Oshoo Official

Namoonni tokko tokko akkamitti dubartiin Jalloodha! Jetta jechuun na komatu. Dhugaa qabu.Mirgaas qabu. Waa'ee jallina jaraa itti deebina. Yoo lubbuun jiraanne nama hubatuuf,Jallinni dubartii ilma dhiiraatif faayidaa guddaa qaba. Miidhama guddaas qaba.Waan lama qofa.Milkaahuu yookaan Maraachuu.Garaagarummaa kana kan fidu ciminaa fi dadhabina Dhiiraati.Yoo jallina ishee dandamachuu dandeesse Dhiira jabaa taatee baata.Garuu Carraa xiqqoo qabda.Waaqni jabina siif haa laatu.Akkasuma yoo jallina ishee dadhabde,Sammuun kee nyaatameeti,maraattuu nuuf taata.Yoo jabaattee jalaa baate,jallinni Dubartii akka Aduutti guddisee si muldhisa.Harka yoo kannite immoo kophaa haasawaa of argita.Kanaafuu jabaadhu.Afaan isheetis baradhu.Adabaas goradhu.Ishee waliinis morkii hin galin.Jallina isheetiis amaniiti waliin jiraadhu.Sossobaa horadhuun.Dubartiin ati jalloo miti jettee quba natti qabdu,kan ishee uumeetu "Lafee jalloo" irraa uumamuu ishee siif hime.Anarraa bu'i.Dhugaa qeebali.Dubartiin akka Lafee jajalloo cinaachaati.Amma yaa'ii dhiisi.Naaf qajeelchi jetteetis hin kadhatin.Waan hin qajeelle hin gaafatin.Ati qajeeliif.Anaas qajeelchiif jedhii karadhu.🏃🙆

Gara Samii ol ba'een dachee kana gad daawwachuu barbaadeen ture.Hin dandeessu jedhameen hafe.Turtii keessa eyyama nan argadhe.Eyyama daqiiqaa muraasa qofaaf ta'e.Qaama koo dhiiseen,ruuhii kootin ol ba'e.Nan rifadhe.Ol ba'uu kootti nan gaabbe. Dachee kanarra yeroon turetti wantoota arguuf fagoo natti ta'an baayyeen arge.Hammeenyi Ilmaan namaa dukkana keessatti akka urjii guyyaa keessa akka aduutti ifee muldhata.Gara jabeenyaa fi cubbuun warra dachee.Jallinaa fi jibbiinsi warri lafa keessa jiran ajab na jechisiise.Afaan qabadha jedheen,afaan koo dachee keessatti dhiisee dhufuu koo yaadadheen dhiise. Obsi warra Samii na dinqe.Gara baldhina Uumaa nan dinqisiifadhe.Amma Daqiiqaan koo dhumee jira."Deemiitii ganda keetti deebi'i" Naan jedheen.Ani nan dide.Gurra koo qabanii gad na darban.Kunoo amma gad deebineeti, hammeenya keenya waliin gaarii ta'uuf tattaafachaa jirra.Gaarii nu taasisiin kadhaa kooti.🤲

Gaazexessituun Laura jedhamtu tokko af-gaaffii Paulo Coelho waliin dhimma kitaaba isaa irratti gooteefiin gaaffii akkas jedhu dhiheessiteef:-) "Paulo duuti naannoo koo jira jettee ni amantaa? " Paulo :" Eeyyeen duuti yeroo hunda barcuman irra taa'urra,siree ani rafurra,waanan raawwadhu maraa keessa jira.Amma yoon si waliin dubbadhu kana iyyuu barcuma ani taa'aa jirurra na waliin taa'aa jira" jedhee deebiseef. Gaazexessituun sun seeqxee " Du'a akkamitti hubatta? Akka keetti duuti siif maalidha" jettee gaaffii biraa dhiheessiteef. Paulo'n " Ani du'a akka dubartii bareedduuttin ilaala." jedhee deebii ajaa'ibaa deebiseef. Gazexeessitittiin gaaffii itti fuftee:) "Amma maal siin jechaa jirtiree dubartiin bareedduun kun?" jettiin Paulo'n " Si dhungachuun barbaada naan jechaa jirti.Ani immoo amma akka ati na dhungattu hin barbaadu jechaaniin jira. Garuu,isheen akka gaaf tokko na kaadhimmattee natti heerumtu natti himtee jirti. Anis gaafa guyyaan isaa ga'u akka isheen na kaadhimmattee natti heerumuu dandeessun waadaa seeneef" jedhee deebiseef. Maalan jechuu barbaade beektuu duuti asuma jirti jechuu yaadeeni. Ammoo obboloonni keenya dhiiraa dubartii bareedduu arganne jettanii itti hin gaggabiinaa farra badisaa isinii ta'uu dandeessi akka jechuuti. Piroofeesar siif duuti maalidha? 😆🤝

Wanti na gaddisiisu Isa namoonni jireenya jireenya hin jedhamne gammachuun jiraataniidha!🤣 ☝️ Irra deebi'ii Dubbisi