Лоһуура

*Программа ТВ НВК "Саха" на 13 июня (чтв.)* 06:00-Саҥа күн 6+ 07:00-Саҥа күн 6+ 09:00-Брифинг 12+ 09:15-Утро Якутии 6+ 10:00-Сонуннар 12+ 10:15-Саха сатаабата суох 6+ 10:45-Сайдыс 6+ 11:15-Асчыттар 6+ 12:00-Новости 12+ 12:15-Эйгэ 6+ 13:30-Сонуннар 12+ 14:00-Тайм-аут 6+ 15:00-Ума палата 6+ 15:30-Хотугу сулус 6+ 16:15-Якутск сегодня 12+ 17:00-Эр бэрдэ 6+ 17:30-Күн дэлэйэ 6+ 18:00-Сонуннар 12+ 18:15-Дойдум дьоно 12+ 18:30-Экодневник 12+ 19:00-Новости 12+ 19:15-Олох үөһүгэр 12+ 20:30-Сонуннар 12+ 21:00-Дойдубут туһугар 12+ 22:00-Саха сатаабата суох 6+ 22:30-Итоги дня 12+ 23:00-Эйгэ 6+ 00:17-Олох үөһүгэр 12+ 01:30-Якутск сегодня 12+ 02:15-Саха сатаабата суох 6+ 02:45-Тайм-аут 6+ 03:45-Сайдыс 6+ 04:15-Документальный фильм 12+ 05:45-Дойдум дьоно 12+ Уважаемые телезрители, напоминаем, что в программе возможны изменения.

Киирэн, чэйдии олорон билсибиттэрэ кыргыттар (оччолорго) биир кэмҥэ абитуралаабыттар. Наташа Унаараҕа эксээмэнигэр көмөлөһөн, иккиэн биир кууруска үөрэнэ сылдьыбыттар. Манна диэн эттэххэ, Наташа үөрэҕэр олох үчүгэйэ. Оттон Унаара улдьаарара элбэх буолан эбитэ дуу, наадалаахха билиитин бэскэ ыйаан кэбиһэн, иҥнэрэ, тэтэрэрэ үгүс эбит. Биирдэрэ – уопсайга, биирдэрэ дьонугар олорбуттар. Ол да буоллар наар чугастык алтыһаллара үһү. Наташа каникулугар кэлэ сылдьан Сэргэйин аҕатыттан хат буолан, ол сааһыгар академ ылбыт. Ол кэнниттэн кыыһын оҕолонон-хайаан, салгыы үөрэммэтэх. Хата, кэлин атыыһыт идэтигэр куурус аһыллыбытыгар онно үөрэнэн, күн баччатыгар диэри атыыһыттыыр. Улялаах Сергей саҕа дьоллоох дьон бүгүн суохтар. Кыыс ордук ийэтэ сылаанньыйбытын, мэктиэтигэр эдэригэр түспүккэ дылы буолбутуттан астынар. Түҥүрдүүлэр да уопсай тылы кэбэҕэстик булан, сэһэн-сэппэ ырааппыт. Били, кыһыл эрэ сах, барбах аҕай хас да сулустаах ханньаагы кэмэ суох кэтэрдэн, үөрүү-көтүү үс халлаан. Эдэрдэр саатар эрэ, массыыналарыгар олоро түһээт, хатыҥнаах алаас диэки куйаарда турдулар. Сөп ээ, туох диэн түөрт истиэнэҕэ хаайтаран олоруохтарай, эдэр саас уон араас уотунан оонньуурун кэннэ. Унаарушкаттан атыннык ааттаммат буолбут Алексеевна үөрүүтүн омунугар кыһыл көмүс сыапачыкатын устан дьүөгэтигэр иилэ сатыыр ухханыгар түстэ. Биирэ ылымаары дьирээлэһэр. Биирэ истэн да бэрт. Онтон өй ылан, Натааһата бэйэтэ туостан оҥорбут илин кэбиһэрин таһааран, дьүөгэтэ “уой-аай” диирин быыһыгар күөкэгэр моонньугар иилэ кэтэрдэн кэбистэ. Унаара: – Это же мечта моя! Аата, үчүгэйиин! Бу кыыс талаанын! Неужели вот все это ты своими пухленькими пальчиками, а?! А салат, салат то у тебя какой вкусный! Ресторанские в углу плачут! – бөҕө. Эр дьон эр-биир быһах бэлэхтэспит буолан, хотуттара ыйыыларынан, кумааһынньыктан бытархай харчы көрдүүр ухханыгар түстүлэр. Куорат, тыа диэн арахсыыта суох, дьэ, ити курдук сиэри-туому тутуһан тэйэр дьон буоллулар. Бу күн саха омукка өссө биир саҥа, эдэр ыал түстэнэр, төрөппүттэр илии охсуһуннарар дьоро күннэрэ үүннэ. Табылыннаҕына, бэрт сотору эһэ, эбэ буолар дьол тосхойуо турдаҕа. Билиҥҥитэ уруу тэрийии туһунан тыл көтөҕүллүбэтэ буолан баран, арааһа, сэрэйдэххэ, буолар буолла бадахтаах. * * * Күн уотуттан күлүмүрдүү-чаҕылыҥныы сытар уулаах эбэ кытыытыгар чугас үүммүт лөглөҕөр хатыҥ аттыгар уоллаах кыыс ыга куустуһан тураллар. Кыысчаан обуйук тэтэркэй уоһугар аргыый уоһунан сыстан иһэн, уол: “Уленька, биһиги өрүү бииргэ буолуохпут”, -- диир андаҕар тылын кинилэр бэйэлэрэ эрэ буолбакка аан айылҕа баай маанылаах хатыҥ маһа сэргии истэргэ дылы. Хойуу сэбирдэхтээх лабааларынан тыал үрэрин хоту, эдэрдэри сэрэнэ таарыйа, таҕайа турда. Эдэрдэр уохтаах уураһыыларыттан, хорсуна киирбит хоһуун уол сүүрэлэс тарбахтарын таҕайыытыттан икки сүрэх устунан тиҥиргэччи тэбиэлээн, субу айахтарынан уһулу ойон тахсыахтыы лүҥсүйэн, устунан имнэрин хаана кэйэн барар. Ону тилэх баттаһа күн көрөр сылааһа эбиитин күүһүрэргэ дылы буолар... Кинилэр иккиэлэр. Иккиэлэр! Ким да, туох да мэһэйдээбэт. Арай таптал сылаас тыына хайа-хайаларына да матарбакка эр-биир бүрүйэр. Таптаһыы, астыныы кыырай чыпчаала, ымманыйыы, эйэргэһии кэтэһиилээх кэмэ кэтэһэр. Кинилэр дьоллоох буоллуннар. Лоһуура, 2018 с.

Көрсүһүү – Көҥөс ыал күөһүгэр дылы аспыт буһан быстымаары гынна ээ. Уоппут сатана эмиэ моһуоктанар дуу, -- дии-дии, дьиэлээх хаһаайка куухунатыгар ас бэлэмнээн тиритэ-хорута сырытта. Кырдьыга да түргэн-тарҕан туттунуулааҕынан аатырбытын аанньа, Натааһа ыксаабыт санаатыгар соркуойдаах этэ, салаатын араас эгэлгэ састааба буһан быстыа суох. Ыалдьыттара кэлэллэр чугаһаата. Аҕа баһылык сымнаҕас дьыбааҥҥа тиэрэ нарайан сытан: – Луукун баһа буоллаҕай. Кэмигэр буһар ини. Иллэрии күн күүстээх тыалга сууллубут остуолбаларын бэҕэһээ оҥортообут сурахтаахтара. Хата, ыл, кыратык да буоллар кыһылла тэп гыннарыахха. – Хайа, бу киһибит хайдах буолла? Ол саҥа билсэ-көрсө кэлэр кийиит кыыспыт дьонун ситэ буспатах астаах, эбиитин кур турбукка дылы, хара сарсыардаттан холуочук көрсүөхпүт дуо?! Тулуйа түс. – Һэ, ол кыһыл аайы холуочуйдамый? Ону-маны, дьэ, саҥам диэн саҥараҕын ээ. Хата, кыбыстарым ааһан, саҥам-иҥэм элбээн, аҕалара барахсан аламаҕайа, кэпсэтинньэҥэ сүр эбит диэхтэрэ. – Чэ-чэ, тур, салаат этэ буста быһыылаах, туран кырбас. – Миигинэ суох ас астаммат күнэ дуо? Олоххо биирдэ бэриллэр дьоро күн эбээт, сыта түһүөм. Кэлбит дьон хайыахтарай, күүтүөхтэрэ. Батсаап сонуна, эҕэрдэтэ төлөпүөнүм бэйэтэ да кыра өйүн толороору гынна. Ыраастаатахпына табыллар. Бай, Митэрэппээнэбис туох эрэ хаартыскатын ыыппыта кэлэн быстымына эргийэ-эргийэ турар. – Батсааптаах ээ. Туох наадалааҕы ыыппыт үһү. Аһаан ньмайан олорон мөссүөнэ ини. – Хотуой, ол киһиҥ аны көнөн турар. Атын дьахтардаммыт. – Туох даа? Оттон ойоҕо!? – Ойоҕунаан олорботохторо уонча ый буолла. Дьахтар уолугар киирэн кыстаан кылбайан олорор. Эр бэрдин сэлиэнньтэ дьахталлара соҕотоҕун олордон бэрт! Иилэ хабан ылбыттар. – Уоспадьыы, эр киһи да буолаахтаан! Арыгылыырыттан ордубат этэ буолбат да?! Кылааба кыһалҕаттан куораттаабыт буолуохтаах. Сынньанан абыраннаҕа. – Оттон эн эмиэ, бэрт киһи эргиттэн “сынньана”, бу кийиит кыыһыҥ кыраланнаҕына куораттыыбын диэн тур. – Туруом даҕаны. Сүөһү-ас мэлигир, ытыыр оҕо дьиэҕэ суох. Ону баара кийииппит бастаан үөрэнэбин, оҕоҕо баттаппаппын диэн хайыы-үйэ суос бэринэр сурахтааҕа. Уой, Сэмээн, оонньуута суох долгуйан бараары гынным. Хайдах-хайдах кийиит кэлэн эрэрэ буолла? Уолбутун, дьэ, хайдах тутар-харайар? Ас астыыр үөрүйэхтээҕэ дуу? – Тыый, оттон үөрэниэ буоллаҕа дии. Эн да миэхэ эргэ бараргар бурдук астан алаадьыттан атыны астаабат этиҥ ээ. Бээ, ол да минньигэс курдуга. Иһигэр онон-манан хомуохтааҕын аахпатахха. (Эр киһи күлэн күһүгүрүүр). – Уу, шатана! Булан, шаатырдаҕын ээ? Чэ-чэ, тур, эти хотордум... Саабынаптар ити курдук эмиэ да дьээбэ, эмиэ да долгуйуу дэгэттээхтик бэрт эйэлээхтик сэлэһэ-сэлэһэ көрсүһүүлэрин аһын бүтэрэ-оһоро сырыттылар. * * * Уля ийэлээх-аҕатыгар атаахтаан толлоҥнуур: “Маа, паа! Кутталлаах баҕайы дии! “Тэһэ көрөн” кэбиһэллэрэ буолуо. Кинилэри бастаан ыҥырыа этибит буо! Баттаҕым хайдаҕый? Үрэллибэтэх ини? Кыыс ийэтэ Унаара Алексеевна онуоха сөбүлээбэтэх баҕайытык көрөн баран: – Господи! Ону тэрийэ-бэрийэ сатыыр да сылаалаах. Бэлэмҥэ тиийиэхпит буо! Арба, туорпутун ылбыппыт да? Аҕалара быһыылаах, эт лахса киһи: – Ылан-ылан. Уля, барыта этэҥҥэ ааһыа. Как всегда, ты у меня олох красавица! Сэргэй үчүгэй уол. Дьоно да оннук буолуохтара. Тыа дьоно олус сэмэй, үөрүнньэҥ буолаллар. Унаара Алексеевна: – Очень на это надеюсь. Лешкаа, а ты помнишь как наши родители впервые встретились? Маамаҥ соһуйбут сирэйин мамулечка билигин да саныы-саныы күлэр. – Куттанымына. Изольда Петровна нууччалыы-сахалыы кутан-симэн биирдэ дьиэ ортотугар баар буола түстэҕэ. Арааһа, аһын былдьаппыт кыырт курдук буолуо! Ийэм, дьиҥинэн, холку киһи, билэҕин дии. – Ну скажешь тоже! А ты как думал, оҕо оҥорон баран куотан хаалаары гыммытыҥ да? С нами такое не проходит. Быстро тебя мы “проучили”. Уля: – Вы опять про свое! Даже сегодня. Ведь это мой день! Аҕалара:

– Оттон ийэҥ дии. Үйэтин тухары аалбыт аалыыта. Мин син биир быраҕыам суох этэ. Таптыырым, таптыыбын даҕаны, ийэҕин. Бэйэлэрэ омуннара бөҕө этэ. Уля: – Маа, эн... баһаалыста, Сэргэй дьонугар, ну как сказать... наһаалаайаҕын дии. Унаара Алексеевна: – Тоже мне нашли Ягу Бабу! Знаю как себя вести. Бэйэҕин хара ааныттан үрдүктүк туттуохтааххын. Или ты хочешь, дэриэбинэҕэ ынах ыы-ыы, оҕо бөҕө буолан баран олоруоххун? Сэнээтилэр да үрдүгэр ытталлар. Эппэтэҕэ диэйэҕин. Уля: – Ну, и Сережка, и я в городе собираемся жить. Аҕалара Василий Петрович: – Унаара, тыа сирэ салгынныын ырааһын, дьоннуун үчүгэйин билээхтээбэккин. Дьиҥ сахалар тыа сиригэр олороллор. Ол биһиги диэхтээн, саатар сахалыы ыраастык саҥарарбыт кэлиэ дуу? Унаара Алексеевна: – Опять двадцать пять. Эн сааһыран истэҕиҥ аайы дэриэбинэҥ “бэргээн” иһэр. – “Бэргээн” диэ... Төрүт хаан тардыыта син ситэр буоллаҕа. Эдэр сааска таптал барытын быһаарбытын иһин. Хата, түҥүрүм төһө булчут киһи эбитэ буолла? Таах да саабын илдьэ барбатым быһыылаах. Айылҕаҕа, күөххэ тахсан билсэр ордук этэ буоллаҕа. Киһи хайдаҕа дьэ онно биллэр. – Түҥүр это кто? Ты это про отца Сережки? – Маладьыас! Хата, биир саҥа тылы билэр буолбуккун дии, уучукурук! – За идиотку не бери. А кстати, мин күтүөм ийэтигэр туох диэн буоларым буолла? – Ходоҕойдуу. – Хотой... Хотойдуу? – Хо-до-ҕой- дуу. Хотой диэн атын, олох атын тыл. – Ну, ладно. * * * Сергей бу кэмҥэ улуус кииниттэн фрукта, оҕуруот аһын атыылаһа сырытта. Сотору тапталлааҕын дьонугар билиһиннэриэ. Ийэтэ барахсан үнүр анаан-минээн көрбүт үрүҥ көмүс сахалыы ытарҕатын ылларбытын, бинсээгин сиэбигэр хоруопкаҕа уган кэбистэ. Аҕата түҥүрүгэр анаан, саха быһаҕын оҥорбутун үнүр кистээн көрдөрбүтэ. Уленька дьоно уруу тэрийэбит диэтэхтэринэ... Дьэ, уустук буолара буолуо. Саатар, холтууралаан мунньунуоҕун, дьупулуомҥун кытаат диэн, ийэтэ сөбүлүү истибэтэҕэ. Бэйэтэ да ону бэркэ өйдүүр. Сатаан туттарбакка хааллаҕына, саата-суута да бэрт буолуо. Ол эрээри Уля уруу үрүҥ былааччыйатын кэтиэн баҕарар. Соҕуруу сынньаныан эмиэ саныыр. Ыксаатылар дуу? Үлэ, дьиэ-уот булунан баран, дьиҥэ, ыал буолар ордук этэ да... Уленька, ыксатар. Хайа, уонна итиччэ кэрэчээнэни былдьатар ыраахтан буолбат. Тапталлааххын кытта өрүү бииргэ буолар туох куһаҕаннаах үһү. Туһунан олоруохтара. Үчүгэй даҕаныы! Уол көтөр кынат үүммүтүнүү балысхан санааҕа уйдаран, ылыахтааҕын ылан, бүтэриэхтээҕин бүтэрэн, дэриэбинэтин диэки тимир көлөтүн салайа тутан кэбистэ. Хата, бу аҕата эргэ-урба да буоллар “Тойоталаах” буолан, дьыалыны түргэнник быһаарда. Массыына ыытар бырабаата суоҕа туох буолуой? Москуба биирдэ тутуллубатаҕа. Куоракка, хас хардыы аайы ДПС элбэҕэр, чахчы, сэрэхтээх. * * * Эргэ гынан баран, хаһаайынныы сыһыан баара тиэргэниттэн көстөр, кэҥэс дьиэ олбуорун ааныгар хара өҥнөөх “Прадо” хорус гынна. Массыына иһиттэн бастаан эр киһи тахсан, тимир көлөтүн биир өттүгэр баран, ааны аспытыгар эрэ бэрт мааны дьахтар хобулуктаах сопуоскатынан дугунан таҕыста. Иккис аан ону эрэ кэтэспиттии саҥа аһыллаатын кытта муру-муодунай, инники тахсыбыт дьахтар эдэр эрдэҕинээҕитэ диэбит курдук кэрэчээнэ куо сэрэммиттии сэгэйэн таҕыста. Дьиэ олбуорун калитката ол ыккардыгар эрчимнээхтик тэлэллэ түстэ да, Сергей ойон тахсан, төрөппүттэри кытта дорооболосто, илиитинэн киирэр аан диэки ыйда. Бэйэтэ тапталлааҕын өрө көтөҕөн ылан, иэдэһиттэн манньыйа сыллаамахтаата. Оннук көтөхпүтүнэн олбуор иһигэр дьылыс гынна. Натааһа астыыр баартыгын хайа ыккардыгар уста охсон, мааныга кэтэр былаачыйатын кэппитэ буолла, утары мөлбөйөн тахсан, саҥа аймах дьонун мичээрдии тоһуйда. Унаара Алексеевна кинини көрөөт уоһа ыпсыбат буола, сирэйдиин-харахтыын уларыйда уонна: – Уой даа! Наташенька, это ты что ли?! – Унаарушка, дорогая! Дьахталлар олус ахтыспыт дьон сиэринэн ыга куустуһа түстүлэр. Эр дьон, кыыстаах уол да тугу да өйдөөмүнэ, килэччи көрбүтүнэн турбахтыы түһээт, дьахталлар үөрбүт омуннара бэриллэн, күлэ-үөрэ ийэлэрэ көрсүһүү үтүмэниттэн уоскуйалларын кэтэстилэр.

Ватсаптан# Аҕам бэриэтчитэ Киһи хаһан эрэ быданнааҕыта, оҕо сылдьан билбитин-көрбүтүн, истибитин түргэнник умнар. Ол гынан баран, олоҕун хайа эрэ түгэнигэр, онтуҥ өйүҥ-мэйииҥ быыһыттан күөрэйэн кэлэн соһутааччы.   #Абааһы, үөр-сибиэн, ол-бу тыас-уус диэн баарын оҕо эрдэхпиттэн истэрим. Ол гынан баран, бүтэй эттээх буолан, илэ түбэспит суоҕа. Арай, оҕо сылдьан бэриэтчит диэни көрбүтүм. Ону даҕаны, бу кэлин, сааһыран баран, биирдэ эрэ ол дьиҥнээх бэриэтчит эбитин билбиттээхпин. Онно маннык буолбута.   Тыа ыала оччолорго бука бары сүөһүлээхпит-астаахпыт. Биһиги ыал эмиэ аҕыйах сүөһүлээх этибит. Сайынын Амма уҥуор тахсан оттуурбут-мастыырбыт.   Арай биир кыһын олунньуга, өрөбүл күн, мин биэстээхпэр-алталаахпар быһыылааҕа, сарсыарда турбутум, аҕам суох эбит. Ийэбиттэн ханна барбытын, хаһан кэлиэн туоһуласпыппар: «Уҥуор тахсыбыта. От киллэрэ. Хойутуура буолуо», – диэтэ. Ол күн аҕам миэхэ чаачар саа оҥорон биэриэхтээҕэ. Онон син биир хойутуур, эмиэ аныгыс өрөбүлү кэтэһэр буоллаҕым диэн, хомойо санаатым. Ол да буоллар, эбиэттэн киэһэ түннүктэн арахпатым.   Чаас ыраатан, борук-сорук буолуута, арай, таһырдьа кэлииккэ аана хаахынаата. Мин ким кэллэҕэй диэн ааҕа олорбут кинигэбин дьыбааҥҥа элитээт, түннүккэ ойон тиийдим. Көрбүтүм, аҕам тэлигириэйкэтин нэлэркэйдэммит, бэргэһэтин сэгэччи анньыммыт, хайдах эрэ байааттаҥнаан хаама-хаама олбуорга киирэн эрэр эбит. Мин үөрүүбүттэн: «Ур-раа, аҕам кэллээ», – диэн хаһыытаат, утары сүүрэн тахсаары көхөҕө ыйанан турар сонум үрдүгэр түстүм. Ол икки ардыгар түннүккэ ийэм кэллэ уонна: «Баҕайы, кэм буолуо...» – диэн хоһооно суох тугу эрэ уоһун иһигэр үөхсэн баран, остуол тардан барда. Мин онно эрэ кыһаммакка, мантан киэһэ чаачарданар буолбут киһи, сиирэ-халты таҥнаат, үөрэн-көтөн таһырдьа ойдум. Арай таһырдьа тахсан баран «аҕаа» диэт кэлииккэ диэки эргиллибитим, киһим суох. Сибилигин киирэн эрэрэ эбээт. Ити икки ардыгар ханна бара охсуой. Онон, арааһа, дьээбэлэнэр быһыылаах диэн, хаста да «аҕаа» диэн ыҥыран көрдүм да, киһим хоруйдаабата. Төннөн киирдим. Киирээппин кытта ийэм: «Хайа, аҕаҥ?» — диэн ыйыта тоһуйда. Мин «сибилигин киирэн эрэрэ да суох ээ» диэбиппэр, ийэм хайдах эрэ дьик гынна. Онтон халтан сонун бүрүнэн таһырдьа тахса сырытта. Киирэн баран эдьиийдээх убайбар «остуолгутун салгыы бэлэмнии тураарыҥ, мин өтөр киириэм» диэн баран, ханна эрэ тахсан барда. Эдьиийдээх убайым найылаһа-найылаһа остуол тардан бардылар. Эппитин курдук, ийэм сотору киирбитэ. Таһараа ыалга тахсан киирдим диэбитэ.   Ол күн аҕабыт хойукка диэри кэлбэтэҕэ. Мин, кыра киһи, кэтэһэ сатаан баран, чаачарым оҥоһуллубатаҕыттан кыһыйан кыратык уулааҕынан-хаардааҕынан сыҥсарыйа түһэн баран, утуйан хаалбытым.   Сарсыныгар сарсыарда эрдэ турбутум, ийэлээх аҕам куукунаҕа иккиэн чэйдии олороллоро. Мин турбуппун көрөн, аҕам оргууй аҕай утары кэлэн көтөҕөн ылбыта, түһэҕэр олордубута уонна «Ии, оҕом барахсан баар буолан...» диэн баран, кэтэхпиттэн сыллаан ылбыта. Аһыы олорон дьонум кэпсэтэллэриттэн өйдөөбүппүнэн, аҕам убайбын кытта сарсыарда от тиэйэ баран баран, отторун анньаат, тыраахтардара моһуоктаабыт. Күнү быһа бодьуустапыттар эрээри, кыайтарбатах. Онон киэһэлик дэлби тоҥон, аччыктаан, тыраахтардарын оҥорор кыахтара суох буолан, сатыы төннөн киирэн истэхтэринэ, ийэм соруһуутунан ыалбыт уол массыынанан утары тиийэн быыһаабыт. Дьиҥэр, билигин санаан көрдөххө, ол, кыһын сатыы киириэх диэтэххэ, балай эмэ ыраах сир ээ, үс көс.   Ити түбэлтэни мин бу хойут, биэс уоммун ааһан эрэ баран, өйүм-мэйиим хайа эрэ муннугуттан хостоон таһааран, өйдөөн кэллим. Били, аҕам кэллэ диэбитим, бэриэтчитэ эбит буоллаҕа. Ону ийэм төһө даҕаны бастаан аҕам итирик кэллэ дии санаабытын иһин, тахса сылдьан баран, бэриэтчитэ буоларын сэрэйдэҕэ. Ол иһин ыалбыт суоппар уолу «баран көрөн кэл» диэн көрдөстөҕө. Александр Рожин.

Ыт кытта хортуоппуй олордор эбит😅. Онон кытаатыҥ. Хойутаабыккыт туох буолуой? "Лучше поздно, чем никогда" дииллэр дии. Ватсаптан. Ханна эбитэ буолла.😃 Урукку олоҕор оҕуруоччут быһыылаах😂

Тускар туһан#

Ватсаптан

😱

Кутталын