✍📚علم و قلم📚✍

آخر مرتدہ سعدیہ کو انکور نے اور پروین خان کو سنجے نے موت کے گھاٹ اتار دیا! خالد سیف اللہ صدیقی یہ بات بڑے کہتے ہیں کہ غیر ، غیر ہی ہوتے ہیں ، وہ کبھی اپنے نہیں ہوتے۔‌ یہ کوئی نئی بات نہیں ہے ؛ بلکہ جب سے رزم گاہِ حق و باطل دنیا میں سجی ہے ، تب سے یہ نظریہ عملی طور پر مشاہدات میں رہا ہے۔ خود قرآن حکیم میں خدائے علیم و حکیم نے مومنوں کو ہدایت فرمائی ہے کہ وہ غیروں کو اپنا دوست نہ بنائیں‌! (النساء : 144 ، المائدہ :51)____نیز فرمایا ہے کہ غیر تب تک تم‌ سے‌‌ راضی نہ ہوں گے ، جب تک تم‌ خود ان کے دین کے پیروکار نہ بن جاؤ۔ (البقرۃ : 120) قرآن کے بیانیے اور لوگوں کے مشاہدات نے ثابت کیا ہے کہ اہل کفر کبھی اہل ایمان کے سچے اور مخلص دوست نہیں ہو سکتے۔ اسی واسطے اہل ایمان سے بھی خدا کا مطالبہ ہے کہ وہ اہل کفر کو اپنا دوست اور راز دار نہ بنائیں! ہمارے سامنے دو واقعے ہیں جو مذکورہ بالا قرآنی نظریے کو درست ثابت کرتے ہیں۔ پہلا واقعہ مراد آباد سے سامنے آیا ہے۔ 5/ستمبر کے ممبئی اردو نیوز اخبار نے یہ خبر شائع کی ہے۔‌ اخبار کے مطابق 9/سال قبل کسی قاری حنیف نامی شخص کی سعدیہ نامی بیٹی اور انکور چوہان نامی لڑکے میں دوستی اور معاشقہ ہوگیا۔ مذہب مختلف تھا۔‌ گھر والوں کو خبر ہوئی ، تو لڑکی پر پابندی عائد کر دی گئی۔‌ گھر سے نکلنا تک بند کر دیا گیا ؛ لیکن اندھا پیار لڑکی کو پاگل کیے ہوئے تھا۔‌ ایک دن دونوں گھر سے فرار ہوگئے ، اور کہیں جا کر شادی کر لی۔ لڑکی کا مذہب تبدیل کرا دیا گیا ، اور وہ سعدیہ سے "ساکشی چوہان" بن گئی۔ شادی کے بعد دونوں کہیں کرائے کے کمرے میں رہنے لگے۔‌ چھ سات سال تک لڑکا کام کرتا رہا ، اور گزر بسر ہوتا رہا۔ پھر کام چھوٹ گیا ، اور لڑکے کے لیے گھر چلانا مشکل ہوگیا۔ اسی دوران سعدیہ نے بھی ایک فرم میں کام کرنا شروع کر دیا۔ اس دوران رات زیادہ ہونے پر کبھی کوئی اورکبھی کوئی سعدیہ کو گھر چھوڑنے آتا۔‌ اس سے انکور کو سعدیہ پر شک ہونے لگا۔‌ پھر باہم جھگڑے بھی ہونے لگے۔ بڑھتے جھگڑوں سے تنگ آکر انکور نے سعدیہ کا گلا گھونٹ دیا ، اور اس کو موت کی نیند سلا دیا۔ رپورٹ کے مطابق انکور کو پولیس نے گرفتار کر لیا ہے____اس خبر کو امر اجالا (ہندی اخبار) نے بھی شائع کیا ہے۔ یہ واقعہ عجیب ہے ؛ لیکن بہت عجیب نہیں ؛ کیوں کہ بلا تفریق مذہب اس طرح کے معاملات پیش آتے رہتے ہیں۔ لیکن ایک بات یہاں پر سمجھنے کی ہے۔ اور وہ یہ کہ لڑکی دوسری ملت کی بیٹی تھی۔‌ ایسے میں انکور کے لیے لڑکی کی جان ارزاں ہو سکتی ہے۔‌ آخر شک کا علاج کسی کا قتل تو نہیں ہے۔ شک کا علاج مزیل شک سے کیا جاتا۔‌ معاملے کو سنجیدگی سے حل کرنے کی کوشش کی جاتی۔ دوسرا معاملہ گوالیار سے سامنے آیا ہے۔‌ اس کو بھی 5/ستمبر کو ممبئی اردو نیوز اخبار نے شائع کیا ہے۔‌ اخبار کے مطابق پروین خان نامی مسلم گھرانے سے تعلق رکھنے والی لڑکی اور ایک غیر مسلم سنجے گرجر میں یاری تھی۔‌ گرجر نے خان کو بتایا ہوا تھا کہ وہ غیر شادی شدہ ہے(اور شاید اس نے اس سے شادی کا بھی وعدہ کیا ہوا تھا) لیکن وہ شادی شدہ اور بچے والا شخص تھا۔ تین سال تک یہ دوستی چلتی رہی۔ لڑکا اس کے ساتھ تعلق قائم کیے رہا۔‌‌ لڑکی کے اہل خانہ کے مطابق جب لڑکی نے لڑکے پر شادی کا دباؤ ڈالا ، تو اس نے اس سے اپنی جان چھڑانے کے لیے کسی بہانے سے اس کو زہر ملا کر دے دیا۔ لڑکی کی حالت دگرگوں ہوگئی۔‌ اس کو اسپتال منتقل کیا گیا ، جہاں اس نے جان ، جاں آفریں کے سپرد کر دی۔ پروین کی تین سالہ دوستی ، کیا اس تین سالہ مدت میں گھر والے اس پورے معاملے سے بالکل بے خبر رہے ؟ اگر ایسا ہی ہے ، تو اصل مجرم گھر والوں کے سوا کوئی نہیں۔ کیا اپنی اولاد سے اتنی بھی لا پروائی برتنی چاہیے! اور اگر با خبر رہے ، پھر بھی چشم پوشی اور نظر انداز کرتے رہے ، تو یہ اور بڑا جرم ہے۔ اولاد کے بننے سنورنے اور بگڑنے بہکنے میں اصل کردار والدین کا ہوتا ہے ؛ اس لیے سب سے پہلے والدین کا گریبان پکڑا جائے گا۔‌ اولاد ثانوی درجے میں مجرم قرار پائے گی۔ ‌ (7/9/2024)

مثالی سماج کےخد وخال اسلامی اخلاقیات کے تناظر میں.pdf

Document from Khalid Saifullah Siddiqui

Document from Khalid Saifullah Siddiqui

Document from Khalid Saifullah Siddiqui

Document from Khalid Saifullah Siddiqui

Document from Khalid Saifullah Siddiqui

Document from Khalid Saifullah Siddiqui

Document from Khalid Saifullah Siddiqui

Document from Khalid Saifullah Siddiqui