"فضفضة"

مش كل غلطه هتعملها هيكون لها اعتذار مقبول عندى فى حاجات ممكن تقفلنى منك حرفياً : 1- يعنى متستهونش بزعلى وتيجى تقولى معلش غصب عنى .. متجيش عليا وأنا أكتر حد جمبك فى كل حالاتك وتيجى تقولى اصل كنت وكنت .. متضمنش وجودى لدرجة الإهانه وتبعد وترجع بمزاجك وترجع تقولى أنا مليش غيرك .. 2-متردش رد بارد وتطفى شغفى ناحيتك وترجع تقول أصل مكنتش مركز أنا مطلبتش كلام ليل نهار مطلبتش حُب بطريقة واو أنا بس بحب أكون متقدر بحب أحس بقيمتى وإن وجودى من ضمن أولوياتك .. 3-متحاولش تستغل حُبى ليك بإن مُصرح ليك تعاملنى بمزاجك انا إنسان زيك عندى طاقة والحب كمان له طاقة فجأة هتلاقيها طارت بسبب إهمالك وتجاهلك وطريقتك اللى كلها قلب ترابيزه صدقنى أنا فى غنى عن اى حاجة ممكن تتعب أعصابى حتى لو الحاجة دى انت .. 4-اللى بيحب حد مبيحطش اللى قدامه فى مواقف بسببها تصعب عليه نفسه اللى بيحب بجد بيقدر وبيحاول يعمل أى حاجة فى سبيل انه ميخسرش اللى قدامه اللى بيحب بجد بيخليك اهم أولوياته مش تانى ولا تالت لا بيخليك أولها بدون اى مقارنات.

انا سيبت خطيبتي قبل فرحنا عندي ٣٩ سنه حبيت بنت واتخطبنا وانا٢٣ سنه وسيبتها وانا ٢٦ قبل الفرح بشهر بدون اي اسباب مقنعه غير ان جالي فرصه عمل لسنين وليها ظروفها اني هعيش لوحدي فقررت انهي الموضوع وادور علي مستقبلي واسافر واكمل بره البلد بدون نزول لسنوات حصل كلام كتير مفاده اني سيبت نص الشبكه لان والدتها ماديه جدا واصرت وانا خدت النص وسافرت وانا معايا نص شبكتها مع اخر رساله منها مكتوبه بخط اليد (( يارب تشوفه في عر،ضك وتلف الارض عليا عشان اسامحك ومتلاقنيش )) كنت شاب صغير قطعت الورقه ونسيت بعد كام شهرالموضوع لان الدنيا لهتني وانا كنت محتاج للمال كنت ماشي وسايب اختين واخ الولد كبير والبنتين توأم كانو في الشهاده الابتدائيه .. بعد١٣ سنه نزلت بجواب من ابويا وامي انزل لان اختي اتطلقت بعد كتب الكتاب وقبل الفرح بشهر فقط واختي دخلت مستشفي وجالها أز مات بسبب ده لاني سمعت انها كانت بتحبه اوي وبتتعا'.لج وهم غير قادرين علي المصاريف وغير قاد'رين علي اتخاذ اي حق منه واسترد الشبكه كامله منتهز اني مسافر واخويا بيدرس بره شريط فجأه قدامي جايب صورتها والجواب والشبكه وكل التفاصيل رجعت لورا وبدون وعي مني لقيت نفسي بقول ياااه ده انا نسيت وكان وقت صلاه المغرب لقيت امام المسجد بيقرء في الميكرفون بعد ما خلصت كلمتي ( وما كان ربك نسيا) كأن الارض لفت بيا ورجلي مشا'لتنيش من الرد المباشر وبدور عليها في كل مكان عشان تسامحني لكن للاسف سافرت ومحدش عارف اتجوزت وسافرت فين واهلها نقلو من مكانهم وكأن السما كانت مفتوحه ودعوتها اتنفذت واتطبقت لما دوقت اللي عملته فيها حسيت بإحساسها وقتها بس قولولي اعمل ايه في ذ.نبها اللي ملاحقني بعد العمر ده في كل مكان واتعامل مع اختي ازاي كل ما ابصلها بحس اني السبب .. بأختصار " الدنيا دواره " وربنا بيمهل ولا بيهمل أنتبهو لكلامكم مع الناس وتصرفاتكم محدش ماخد معاه حاجة والظلم صعب ومش بينتسي

⤾ والـمَـرءُ يَـميـل لِـمَـن يُـواسـيـه فـى حُـزنـه ويُـخـفف عَنـه ثـقـل الأيـام ، يَـميـل لِـمَـن يـتقـبلـه كـمـا هـو

‏- فقدان الشغف ، أسوء من الاكتئاب ..💔

" ‏أنا صديق نفسي ، وقدوة نفسي ، أنا الذات التي ولدتُها ، أنا كُل عائلتي ، لا أحد لي ، ولستُ لأحد .."🪞🦋

انا مش بحط حواجز بيني وبينك زي ما أنت فاكر، انا أبتديت أحسبها، بطلت اتعشم بزيادة بطلت اعاتب،حتي التضحية في حد ذاتها وفرتها لأن مبقاش عندي طاقة او اي مجهود لأي شئ... لاقيت أني مش لأزم اسأل الاول أو اطمن... لاقيت أني مش لازم أقوم بكل شئ... فهمت أن مش كل الي بنتمناه بيحصل، وأن الاختيار الي كنت شايفه انه مش احسن اختيار هو كان الانسب ليا وكان أقل خساره بس أنا كنت مش بحسبها صح...مش مهم مين هيفضل ومين هيمشي المهم أنا ابقي مرتاحه،حاليا بقيت شايفه أن مش هينفع الي جاي يضيع زي الي راح.. المهم اني افوق لنفسي أكتر واحاول اعيش لنفسي ولو لمرة واحدة في حياتي.

أتوق الجنة !! أتوق الجنة لستُ صالحة يالله ، ولا خالية من الذنوب ، ولكني أطمح لرؤية وجهك ، اهدِ قلبي ، وثبته ، فأنه ضعيفٌ تائه الخُطى .

وأحِب مَن سمّاني بِه 🤍!

لا يؤتمن ولا يؤسف عليه

- رَقِيق القَلب لا يَقسُو . . وَ لَو أصرَّ عَلىٰ ذلِك 🤍