✍️विचार मनातले (उमगती विचारधारा)

तुझ्याच छायेत वाढलो रे वृक्षा, अन् तुझ्याच छायेत खेळलो मी... नि तुझीच कत्तल करून रे वृक्षा, जणू स्वतःचे शरण रचून आलो मी.... ✍️आशु छाया प्रमोद (रावण) @ashucpthoughts

आयुष्यामध्ये मनातलं ओझं आणि दुःख कमी करण्यासाठी हक्काचं ठिकाणं म्हणजे एक जिवलग मैत्रीण किंवा मित्र....❤️🌱💯 ✍️…लेखन :- महेश कुरसंगे (यवतमाळ)

नजरेत तुझ्या मोती असावं, हिरा बनून चमकत रहावं...! ओठांनी तुझ्या गुलाब फुलावं, हसऱ्या गालावर खळी पडावं !! केसांनी तुझ्या गजरा माळावं, वाऱ्याने ते दरवळत रहावं..!!! सौंदर्यानं तुझ्या मोर व्हावं, पिसारा फुलवून नाचत रहावं...!! ✍भोसले ऋषिकेश         (धाराशिव)

गुरू गोपाळ शेवाळे गुरू म्हणजे जो लघु नसे तो शिष्य उत्कर्षा जीवन वाहतो वात्सल्य आईचे ज्याच्या ठाई ज्ञानस्त्रोत जो सदा प्रवाही __१ गुरू असतो स्वयंप्रकाशी तारा चमकता जसा आकाशी ज्ञानप्रकाश स्नातका दावी अज्ञान तिमिर दूर हटवी __२ स्वार्थत्याग ही गुरू परिभाषा शिष्य अध्यापनी‌ नसे फलाशा वरतंतूचे व्रत आचरुनी करी कौत्सूभा परम ज्ञानी__३ गुरू असे जसी चंदन उटी झिझुनी स्वये सौरभ सांडी देह कष्टवुनि धर्म निभावे सदा सर्वदा परहित जपावे__४ स्पर्शता परिस लोखंडाते लोखंडाचे सोने होते असे गुरू परिसाहुनि भारी आपणाहुन शिष्यास उन्नत करी__५ गुरू परंपरा महान जगती निर्मियल्या तिने कैक विभूति सॉक्रेटीस , प्लेटो यांना माना निवृत्ती चेला गुरूवर ज्ञाना__६

आपले आणि परके..💔 दि. - २९/०५/२०२४ आयुष्य जगत असताना डोळे उघडे ठेवून जगले पाहिजे.. कारण कोण आपल्यातले आपले, कोण आपल्यातले परके हे ओळखता आले पाहिजे.. आपण चांगुलपणाचा चष्मा लावून समोरचा पण चांगला होत नसतो.. कारण तोच चष्मा त्याच्याकडे देखील असायला हवा असतो म्हणून आयुष्य जगत असताना शर्तीने जगले पाहिजे.. आपली माणसं ओळखून आपल्यांमध्येच रमले पाहिजे.. परक्यांना आपलं बनवण्याच्या नादात स्वतः च्या अस्तित्वालाच विसरण्यात काय मजा आहे.. म्हणून आपल्यांसाठी जगले पाहिजे आणि आपण मानणाऱ्या आपल्यातील परक्यांना ही ओळखता आलं पाहिजे.. तस खरं पाहीले तर हाच खरा आयुष्यातील मोठा संघर्ष असतो कारण आपल्याला शेवटपर्यंत आपली माणसं व परकी माणसं ओळखता येत नाहीत.. आणि इथेच आपले सर्वात मोठे नुकसान होते.. ( म्हणून वेळीच माणसं ओळखला शिका ही आजच्या काळातील सर्वात महत्त्वपूर्ण गोष्ट आहे. ) अमोल मोरे - @AmolmoreAm