⊍પરાવાણી⊍

બુધવાર, 3 જૂન, 2026 (વચનામૃત ગઢડા અંત્ય પ્રકરણ 24) 💁‍♂️ભાગ:-1996 સાધન:-14-15-16 નો 💁‍♂️ભાગ:-1578 ▪️ટોપિક: ઉપાસના સિદ્ધાંતનો ચોથો મુદ્દો "પ્રગટ-પ્રત્યક્ષ", ભાગ-326 પરબ્રહ્મ પુરુષોત્તમ ભગવાન જીવના કલ્યાણને અર્થે બ્રહ્માંડમાં મૂર્તિ ધારણ કરે છે ત્યારે પોતાનું અક્ષરધામ સહિત જ પધારે છે. અને તેની ઓળખાણ સૌને કરાવે છે કે - મોક્ષનુ દ્વાર, વડવાનળ જેવા, પરમ એકાન્તિક સત્પુરુષ, પ્રત્યક્ષ ગુરુરૂપ હરિ, જે આજે પ્રગટ બ્રહ્મસ્વરૂપ પરમ પૂજ્ય મહંત સ્વામી મહારાજ છે. અક્ષરધામના ચાર સ્વરૂપ પૈકી તેઓ ચોથું સ્વરૂપ છે. તે મહિમા આત્મસાત કરીએ. આજની કથામાંથી આપણને નીચેના પ્રશ્નોનું સમાધાન મળશે. ▪️અક્ષરબ્રહ્મને તત્ત્વે સહિત યથાર્થ ઓળખ્યા પછી બધું જ્ઞાન થાય. પછી દીવાદાંડી બની માયાના અંધકારને અક્ષરબ્રહ્મ જ ઓળખાવી શકે. ▪️મૂળ અક્ષરમૂર્તિ ગુણાતીતાનંદ સ્વામીના જીવનચરિત્ર ગ્રંથના 535 માં પૃષ્ઠ પર સ્વામી ગુણાતીત સંતના લક્ષણ જણાવીને આપણને સંદેશ આપે છે કે, ગુરુ સોળ આની વર્તે ત્યારે શિષ્ય એક આની વર્તે. ▪️પ્રમુખસ્વામી મહારાજ આણંદમાં પધરામણી દરમ્યાન દેહનો કેવો અનાદર કર્યો હતો તેની સ્મૃતિ કરીએ. આ પ્રસંગની પુષ્ટિ રૂપે પૂજ્ય અક્ષરજીવનદાસ સ્વામી વચનામૃત કારિયાણી 6 તરફ દોરી જાય છે. જેમાં આપણને જાણવા મળે છે કે, શ્રીજીમહારાજનું *ખાવું ,પીવું , પહેરવું ઓઢવું તે ભક્તને અર્થે છે. *રમણીય પંચવિષયમાં રંચ માત્ર આસક્તિ નથી. *કેવા ભક્ત સાથે પ્રીતિ થાય છે? ▪️નીલકંઠવર્ણીએ વિચરણમાં સાથે આવેલ મોહનદાસને કઠારીમાં ઊપજેલ મોહને કેવી રીતે ટાળ્યો? ▪️ભગતજી મહારાજના જીવનચરિત્રમાં 1953માં નોંધાયેલાં પ્રાસાદિક વચનો “ અંતરનું અજ્ઞાન ટાળે એ ગુરુ” એમ કહી ગુરુના લક્ષણ કહ્યા. તે જાણીએ. ▪️યોગીજી મહારાજના જીવન ચરિત્રમાં 1957 માં પ્રવીણભાઈએ યોગીબાપાને પ્રશ્ન પૂછ્યો “આપ કોણ છો? આપનામાં કઈ સામર્થિ છે તો આટલા બધા મનુષ્યો ખેંચાઈ આવે છે?" યોગીજી મહારાજે ટૂંકો અને એમની જીવન શૈલીને પ્રકાશતો ઉત્તર આપ્યો તે સાંભળીએ. અને જાણીએ કે ગુરુકૃપા ક્યારે થાય? ▪️નિર્ગુણદાસ સ્વામીની વાત 369 માં આધારાનંદ સ્વામી શ્રીજીમહારાજને પુછે છે કે - “ જેવું છે તેવું તેજ કેમ દેખાડતા નથી?" આ પ્રશ્ન સાથે વચનામૃત ગઢડા પ્રથમ 9 સાથે સાંકળી કરીએ. ▪️મહંતસ્વામી મહારાજનો મોટામાં મોટો ચમત્કાર કયો? ▪️વચનામૃત ગઢડા પ્રથમ 14 ના સંદર્ભે જાણીએ કે દાસપણાનાં લક્ષણ કેવાં હોય? ▪️ગમે તેવા દેશકાળ આવે તો પણ પોતાની નિષ્ઠા, ભક્તિ કે શ્રદ્ધામાં મોળો ના પડે તે ભક્તની સમજણ વચનામૃત અંત્ય 21ના આધારે સમજીએ. ▪️પ્રવૃત્તિ અને નિવૃત્તિવાળાની સમજણ કેવી રાખી હોય તો ભગવાનમાં અખંડ વૃત્તિ રહે તે વચનામૃત કારિયાણી 7ના આધારે સમજીએ. ▪️સાધનકાળ અને સાધ્યકાળની ભક્તિ એટલે શું ? ગોષ્ઠિ સમરી: નીચેના પ્રશ્નોના ઉત્તરો પૂજ્ય અક્ષરજીવનદાસ સ્વામી એ સુંદર રીતે કરી આપ્યા. ગોષ્ઠિમુક્તો એ પણ પોતાના મૌલિક વિચારો રજૂ કરી આપણને રત્નો આપ્યાં. ૧) સ્વામી, વચનામૃત ગઢડા પ્રથમ પ્રકરણ 2 માં શ્રીજીમહારાજે ઉત્તમ ભક્તની વ્યાખ્યા આપતાં કહ્યું કે - તેમને ઉત્તમ પંચવિષય પ્રાપ્ત થાય કે પણ તેને તે પ્રીતિએ રહિત ને ઉદાસ થકો ભોગવે. તો હું ઉત્તમ પંચ વિષય કેવી રીતે ભોગવી શકું? તે સમજાવોને. ૨) સ્વામી, આપે દાદાખાચરની વાત કરી. તેમને રાજ્યમાં હેત ન હતું, સગાંવહાલાંમાં હેત ન હતું, વળી પોતાના દેહમાં પણ હેત ન હતું, પરંતુ ભગવાનમાં હેત હતું. તો એવું હેત કરવાનું સાધન તેમણે શું કર્યું હતું? તે સમજાવોને. નીચેના નોંધનીય મુદ્દાઓ પર વિમર્શ થયો: - સુખ - દુઃખનું પરિમાણ કેવી રીતે કરવું? - શેનું પરિમાણ કરી રાખવું અને પરિતાપ કરવો? - જગતનું નાશવંતપણું કરવાનો ઉપાય કયો? - સત્પુરુષ મારો આત્મા છે તે દૃઢ કરીએ. - માયામય સુખ છે. તે દુઃખ વિનાનું હોય નહીં. -ભગવાનના સુખે સુખિયો થયો હોય તે ક્યાંય દુઃખી થતો નથી. -પૂર્વના જે સાચા ભક્ત થયા તેની વ્યાવહારિક સ્થિતિ નબળી હતી છતાં તે અમર થઈ ગયા. તેમની વિશેષતા એ છે કે તેમણે ભગવાનને રાખ્યા હતા. આજની કથાનો મુખ્ય આધાર: વચનામૃત:- ગઢડા પ્રથમ 44, કારિયાણી પ્રકરણ 6,7 પૂરક વચનામૃત ગઢડા પ્રથમ:- 2 9, 14, 21, 24, 44, 69, 73 કારિયાણી 6, 7, 10, 11 લોયા:- 17 ગઢડા મધ્ય:-4, 13, 59 ગઢડા અંત્ય:- 7, 12, 13, 28, 38, 39 પૂરક ગ્રંથ નિર્ગુણદાસ સ્વામીની વાતો સમરી લેખક: શ્રી ડૉ. હરિતભાઈ જાની (સિડની) શ્રી ડૉ. જશવંતભાઈ સુથાર (એલ.એ.) શ્રી હર્ષદભાઈ પટેલ(અમદાવાદ ) કથા-ગોષ્ઠિની લીંક https://t.me/c/1145241904/53932 #GP44, #KA06, #KA07