فه ره یدون به هرامی(شرام)

باڵا‌ بەرز باڵا بەرز بدیە باڵا جامەکەت دیارەن باڵا نو نەمامە کەت بدیە باڵاکەت جام شەرمەسارەن جام کین ؟ تونی جام جام جام شوعارەن جام وە قوربانی باڵات باوانم تاریفی باڵات من نەتاوانم باڵا جامەکەی یانەت خجڵ بو باڵای توش دیەن بازە ماتڵ بو حەیفەن چون تویێ شیرین باڵانی وەش تەرح ووەش بو عەرعەر کاڵانی یەک نیم نیگای چەم دیای وە لای من شیت وهارت کەرد دڵەی تەنیای من دڵ هەردە گیڵەن چون دیوانەی تو هەر ڕو هەزار جار وە سەرگەردت بو شرام هەورامی نیم نیگای نازت چون ئاوات وازان ئاواتە وازت

راسەن یا درو ؟؟ ڕاسەن یا درو خەم قڕانشا چون ماران گەزان زەنگ زڕانشا ئاخرین ڕۆشەن هاکا ها لوا چون وەرە زەردە کۆ پڕانشا باربەندیش کەردەن پەی ماوای عەدەم ئی دۆڵ و ئەو دۆڵ ویی چڕانشا دەنگ مەڐو وە دەنگ قازانش سەردەن چون بنی قازان بن کڕانشا یەخەش تا بە وار شیتاڵ شیتاڵەن تەقان جە داخان لەم دڕانشا بومەلەرزە دان بن چینەی یانەش تاق بە تاق ویران ماڵ وڕانشا ڕاسەن یا درو قەوانەن بازار خەم جە لاو ئیمە بن بڕانشا بی کەس بنیشو شادی وادەشەن پەی هەڵسی چەمان چەم سڕانشا خەم چەنی شادی دیم جە لایی وە پەی مەنەی دایم مڕمڕانشا شرام هەورامی نەزانام ئاخر خەم چەنی شادی کام قڕانشا ؟

لباسهای مطهر رسول خدا بعداز چهارده قرن در ترکیه❤️ صلوات یادتون نره😍 اللهم صل علی محمدوال محمدص🕋🙏🙏

a

تەرکیزی نیگای مەردمی چەمان کوڵەکەی ستون لالوی پشت کەمان نەزەرگای نەزەر عالم و عەوام هەوای تەنەفوس پەی ئارو سەوام دامگەی نەچیر ڕەم کەردەی سەیاد سڵەمیای تیری سەیادی شەیاد خاڵوی خەم نەکوڵ خیڵی بی خاڵم باڵەشەنەکەی لاشەی بی باڵم گۆچەوەنەکەی درومانی خەم وامەنەی وارگەی هەوارگەی ئەستەم دەسرازی خەیات لالوی هەورامی ژەرەژە خاڵی ڕزو ترامی نوقتەی بی گەردی زبەرجەدی دڵ فوارەی هوناو لاشەکەی وڵ وڵ مەجرای تەنەفس هەوای لاعاریم تاقەتی کزی و یانە بیزاریم سەرعیلی عیلی کوردی کوردە ماڵ دۆڕ دانەی گوهەر تاقە دانەی لاڵ شوخی بی وینەی شاخی کەڕەجاڵ مەینەت کەشیدەی یاتاخگەی هەواڵ جار جار پەی تەسکین دڵەی خەم دیدەم یا پەری مەڵهەم دیدەی نەمیدەم وانو ئەشعارت یا نیگای وینەت ئارام بەخشی دڵ وینەی ئاوینەت ئازیز دیارەن چون داخ نە دڵان ئاوارەی باخان سای وشکە چڵان چون من ڕەمیدەی عام و خاسەنی خەیلیوەن بی دەنگ وە بی باسەنی نەپەرسای ئەحواڵ جەلای تو خاسێ ماوەرو وە دڵ گاە گاە وەسواسێ خوای ناکردە ڕەنجوری دڵان نەکەردەن عادەت پەی هەوای گوڵان بەڵکو هەوایێ دیسان جە نو وە دیدە بە دیدەی دڵ شاد کەرووە شرام هەورامی ڕێویان باوان بەختش جە جاران دیویان باوان

شوخەکەم شوخەکەم دەستم بگرە داماوم تار وتاریکە بینایی چاوم وەرە بت بینم مەڵهەمی چاوان لیمان زیز نەبی باوانی باوان لە پەنجەرەی ناز سەرت دەر بینە وەک مانگ لە گوشەی هۆر خوت بنوینە سوب تا ئیوارە چاوە ڕیم باوان بت بینم چونکە نورە بو چاوان زور حەزم لیتە دڵم مەشکینە خوت دیوە ئازیز لە نیو ئاوینە خوت دیوە وەک گوڵ خونچەت کردوە توپ توپ لە نیو دڵ بوخچەت کردوە مەڕوانە بو خون ترسم لە چاوە بیستومە چاویی ڕەحم خراوە هەر کاتێ سەیری باڵای خوت ئەکەی بیکە بە عادەت سەڵواتێ ئەدەی چون کاتێ نەقاش ڕومەت تی کیشا خنکا بو لە ناو بەحری ئەندیشا نەقشەی توی کیشا (رب العالمین) خوی بە خوی فەرموی هەرار ئافەرین ئەو کە نەقشی توی کیشا بو ڕەسام تەواشەی توی کرد خەیلێ بو سەرسام ئەی من چۆن خجڵ نەمینم باوان هەر ڕوژ نەقشی توم وا لەبەر چاوان مانی ماندوە و خجڵ لە نەقشت چۆنی رازاندوە خواوەند لەشت سەرسام لە نەقش ونیگارت عاڵەم لە وینەی پڕ لە ئەسرارت عاڵەم تا چاوت خشاند بو چاوانی من توایەوە لاشەم ئەی باوانی من شوخە مەستەکەم عەجەب لە وینەت وینەی ساف وپاک وەکو ئاوینەت چاوەکەی چاوم چاوە ڕیم تا کەی تا کەی لە دۆریت شیوەن ۆ وەی وەی شرام هەورامی لە بیری تویە زامی دڵ سەختە و دایم بە سویە

چەم مەس چەم کەژەڵ چەم سیاو شیرین باڵا بەرز ئازیز شوخم نازەنین تاسەم هەناسەم چەم سیاوەکەم وەنوشەی وەش بوی گوشەی ئاوەکەم شوخو شیرینم باڵا چون چنار گەردەن چون بلور مەمەی پرتەقاڵ سینە چون مەڕمەڕ نازک اندامم شوخی دیدەمەس کەبکی خەرامم نازک چون لولاو سۆڵی خەرامان باڵای نمانای هەر پەی تو ئامان بنمانە باڵا جە بەرزە بانان هەر بە ویت گنو خاتونی خانان چەم سیاوەکەی گوشەی چەمی چەم سەرتەڵی هەنار ئاهوی خوتەن ڕەم چەم چون ئاهوی ڕەم باڵا بەرزەنی شەمامەی خەت خەت دەم وە تەرزەنی باڵاچون عەرعەر شوخی تەننازی زوڵف سیاو ریحان نازی بە نازی

من وکاک حمەڕەشید ڕایحەی شنەی شێعرت چون واران یاوا پەی شیفای ئیش و ئازاران تازە کەرد خیال چون هەردە جاران "جوانی سروشتی سۆزەی بەهاران هەتاویی گەشی سینەی کوساران" سڵەمیام چمان ئاهوی خوتەن ڕەم ئاخم جە سینە بەرئاما دەم دەم سوچناش جەستەم چون پەپولەی شەم "کە خوی ئەنوینی پاش بارانی خەم دەستەی ڕەژبەڵەک بەر ئەداتە چەم" هاوار جە دەس ئاخی سینە سوز ڕەنگ ڕەنگ مەنمانو سور و زەرد و بۆز دان وە تاویی خار پەی غوبارو توز "لە گەرمی گڕی ئاگری نوروز سەردی ڕیبەندان بار ئەکا لای هوز" پەی شیفای حاڵ وباڵی ڕەنگ زەردان یا پەی تەسکینی سینە پڕ دەردان دەس دریژ ماچان یاوە هامەردان "قڵبازەی ئاویی داوینی هەردان شوڕشی ئەوین بەر ئەداتە گیان" من حەسرەت و ئاخ هەر ها نەیادم بازرگانەکەم ڕەنجی وە بادم یانەی دڵ بە حەم دایم ئابادم "بەڵام چی بڵیم من هەر ناشادم دڵ بەندی داوو گەل نامورادم" ئاویارەکەی باخ وشک ئاویی بن جو چون سەیلاو بەردان دایم ڕەنجە ڕو دایم دەی نە مل شیوەن و وەی ڕو "نەمدی بەهارێ بە ئارەزوی خو گوڵی ئاواتم بی خەم بکەم بو" بەختەکەم دایم جە ویی تلان بی شەوش چون دەیجور هەر چەم گلان بی نەمامی باخش نە پای زەلان بی "لە هەر چوار لاوە دەس لە ملان بی شەربەتی شادیم شەهدی گوڵان بی" بەڵکو بەرزە چڕ واچوو مونادی زرنگەی تەبڵ و دەف وادی بە وادی بڕیو جە لامان پای نامورادی " هەتاکە دەمێ منیش بە شادی هەڵ دەم ئاوازی سرودی ئازادی "

من وکاک حمەرشید امینی

زەل پەی زەل پەی سەیران بەرزی سەرکەشان بە خیاڵ نیگای باڵا مەهوەشان گام بە گام چەنی یاران وە ڕاوە چند وەشەن سەیران بەرزە کوی شاوە هەواش سازگار نمونەی بەهەشت پوینە یاگەی سەیران و گوڵ گەشت ئاوش چون ئاوی کوسەر با سەفاان پەی تەسکینی دەرد حەیاتەن شیفان دەرون ئەوگاری خەمان وە ڕا بی چەنی دەرد وئیش ڕەنگش پڕا بی پەی سوکنای زامان دەردو ئیشی دڵ یا پەی ئارامی لاشەکەی وڵ وڵ ئامام وە بیمیر هەوارگەی جاران ماوای بی وینەی شای شەدەلاران وەرکەمەر وەش وەش سورە هەراڵە شنێی بە خەمزە ئەچا قەدپاڵە چنور لامل دیز هانە پوینە نیەن هەر مەبو بەهەشتی چینە خسوس باخاتش جنات عدن غەرقی خیاڵ بی نە دەریای بی بن گیلاس چون عەقیق مدران لار مل چون سینەی مەڕمەڕ لاشەی شل ومل ساوی هەڵوچی میوەی هەزاڕ ڕەنگ نمانی وینەی بازاری فەرەنگ تەعاجب خیاڵ دیا وە لاوە نمانا بەهەشت شارەکەی پاوە نیگا کەر پەی زەل بەهەشتش سازان چەمەن فەرشی پا پەی ئاوات وازان گیلاس چون عەقیق سورو خاڵ ماوی مووسیقای ڕۆحەن شوڕەشوڕ ئاوی ئالبالو پوشان عەقیق وە باڵاش سۆزو سور و زەرد قوماشی کاڵاش وەزیش شورەتش وە فەرەنگ یاوان چنارش سەرەش ئاسمان ساوان ساوش چون میوەی بەهەشت واشانش وەرکەمەر بوی ویش پەی دڵ شانانش هاوار جە سەفای شنەی شەماڵش وەی وەی جە مەزەی هەڵوچەی کاڵش خسوس باخەکۆ جەزا ئیقباڵی مایەی حەیاتەن پەی سەفاو حاڵی تەڵان بە تەڵان چوڕەی ئاوەکەش بەهەشتەن واللە پای سەراوەکەش میوەی هەزار ڕەنگ هەر یو بە تامێ هەر یو بە ڕەنگێ هەر یو بە نامێ فەرەح بەخشی دڵ ئاوو هەوای زەل سفرەی ئەڵوانەن پەری مارو مەل حەوزو حەسارش جەدوەل کاریەن نیشانەی کەرەم حەیی باریەن خسوس ویرەگا پەی نیگای پاوە هاوار چند وەشەن بەرزە کوی شاوە بنیشی بی خەم پەی سەفای حاڵەت اللە دڵوەشی کەرو حەواڵەت نمونەش باخات شمس العمارەن ئاسمان موزەیەن هەزار ستارەن مانگە شەو میمان خیاڵی دڵەن ئاهوش ڕەم کەردە جە سایە سڵەن چوڕە چوڕ خوڕەی ئاوش موسیقان مەلهەم پەی شیفای دو دیدەی تەقان دیم قاڵیە شڕێ لاشەش ئەوگارەن دڵ چەنی زامان فەتار فەتارەن پەراسوش یو یو چەرمە دیارەن هەوارگەی دەرون لاشە بیمارەن ئاما وە گوفتار زوانو حاڵی واتش من ڕەفێق جزا ئیقباڵی لاشەکەم فەتارفەتاری دەردەن دڵ بە تەنیایی هەناسەش سەردەن پەرسام جە حاڵ و ئەحواڵش وانام شەرحی حاڵی ئەو ئەپیسە زانام قەدیم هام نشین باڵا بەرزان بی قیمەت بە تڵا هیمای هەڕزان بی هاجەرم شەریک باڵای ئاڵام بی وینەش شەوۆ ڕو نەقشی کەلام بی نەرمەنرم فەرشی پای نازارم بیم شیفای ئیش ودەرد گرد ئازارم بیم جارجار مەشنیا وە باڵامەوە وە باڵای ئاڵای گوڵ کاڵامەوە خاتونی خانان فرمان ڕەوای دڵ وە سەر سینەی من مەگرتش مەنزڵ هەر ڕو وەدینش دڵ شاد مەکەردم پاگ مەبی دڵەی ئەوگاری دەردم وە ناگاە وەرەق گیڵاوە لوا بەختی شیرینم وە پا لەق کوا ئێسە جە دوریش ئەوگاری دەردەن مەنینان وینەی هەناسە سەردان بدیە تان ۆپوم دیارەن جە دور بە من چیش شنەی بەڕەزاو چنور بە من چیش شنەی پوینە و هانەساو بە من چیش سیبەر ناحیەی لارە کاو سامەگەر دڵەی هاجەر بەردەکەم دڵەکەی مەردەم خەم تا کەردەکەم شاد بو بە دینی دیدارش جارە بەیو بوینوش چون ڕاویارە ساکن بو جە ئیش خەم و پەژارە ویش سەقام گیر بو دڵەی ئاوارە ئەلغەرەز یاران زەلم دیی بە چەم جە دڵ بەر کەردم کومەکومە خەم هەرکەس حاڵەتش جە شاران خەستەن یا خو دڵ جە سای خەمان شکستەن بشو پەی سەیران سەفای زەل کەردەن بی خەم جە بەهەشت بەشی ویش بەردەن دەس بە دوعاوە بەڵکو جارێ تەر جە لای نازاران بە ئیشارەێ تەر سەفای زەل کەرو نەسیب جە نووە بشین بەرزە کوی بەرزی شاهووە شرام هەورامی وەشەن پای شاهو چەنی نازاران قسە و گفتو گو