Вже доступно! Дослідження Telegram за 2025 — головні інсайти року 
ዳጉ-ጆርናል/Dagu-Journal
Відкрити в Telegram
The best fiction is far more true than any journalism 📢 ተዓማኒ የመረጃ ምንጭ ፤ ለሙያው ስነምግባር ተገዢ በሆኑ ጋዜጠኞች ብቻ 👉 በፌስቡክ ገፆቻችን https://www.facebook.com/simon.dereje.56 👉 https://www.facebook.com/mik0Man
Показати більше📈 Аналітичний огляд Telegram-каналу ዳጉ-ጆርናል/Dagu-Journal
Канал ዳጉ-ጆርናል/Dagu-Journal (@zena24now) у мовному сегменті Амхарська є активним учасником. На даний момент спільнота об'єднує 42 133 підписників, посідаючи 6 165 місце в категорії Новини і ЗМІ та 772 місце у регіоні Ефіопія.
📊 Показники аудиторії та динаміка
З моменту свого створення невідомо, проект продемонстрував стрімке зростання, зібравши аудиторію у 42 133 підписників.
За останніми даними від 03 липня, 2026, канал демонструє стабільну активність. Хоча за останні 30 днів спостерігається зміна кількості учасників на -322, а за останні 24 години на -7, загальне охоплення залишається високим.
- Статус верифікації: Не верифікований
- Рівень залученості (ER): Середній показник залученості аудиторії становить 15.32%. Протягом перших 24 годин після публікації контент зазвичай збирає 12.08% реакцій від загальної кількості підписників.
- Охоплення публікацій: В середньому кожен допис отримує 6 457 переглядів. Протягом першої доби публікація в середньому набирає 5 091 переглядів.
- Реакції та взаємодія: Аудиторія активно підтримує контент: середня кількість реакцій на один пост – 36.
📝 Опис та контентна політика
Автор описує ресурс як майданчик для висловлення суб'єктивної думки:
“The best fiction is far more true than any journalism
📢 ተዓማኒ የመረጃ ምንጭ ፤ ለሙያው ስነምግባር ተገዢ በሆኑ ጋዜጠኞች ብቻ
👉 በፌስቡክ ገፆቻችን https://www.facebook.com/simon.dereje.56
👉 https://www.facebook.com/mik0Man”
Завдяки високій частоті оновлень (останні дані отримано 04 липня, 2026), канал підтримує актуальність та високий рівень охоплення публікацій. Аналітика показує, що аудиторія активно взаємодіє з контентом, що робить його важливою точкою впливу в категорії Новини і ЗМІ.
42 133
Підписники
-724 години
-717 днів
-32230 день
Архів дописів
42 133
የኬፕቨርዲ አሰልጣኝ ስጦታዎች
ጨዋታው ከመጀመሩ በፊት ወደ ተቃራኒ አሰልጣኞች ይሄዳሉ፤ የክብር ሰላምታና የክብር ስጦታ ያበረክታሉ።
ይህ የኬፕቨርዲው አሰልጣኝ ፔድሮ ሊያቶ ብሪቶ(በቢስታ) በአለም ዋንጫው አራት ጨዋታቸው ላይ ያሳዩት ተመሳሳይና አነጋጋሪ ተግባራቸው ነው።
ለአሰልጣኞቹ ለስፔኑ ሊዊስ ደላ ፉንቴ፥ ለሳኡዲ አረቢያው ጆርጀስ ዶኒስ፥ ለኡራጋዩ ማርሴሎ ቢየልሳ ትናንት ደግሞ ለአርጀንቲናው ሊዮኔል ስካሎኒ ስጦታ ሲያቀብሉ ታይተዋል።
ለሁሉም አሰልጣኞች የሚሰጡት ስጦታ ተመሳሳይ ነው፤ የትንሿ ሀገር የኬፕቨርዲ 10 ደሴቶችን የያዘና የሚገኙበትን ቦታ የሚጠቁም የካርታ ምስል ከማብራሪያ ጋር አበርክተዋል።
የቀድሞ የኬፕቨርዲ ተከላካይና አምበል፥ ለባለፉት ስድስት አመታት ደግሞ የብሄራዊ ቡድኑ አሰልጣኝ የሆኑት የ56 አመቱ በቢስታ በእጃቸው ለአሰልጣኞች ስጦታ እየሰጡ፥ በገነቡት ጠንካራ ቡድን ደግሞ ሃገራቸውን ለአለም አስተዋውቀው ትልቅ ገድል ፈፅመዋል።
500ሺህ ህዝብ ብቻ ያላት ትንሿ አፍሪካዊት ሀገር ኬፕቨርዲ አሁን በደንብ ታውቃለች፤ የአለም ዋንጫው ክስተትም ሆናለች፤ ነገ እሁድ ሰኔ 28 ከፖርቹጋል ነፃ የወጣችበትን 51ኛ አመት የምታከብረው ኬፕቨርዲ እድሜ ለአለም ዋንጫ ቡድኗ 'የት ነች? ከሚል ጥያቄም ነፃ ወጥታለች።
በታምሩ ዓለሙ
#ዳጉ_ጆርናል
42 133
"ጥቆላዬን ስሰራ የቴክኒክ ችግር ገጥሞኝ ነበር" ጋናዊዉ ጠንቋይ ናና ኩዋኩ ቦንሳም
ጋናዊዉ ጠንቋይ ናና ኩዋኩ ቦንሳም ከጥቂት ቀናት በፊት ካቦ ቨርዴ አርጀንቲናን ረትታ ታልፋለች ፤የአርጀንቲናም የአለምዋንጫ ጉዞ ይጠናቀቃል ታይቶኛል ሲል ተናግሮ ነበር።
ትናንት ምሽት ታድያ አርጀንቲና ድል ካደረገች በኋላ ትንቢቱ ፉርሽ የሆነበት ይህ ጠንቋይ "ጥቆላዬን ስሰራ የቴክኒክ ችግር ገጥሞኝ ነበር" ሲል ተናግሯል።
ካፈርኩ አይመልሰኝ ማለትም አይደል...
#ዳጉ_ጆርናል
42 133
ሊዮኔል ሜሲ ከምሽቱ የካቦ ቨርዴ አስቸጋሪ ጨዋታ በኋላ ለጋዜጠኞች - "ጨዋታዉ ከተጠናቀቀ በኋላ ከእኔ ጋር ፎቶግራፍ ለመነሳት እና መለያዬን ሲጠይቁኝ ነበር። ሜዳ ላይ ግን አስቃይተዉናል" ሲል የካቦ ቨርዴን ቡድን አድንቋል።
#ዳጉ_ጆርናል
42 133
📢የጥገና ሥራ ለማከናወን የሚቋረጥ የኃይል አቅርቦት🎯
ነገ እሁድ ሰኔ 28 ቀን 2018 ዓ.ም በጥቁር አንበሳ 132 ኪ.ቮ ሃይል አስተላላፊ መስመር ሰበታ ወጪ መስመር ላይ የጥገና ሥራ ለማከናወን የኃይል አቅርቦት የሚቋረጥባቸው አካባቢዎች፦
✅ከንጋቱ 12፡00 እስከ ጠዋቱ 2፡00 ድረስ:-
👉በልደታ ክፍለ ከተማ ዙሪያ እና በጭድተራ ፊት ለፊት፣መላው የመርካቶ ዙሪያ፣ ፔፕሲ ፋብሪካ፣ የድሮው አትክልት ተራ፣ ኤሊያና ሆቴል፣ ሰባራ ባቡር፣ አዲስ ከተማ ቴሌ፣ የኢትዮጵያ ንግድ ባንክ (CBE) ኮል ሴንተር እና አካባቢው ፣
👉በአምስተኛ ፖሊስ ጣቢያ ዙሪያ፣ ሰንጋተራ፣ ጥቁር አንበሳ፣ ሰው ሰራሽ አስተውሎት (AI)፣ የደም ባንክ፣ ፋና ሚዲያ፣ ንብ ባንክ ዋና መሥሪያ ቤት እና ጎላ ሚካኤል ሙሉ፣ በህንፃ ኮሌጅ ዙሪያ፣ ኮካ፣ አብነት፣ መድር-ኃይል፣
👉ጦር ኃይሎች ሆስፒታል እና ቶሎሳ ሰፈር፣ በልደታ ደሴ ሆቴል ዙሪያ፣ መላው ብስራተ ገብርኤል ዙሪያ፣ የኢትዮጵያ ንግድ ባንክ ዋና መሥሪያ ቤት (Commercial Bank of Ethiopia HQ)፣ ፍልውሃ፣ ዘውዲቱ ሆስፒታል፣
👉ጋንዲ ሆስፒታል፣ የሳይንስ ሙዚየም፣ አራት ኪሎ (ባሻ ወልዴ፣1080)፣ ቅድስት ማርያም፣ አንድነት ፓርክ፣ መላው የጨርቆስ ዙሪያ፣ ፌደራል ፖሊስ፣ በልደታ ፀበል ዙሪያ፣ በልደታ ኮንዶሚኒየም ዙሪያ እና አካባቢው ፣
👉ኮሜርስ ኮሌጅ (Commerce)፣ ጥቁር አንበሳ፣ ቴሌ ዳታ ሴንተር፣ አድዋ ዜሮ ዜሮ (Adwa 00)፣ ወዳጅነት ፓርክ እና አካባቢያቸው የኃይል አቅርቦት ተቋርጦ ይቆያል፡፡
ስለሆነም በተጠቀሱት አካባቢዎች የምትገኙ ክቡራን ደንበኞቻችን የጥገና ሥራው ተጠናቆ የኃይል አቅርቦቱ እስኪ መለስ ድረስ በትዕግስት እንድትጠብቁን በትህትና እንጠይቃለን።
#የኢትዮጵያኤሌክትሪክአገልግሎት
42 133
በትምህርት ቤቶች ዙሪያ የትንባሆ መሸጫ ክልከላ ርቀት ወደ 500 ሜትር ከፍ ተደረገ
የአዲስ አበባ ምግብ መድሃኒት ባለስልጣን በትምህርት ቤቶች ዙሪያ የትንባሆ ምርቶች መሸጫ ክልከላ ርቀት ወደ 500 ሜትር ከፍ መደረጉን አስታውቋል፡፡ እርምጃው ህፃናትና ወጣቶችን ከትንባሆ ጭስና ሱስ አደጋ ለመከላከል እንዲሁም በትምህርት ቤቶች አካባቢ ጤናማ እና ንፁህ አካባቢ ለመፍጠር የተወሰደ የጤና ጥበቃ ፖሊሲ መሆኑ ተጠቅሷል።
አዲሱ ደንብ የትንባሆ ምርቶች በትምህርት ቤቶች በቅርብ ርቀት ላይ እንዳይገኙ በማድረግ የህፃናት መጋለጥን ለመቀነስ ያለመ ሲሆን እርምጃው በተለይም በተማሪዎች ዘንድ የትንባሆ ምርት መዳረሻን ለመገደብ እና የሱስ መጀመሪያ ዕድሜን ለመቀነስ የሚያግዝ መሆኑ ተነግሯል።
በተጨማሪም በተካሄደ ሰፊ የቁጥጥር ዘመቻ 1.3 ሚሊዮን ሕገወጥ ሲጋራዎች በቁጥጥር ሥር መዋላቸው ተገልጿል። ይህ እርምጃ በገበያ ውስጥ የሚሰራጩ ሕገወጥ የትንባሆ ምርቶችን ለመቆጣጠር የተደረገ የሕግ ማስከበር እንቅስቃሴ አካል ነው ተብሏል፡፡
በደንቡ መሠረት ትንባሆን የተከለከሉ ቦታዎች ላይ ሲሸጥ የተገኘ ማንኛውም ግለሰብ እስከ 6 ወር ቀላል እስራት ወይም እስከ 5,000 ብር የሚደርስ የገንዘብ ቅጣት ሊጣልበት እንደሚችል ተጠቁሟል።
የባለሥልጣኑ ዋና ሥራ አስኪያጅ ዶ/ር ሙሉ እመቤት ታደሰ ለብስራት ሬዲዮ እንደገለፁት
ይህ የቁጥጥር እርምጃ በከተማ አስተዳደሩ የጤና ፖሊሲ አቅጣጫ መሠረት በተደረገ ውሳኔ መተግበሩን አስረድተዋል።
ህብረተሰቡ የትንባሆ ቁጥጥር ሕጎችን በማክበር ከጭስ ነፃ፣ ንፁህና ጤናማ የከተማ አካባቢ ለመፍጠር ከመንግስት አካላት ጋር እንዲተባበር ጥሪ ቀርቧል።
በሳምራዊት ስዩም
#ዳጉ_ጆርናል
42 133
+1
ግብፅ አውስትራሊያን በመለያ ምት በመርታት ወደ 16ቱ ዙር ተሸጋግራለች።
በግብፅ እና በአውስትራሊያ መካከል የተደረገው እጅግ ማራኪ ጨዋታ በፈርኦኖቹ አሸናፊነት ተጠናቋል።
#ዳጉ_ጆርናል
42 133
ከስምንት ቀናት በኋላ የቬንዙዌላ የመሬት መንቀጥቀጥ ሰለባ የነበረ ሰው በሕይወት ተገኘ
ቬንዙዌላ ውስጥ በተከሰቱ ሁለት ተከታታይ የመሬት መንቀጥቀጦች ምክንያት በፈራረሰ ሕንፃ ፍርስራሽ ውስጥ ለስምንት ቀናት ተይዞ የነበረ አንድ ሰው በሕይወት ተረፈ።የአደጋ ጊዜ ሰራተኞች ሄርናን ጊልን ለመጀመሪያ ጊዜ ካገኙት ከ100 ሰዓታት በላይ ከ140 ቶን ፍርስራሽ ነፃ ማውጣት ችለዋል።
የቬንዙዌላ ተጠባባቂ ፕሬዝዳንት ዴልሲ ሮድሪጌዝ ሐሙስ ዕለት ጊልን በሆስፒታል ውስጥ ጎብኝተው በማህበራዊ ሚዲያ ላይ ባስተላለፉት ቪዲዮ "ሕያው ተአምር" ሲሉ ጠርተውታል። እስከ ሐሙስ ምሽት ድረስ፣ ሰኔ 24 ቀን ቬንዙዌላ በደረሰው የመሬት መንቀጥቀጥ 2,595 ሰዎች መሞታቸው ተረጋግጧል፣ እናም በአስር ሺዎች የሚቆጠሩ ሰዎች አሁንም የደረሱበት አልታወቀም።
ተጠባባቂ ፕሬዝዳንቷ ሮድሪጌዝ በሰጡት ጋዜጣዊ መግለጫ ላይ ሲናገሩ የመሬት መንቀጥቀጡ “በፍፁም ባላሰብነው መጠን የተፈጥሮ አደጋ” ሲሉ ጠርተውታል። የመሬት መንቀጥቀጡ ከተከሰተ በኋላ በሺዎች የሚቆጠሩ ባለስልጣናት መሰማራታቸውን በመግለጽ መንግሥታቸው በጣም በዝግታ ምላሽ ሰጥቷል የሚለውን ትችት እንደማይቀበሉት ተናግረዋል።
በስምዖን ደረጄ
#ዳጉ_ጆርናል
42 133
+1
የኢትዮጵያን የቱሪዝም መዳረሻዎች ያስተዋውቃል የተባለው የፎቶ አውደ ርዕይ ተከፈተ
በአዲስ አበባ ቴክኖ ኢትዮጵያ ከአዲስ አበባ ቱሪዝም ኮምሽን እና ከቦርድ ሴል ፎን አዲስ አበባ እንዲሁም ከህፃናት እና ወጣቶች የትያትር ኮምፕሌክስ ጋር በመተባበር ያዘጋጀው የፎቶ አውደ ርዕይ ተከፍቷል።
ለ10 ቀናት የሚቆየው አውደርዕዩ የቴክኖ አዲሱን ካሞን 50 ፕሮ ስልክ ለማስተዋወቅ የተዘጋጀ ሲሆን በስልኩ የተነሱ 100 ፎቶዎች ለዕይታ ቀርበዋል።
ፎቶዎቹ የኢትዮጵያን የቱሪዝም መዳረሻዎች፣ የተፈጥሮ ውበቶች፣ ባህላዊ እሴቶችና የማኅበረሰቡን የዕለት ተዕለት ኑሮ የሚያሳዩ ምስሎችን ያካትታሉ።
በእለቱም ቴክኖ ኢትዮጵያና አዲስ አበባ ቱሪዝም ኮሚሽን በቱሪዝምና ቴክኖሎጂ ዘርፎች በጋራ ለመስራት የሚያስችል ስምምነት ተፈራርመዋል።
ስምምነቱ የሀገሪቱን የቱሪዝም መዳረሻዎች በሀገር ውስጥና በውጭ ለማስተዋወቅ እንዲሁም ማኅበረሰቡ ሀገሩን የመጎብኘት ባህሉን እንዲያጠናክር አስተዋፅኦ እንደሚያበረክት ተገልጿል።
አውደርዕዩ በአዲስ አበባ ወጣቶች እና ህፃናት ትያትር ቤት የሚከናወን ሲሆን በ10 ቀናት ውስጥ ከ10 ሺህ በላይ ጎብኚዎች ይሳተፋሉ ይጠበቃል ተብሏል።
በሳምራዊት ስዩም
#ዳጉ_ጆርናል
42 133
ስድስት ቀናት በሚፈጀው የአያቶላ አሊ ካሜኒ የቀብር ስነ ስርዓት ላይ 20 ሚሊዮን ሰዎች እንደሚገኙ ይጠበቃል
ኢራን የቀድሞው የጠቅላይ መሪ አያቶላህ አሊ ካሜኒ በአሜሪካ እና እስራኤል በተካሄዱት ጥቃቶች ከተገደሉ ከአራት ወራት በላይ በኋላ ለቀድሞ የጠቅላይ መሪዋ በርካታ ቀናትን የሚጠይቅ የህዝብ ሀዘን እና የቀብር ሥነ ሥርዓቶችን ጀምራለች። የቀድሞው አያቶላህ አስከሬን ከዛሬ አርብ ጀምሮ በቴህራን ግራንድ ሞሳላ ውስጥ ሽኝት የተጀመረ ሲሆን በትውልድ ከተማቸው ማሽሃድ የቀብር ስነ ስርዓቱ ይፈፀማል።
ባለስልጣናት የቀብር ሥነ ሥርዓቱ ከመላው ኢራን እስከ 20 ሚሊዮን የሚደርሱ ሐዘንተኞችን ሊያስተናግድ እንደሚችል አጃንስ ፍራንስ ፕሬዝ ዘግቧል። ይህ የሆነው ኢራን እና ዩናይትድ ስቴትስ በሰኔ ወር ግጭታቸውን ለማስቆም የመጀመሪያ ስምምነት ከተፈራረሙ በኋላ ደካማ የሆነ የተኩስ አቁም ስምምነት መጀመሩን ተከትሎ ነው።
የካሜኒ አስከሬን በየካቲት ወር በአሜሪካ እና በእስራኤል ጥቃት ከተገደሉት የቤተሰብ አባላት አስከሬን ጎን ለጎን ለሦስት ቀናት በግራንድ ሞሳላ ውስጥ ይቀመጣል። ባለስልጣናት በቴህራን የሚገኙ የመንግስት እና የግል ቢሮዎች ከቅዳሜ እስከ ሰኞ እንዲዘጉ ትዕዛዝ ሰጥተዋል፣ የትራፊክ ገደቦች ደግሞ የከተማውን መሃል ለግል ተሽከርካሪዎች እንደሚዘጉ ተወስኗል። በቴህራን ላይ ያለው የአየር ክልል ከዛሬ ጀምሮ በከፊል ተዘግቶ ሰኞ እለት ሙሉ በሙሉ ይዘጋል።
በቴህራን ከሚካሄዱት ሥነ-ሥርዓቶች በኋላ፣ የቀድሞው ከፍተኛ መሪ አስከሬን በማሻድ ከመቀበሩ በፊት ወደ ኢራቅ ቅዱስ ከተሞች ናጃፍ እና ካርባላ ይወሰዳል። የፓኪስታኑ ጠቅላይ ሚኒስትር ሼህባዝ ሻሪፍን ጨምሮ ከተለያዩ ሀገራት የተውጣጡ ተወካዮች በሥነ ሥርዓቶቹ ላይ ይገኛሉ ተብሎ ይጠበቃል። የካሜኔይ ቦታን የተረከቡት ልጃቸው ሞጅታባ ሲሆኑ፣ ከፍተኛ መሪ ከሆኑበት ጊዜ አንስቶ በሕዝብ ፊት አልታዩም።
በስምዖን ደረጄ
#ዳጉ_ጆርናል
42 133
በኢትዮጵያ 50 ሚሊዮን የሚገመቱ ዜጎች የንፁህ መጠጥ ውሃ እንደማያገኙ ተነገረ
በኢትዮጵያ የንጹህ መጠጥ ውሃ ተደራሽነትን በበቂ ሁኔታ ለማሳካት የሚያስችል አዲስ የውሃና ሳኒቴሽን አስተዳደር ሞዴል ለውይይት ቀርቧል።በውይይቱ የፌዴራልና የክልል ውሃና ኢነርጂ ተቋማት ኃላፊዎች፣ ባለሙያዎች፣ የውሃ አገልግሎት ተቋማት፣ የልማት አጋሮችና ሌሎች የሚመለከታቸው አካላት ተሳትፈዋል።
መንግሥት በቀጣዮቹ አራት ዓመታት 100 በመቶ የኢትዮጵያን ህዝብ በንጹህ መጠጥ ውሃ ተደራሽ ለማድረግ አቅዶ እየሰራ መሆኑን የመጠጥ ውሃና ሳኒቴሽን ዘርፍ ሚኒስትር ዴኤታ አምባሳደር ዶ/ር አስፋው ዲንጋሞ መግለፃቸውን ብስራት ሬድዮ ሰምቷል። መንግሥት ከልማት አጋሮችና መንግሥታዊ ካልሆኑ ድርጅቶች ጋር በመተባበር በገጠርና በከተማ ከ230 ሺህ በላይ የውሃ ተቋማትን በመገንባት ከ82 ሚሊዮን በላይ ዜጎችን የንጹህ መጠጥ ውሃ ተጠቃሚ ማድረግ እንደቻለ ገልጸዋል።
ይሁን እንጂ ከ40 እስከ 50 ሚሊዮን የሚገመቱ ዜጎች በንጹህ መጠጥ ውሃ ተደራሽ አለመሆናቸውን ጠቅሰው ይህንን ክፍተት ለመሙላት የተቀናጀ ስትራቴጂና የተጠናከረ የትግበራ ሥራ እየተካሄደ መሆኑን ተናግረዋል።በውሀና ኢነርጂ ሚኒስቴር የህዝብ ግንኙነት ስራ አስፈፃሚ አቶ ጌትነት ስሜ ለብስራት ሬድዮ እንደተናገሩት በውሃ ፕሮጀክቶች ዕቅድ፣ ግንባታና አስተዳደር ሂደት ፣ ፈጣን የህዝብ ቁጥር እድገት፣ የኃይልና የነዳጅ ዋጋ ጭማሪ እንዲሁም ሌሎች ተያያዥ ችግሮች እያጋጠሙ ይገኛሉ።
በተጨማሪም የውሃ ተቋማት ላይ የሚያጋጥሙ ችግሮችን ለመቅረፍ አማራጭ የኃይል ምንጮችን በተለይም በገጠሩ ክፍል ላይ የፀሐይ ኃይልን መጠቀም እንደሚያስፈልግ አስገንዝበዋል።ለዚህም የተዘጋጀው የአስተዳደር ሞዴል የውሃ ተቋማትን በወቅቱ የመጠገን አቅምን ለማሳደግ፣ የውሃ ጥራትን በተከታታይ ለመከታተል ያስችላል ነው ያሉት።
የአገልግሎት ተጠያቂነትን በማጠናከር የማህበረሰብና የግሉን ዘርፍ ተሳትፎን ለማሳደግ እንደሚረዳ የገለፁት አቶ ጌትነት የውሃ አገልግሎት ተቋማትን በፋይናንስና በተቋማዊ አቅም ጭምር ለማጠናከር የሚያግዝ መሆኑን አብራርተዋል።
በቅድስት ደጀኔ
#ዳጉ_ጆርናል
42 133
እስራኤል የኢራን ተደራዳሪዎችን ለመግደል አቅዳለች ሲሉ የአሜሪካ መገናኛ ብዙሃን ዘገቡ
ኒውዮርክ ታይምስ እና ዘ ዋሽንግተን ፖስት የአሜሪካ ባለስልጣናት እስራኤል በዚህ አመት መጀመሪያ ላይ በዋሽንግተን እና ቴህራን መካከል የተፈጠረውን ግጭት ለማስቆም በታለመ ውይይት ወቅት የኢራን ተደራዳሪዎችን ለመግደል አቅዳ እንደነበር ዘግበዋል።
ስማቸው እንዳይገለጽ የፈለጉ ባለስልጣናት ለሁለቱም የዜና ማሰራጫዎች እንደተናገሩት እስራኤል የውጭ ጉዳይ ሚኒስትር አባስ አራግቺን እና የኢራን ፓርላማ አፈ-ጉባኤ የሆኑትን የአገሪቱን ዋና ተደራዳሪ መሐመድ ባገር ጋሊባፍን ለመግደል አቅዳለች ብለዋል። ለኒውዮርክ ታይምስ የተናገሩ ባለስልጣናት አሜሪካ በመካከለኛው ምስራቅ ያሉ ሀገራት ኢራንን ስለ አደጋው እንዲያስጠነቅቁ ጠይቀዋል።
እስራኤል የክልል ግጭቶችን ለማስቆም ውይይቶችን ለማደናቀፍ በሚደረገው ጥረት ተደራዳሪዎች ላይ በማነጣጠር ረገድ ጥሩ ታሪክ አላት። በጥቅምት ወር የእስራኤል ጦር በዶሃ ውስጥ ጥቃት ፈጽሟል፣ የቡድኑ ባለስልጣናት ከእስራኤል ጋር የተኩስ አቁም ሀሳብ እያጠኑ እያለ ጥቃቱ መፈፀሙ ይታወሳል።
በስምዖን ደረጄ
#ዳጉ_ጆርናል
42 133
የኢትዮ-ኬንያ የጠረፍ ንግድ መመሪያ ጸድቆ በይፋ ሥራ ላይ እንዲውል ተወሰነ
በኢትዮጵያና በኬንያ የጋራ ድንበር አካባቢ የሚኖሩ ማኅበረሰቦችን በሕጋዊ የንግድ ሥርዓት ተጠቃሚ ለማድረግና የአካባቢውን ሰላምና ዕድገት ለማጠናከር የተዘጋጀው “የኢትዮጵያ እና የኬንያ የጠረፍ ንግድ መመሪያ” በንግድና ቀጣናዊ ትስስር ሚኒስቴር ጽድቆ ስራ ላይ እንዲውል መወሰኑን ሚኒስቴር መስሪያ ቤቱ አስታውቋል።
ይህ መመሪያ የወጣው ሁለቱ ሀገራት ታህሳስ 10 ቀን 2018 ዓ.ም በአዲስ አበባ ከተማ የተፈራረሙትን “የተቀላጠፈ የጠረፍ ንግድ ማዕቀፍ” በተግባር ለማስፈጸም ሲሆን በፍትሕ ሚኒስቴር መመሪያ ቁጥር 1144/2018 ሆኖ ተመዝግቧል። የዚህ መመሪያ ዋነኛ ግብ በድንበር አካባቢ የሚኖሩ ዜጎች ከመሃል ሀገር በቀላሉ ሊያገኟቸው የማይችሏቸውን መሠረታዊ የፍጆታ ምርቶች በሕጋዊና ቀላል በሆነ መንገድ የጠረፍ ንግድ አሠራር እንዲያገኙ ማስቻል ነው ።
ከዚህ ባለፈ መመሪያው በድንበር አካባቢ የሚስተዋለውን ሕገ-ወጥ የንግድ እንቅስቃሴና ኮንትሮባንድ ለመቀነስ፣አነስተኛ የመነገድ አቅም ላላቸው የድንበር አካባቢ ነዋሪዎችና ዜጎች አዳዲስ የሥራ ዕድሎችን ለማመቻቸት ያስችላል ተብሏል።በመመሪያው በኢትዮጵያና በኬንያ ጎረቤት ሕዝቦች መካከል ያለውን ማኅበራዊና ኢኮኖሚያዊ ትስስር በማጠናከር በአካባቢው አስተማማኝ ሰላምና ጸጥታ እንዲሰፍን ለማድረግ ያስችላል።
እንዲሁም በቅንጅታዊ አሠራር የጠረፍ ንግድ መረጃ አያያዝንና የቁጥጥር ሥርዓትን ለማጠናከር ያግዛል፡፡ በጠረፍ ንግድ ሥርአት ውስጥ ሊገበያዩ የሚችሉት 50 የምርት አይነቶች ሲሆኑ ግብይቱ ሊፈጸም የሚችለው ከኢትዮጵያ እና ከኬንያ የድንበር በር ጀምሮ በኢትዮጵያ በኩል 50 ኪሎ ሜትር፤ በኬንያ በኩል ደግሞ 100 ኪሎ ሜትር ርቀት ውስጥ ባሉ የጠረፍ አካባቢዎች ነው፡፡
በትግስት ላቀው
#ዳጉ_ጆርናል
42 133
በጃፓን የአንዲት ከተማ ከንቲባ ለወሊድ ፍቃድ መውጣቷ ከፍተኛ ህዝባዊ ክፍፍል አስከተለ
በምዕራብ ጃፓን የምትገኝ የአንዲት ትንሽ ከተማ ከንቲባ የወሊድ ፈቃድ እንደምትወስድ መግለጿን ተከትሎ ውዝግብ ተፈጠረ።የ35 ዓመቷ ከንቲባ የወሊድ ፍቃድ መጠየቅን ተከትሎ የተመረጡ ባለስልጣናት ለመውለድ እረፍት መውሰድ አለባቸው ወይ የሚለውን በተመለከተ በአገር አቀፍ ደረጃ ክርክር አስነስቷል።
ሾኮ ካዋታ፣ በምዕራብ ጃፓን ከኪዮቶ በስተደቡብ የምትገኘው የያዋታ ከተማ ከንቲባ ነች፣ ይህችው ከተማ በመቅደሶቿና በቼሪ ዛፎቿ ትታወቃለች። ካዋታ የወሊድ ፈቃድ በይፋ አትወስድም፣ ምክንያቱም የተመረጡ ባለስልጣናት ልጅ ከወለዱ በኋላ እረፍት እንዲወስዱ የሚያስችል ምንም አይነት ድንጋጌ የለም። ይልቁንስ፣ ከምክትሎቿ አንዱን ለጊዜው ኃላፊነቷን እንዲረከብ መድባለች።
ካዋታ በስራ ቦታ ላይ ያሉ ሁሉም ሰዎች ደጋፊ እንደሆኑ ቢናገሩም፣ ይህ በጃፓን ውስጥ ባሉ አጠቃላይ ህዝቦች ዘንድ የተለመደ ጉዳይ አይደለም። አንዳንዶች እሷ ፖለቲካ ውስጥ ለመግባት ለሚፈልጉ ሌሎች ወጣት ሴቶች ጥሩ ምሳሌ እየሆንች እንደሆነ ይናገራሉ። ሌሎች ደግሞ ኃላፊነቷን ችላ በማለቷ ኃላፊነት የጎደላት ሴት እንደሆነች እና ስልጣን ከመያዟ በፊት ልጅ መውለድ እንደነበረባት ይናገራሉ። በጃፓን ከሚገኙት ከንቲባዎች መካከል 4 በመቶ የሚሆኑት ብቻ ሴቶች ሲሆኑ፣ አገሪቱ በዓለም ኢኮኖሚክ ፎረም የሥርዓተ-ፆታ እኩልነት ደረጃ አሰጣጥ መሠረት ከ146 ሀገራት በ118ኛ ደረጃ ላይ ትገኛለች።
በስምዖን ደረጄ
#ዳጉ_ጆርናል
42 133
በኢትዮጵያ ያለእድሜ ጋብቻ ቀንሷል ቢባልም 18 ዓመት ሳይሞላቸው ጋብቻ የሚፈፅሙ ሴቶች አሁንም ቁጥሩ ከፍተኛ ነው
እንደ ሀገር በሴቶች ላይ እየደረሱ ያሉ ፃታዊ ጥቃቶችን ጨምሮ የሴትልጅ ግርዛትንና ያለእድሜ ጋብቻን ከቀደሙት ጊዜያቶች አንፃር በአሁኑ ወቅት በመጠኑ መቀነስ ተችሏል ሲል የሴቶችና ማህበራዊ ጉዳይ ሚኒስቴር አስታውቋል።በጉዳዮ ዙሪያ ለማህበረሰቡ ግንዛቤ ከመፍጠር፣ህጎችንና ፖሊሲዎችን ከማውጣት አኳያ በተሰሩ ስራዎች ይህ ውጤት ሊመዘገብ ችሏል ።
በሚኒስቴሩ የሴቶች መብት ከፍተኛ ባለሙያ የሆኑት አቶ ጌትነት አበብል ለብስራት ሬዲዮ እንደገለፁት የሴት ልጅ ግርዛትን በ2016 ዓመት ከነበረበት 65 በመቶ አሁን ላይ በ 57 ነጥብ 8 በመቶ መቀነስ ተችሏል።እንዲሁም በአማካኝ ሴት ልጆች ትዳር የሚይዙበት ዕድሜ ቀድሞ ከነበረበት 17 ነጥብ 6 በአሁኑ ወቅት ወደ 18 ነጥብ 2 ከፍ ብሏል።
ይህ ውጤት በመጠኑም ቢሆን የመቀነስ አዝማሚያ ማሳየቱን የተናገሩት አቶ ጌትነት ድርጊቱን ሙሉ ለሙሉ ማስቀረት ባለመቻሉ ከ18 አመት በታች በሆነ የእድሜ ክልል ውስጥ ጋብቻን የሚፈፅሙ ሴቶች መኖራቸውን ጠቁመዋል።ያለ እድሜ ጋብቻ የሚያስከትላቸው ጉዳቶች በርካታ መሆናቸው የሚገለፅ ሲሆን የህፃናትን መሰረታዊ የሰብአዊ መብት፣ የትምህርት እና የጤና መብቶች አደጋ ላይ የሚጥል እንደሆነ ይነገራል።
በሴቶች ላይ የሚደርሱ ፃታዊ ጥቃቶችን ለመከላከልና ሁለንተናዊ ተጠቃሚነታቸውን ለማረጋገጥ ብሄራዊ የሴቶች ፖሊሲ ነባራዊ ሁኔታን ታሳቢ አድርጎ የተዘጋጀ ባለመሆኑ ዘመኑን በሚዋጅ መልኩ እንዲሻሻል መደረጉን አቶ ጌትነት አስረድተዋል።አሁን የተሻሻለው ብሔራዊ የሴቶች ማብቃት እና የሥርዓተ-ፆታ እኩልነት ፖሊሲ እነዚህን ችግሮች በመፍታት ለሴቶች በቂ ጥበቃና ምላሽ ለመስጠት እንደሚረዳ ጨምረው ለጣቢያችን ተናግረዋል፡፡
በቅድስት ደጀኔ
#ዳጉ_ጆርናል
42 133
+1
ዘምዘም ባንክ የካፒታል ገበያ ፈቃድ ማግኘቱን አስታወቀ
በኢትዮጵያ የመጀመሪያው ሙሉ በሙሉ ከወለድ ነፃ የባንክ አገልግሎት ሰጪ የሆነው ዘምዘም ባንክ አ.ማ ፣ ከኢትዮጵያ ካፒታል ገበያ ባለሥልጣን የዕውቅና መግለጫ ፈቃድ ማግኘቱን በይፋ ገልጿል። በዚሁ መሠረት ባንኩ ነባርና አዳዲስ አክሲዮኖቹን በይፋዊው የካፒታል ገበያ ላይ በመመዝገብ መገበያየት የሚያስችለውን ዕድል አግኝቷል።
ይህ እርምጃ የባንኩን ጠቅላላ ካፒታል ወደ 15 ቢሊዮን ብር ለማድረስ የተያዘውን ግብ ለማሳካት ትልቅ እገዛ እንደሚያደርግ ተገልጿል።
ባንኩ በተጠናቀቀው የበጀት ዓመት ያስመዘገበውን የፋይናንስ ስኬትም ይፋ አድርጓል። በዚህም ጠቅላላ የደንበኞች የተቀማጭ ገንዘብ መጠን በ81 በመቶ ዕድገት በማሳየት 21 ቢሊዮን ብር የደረሰ ሲሆን፣ የተጣራ ትርፉ ደግሞ የ35 በመቶ ጭማሪ አሳይቶ 1.8 ቢሊዮን ብር መድረስ መቻሉን ብስራት ሬዲዮ ሰምቷል።
ከዚህ በተጨማሪም የተከፈለ ካፒታሉ በ123 በመቶኛ እድገት 5.64 ቢሊዮን ብር የደረሰ ሲሆን፣ የቅርንጫፎቹ ቁጥርም ወደ 130 አድጓል።
የዘምዘም ባንክ አመራሮች ይህ ውጤት የተቋሙን ጠንካራ የለውጥና የዕድገት ጉዞ የሚያሳይ መሆኑንና ለሀገሪቱ ኢኮኖሚ የሚያበረክተውን አስተዋጽኦ ይበልጥ እንደሚያጠናክረው አስታውቀዋል።
በሰብል አበበ
#ዳጉ_ጆርናል
