جيش نخبة🩶🩺

جماعة من فضلكم صدقوني غير معاكم أكبر محفز من ناحية التخصصات راه مجرد رأي شخصي اللي عندو أي راي يمدولنا بلاك يعجبنا ويبقى " إختلاف الآراء نعمة" مكان لاه تتقلقوا اتنفسوا شوية

🛑رأي شخصي ونصيحة انت جبت معدل مليح فالباك اختر حاجة باينة ومضمونة خليك مالأحلام الوردية والتخيلات راك فالجزائر وبعد الدراسة رح تصدم بالواقع كاين بزاف مدارس عليا يخلع فيهم غير الاسم والطلبة هوما لي رفعولها شانها كي خيروها بزاف نمدلك مثال المدرسة العليا المتعددة التقنيات لكان ماشي الطلبة لي يختاروها بزاف رح توصل ل 16 !! وهي لي مدوها ب 12 وديبلوم تاعها مكاش فرق بينو وبين st فالجامعة ونتحدى اي واحد يقول العكس الفرق الوحيد انهم يزدولك ديبلوم مهندس لي بلاك كي تحط سيفي يركزولك غير على الماستر والسطاج لي درتو كي نتا كي st فالجامعة نظن اخطيكم من مدرسة عليا متعددة التقنيات المدرسة العليا للمناجم المدرسة العليا للأشغال العمومية المدرسة العليا للتكنولوجيا المدرسة العليا للفلاحة ....... وكل هذي المدارس ولي تشبهلها اخطيك من المدارس لي راهم يفتحو فيهم جدد رح فالبداية وفالتجارب وحاجة ماهي مضمونة فيها وتقدر يفشل مشروعها اخطيك مالبيطرة والمدرسة العليا للبيطرة لي يخرجوك بنفس الديبلوم مكان حتى فرق جميع التخصصات لي تخص قطاع المحروقات بلاك تغلط وتروح ليهم بسكو مكان ني خدمة ني والو يا أخي جبت معدل مليح استغلوا اقرا حاجة مليحة مضمونة ولا فيها فرص وناجحة في بلادنا كاين الطب وطب الأسنان هذو لي يحوس على مكانة اجتماعية اما كخدمة ومستقبل لازم تصبر شوية وتستنى كاين مدرسة عليا للإعلام الآلي نيفو عليهم وحاجة شابة ومستوى عالي وتكوين جيد وافاق فالمستقبل كاين مدرسة عليا للذكاء الاصطناعي راهي مهتمة بيها بزاف الدولة بصح صعيبة ولازم تخبش كل وقت مثلا عام لي فات ناس جايبين باك 18 واقصاوهم منها مقدرولهاش بصح لي يخبش ويقرا رح ينال كاين مدرسة عليا للاساتذة حاجة شابة ومضمونة وتفتحلك افاق اكمال الدكتوراه كاين الشبه طبي حاجة خفيفة ومضمونة وبقيمتك تخرج صغير ودير افونير على روحك خليك مالأحلام الزايدة عيش حياتك لبنات تخصص قابلة كيف كيف حاجة مرموقة وتخرجي تخدمي وصغيرة خير ما تقراي ميدسين مثلا وتستناي يفتحو مسابقات توظيف وووو هذه مجرد نصائح لنظرة واقعية بعيدة عن نظرة التلاميذ والأحلام الوردية وتبقى الرغبة والميول الدليل الأول في الإختيار موفقون بإذن الله . 🤍

السلام عليكم. بإذن الله راح نحاول نجاوب على عدد كبير من التساؤلات المطروحة فالتعليقات فالبوست السابق بسم الله: 🟢 بالنسبة لتخصص " بصريات وميكانيك الدقة " : 🔹لغة التدريس: فرنسية 🔹مدة التكوين: ثلاث سنوات 🔹ديببلوم: ليسانس مهني ⬅️البرنامج الدراسي يتم فيه التطرق لمختلف المواد électronique électricité, optique, chimie, thermodynamique, les maths, informatique les normes, etc ⬅️مجال العمل بالنسبة للعمل غير مضمون حاليا، لكن التخصص جد مطلوب، لأنه اساسا جاء بطلب من وزارة الصناعة 🟢 المدرسة العليا للأساتذة: هذا تخصص يلائم واحد صبور ومش عصبي يعني هادئ و شخص مش دايرو علاجال الدراهم لانو مش تخصص دير بيه دراهم وشخص حاب يتوظف فالقريب العاجل لانو التوظيف مباشر اما حكاية المواد اللي راح تختارهم هذا راجع لمعدلك فالباك لازم يولي يلحڨك ومعدل المادة اللي راح تدير فيها استاذ لازم تولي جايب فيها فوق 13 (مثال استاذ اجتماعيات لازمك تجيب فالاجتماعيات فوق 13 معدل الباك ككل لازم يلحقك على حساب معدلات القبول السنة هذي ) وانا نصيحة كأخ وكمجرب اذا راك حاب تولي استاذ وفقط يعني ماعندكش طموح فالدراسات العليا يعني الدكتوراه وغيرها اخطيك من المواد العلمية فالمدرسة العليا لانو راح تتعب في قرايتك وفي عملك وراني شفت العام هذا المعيدين فالتخصصات العلمية فالمدارس العليا بكمية كبيرة على خلاف ذلك انو فالمواد الأدبية الراطراباج ونادر وتبقى الرغبة والميول الدليل الأول فالاختيار 🟢 بالنسبة لتخصص الطب هذا تخصص يعتبر من أهم وأروع التخصصات خاصة في شعبة علوم تجريبية أولا باينة بيه الحلم اللي راني عايشوا وقال صلى الله عليه و سلم ﴿ لا يؤمن أحدكم حتى يحب لأخيه ما يحب لنفسه ) انا كيما حبيت نقراها راني حابكم كامل تنجحوا فيه ومعدلات القبول تاعو العام الماضي( 16.52 علوم/ الرياضيات 17.00/ تقني 17.34) مدة الدراسة :7 سنوات شهادة التخرج : دكتوراه في الطب التوظيف غير مباشر لكن الشهادة مطلوبة جدا تخصص صعب فالدراسة لكن يستاهل تضحي بالغالي والنفيس 🟢المدرسة العليا الذكاء الإصطناعيENSIA : هي مؤسسة امتياز للتعليم العالي تتمثل مهمتها في تدريس المهندسين المتخصصين في نظرية الذكاء الاصطناعي وعلوم البيانات مدة الدراسة: 5 سنوات شهادة التخرج : شهادة معادلة للماستر 2 التوظيف غير مباشر لكن الشهادة مطلوبة 🟢 تخصص Mi اي رياضيات واعلام آلي بداية من العام الماضي تم فصلهم الرياضيات وحدها والإعلام الآلي وحدها معدلات القبول: معدل قبول في اغلب الجامعات الجزائرية يترواح مابين 9.50 و11 _مدة الدراسة : 3 سنوات ليسانس تنتهي بمذكرة تخرج مصغرة _ ثم تدرس سنتين في الماستر ثم تنجز في اخر السنة مذكرة وتعرضها لتتحصل على شهادة الماستر وبالتالي تكمل مشوارك الجامعي _دراسة تكون عبارة عنcour, td tp,ولغة تدريس هي لغة لفرنسية هذا التخصص يندرج تحت نظام LMD أي تساؤل آخر تفضلوا سأرد على الجميع بإذن الله موفقون بإذن الله 🤍

اللي عندو اي حاجة حاب يسقسي عليها يكتبها فالتعليقات كي نجمعوا عدد كبير من التساؤلات نجاوبوا عليها كامل بإذن الله

🟢 السلام عليكم. حبيت نوضح فكرة برك جماعة الحمد لله راكم كملتوا الباك كإمتحانات لكن راه بقى اختيار التخصص النصف الثاني للباك يعني التوفيق و النجاح فالباك وحدو مايكفيش لازم يتبعوا توفيق في اختيار التخصص لانو رانا شفنا حالات كثييييرة جابوا الباك بمعدلات و15 و16 وحتى 17 لكن لم يوفقوا في اختيار التخصص الجامعي لهذا لازم ماتخلوا ولا شيء وماتبحثوش عليه من التخصصات ابداوها من تخصصات 10الى تخصصات 19 ( دير احتمال انك تجيب اي علامة وروح أبحث على التخصص اللي يوالمك بذييك العلامة) واي استفسار رانا هنا نعاونوكم بالكاينة وبالاخص( تخصصات المدرسة العليا للأساتذة والطب ) بحكم التجربة موفقون بإذن الله 🤍

🔴 بيان رسميا موعد اعلان نتائج شهادة البكالوريا 20 جويلية 2024 بالتوفيق 🔥😍