.
البـارت 50 ``
على كـف القـدر نمشي ولاندري عـن المكتـوب💔
للكـاتبـة: أميـرة اليمـن
👌🏻👇🏻 😍
📚
@rewayatyamania 🇾🇪
ابو دانيال: الحمدلله على سلامته واحنا بظهوركم يا بنتي
زينب: تسلموا ما تقصروا.. لفت لاخوتها اللي ساكتين بغيظ واتكلمت للجد: تعال ارتاح هانا الوقفه لكم تعب
خطي الجد وجلس على المقاعد بتعب وجلس معه ابو دانيال وابو علي وزينب خطيت وسحبت زياد وزهراء معاها وجلس بالمقاعد اللي جنبهم وعلي واقف مرتزح لاعرض الجدر وكل شوية يبسر زهراء بنظرات حدة وتوعد وهي مدعممةة بشكل مستفز..
@rewayatyamania المصدر الأول للروايات
ثاني يوم... الخميـس...!!!
القريةةة..
بيت ابو نرجس.!!.
تكلمت البتول ونظرها للتلفون: تم رسلت الدعوة لزميلاتنا اللي كلهن ورسلتها للأستاذات
نرجس: سابر الدعوات الثانيات عيوديهن ولد عمي قال ابي للأهل والاصدقاء
بتول: حلوو من اي حين عيدوا الخيمةة
قبل ترد نرجس.. دخلت قمر اختها واتكلمت: يوم السبت قال ابي
بتول: سابر.. وانا عتزيد أأكد على الكوافير وعلى الحجز
قمر: لوو سمحتي يا بتول تقومي معي نسبر الديوان مع بنت عمي
بتول وقفت واتكلمت: ولايهمش الآن هيااا
نرجس: عتجي معاكن
بتول برفعة حاجب: تجي معانا وين.. اجلسي ولا ابسر لش صورةة هيا قمر تعالي..
.
.
بالمركزز..!!
دخل لاعنده بسرعة وهو يتكلم: معانا بلاغ عاجل بقضية قتل اللواء طلب مننا نخطى نبسر الموضوع
احمد فز واتكلم وهو يشل سلاحه: وين بالضبط يا وسام
وسام وهو يخطى: بطريق مدينة ذمار
احمد: كلم العناصر وسريع تحركنا هيااا..
.
.
بيت ابو علي..!!!
نزل الدرج بيحمل وهو يلبس الكوت ووقف على سؤال امه الخايف: ليش بتسعى عمك وقع فيه شي مالككك
علي وقف وباستعجال: لا لا عمي بخير معي عمل ضروري خاطركم.. خرج بيحمل وخطي بسيارته وشل تلفونه واتصل وهو يخرج السيارة: ارسل مكان القتل بالضبط انا جايي الآن...
.
.
الجوک ـر....!!!.
ماجد وهو يدخل للمكتب: تم عملنا شوشرة بقبضة القتل للمخابرات والعسكر وعنخطى ببضاعتنا من الجهة الثانية بدون لاحد يبسرنا او يشك فينا
الجوكر ابتسم بنصر واتكلم: برافووو كافي تأخرنا اسبوع بس النتيجة حلوةة.. نسق مع رجالنا واتأكد من دخول البضاعة بـ إمان
ماجد: ابشر
.
.
احمد ونظره للجثة: ايش سبب القتل
...: رمي بالرصاص رصاصة براسه والثانية بصدره
احمد بأمر: تأكدوا ومشطوا المنطقه هذه تمشيط.. لعل القاتل لازال موجود قريب مننا
الكل انتشر بانصياع ولف احمد على وصول سيارة علي اللي نزل واتقدم منهم وهو يتكلم: سلام
احمد وهو يصافحه: وعليكم السلام كيف حالك
علي: تمام الحمدلله.. عرفتوا بأيش تم قتله
احمد: رصاصة براسه ورصاصة بصدره.. والاسباب مجهولة لاحد الآن
علي وهو يوزع نظره للمكان: المكان شبه مقطوع
احمد: بالضبط.. ماحد مر من هانا او بسر سوا اللي بلغنا
علي جلس قدام الجثة ورفع الغطاء واتكلم بتنهيده: عرفتوه
احمد: لاااا هويته مجهوله لاحد الآن..
علي وقف ولف له: ما لقيتوا بطاقة او اي صك يحمل اسمه بالسيارة
احمد: ولا حاجة وكأنهم تخلصوا من كل حاجةة تخصه او دليل يوصلنا له
علي: اغبياء.. عيتم التعرف عليه من خلال بصمته او ملامح وجهه..
احمد: معروف..
.
.
بالمستشفى.!!!
تقدم منهن زياد وهو يتكلم ببسمة: ابي قام وسمحوا لنا نبسره
فزين زهراء وزينب بفرحة: صدددق
زياد: ايوة تعالين هيااا..!!
@rewayatyamania المصدر الأول للروايات
القريةةة..!!
حـامد...!!
خرج من البيت وبسر دانيال اللي جالس لاعرض الجدار بسرحان تقدم بخطواته منه وجلس جنبه وهو يتكلم: سلام نحن هنا
انتبه له دانيال ولف وهو يبتسم ويرد: سلام حياااك
حامد: ابقاككك..مالك مطنن سارح في ايش بتفكر
رجع نظره لاقدام واتنهد وهو يرد: في هذه الدنيا
حامد: وهذه الدنيا ما تخلي احد لحاله
دانيال بهدوء: بالذات انااا
حامد بضحكة بسيطة: ليييش
حط راسه بين يداته واتكلم بقهر: ليييت وانا اذكر حتى من انا وما اسمي ليت وانا القى خيط يوصلني لذاتي ولنفسي ليييت ياحامد لييت
طرح يده على كتفه وشد عليه وهو يتكلم: خلي املك بالله كبير فترة وتعدي وبإذن الله ترجع لك ذاكرتك
دانيال بتنهيدة وهو يرفع راسه: احيانآ تجيني كوابيس وانا بيدي سلاح وواحد معي ما يفارقني ابدآ في اشتباكات وقتل وحاجات خيرات ما يستوعبها عقلي مشوشات ماقدرت افهم شي
حامد بتردد: انا شاكك بحاجة بس مش متأكد منها
دانيال بأمل: ايش
حامد: انني اعرفكك او ان هذه الملامح مألوفة عندي
دانيال: لمن..قصدك اشبه احد
حامد: واحد...
https://t.me/rewayatyamania/51645
📚
@rewayatyamania 🇾🇪