Bugun.uz — LIVE

❗️Кинематография агентлиги директори Фирдавс Абдухаликов лавозимидан озод этилди.

Олмалиқда қиз ўзини 16 қаватли бинонинг томидан ташлаб юборганлиги юзасидан Олмалиқ шаҳар ҳокимлиги ахборот хизмати расмий муносабат берди. Маълум қилинишича, 2024 йилнинг 4 июнь куни соат 16:45 да маҳаллий аҳолидан Олмалиқ шаҳар ИИБга «Увайсий» МФЙ даги кўп қаватли 45-уйнинг том қисмидан ўз жонига қасд қилмоқчи бўлаётган қизни қутқариш лозимлиги ҳақида хабар келиб тушган. Шаҳар ИИБ ва ФВБ вакиллари ҳамда МФЙ раиси зудлик билан воқеа жойига келиб қиз билан суҳбатлашган. Аммо олиб борилган музокараларга қарамасдан қиз ўз жонига қасд қилган. Маҳалла раиси ва шу кўп қаватли уй аҳолисининг айтишича, қиз ушбу кўп қаватли уйда яшамайди. Ҳозирда шаҳар ИИБ томонидан марҳум қизнинг шахсига аниқлик киритиш ишлари олиб борилмоқда.

⚡️Олмалиқда қиз ўзини 16-қаватдан ташлаб юборди.

⚡️Ўзбекистонда долларнинг расмий курси кескин ошди. Доллар сўм 12 665,03 (+50,08); Рубль 142,91 сўм (+1,53); Евро 13 769,42 сўм (+101,12) этиб белгиланди.

Тошкентда йўлнинг белгиланмаган қисмидан кесиб ўтаётган пиёда ЙТҲ оқибатида жароҳатланди. Бу ҳақда пойтахт ИИББ ЙҲХБ ахборот хизмати хабар берди. Маълум қилинишича, 3 июнь куни соат 13:55 ларда ҳайдовчи, 1980 йилда туғилган Н.К. Cobalt бошқариб келаётиб, Мирзо Улуғбек тумани Аҳмад Югнакий кўчасида йўлнинг белгиланмаган қисмидан кесиб ўтаётган пиёда, 1998 йилда туғилган Д.Х.ни уриб юборган. Оқибатда пиёда Д.Х. олган тан жароҳатлари билан шифохонага ётқизилган. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.

Судда жами 37 киши, жумладан «Бахти Ташкентский», яъни Бахтиёр Қудратуллаев, унинг укаси Шуҳрат Қудратуллаев ва ўғли Ихтиёр Қудратуллаевлар судланмоқда.

Шунингдек, суд мажлисида айбланувчилардан Аваз Машрафхонов, Санжар Хатамов, Жамшид Солиев, Дилшод Шарипов, Шукурали Қурбонов, Отабек Исламов, Неъмат Багадиров, Анвар Мирзаханов, Давлатхўжа Мўминхўжаев, Мўитдин Шодманов, Вализхон Қурбонов, Аққўлхон Шодманов, Ақшуллохон, Турсун Бобо Андрей Шчелев, Аббосхон Хўжаев, Бекзод Зафаров, Матлаб Насйрхўжаев, Махмуджон Усмонбоев, Бунёд Нармирзаев, Файзиддин Камолов, Акмалбек Норқулов, Тоир Турмонов, Матлуб Мирзоев, Шаҳриёр Раҳимов, Азизжон Алиев, Маҳамажон Қурбонов, Феримар Алиев, Рамсес, Фермажон Қурбонов. Ёров, Шерали Сулаймонқулов , Бахтиёр Бақоев, Муродбек Ибадуллаев ва Наргиза Жуманиёзова ҳам бор.

Тошкент шаҳар Жиноят ишлари бўйича Юнусобод туман судида 3 июнь куни соат 10:00 да Ўзбекистондаги ягона қонун ўғриси «Бахти Ташкентский» ва 2023 йилнинг ноябрь-декабрь ойларида жиноий гуруҳларга қарши ўтказилган рейдларда қўлга олинган 36 нафар шахсга нисбатан жиноят ишини кўриб чиқиш бошланди.

Жиззахда ҳаракатланиб кетаётган Nexia-2 портлаб кетди. Машина ичидаги одамларнинг танаси бўлакларга бўлиниб кетгани айтилмоқда. Вилоят ЙҲХБ матбуот хизмати ҳолат юзасидан маълумот берди.

Ўзбекистон шимолида келаётган 2-3 кунликда юқори ҳарорат ва чанг тўзонлар кўтарилиши мумкин. Сунъий йўлдошдан олинган 27 майдаги тасвирларда Туркманистон ғарбида кучли шамоллар Каспий денгизи жанубий қисми устида ҳам етарли чанг массалари кўтарилани кузатилмоқда.