حاجة فيك ❤️🎶

بعد اذن الادمن عندي كورس مايكرو نازل مجان في منصة على التلغرام *💥Introduction to microbiology* *course content* : ⚫ Definition of microbes and microbiology ⚫ Chain of infection ⚫ Types of infection ⚫ Main groups of microorganisms ⚫ Branches of microbiology ⚫ Diagnosis methods in microbiology ⚫ Treatment of microorganisms *🌹سجل للان 🌹* *📄كورس Basic Microbiology *🕐فتره الدراسه 7 يوم 🕐* *📝اون لاين علي التلجرام وحيكون في PDF للكورس* ⚪رسوم التسجيل الي الكورس مجانا علي المنصة د /ملاذ كرم الله حامد رابط القروب https://t.me/online1c77

خلوا قلبي جريح انا فاتوني .. ما اظنوا يبقى نصيح 💔💔. اوعدنا ياا رب بحجة قريييب ❤️❤️❤️

نذكرك في المسرّات لنُباركها، وفي الحُزن لينجلي، وفي الدعوات لتُستجاب، وفي لحظات الخوف لنطمئن، وفي مسارات الحياة لننجو، هلّ الهنا وانجلى الحُزن وانزاح الهم بذكرِك .. "فالصلاة والسلامُ عليكَ حيًا فينا لا تموتُ أبدًا، نُحبكَ ونُحب من يُحبكَ والموعدُ الحوض كما أخبرتنا، وإنّا لنُصدقك" - هاجر عبدالوهاب.

محمد صديق واقف عديل.. ما بين وبين.. جبلاً موسَّم بالثبات حاشاك تدنقر أو تميل فاكرنو عودك بنحني ! واقف شموخاً كالنخيل والريح هدِيك.. والموج يكِيل وريني بس (من ياتو ناحية) بتنتني؟ واقف ملامحك كالبلد ثورة وكرامة ونيل ونيل.. وريني كيف (من ياتو ناحية) غمرتني ! حِليلَك مُهندَم ومَارِق كأَنّٰك بَراك المَلاك💔. #من_ياتو_ناحية؟

‏" و نسألك اللّهم دوام الشّكر و مزيد الحمد ، أن تلهج آلسنتنا بالإمتنان ،وتفيض قُلوبنا بالرّضا ، ألا يدفعنا عُسر اللّحظة لتغاضي يُسر العُمر " آمين♥️

💜 *تعلن حلقات تبيان لتحفيظ القرآن عن مشروع صيانة مسجد بنات السنتر*💜 🌀 *حملة عاجلة لجمع تبرعات لصيانة مسجد بنات السنتر* حوجة التبرعات لجلب عمال سباكة وتصليح مكيفات ونضافة استراحة البنات ، وتغيير باقة كولر المياه وعمل جزامه وفيما بعد تغيير الزنك للسقف وشراء مراوح ومكيفات للمسجد شاركوا في الصدقة الجارية دي ما تفوتوها واحتسبوا الأجر وركزو في انو كم بت ح تجي المسجد تصلي وتقرا وترتاح طوبى لمن رزقه مالاً فأنفقه في بناء مسجد ، ف هنيئاً، لكل من أسهم في بناء مسجد يعبد فيه الله بصلاة ، وقرآة قرآن وحلقات زكر وحفظ لكتاب الله فله أجرهم ان شاءالله عن عثمان بن عفان رضي الله عنه أنه سمع النبي صلى الله عليه وسلم يقول:(من بنى مسجداً لله تعالى يبتغي بذلك به وجه الله ، بنى الله له بيتاً في الجنة *ارقام التبرعات* 0905490620 0115045338 *للتبرع بنكك* *رقم الحساب ٣١٢٧٤٧٥* *اسم مناسك عباس ابراهيم حسن* *ارسال الاشعار في الرقم دا ٠١٢١٩٣٦٨٢٢*

- شُكرًا يا الله لأنَّني لازُلتُ أنا بـ هذهِ الرِقة والليِّونة رُغم جَلافة الأيام والأشَخاص والأحَداث والحَياة بـ أكمَلها ..

عشت طوال حياتي أظن أن الصلاة، الذكر وكثرة الإستغفار، التسبيح، الطريق إلى الله عمومًا سيجلب لي المعجزات مثلما أسمع من الشيوخ و صرت أستغفر في كل ضائقة، وأهرع إليه في كل محنة، أدعوه.. وأتوسل إليه بكل الطرق، لكن شيئًا بداخلي كان ساخطًا ف هأنا أدعو، ولا تحدث المُعجزات! قد كنت أمُر بآيةٍ ﴿وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا ۖ وَمِنْ آنَاءِ اللَّيْلِ فَسَبِّحْ وَأَطْرَافَ النَّهَارِ لَعَلَّكَ تَرْضَىٰ ﴾ وهكذا بقيت أُردّدهم، ومع المداومة على الذكر والتسبيح تلمست بنفسي المُعجزة الأكبر.. وهي الرضا!! كل مرةٍ تخِفّ وطأة الأحداث داخلي كأن شيئًا لا يحدث! أجدني هادئة.. صبورة.. مُتيقنة أن ثمة نهاية سعيدة لكُل هذا تنتظرني، وأرى الشدائد تمُر عليّ بلُطف وإيمانٍ عجيب! ﴿لَعَلَّكَ تَرْضَىٰ﴾ نعم يا الله رضيت، وأشهدك أنك نعم الرّب، وأؤمن بنجاتك ولو كانت الرضا فقط في كُل شدّة، فلقد نجوت، ف الحمدلله يارب على ما منعت وعلى ما أعطيت . #هدير_علاء

أشكرك كثيرًا عندما تعلّمني كيف أقول الحمد لله عند الألم، وحينما تُلهمني ذِكرك عند وهَج المسرّات، شكرًا لأنك تكترث لشؤوني الصغيرة، وتخفّف عن كاهلي أعباء التأنيب والقلق والحسرة، شكرًا لأنك تُصلحني بالتدريج، فأُرجئ الفضل لك كلّما أفوز، وأُسلّم لك الحِكمة عندما أخفق. علمّتني أن أعرفك في المسرّة والمضرّة، ألهمتني أن يتقلّب حالي بين الشُكرِ والصبر، ما أرحمك ❤️✨

‏ثم يراني -ربّ الكون- أنا! الذرة المنسية، ينظر إلي ويحبّني، وييسّر لي ويحرسني ويدبّر أمري، ويطّلع على مخاوفي وخفايا نفسي! سبحانه ما أرحمه، وما أحوجنا".

‏"بكت القلوبُ على وداعِكَ حُرقةً ‏كيف العيونُ إذا رحلت ستفعلُ؟ ‏فعساكَ ربي قَدْ قَبِلْتَ صيامنا ‏ وعساكَ كلَّ قيامنا تتقَبَّلُ ‏إنْ كان هذا العامُ أعطى مُهلةً ‏هل يا تُرى في كلِّ عامٍ يُمهلُ؟ ‏رمضانُ لا أدري أعمري ينقضي ‏في قادم الأيامِ أم نتقابلُ؟"

- ربي تقبل قليلي ، ‏قد جاءك الناسُ بأعمالٍ كالجبال وجئتكَ بحفنةٍ فيها رُوحي ..

"أحدهم يُحدثني لأدعو له غيبًا وأنا أُحدِّث آخَر ليشملني في دُعائه وكُلنا يا رب على بابك." مساكين وحيارى ونرجوك :))

في لحظة حسرة كدا كحال حياة النازحين المليانة باللحظات اللي زي دي 😂 جونا مرة عمي وخالتي ف اديناهم موية فعلقوا انه نحن الليلة مويتنا مالها ما باردة كويس وكدا _ ما قدرنا نجيب تلج من الجيران _ ف بدت امي ولحقوها هم في التحسر والتذكر لتلاجاتهم والديفريزرات بتاعتهم 😂😂 وانه سبحان الله مغير الاحوال هم زمان كان بدو الناس في رمضان وحتى غير رمضان وعاملين طاسات عديييل مخصصة للناس ، حالياً هم البشحدوا في الناس يدوهم _ ناس عمي يومي بتجيهم طاستين وناس خالتي برضو اتنين ونحن وحدة وكبيرة _ سبحان الله الكلمة اللي ربنا اجراها في لساني انه " امال انتوا قايلين هسي لقيتو اليديكم ليه ؟.. عشان زمان كنتو بتدو ف دا جزاكم " .. ايه دا يا جماعة لما اتفكرت في الموضوع لقيت اني قلت حاجة عظيمة خالص سبحان الله 😂❤️❤️.. انه الجزاء من جنس العمل و " هل جزاء الاحسان الا الاحسان" و " اعرف الله في الرخاء يعرفك في الشدة " ❤️ ، واعملوا خير وارموه البحر حيجي يوم الخير دا ويكون سبب في نجاتكم وتسهيل حياتكم ❤️ سبحان الله كم ناس غيرنا نازحين في مدارس وخيم او حتى بيوت وما لاقين موية باردة في رمضان دا ونحن الحمدلله مما جينا هنا ماشين على ال 9 شهور يمكن ما حصل مرة شربنا موية حارة ، ربنا سخر لينا عباده لدرجة مرات حتى ما بنمشي نطلبها برسلوها لينا في البيت ❤️❤️❤️ ف الحمدلله الذي لا يحمد على مكروه سواه ، الحمدلله على تسخيره وكرمه ولطفه بينا جميعاً ❤️❤️❤️ اتفكروا يا جماعة في المواقف اليومية والله النزوح دا مليان خير عظييم ❤️❤️❤️❤️

لاقاني فيديو لـواحد بيحكي لشيخ انو كان بدعي بالزوجه الصالحه وكانت نصيبو بنت عمرها 32 سنه.. فـقال لقيت فيها كل حاجه كنت بفتش عليها واي زول بتمناها .. كيف مافي زول اخد بالو منها السنين دي كلها؟! ف الشيخ قال ليه "عشان رزقك غيرك اتعمي عنها " ❤️ . - في آية بتقول "وحرمنا عليه المراضع من قبل" سيدنا موسي اتحرم عليه المراضع عشان رزقو في حتة تانيه خالص مع انو الظاهر من الحدث انو صعب يصل ليها لكن ربنا اراد إنو ياخد رزقو من أمو..! فـ بذكركم وبذكر نفسي : رزقك حيصلك حيصلك مهما شفت انو بعيد، او كل مره تنوي تعمل حاجه وتفشل ، او الطرق تتقفل قدامك.. شبكه التوصيل عند ربنا مليانة ممرات سرية بتوصل ليك الارزاق بطريقة عقلك ما حـ يستوعبو 🌿. خلي عندك بس ثقة وحسن الظن في ربنا وعليك بالدعاء ❤️..

لما راجعين من التراويح اول يوم خالتي كانت متأزمة جداً وذكريات الخرطوم وبيتهم ورمضان هناك وكيف كانت الصلاة في المسجد جمبهم كل ما تتذكرهم قلبها يوجعها زيادة كعادة كل النازحين ، سبحان الله ربنا الهمني اقول ليها حاجة جبرت بي خاطرها وبي خاطري انا زاتي ، قلت ليها انه زمان الصحابة كانوا كلما يمشو مكان بصلوا ويدعوا فيه بقولو عشان يجي يوم القيامة يشهد لينا وكدا ف نحن يمكن ربنا جابنا المسافات دي كلها عشان المكان دا يوم القيامة يشهد لينا اننا صلينا فيه وانه رغم النزوح والنفسيات قمنا بشعائر رمضان وواصلنا في التراويح ❤️❤️❤️ ف لكل النازحين والمتغربين عن بيوتهم ورمضان باقي ليهم غريب ، اذكر نفسي واذكركم بالحاجة دي واننا بنقضي رمضان هنا لسبب ووراه خير عظيم نحن ما عارفنه لسه ، الاهم اننا بقى عندنا مكان زيادة يشهد لينا يوم القيامة ، وعندنا رزق جانا من مكان ما كنا متوقعنو والحمد لله الى الان الناس وضعها مستور ❤️ الحمدلله انه رزقنا عند الله ما عند زول ❤️ ، الحمدلله اننا لينا رب كريم رحيم بينا في ايي مكان ساترنا وحامينا ومكفينا ❤️ الحمدلله على نعمة الإسلام ❤️ وربنا يجعل رمضان دا نهاية كل تعب وحزن ونرجع سالمين غانمين وتامين لامين ❤️❤️

تقريباً كلنا متجرسين إنه رمضان المرة دي غير ويا حليل بيوتنا ولمّاتنا والشيطان بيزيدنا حزن على حزن كل يوم وهو شغال يعدِّد الحاجات اللي ح نفقدها في رمضان دا واغلبنا داخل رمضان بروح معنوية لو ما صفر ف هي بالسالب عديل لكن،، من التأملات اللي جبرت خاطري جد جد إني اتذكرت إنه الصيام اتفرض على الصحابة في وضع زي وضعنا دا مهاجرين بالغصب مُستضعفين مظلومين ف جاهم رمضان بأبواب خير عظيمة شديد دعوة الصائم مستجابة دعوة المظلوم مستجابة دعوة المسافر مستجابة ليلة القدر وما أدراك ما ليلة القدر يعني اتخيلوا بعد الأبواب الفاتحة دي كلها هل في دعوة ح تجَلِّي؟؟؟ حقيقي رمضان السنة دي فرصة عظيمة إننا نعيش شعور استجابة دعواتنا بإذن الله وإننا قريب بإذن الله راجعين فاتحين ومنتصرين زي ما النبي عليه السلام وأصحابه رجعوا -من بعد ضعفهم قبل الهجرة- أقوياء، أعزة ومنتصرين وعسانا نختم رمضان بقول ربنا لينا زي ما قال لموسى عليه السلام: " قالَ قَد أُوتيتَ سؤلكَ يا مُوسي ¤ و لَقد مننّا عليكَ مرةً أُخرَى" ♥️ ربنا يبلغنا رمضان آمنيين مطمئنيين حامدين شاكرين قائمين وساجدين على حال يحبه ويرضاه 🤲

في ظل أشياء كثيرة أنساها اتذكر شيئاً واحداً، أنكَ هُنا دائماً، أُنادي دون إنتظار وقت مُحدد، أُناجي دون ترتيب وإعداد مُسبق، بابك مفتوح للعائدين، رحمتك تُكتب حتى على المُسرفين، فضلك يشمل المُقصرين، فلكَ الحمدُ عُمرين على عُمري حمداً كثيراً طيباً لا يبيد أبدا.♥️

كُلما قرأتُ ما قالَه فضالة بن عمير؛ ينتفضُ عقلي مِن الغبطة: « فَضَحِك النَبي، ثُمَّ وضعَ يَده علىٰ صدري، فَسَكَن قلبي » يا ليتني فضالة، أو حتَّىٰ ثَوب فضالة الذي بُورك بِلَمسة مُصطفانا الشَريفة.. يا رب عَوِّضنا بِصُحبة حبيبك في الجنَّة، عن عدم لُقياه في الدُنيا المُفزِعة دي:"((

حنعيش سعداء لو بطلنا نتعامل مع الحاجات الحلوة بتوتر و بطلنا نخاف انو اللحظات الجميلة تنتهي. الثابت في الحياة التغيير ف ما تتشنج زي الزول البحب أكلة معينة و مقتنع انو مافي الدنيا أطعم منها طيب انت جربتا ؟ إمكن في كل الحاجات الانت مقتنع انو مافي منها اتنين اعرف انك غلطان ، العالم كبير و واسع و خياراتو كتيرة ف ما تقصر سعادتك على حاجة او وضع معين . مافي حاجة بتحصل مرة وحده و مافي حاجة بتحصل مرة وحده و مافي حاجة أحلى منها . " لا نستطيع أن نقول عن الربيع : ليته يأتي قريبا و يدوم زمنا كافيا . بل فقط : ليأت و يباركني بأمله ، و ليبق قدر ما يستطيع " ❤️

من الاخر كده أنا مش عايزة ولا محتاجة أدخل فِ أي صراع فِ العالم غير صراع واحد، وهو أني أهذب ذاتي، أعلمها أزاي تكون أجمل من مَ هيّ جميلة،أشطر، أقوى، ألطف، أحن، أرق، أقرب لـ ربنا، غير كدا كُل الصراعات الباقية مَ هيّ إلا شكليات بالنسبالي :))

على حِس فرحة الأعراس في وسط أحزان الحروب♥️! في واحدة من أغاني الدلّوكة الشهيرة في أعراسنا بنقول فيها يا "عروسنا" الله أدَّاكِ تاني ما بتمُرقِي براكِ؛ "عريسك" القيافة معاكِ عديلة .. عديلة! كواحدة بتحب فِكرة "القوامة" الغُنيَة دي والبيت ده تحديدًا قاعد جوَّا قلبي كده ده💘.. لطالما خفف عني ثقل الحياة شعور إني في يومٍ ما حا أمشي دروب الحياة دي مع رفيق يهون عليّ خطاي رغم المشقّة زول يكون مسؤول عني وقيِّم عليّ ما أكون خايفة في يوم أطلع براي وأجي راجعة براي وأشيل تقيل براي ما أشيل هم المضايقات أو هم المصاريف أو أي هموم تانية كانت ح تزول تمامًا في وجود "رَجُل" وزي ما قالت آلاء وجيه: "أحبُّ معنى اللجوء، الاحتماء، الاستتار، التلحُّف بأحدهم، أن أسير في حِماهُ راغبة مُختارة، غير مقهورةٍ ولا مجبورة، وُجداني مُطمئن أنني أُعوِّل على سند إن مالت الدنيا لا يميل لأنه موثوق.. وإن مَلَّت الدُنيا لا يَمَل لأنه مسؤول، وأنا مسؤوليته.. أحبُّ فكرة أنني مسؤولية أحدهم". فكرة القوامة ح تظل دومًا وأبدًا فكرة آسرة بالنسبة لَي وشعور أتمناهُ لنفسي ولكل عزيزة عليّ فيا رب، ترزقنا بمن يُرضي شعورنا، ويقوم بشؤوننا، ويكرمَنا ويكرم أهلنا، ويكون قيّم علينا بكل ما تحمله القوامة من معنى وأن يُقَال لنا قريبًا .. يا "عروسنا" الله أدَّاكِ تاني ما بتمُرقِي براكِ؛ "عريسك" القيافة معاكِ😂♥️ #صفِيَّة_مُصطفى منقول من صفية السمحة ♥️

استخرت وحاسي لسه نفسك مشتت وضايع؟ ليه ماقادر تأخد قرارك! .. استخير تاني وتالت وعادي جِدًا ممكن تكرر الاستخارة! .. حأعرف كيف نتيجة الاستخارة؟ الاستخارة ما حلم ولارؤيا بتتحقق فيها حاجتك! .. نقطة كمان مهمة! الاستخارة ماعصمة لك مِن الحزن ولاالابتلاء! عادي جِدًا تستخير ربّنا في زواج ويتم .. وبعدين يحصل انفصال! الخير لك كان في التجربة دي بكل تفاصيلها العشتها! يعني الاستخارة ما كرت ضمان الموضوع دا ماحيكون فيهو ولاغلطة! .. طيب والاستخارة فايدتها شنو؟ هي لجوء لله وتسليم تام إنّو ربّنا يكتب لك الخير في الحاجة دي ويصرف عنك الحاجة الفيها سوء لك! .. طيب عشان تفهم فائدة الاستخارة بالضبط شنو .. تخيل كده إنّو عندك امتحان والطبيعي المفروض إنّك تستعد للإمتحان دا وتجتهد، هل دا بضمن لك النجاح؟ لا ماشرط ممكن جِدًا وكتير بنقرأ ونستعد وبعدين الدرجة ماتكون على قدر كده! .. ففكرة الاستخارة هي لجوء لله وتسليم له سبحانه وطلب للتوفيق مِنه، مع العلم كل حد في الدنيا عنده ابتلاءات ونصيب منها، فلو الحاجة الاستخرت فيها دي ربّنا أصلًا كاتب لك إنّها تكون ابتلاء لك، فالاستخارة حتكون خير لك في إنّك تُوفق للخير في الابتلاء دا، ولو ربّنا ماكاتبها لك مِن الابتلاءات فالاستخارة هي بمثابة نجاة لك مِن حاجة غيرها كان ممكن تسؤك!.. كيفية الاستخارة؟ ركعتين من غير الفريضة، مافي سور معينة بتقراها بعد الفاتحة أي أيات مافي أياتمخصوصو، وبعد الصلاة تدعي بهذاالدعاء .. والدعاء ورد عند البخاري : [ اللهمَّ إنّي أستخيرك بعلمك، وأستقدرك بقدرتك، وأسألك من فضلك العظيم، فإنك تقدر ولا أقدر، وتعلم ولا أعلم وأنت علام الغيوب، اللهمَّ إن كنت تعلم أنَّ هذا الأمر (ويسمي حاجته فيقول مثلا هذا السفر،الزواج ) خير لي في ديني ومعاشي وعاقبة أمري فاقدره لي ويسره لي ثُمَّ بارك لي فيه، وإن كنت تعلم أنَّ هذا الأمر (السفر أو الزواج) شر لي في ديني ومعاشي وعاقبة أمري فاصرفه عني واصرفني عنه، واقدر لي الخير حيث كان ثم رضني به] طيب وأعرف نتيجة الاستخارة في دا ولا دا كيف؟ حتسعى للمتاح لك وإنت بتستخير لو هو الفيه الخير حيستهل لك ولو لا حتلقى ربّنا صرفه عنك ووفقك لغيره .. ينفع استخير في أي حاجة؟ أيوه في أي شئ تجوز الاستخارة إلّا حاجة حرام، معصية وفيها اثم! ولا حاجة فرض يعني ماينفع أستخير أصلي العشاء ولا لا!! وكنصيحة مُجرب .. ماتخلي حاجة تشغل بالك مِن غير ماتكون استخرت فيها، حتى لو حاجة بسيطة شديد في نظرك، حقيقي ماندمت أبدًا على قرار كان بعد استخارة! 👌 تبيّن؟ هذا والله تعالى أعلم! #ترتيل_الخزين

في ظل الخوف والزعزعة والرعب من المصير المجهول اللي اتملكنا كلنا كسودانين خلوني اذكركم بكم قصة، اولها قصة الحبيب محمد صلى الله عليه وسلم ورفيقة في الغار الصديق أبو بكر رضي الله عنه قال تعالى:"ثاني أثنين اذ هما في الغار إذ يقول لصاحبه لا تحزن إن الله معنا فأنزل الله سكينته عليه وايده بجنود لم تروها" المشركين كانوا لاحقين الرسول صلى الله عليه وسلم وأبو بكر رضي الله الله عشان يقتلو الرسول، فدخلو غار ثور واتخبو هناك، فلما كانوا في الغار والصديق استوحش وخاف على الحبيب محمد صلى الله عليه وسلم قال ليه "لو أن أحدهم نظر تحت قدميه لأبصرنا" الحبيب محمد صلى الله عليه وسلم عشان يهدئ قلق رفيقه قال له:"ما ظنك بأثنين الله ثالثهما"♥️♥️ ولحظتها اختفى قلق وخوف ابو بكر رضي الله عنه. المشهد الثاني قصة نبي الله موسى عليه السلام كان فيها الخوف في كثييير من المواطن من لحظة خوف والدته عليه عشان فرعون ما يقتل ولدها وربنا قال في كتابه: "وأوحينا إِلَى أم موسى أن ارضعيه فاذا خفت عليه فالقيه في اليم ولا تخافي ولا تحزني إنا رادوه إليك وجاعلوه من المرسلين" الشاهد من القصتين أنه كل ما بلغ الأيمان عندك قدر كبير جواك كل ما كنت قادر تثبت في عز المخاوف والأهوال، قال تعالى: "ألا بذكر الله تطمئن القلوب"♥️ والحو بالدعاء الدعاء بيغير الاقدار وبيأمن الأنسان من كل خوف. فالأخير يا رب عوضنا عن كل شي صعب عشناه، وكل شعور معقد لم نتحمل وصفه، وكل هم تحملناه، وكل مرة سُلب حقنا وظُلمنا، يا الله عوضنا بحق صبرنا وبحق ثقتنا بك فإنك لن تخذلنا أبدًا..

كلما اتوتر واخاف من المجهول واللي احتمال يحصل بقرا الاقتباس دا وبنزل برداً وسلاماً على قلبي :"للمرة الثانية والثالثة والمليون، إياكَ، إياكَ وأن تخاف شيئًا قبل حدوثه، لا تتخيَّل، واصرِف فِكرك وخوفك عن الغيبيات فهي في عِلمِ الله، واعلم أن البلاء إذا نزل على العبد ينزل معه اللطف، فإذا تصوّرت البلاء قبل أن يقع فقد استقبلت البلاء بدون لُطفٍ وأهلكت روحك.. واجبٌ عليك أن تتيقن أن لك ربٌ قيوم لا ينام، فاطمئن به، وتوكل عليه، واستبشِر، وتفاءل بالخير." ❤️ اوصي نفسي واوصيكم بيه وبالاستوداع واذكار الصباح والمساء والدعوات الدعوات الدعوات ❤️❤️❤️ ان شاء الله ربنا يحفظنا جميعاً ويسترنااا ويآمن روعاتنا ويستر عوراتنا

في خلقةِ الأنثى، جعل الله مشاعرها معجونة في جسدها، تحافظُ عليه أشد حفاظًا؛ لا تكشفه ولا تظهر منه شيئاً إلا بحقِّه وبعهدِ الله! فماذا لو قلت لكم أن هناك مكان يُهتك فيه عِرضُ النساءِ أمام أعين ذويهم! ماذا لو عرفتم أنَّ الفتياتَ هناك لا يطلبن طعاماً ولا راحةً حتى، هن يسألوننا على ما يمنع حملهن أو يبطله إذا حدث بعد ما يتعرضن له! قلبي ينخلعُ مرةً للإسلامِ، ومرةً لأنِّي امرأة، ومرةً لأنِّي إنسان، وألف مرةٍ لأنِّي هُنا عاجزة!

القلق والتوتر يأكلانِ معدتي، والخوف يأكلُ عمري، ياربّ آمن روعاتي.

كل ما احس باليأس ويجيني احباط انو البلد دي تاني ما ح تتصلح وماشين على هاوية بتذكر حياة سيدنا أيوب وكيف انو كان عايش وصابر وكيف ربنا جبر بخاطرو بدعي ربنا انو يجبرنا كجبر ايوب ايوب عليه السلام ربنا اداهو ٧ اولاد و٧ بنات واداهو مال واصحاب وربنا ابتلاهو عشان يكون اختبار ليو وقدوة لغيرة من الناس، فخسر تجارته ومات اولاده وابتلاه ربنا بمرض شديد ونفر الناس منو لدرجة رموهو بره مدينتهم خوفاً من مرضه وماف زول بقى معاو الا زوجته ووصل بيها الحال انها تعمل عند الناس عشان تصرف عليها وعلى زوجها واستمر سيدنا ايوب في البلاء ١٨ سنة وهو صابر وما بشكي لزول حتى لزوجته فلما زوجته قالت ليو ليه ما تدعي ربنا يفرج عنك قال ليها: كم لبثنا بالرخاء؟ قالت: ٨٠سنة قال ليها استحي من ربنا لاني ما مكثت في بلائي المدة التى لبثتها في رخائي بعد ايام الناس خافو من مرضو بقو ما بشغلو زوجته فقصت ظفيرة من شعرها وباعتها عشان ياكلو هي وزوجها ولما سألها دا من وين ما ردت وفي اليوم البعدو باعت الظفيرة التانية لما راجلها لحت عليها كشفت رأسها فنادى ربه" ربي اني مسني الضر وانت ارحم الراحمين" فجاء الأمر من من بيده الأمر: "أركض برجلك هذا مغتسل بارد وشراب" فقام كويس ورجعت ليو صحتو وجات زوجته وما عرفتو قال ليو شفت الزول المريض الكان هنا😂 ما شفت زول بشبهو لما كان كويس زيك قال ليها ما عرفتيني انا ايوب بعدها رجعت ليو مرتو شابة وولدو ٢٦ولد ويقول سبحانه وتعالى" واتيناه أهله ومثلهم معهم" العبرة: كلما فاض حملك تذكر صبر أيوب وأعلم انو صبرك نقطة من بحر أيوب❤️ #منقول_بحب

من فترة ما طويلة قريت انه من ضمن الدعوات الجميلة أنه ندعي :" اللهم انفعني وانفع بي " ، فبقيت بدعي بيها وما احكي ليكم عن كمية السعادة واللطف والتيسير اللي حسيت بيهم ، ودي من ضمن المواقف اللي حصلت : _ بعد شهرين نزوح وماف ايي موضوع في البيت غير النضافة والحاجات دي بقت كل معلوماتي في الطب تسمح لي اقول للمريض بالشفاء ان شاء الله 😂 ، ودايماً ناس البيت كانوا بشجعوني عشان امشي اما المستشفى او على اقل تقدير مركز القرية اتدرب واتعلم ونهائي ولا مشيت ولا واحد ، لحد ما براي قررت وحسيت اني عايزة امشي في يوم معين في الاسبوع ، ف مشيت المستشفى وسبحان الله لقيت دفعتي في جامعة الخرطوم شغالين راوند في اليوم دا بس وباقي الايام شغالين في مستشفى تاني _ الاسبوع البعدو لما مشيت في نفس اليوم لقيت انه اتلغى الراوند وانا ما عرفت الا بعد وصلت المستشفى ، ف بقيت حايمة وبسأل من باقي التخصصات طريقة التدريب فيها كيف ، حرفياً كأنه زول سايقني انا ماشة على عنابر في اخر الصف اصلا ما حصل مشيتها اول من وصلت الباب لقيت جوة كمية دكاترة واقفين فوق عيان ومعاهم الاخصائي وعايزين يبدو مرور ، وماشاء الله تبارك الله كمية علم ومعلومات رهيبة من الاخصائي ومن النواب كانت كافية انها تخليني كل اسبوع اجي احضر معاهم ❤️❤️ في الموقفين الفوق متحقق جزو من الدعاء " اللهم انفعني " ، الجزو التاني شفت نتيجتو في حياتي لما لقيت اني كلمت الناس البعرفهم قريبين للمستشفى انهم يجو يحضروا وشجعتهم وهم كمان بقو يجو ويستفيدوا ، ولما لقيت اني بقى عندي معلومات كويسة شديييد تخليني اقدر انفع ناس البلد حتى ولو بإني اعمل ليهم orientation بسيط واوريهم يمشو وين او يعملوا شنو ❤️❤️ _ الحمدلله الانجليزي بتاعي كويس لكن ما حصل درست خالص من البداية ، ممكن اشرح ال grammar , suffix and prefix وهكذا ، ف اولاد عمي في الأساس طلبو اشرح ليهم وابدا معاهم وهم كحال كل طلاب الاساس في المدارس الحكومية اللي بدو ليهم الانجليزي في خامس ولما مشوا لقدام لقوا نفسهم قدام تحدي كبير وكل مرة الوضع ماشي اصعب ، بدينا من الحروف ونطقها _ وانا حرفياً كأنو في زول بمليني رغم اني خالص ما حصل قريت phonics ( اللي هو طريقة نطق الحروف ) _ مروراً بالارقام وايام الاسبوع وحالياً لسه شغالين في الكلمات ، وماشاء الله تبارك الله شايفة " اللهم انفع بي " بعيني ❤️ ، ماشين كويس ومستفيدين ومتحسنين ❤️❤️❤️❤️❤️ رغم انه المواقف تطول لكن البوست حيبقى مقالة بعد دا 😂 ، ف المهم العايزة اقولو انه دايماً ادعوا :" اللهم انفعني وانفع بي " وبراكم حتشوفوا بركة الدعوة دي في حياتكم ❤️❤️❤️ الحمدلله الذي هدانا لهذا و ما كنا لنهتدي لولا ان هدانا الله ❤️❤️

وررررر أتناشر

مافي اتنين بيتزوجوا بعض وهم مناسبين لبعض أو متوافقين بالكامل .. دي إفتراضات وأوهام مراهقة وهرمونات ساي. "التوافق" مشوار بيقطعوه الزّوجين سوا، جوة البيت. وبيحتاج شجاعة، وتواضع وتفكير وتواصل شفّاف ومستمر. لو بتحِب زول واخترته شريك لحياتك، ما تعتبر الزّواج ختام ونهاية سعيدة وخلاص الموضوع انتهى وحقّقنا أحلامنا وكل عاشق عقباله وبتاع. الموضوع يادوب ابتدأ.. فخلّي جواك حسن نيّة، وطاقة للسعي والنّقاش والخلافات والتّنازلات والتفاهم والمساومة حول الأمور المادّية والجنسيّة والعاطفيّة والنّفسيّة والاجتماعيّة. الزواج قصة جديدة، ما نهاية القصّة. والمودّة (المحبة) مجرّد بداية. أمّا الرّحمة (التنازل وحسن النوايا والتواضع والرِّفق) هي المتبقّي والضّامن لنجاح واستقرار الشراكة دي.

في أشكال للصدقة كتير غير فلوس كل اللي بين قوسين أحاديث للنبي صلى الله عليه وسلم: ١- «في كل ذات كبد رطبة صدقة» - لقمة العيش اللي بترميها للقطة مثلا صدقة. ٢- «تعين صانعا أو تصنع لأخرق» - يعني تساعد إنسانا في عمل ما لا يحسنه أو تعمله له، تعلم إنسانا صنعة أو مهارة أو سر مهنة، ٣- «تكف أذاك عن الناس فإنها صدقة تصدق بها على نفسك» ٤- «تعدل بين اثنين صدقة» - تقول الحق وتسعى للإصلاح بينهما. ٥- «تعين الرجل في دابته فتحمله عليها أو ترفع له متاعه صدقة» - هذا إذا أعنته في ركوب دابته هو فما بالك لو أركبته دابتك أنت؟! «من كان له فضل ظهر فليجد به على من لا ظهر له» عندك سيارة وصل حد معندوش على سكتك تكتب لك صدقة. ٦- «والكلمة الطيبة صدقة» ٧- «وبكل خطوة تمشيها إلى الصلاة صدقة» ٨- «وتميط الأذى صدقة» وأخيرا: ٩- «كل معروف صدقة»

كنت عايزة اعدل في نفس البوست بتاع سورة البينة ولكن عشان يصل لعددية أكبر عملتو في بوست جديد عاوزة اقوليكم طريقة تربطو بيها الآيات بصورة حلوة بداية سورة البينة ٨ آيات ح نقسمهم ٣ ٢ ١ ٢ يعني ٣ آيات بتحكي موضوع معين و٢ بتحكي موضوع معين وآية وحدة بتحكي جزاء الموضوعين الفوق والآيتين الأخيرات بتحكي جزاء عكس الجزاء بتاع الآية الفوق كيف؟! الآية الأولى والتانية والتالتة الأولى بتحكي عن الكفار من اهل الكتاب والمشركين وحالهم كان كيف وإنهم محتاجين بيّنة وحاجة واضحة تطلعهم من شركهم وكفرهم ده "لم يكن الذين كفروا من أهل الكتاب والمشركين مُنفكين حتى تأتيهم البينة" التانية البينة دي أتت في شكل رسول مُرسل بصُحف مُطهرة "رسول من الله يتلوا صحفاً مُطهرة" والتالتة الصُحف المطهرة دي فيها البيّنة اللي هي كُتب قيّمة "فيها كُتب قيمة" الآية الرابعة والخامسة حال الكفار والمشركين ديل بعد ما جاهم الرسول والكتب دي الرابعة بعد جات الرسالة تفرق جزء منهم جزو كدا وجزو كدا "وما تفرّق الذين أوتوا الكتاب إلا من بعد ما جاءتهم البيّنة" الخامسة الجزو الإتفرق وما مشى مع الرسالة ..أمروهم ٣ حاجات "وما أمروا إلا ليعبدوا الله مخلصين له الدين حنفاء ويقيموا الصلاة ويؤتوا الزكاة " والتلاتة حاجات دي ياها دين القيّمة "وذلك دين القيّمة" السادسة حال الفئة الما مشت مع الرسالة وما أطاعت التلاتة حاجات الأمروهم بيها "إن الذين كفروا من أهل الكتاب والمشركين في نار جهنم خالدين فيها أولئك هم شر البريّة" الآية دي بتشبه الآية الأولى في البداية فربطوها معاها وآخر آيتين بتحكي عن الفئة التي أطاعت أوامر الله وجزاهم "إن الذين آمنوا وعملوا الصالحات أولئك هم خير البرية" جزاؤهم عند ربهم جنات عدن تجري من تحتها الأنهار خالدين فيها أبدا " وبعد الخلود ؟ "رضيّ الله عنهم ورضوا عنه" الجزاء ده كلو لمنو؟ "ذلك لمن خشي ربه" خاف ربنا من الأول وقال سمعنا وأطعنا♡ _منقول

في تجربة شهيرة اتعملت سنة ١٩٦٧ بعنوان Cultural acquisition of a specific learned response among rhesus monkeys كان الهدف منها تقييم البيئة و الثقافة على الأفراد جابو ٥ قرود ختُّوهم في قفص في قمة القفص كانو الباحثين خاتين موز طبعا القرود بتحب الموز القفص ارضيّتو كان بعيدة عن القمة بتاعتو يعني كان قفص عالي و عشان يساعدو القرود تصل للموز خَتّو سِلِّم قرد من القرود طلع السلم و كان ماشي للموز واحد من الباحثين رشّاهو بموية باردة و ما رشّا القرد الطالع براه و لكن رشّا معاهو القرود الكانت قاعدة الموية كانت باردة و القرود اتبلّت و بِردت بعد شوية القرود ما قدرو يقامو إغراء الموز قِرد تاني حاول يطلع و لكن برضو اترشّا بالموية الباردة هو و باقي القرود القاعدين مساكين بعد ما القرود نشفو و البرد راح واحد تاني منهم حاول يطلع السلم باقي القرود قالو ليه انت يا زول هناي؟! ذنبا شنو يا زول نترشّا و نتبلّا بسببك؟؟! اقعد هنا يا كلب البني آدم ابو نظارات دا اسي من ما يشوفك طالع حيرشنا في حنانّا بالموية الباردة و نقعد نترقط زي الهناي قامو القرود سحبو القرد دا من ضنبو و وقعوه و دقّوه هنا الباحثين شالو قرد من القرود القديمة و جابو قرد جديد طبعا القرد الجديد ما فاهم الرصّة شاف الموز و عايز يطلع الباقين قالو ليه آآآ وييين يا سحبوه من ضنبو و دقّوه الباحثين طلّعو قرد تاني من القرود القديمك و جابو قرد جديد برضو شاف الموز و عايز يطلع مافي داعي اقوليكم انو إتجرّا من ضنبو و اتدقّا صح؟ في كل مرة كان الباحثين بيسحبو قِرد و بيدخلو قرد جديد لحد ما الخمسة الفي القفص كلهم ما حصل اترشّو بموية باردة لمن جابو قرد جديد و القرد الجديد حاول يطلع السلم القرود الباقية منعتو و دقّتو مع انهم ما حصل اترشو بموية باردة ولا عارفين اصلا بيعملو كدا ليه بس لانهم اول ما دخلو اتمنعو من انهم يطلعو السلم و اتدقو بقو يعملو كدا —— ‏“Birds born in a cage think flying is an illness.” ‏― Alejandro Jodorowsky

مافي حاجه إسمها حياتي الشخصية طالما إنت من الشمالية دي تبقى حياتنا كُلنا

‏محظوظة بكل مرة سبقتني فيها إلى نفسي. بكل رهانٍ كان عليك ولم أخسره. وبكل مرةٍ أعود منك كأول من عرف الرضا، وأكثر من مسّه الفرح، كلّما نظرتُ لشيءٍ شعرتُ بأنه يحبّني. دانيا الغامدي

كلنا بنشكي انو السودانيين بقو ما زي زمان؛ فقدنا الطيبة و العفوية و المشكلة انو "كلنا" بنشكي، و نحن "كلنا" ديل البنشكل المجتمع البنشكي منو معنى كدا و الحقيقة المُؤسفة انو المشكلة بتاعت فُقدان الطيبة و العفوية دي فينا كلنا، لأنو ببساطة المجتمع دا مبني علينا و مجموع خصالنا الفردية و تصرفاتنا هي البتشكلو دا بيذكرني بالقصة بتاعت everybody, somebody, anybody and nobody البتقول: There was an important job to be done and Everybody was sure that Somebody would do it. Anybody could have done it, but Nobody did it. Somebody got angry about that, because it was Everybody's job. Everybody thought Anybody could do it, but Nobody realized that Everybody wouldn't do it. فـ تعالو من هنا و لقدام كل واحد مننا يتصرف كأنو السودان فيهو طيبة و عفوية و باقي الخِصال النبيلة الكانت فينا بدل ما نكون سلبيين و كل البنعملو اننا ننتظر "المجتمع" بطريقة سحرية يتغيّر و يبقى زي ما نحن عايزين غاندي مرة قال: “If we could change ourselves, the tendencies in the world would also change. As a man changes his own nature, so does the attitude of the world change towards him. ... We need not wait to see what others do.” و في فيلم ايفان اولمايتي مورغان فريمان قال: "How do we change the world? One single act of random kindness at a time." ختاما؛ نقول كما حدّث ادهم شرقاوي: بين يومٍ وآخر بين عامٍ وآخر تحسّس صدرك، فربما سقط قلبك واستبدلته الأيام بأحجار الطريق.. وصرت - دون علمك - كالآخرين الذين تلعنهم كل مساء #Be_the_change_you_wish_to_see_in_others

ادعُ ‏حتى تُجاب ‏أو تفهم المنع ‏أو تنزل عليك سكينة الله ‏وكلّ ذلك خير.

تخيل تشتغل الشغل اللي بتحبه وتاخد الشخص اللي بتحبه وتعيش الحياه اللي فدماغك ❤️✨

واللّه لو أنّني ما ظفرتُ ولا عبَرتُ ولا عُوفيتُ ولا سُؤدِدتُ ولا مُنِحتُ وكان نصيبي من الدنيا نظرة رضا واحدة من عليائك إليّ لكانت فيها كِفايتي وقِسمتي العادلة وزيادة، لكنّك اﻷكرم واﻷوسعُ اﻷرحم تغترف لي من زِيادات الخير ما لا حقّ لي فيه سوى قولك له أن يكنْ فيكون، سُبحانك ماأجحدني من بشر وماأعظمك من إلٰه وأعظِم بهِ تجاوزك! 🤍