𝒔𝒕𝒖𝒅𝒚 𝒉𝒂𝒓𝒅 𝒘𝒊𝒕𝒉 𝒓𝒂𝒏𝒐𝒖𝒖𝒄𝒉 | 𝒃𝒂𝒄 2025 💗 🫶🏻

حر مش طبيعي 🫠 جيبولي شتاء مقدرتش للصيف 😭😭

صلاة الفجر

📍وشمن وقت لي تنصحينا نبداو فيه كاين بزاف يقولولي متبدايش بكري يلحق صح تعياي وكاين لي يقولولي عكس 📍وينتا نبداو نقراو للباك؟ 📍وينتا نبداو نقراو من درك ولا مزال الحال وواش من مادة نبداو بيها 📍وكتاش نبداو نراجعو 📍وينتا نبداو نقراو وكيفاه نقراو خاصة المات والفيزيك 😭💗 ************************************ تختلف صيغة السؤال والمعنى واحد باختصار :وكتاه نباو نقراو ونوجدوا للباك ؟؟ هذا السؤال اللي راه محيركم ومخلاكمش تفوتوا العطلةبراحتكم 😂🤌🏻 كاين بزااف فئات نتاع التلاميذ اين الممتاز - المتوسط - الضعيف واللي في النص وتختلف قدرة الاستيعاب تاعهم كل واحد وكيفاه كاين لي يفهم بلخف وكاين لي يلزملزا وقت باه تدخلوا المعلومة الله غالب ✨ بالنسبة للتلميذ الممتاز واللي كان فاهم دروس تاع العام كاامل وكان دائما متفوق في جميع المواد يقدر يبدا من بداية سبتمبر او نصف اوت اما التلميذ المتوسط والضعيف او بالاحرى الفئة اللي كانت تتمسخر ومقراتش في الدوزيام ومهيش عارفة الدروس مليح انا شخصيا منايدش الفكرة تع تقسيم التلاميذ لانوا كامل ععندنا نفس العقل اللي يعرف يمشيه راح ينال المهم هذي الفئة راح يبدا مع بداية اوت ✨ راكم تتسائلوا كفاه نبداو ومنين نبداو 😕🤌🏻 راح تقراو اللغات ضرك بعد من نهار هذا قبل اوت لانها مواد تعتبر ثقافة عامة وحلوة متحسولهاش خلاص تخصصوا ساعة او ساعتين في بلاصة ليلريلز لي تتفرجوهم تروحوا تشوفوا بروغرام تاع الانجليزية والفرنسية وتسجلوا الوحدات تاعكم اواش فيهم وكامل المعلومات وكلش وتحاولوا تبحثوا في ذيك المواضيع لي هزيتوها مثلا عندنا الوحدة الاولى في الانجليزية تحكي على اخلاقيات العمل والفساد اللي فيه الرشوة والاختلاس.......الخ نتوما تهزو احد المواضيع هذو مثلا الرشوة وديروا بحث عليها بالانجليزية وتتفرجوا فيديوهات وترجموهم وحدكم وتحفظوا وش هزيتوا من معلومات نفس الهدرة بالنسبة للفرنسية صدقوني بهاذي الطريقة راح تترسخلكم اكثر خير من تحكموا ورقة معمرة مصطلحات وتبداو تحفظوا راح تكرهوا هك + تحفظوا التصريفات تاع الازمنة اللي تحتاجوهم وتطبقوا عليهم صدقوني راح ترتاحوا بعد ماتكملوهم لانو كامل نخافوا منهم وهوما ساهلين خلااص خاصة تاع الانجليزية خلصت بالنسبة للغات✨💗 المواد العلمية فيزيك ومات وسيونس : انا كي رحت نعقب الباك اكتشفت بلي مكاش حاجة ساهلة كيف هاذو المواد 🥲🤌🏻 مالا مايخلعوكم بيهم موالوا هوما صح فيهم عيب واحد وهو طول البرنامج بصح لي يبدا مع لول ويعرف كفاه ينظم وقتو ويعرف كفاه يفهم ميخلطهاش برك راح يلقى روحو ماشي فيه وفاهم كامل وحداتوا ومطبق عليهم 🌟 ▫️الفيزياء عندها برنامج طويل هوما 7 ولا 8 وحدات تق

ريبا الوحدات لخرين متلحقولهمش راح تبداو بالوحدة الاولى المتابعة الزمنية لتحول كيميائي على الاكسدة والارجاع وكفاه نتابعوا تطور تقدم تفاعل وكمية المادة وهي من اسهل الوحدات انا راح نعطيكم طريقة كفاه دارهالنا استاذنا فليكور مع بداية اوت بدبنا بالكيمياء العضوية سع ةفهمنا كفاه نسميو المركبات والكتابة الطوبوغرافية باه في نهاية العام اذا لحقتوا للوحدة لخرة الاسترة وميكونش عندكم الوقت باه تقراوها مع ضغط جميع المواد تلقاو رواحكم ديجا تعرفوا نصها لانو الرمي فيها في تسمية المركبات لباقي كلشي ساهل متقولوش مطيحش فلباك ومتجيش بزاف حنا ديجا جابوهالنا العام هذا فسوجي ثاني ومبعد تروحوا تراجعوا الاكسدة والارجاع والمكتسبات القبلية ديجا تلقاو الاساتذة حاطين كلشي بترتيب فليوتوب سما مكلاه تخافوا نتوما لي عليكم تتفرجوا وتثبتوا المعلومات ..... ▫️الرياضيات راح تبداو بالدوال اللي مش فاهم اصلا وش هي دالة يكتب فليوتوب درس الدوال ثانية ثانوي يدي نظرة عامة ومبعد يروح ديراكت للنهايات وازالة حالات عدم تعييين للازم تفهموهم مليح مليح مليح لانوا كلشي يتبنى على نهايات و مبعد تروح للاشتقاقية وقابلية الاشتقاق و تطبق عليهم بزاااف امثلة مختلفة مع حفض قوانين طبعا واللي حاب استاذ يوجهوا يكتب فليوتوب مراجعة المكتسبات القبلية رياضيات باك 2025 ولا 2024 المهم راح يخرجولكم بزااف اساتذة منظمين فيديوهاتكم حيروا الاستاذ لي تفهموا عليه وتبعوه نا ننصحكم بالاستاذ نوردين ولا ترير هذوا هايلييين ▫️علوم متحتاجش قراية في اوت ابداوها مع سبتمبر وش هو قبل دخول اتفرجو فيديوا ممراجعة باه تسترجعوا وش قريتوا برك ✨ المختصر المفيد هو ابداو مع اوت ساعتين قراية فنهار قسموها على المواد فيزياء ورياضيات بالنسبة للعلميين اما الادبيين منعرفش وش تقراو منقدرش نقولكم وش ديروا اكزاكت بصح حاجة وجدة نعرفها اقراو الشعر وحاولو تفموه وتتدربو على مصطلحاتوا اما الفترة هذي من جوان حتى دخول المدرسي اقراو اللغات بالطريقة لي عطيتهالكم هذا كان جواب بسيط حول سؤالكم حول الدراسة في الصيف وكفاه تقرا نتمنى اني افدتكم ولو بالقليل من خبرتي المتواضعة مع الباكالوريا اخبروني في التعليقات هل استفدتم🥹

خلصوا اسئلتكم ولا مزال باه نجاوبكم ضربة وحدة 🫶🏻💗 ؟؟؟ منعرف شكون بلوكاني فتليغرام راني مبلوكيا حتى 19 جوان وينحوه بن عمي يخي مدرتلهم والوا غياريين 😭👊🏻

اتركولي اسئلتكم حول الباكالوريا اي سؤاال محيركم باه نظمهم ونجاوبكم عليهم باذن الله 🥹

 عن عائشةَ رَضِيَ اللهُ عَنْها، أنَّ النبيَّ صلَّى اللهُ عليه وسلَّم قال: ((ركعتَا الفجرِ خيرٌ من الدُّنيا وما فيها))، وقال أيضًا: ((لهُما أحبُّ إليَّ من الدُّنيا جميعًا))