العيطموس 🦌

أصد عن بعض الخطا والتفاهات ‏اللي تضيع وقت من خاض فيها ‏. ‏ودك ترتب قائمه للعلاقات ‏وتحط مجموعة ما يشرهـ عليها

بلاش من كثر العتب والمشاريه ‏ الصمت عن كثر التشرًه شهامه

أصــد عن كثر الـعتب .. والمـشـاريه ‏وأمشـي طـريق العــافيه والسـلامه ‏اللــي دعـــاني .. قلت لـه ســم لبيه ‏واللي جفـــاني مـا نشـدته عــلامـه

الحال يشبه حال مساعد الرشيدي يوم يقول " أدور لعيني نوم .. لو كانه سلف " .

عسى الله يعين الليّ توافد عليه الهموم ‏همومٍ تخلي طبله الراس منجومه .

أحبك وماني بـ جاحد ومتنكر ‏نزيه واللي لك بقلبي على لساني .

على قولة ابن جدلان في واحدٍ يغليه : ‏" يا مغلاهّ في قلبي ويا كبر منزلته " .

‏لـ حبّك صدور البشر بدون بيبان ‏وغلاك بـ قلوب المخاليق مزلول ‏اسمك مع العربان في كل الأوطان ‏على ونعم محملينه ومنقول ‏تضحك ويضحك كل ضايق وزعلان ‏وتزعل ويصبح حولك الكل مشلول ‏لو كل مجلس فيه لأذانك أذان ‏سمعت ما يرضيك من غير مدلول ‏معك العمر في زود ما فيه نقصان ‏العمر معك يطيب ويزين ويطول ‏وما عاد يجزي لـ طيبك ابيات واوزان ‏ان قلت او ما قلت ما يجزي القول ‏ولا عاد لـ لساني عقب طيبك لسان ‏ألجمتني بالطّيب وش عادني بـ قول ‏راسي فداك وهو للأقدار ما لان ‏عدّه عن متوني لـ داعيك معزول ‏⁧ محمد بن فطيس⁩ .