким Рамазан айында орозо кармап, андан кийин шаууаль айында алты күн артынан орозо кармаса - бир жыл орозо кармагандай болот." 📚Муслим 1164 ❓Өкүмү кандай? - Сүннөт. Ким кармаса бир жыл толук орозо кармагандай сооп алат. Ал эми ким таштаса күнөөкөр болбойт. ❓Качан кармоо керек? - Айт майрамынын эртеси, экинчи күнү эле кармап башталат ал эми Айт күнү орозо кармаганга болбойт. ❓Канча күн кармоо керек? - Алты күн орозо кармалат. ❓Бөлүп-бөлүп кармаса болобу? - Ооба. Шаууаль айынын башында, ортосунда, аягында бөлүп-бөлүп кармаса болот. ❓Кандай кармаганы жакшы? - Айттан кийин, Шаууаль айынын башында, бөлбөй жана катарынан кармаган жакшы. ❓Рамазандан карызы барлар кармай берсе болобу? - Рамазан айынан карызы барлар ошол казасын өтөп бермейинче кармаганга болбойт. Себеби хадисте Рамазанды кармап анан артынан алты күн кармаса деп айтылган. Ошол үчүн карызын шаууаль айында өтөп анан алты күнгө жетишсе, кармаса болот. ❓Баштаган адам бүтпөй калса күнөкөр болбойбу? - Жок. Мунун өкүмү - сүннөт. Колдон келишинче жакшы ниет менен кармай берүү керек. Бир себептерден улам толук бүтпөй калсаңыз күнөөкөр болбойсуз. Тескерисинче, эки же үч күн болсо дагы ал үчүн сооп аласыз. ❓Бул алты күндү кармаганда Рамазандагы карызымды да ниет кылып кармасам экөөн тең кутулууга болобу? - Жок, андай болбойт! Моюнуңузда парз орозо турганда сүннөт орозо менен алектенбеңиз, биринчи казаны бүтүрүп анан алты күндү кармаңыз, бешимдин парызы менен сүннөтүн кошуп бирге окуу мүмкүн болбогон сыяктуу эле болбойт, ал эми кээ бир адамдардын кошсо болот деген сөзүнө көңүл бурбаңыз, ал туура эмес. ❓Шаууаль деген эмне? - Шаууаль деген Рамазан айынан кийинки айдын аты. ❓Сообу кандай? - Бир жыл толук орозо кармагандай сооп берилет. __ 🖌 Талас Артыкбаев 👉 //t.me/islamtaanuu

Айт намазы кандай окулат? ⏳Убактысы Күн чыккандан кийин 20 мүнөт өткөн соң убактысы кирет. Ошону менен күн оогонго чейин уланат. Канча рекет окулат? Айт намазы эки рекет окулат. Намазга азан жана комат айтылбайт. Кандай тартипте окулат? 1. Айт намазын оокууга ниет кылынат 2. "Аллоху акбар" деп такбир айтып, намазга кирет. 3. Сана дубасы окулат. 4. Андан кийин намазга киргенде айтылган такбирден башка "Аллаху акбар" деп дагы 6 жолу такбир айтылат (ар бир такбирдин ортосунда Субханаллах деп айткандай убакыт турат) жана эки рекетте тең ар бир такбирлерди айтканда кол көтөрсө болот. 5.  "Аьузубиллахи минаш-шайтоонир-рожийм, Бисмилаахир-рохмаанир-рохийм" окулат. 6. Фатиха сүрөсүн окуйт. 7. Фатихадан кийин зам сүрө окулат (Эгер Аьлаа сүрөсүн билсе ушул сүрөнү окуйт. Себеби бул сүннөттө келген. Ал эми ал сүрөнү билбесе, өзүнө жеңил болгон каалаган сүрөнү окуй берет)андан кийин руку сажда кылат. 8.Кийин "Аллаху акбар" деп экинчи рекетке турат. 9. "Аллаху акбар" деп экинчи рекетке тургандан башка дагы  5 жолу Аллоху акбар деп такбир айтат. 10. "Бисмиллахир-рахмаанир- рахийм" деп Фатиха сүрөсүн окуйт. 11. Зам сүрө окуйт (эгер билсе Гошийа сүрөсүн окуу сүннөт. Билбесе өзүнө жеңил болгон сүрөнү окуйт) 12. Андан кийин рүкүгө,  саждага барып, кийин ташаххуд, салават айтып, салам берип, намаздан чыгат. 13. Айт намазы үчүн кутба кылуу сүннөт ал айт намазынан кийин кылынат. 🖋️Талас Артыкбаев t.me/islamtaanuu Макала менен башкаларга бөлүшүп жакшылыкка себепчи болуңуз!

Айт намазы кандай окулат? ⏳Убактысы Күн чыккандан кийин 20 мүнөт өткөн соң убактысы кирет. Ошону менен күн оогонго чейин уланат. Канча рекет окулат? Айт намазы эки рекет окулат. Намазга азан жана комат айтылбайт. Кандай тартипте окулат? 1. Айт намазын оокууга ниет кылынат 2. "Аллоху акбар" деп такбир айтып, намазга кирет. 3. Сана дубасы окулат. 4. Андан кийин намазга киргенде айтылган такбирден башка "Аллаху акбар" деп дагы 6 жолу такбир айтылат (ар бир такбирдин ортосунда Субханаллах деп айткандай убакыт турат) жана эки рекетте тең ар бир такбирлерди айтканда кол көтөрсө болот. 5. "Аьузубиллахи минаш-шайтоонир-рожийм, Бисмилаахир-рохмаанир-рохийм" окулат. 6. Фатиха сүрөсүн окуйт. 7. Фатихадан кийин зам сүрө окулат (Эгер Аьлаа сүрөсүн билсе ушул сүрөнү окуйт. Себеби бул сүннөттө келген. Ал эми ал сүрөнү билбесе, өзүнө жеңил болгон каалаган сүрөнү окуй берет)андан кийин руку сажда кылат. 8.Кийин "Аллаху акбар" деп экинчи рекетке турат. 9. "Аллаху акбар" деп экинчи рекетке тургандан башка дагы 5 жолу аллоху акбар деп такбир айтат. 10. "Бисмиллахир-рахмаанир- рахийм" деп Фатиха сүрөсүн окуйт. 11. Зам сүрө окуйт (эгер билсе Гошийа сүрөсүн окуу сүннөт. Билбесе өзүнө жеңил болгон сүрөнү окуйт) 12. Андан кийин рүкүгө, саждага барып, кийин ташаххуд, салават айтып, салам берип, намаздан чыгат. 13. Айт намазы үчүн кутба кылуу сүннөт ал айт намазынан кийин кылынат. 🖋️Талас Артыкбаев t.me/islamtaanuu Макала менен башкаларга бөлүшүп жакшылыкка себепчи болуңуз!

Намазга такбир айтып барабыз.

АЙТ НАМАЗЫНА БАРУУДАГЫ СҮННӨТТӨР 1) Гусул алуу Мусулман айт намазына чыгуунун алдында жума намазына алгандай  гусул алуу сүннөт. Себеби Абдуллах ибн Умар айт намазына чыгаарда гусул алган. Нафиъ (Аллах андан ыраазы болсун) айтат:  "Абдуллах ибн Умар орозо айт майрамына чыгуунун алдында гусул алып туруп чыгаар эле". 📚 Муатто (2/248) Имам Нававий сахих деген. 2) Так санда курма жеп чыгуу Орозо айт майрамына чыгардын алдында оозду  так санда курма менен ачып чыгуу сүннөт. Ал эми кайсы бир мусулман курма таппаса башка нерселер менен оозун ачып чыгат, себеби  мусулман айт күнү орозо кармоодон кайтарылган. Анас ибн Малик (Аллах андан ыраазы болсун) риваят кылат:  "Аллахтын Элчиси ﷺ Орозо айтка чыгуунун алдында так санда (бир же үч) курма жемейинче чыкпайт эле." 📚Бухари 953 3) Такбир айтуу Орозо айт күнү кылынуучу сүннөттөрдүн бири - Аллахты улуктап такбир айтуу керек. Себеби алгачкы өткөн солих адамдар айтка караган түндөн баштап, имам айт намаз окуу үчүн чыкканга чейин такбир айтышкан. Малик ибн Анастан (Аллах андан ыраазы болсун) риваят: "Абдуллах ибн Умар орозо Айт күнү имам (намазга) чыкканча такбир айтчу эле". 📚 Ахкамул-айдайн (1/111) 4) Бири бирин куттуктоо Айт күнү мусулмандар бири бири менен жолукканда "такабалаллоху минна уа минкум" деп айт менен куттуктап айтуу сүннөт, анткени бул нерседе сахабалардан асар келген. Жабир ибн Абдуллах (Аллах андан ыраазы болсун) айтат: "Аллахтын Элчисинин ﷺ сахабалары айт күнү жолугушканда бири-бирине "Аллах бизден жана силерден кабыл кылсын"- деп айтышаар эле." 📚Тамамул-минна 354. Имам Албани сахих деген. 5) Эң жакшы кийимин кийип баруу Ар бир мусулман айт намазына таза, эң жакшы киймин кийип баруу сүннөт, себеби Аллахтын Элчиси ﷺ хадисте айт намазына эң жакшы чепкенин кийип чыкканы келген. Ал эми аялдар ауратын толук жапкан, тар эмес, денеси көрүнбөгөн, эркектерди өзүнө тартпаган, ачык өңдүү болбогон кийимдерди кийиши важип. Жабир ибн Абдуллах ( Аллах андан ыраазы болсун) айтат: "Аллахтын Элчисинин ﷺ чепкени бар эле, аны эки айт менен жума намазына кийип чыкчу". 📚Сахийх ибн Хузайма (1765) Абдуллах ибн Умар (Аллах алардан ыраазы болсун) Айт намазына эң жакшы кийимин кийип чыкчу эле. 📚Сунану ал-Байхакий (3/281) 6)Башка жол менен кайтуу Айт намазына барган жол менен кайтпай башка жол менен кайтуу. Аалымдар: "Айт намазга барып келген жолдор Кыямат күнү Аллахтын алдында күбөлүк берет"- деп айтышкан. Жабир ибн Абдуллах ( Аллах андан ыраазы болсун) айтат:  "Аллахтын Элчиси ﷺ Айт намазга барган жолу менен  келбей, башка жол менен кайтчу эле". 📚Бухари 986 🖋 Талас Артыкбаев 👉t.me/islamtaanuu Башкалар менен бөлүшүп, соопко шериктеш болуңуз!

Ok

Ассалому алайкум уа рохматуллоху уа баракатух. Урматтуу мусулман бир туугандар, бүгүн 8-апрель рамазан айынын жыйырма тогузунчу күнү ай көрүнбөгөнүнө байланыштуу эртең  9-апрель орозонун отузунчу күнүн толуктап 10-апрель айт күнү болуп эсептелет. Аллах Таала бул берекелүү Рамазан айында кылган солих амалдарыбызды кабыл кылып, кылган күнөөлөрүбүздү кечирип, кийинки Рамазанга саламатта жеткирген болсун. t.me/islamtaanuu Башкалар менен бөлүшүп соопко шериктеш болуңуз!