اسرار زوجية👑

في محاضرة لمعالجة العلاقات الزوجية يحضرها رجال و نساء .. وقف المحاضر بيسأل لو انت كزوج زعلت مراتك تصالحها و تسترضيها ازاي؟؟؟؟ كل راجل جاوب اجابة من دول : 1) اتكلم معاها و اشرحلها وجهة نظري و اقولها حقك علي انت صح . 2) افكرها بالايام الحلوة اللي بيننا و اراضيها و اقولها اني بحبها و ما اقدرش استغنى عنها . 3) اغني لها الاغنية بتاعتنا و اروح استناها قدام شغلها و في ايدي ورد و اخدها اليوم دة اغديها برة و اكسر روتين حياتنا عشان تحس اني سايب الدنيا عشانها . 4) اعملها زي شباب اليومين دول و اقف اغنيلها و ابعت لها رسايل حب و احضر مفاجأة كبيرة لها و اصورها و انزلها عالفيس بوك عشان تلم likes بالهبل و تبقى مبسوطة . المحاضر قرا كل الاجابات وسط تنهدات السيدات و ابتسامات الرجال لغاية ما وصل لرجل في الثلاثينات من عمره و لقى ورقته فاضية ما كتبش حاجة!!!! المحاضر سأله قاله ما جاوبتش ليه؟؟؟؟ مش ناوي تصالح مراتك لو زعلتها؟؟؟؟ .. طبعا جملة زي دي خلت كل الموجودين مترقبين .. الرجالة خايفة انه يقول حاسيبها تنفلق و هم كدة يطلعوا رومانسيين و حبيبة .. و الستات مترقبة عشان لو غلط في مراته ياكلوه مع انهم ما يعرفوهاش،،،، بعد لحظات صمت الشاب اتنهد و قال للمحاضر ( تعرف حضرتك انا بحب مراتي اوي اوي لكن عمري ما عرفت اصالحها) طبعا الاجابة لم تلاقي استحسان الحاضرين و ابتدى الغمز و اللمز حتى المحاضر بدا يتافف و يستعد للسؤال المتوقع و عايز يقوله امال انت جاي ليه!!!!!!! وقبل ما يسأل بدا الشاب يتكلم تانى ويقول : انا مراتي قبل ما اتجوزها كانت حلم جميل باحلم اوصله و يوم لما فاتحتها في الارتباط و ابتدت تديني امل كنت حاسس اني ملكت الدنيا .. و يوم خطوبتنا كان قلبي حيقف من السعادة و حاسس اني باحلم .. و يوم الفرح و انا ماسكها و بارقص بيها كنت شايفها اجمل ست في الكون و ان كل اللي حواليا حاسدني عليها و على حبها لي... لغاية بعد الجواز بكام شهر كنا بنختلف كتير و نغضب كتير بس كانت هي بتستحمل و تصبر و تسامح لغاية ما خذلتها و اتخليت عنها مرة .. و كانت اول مرة تثور علي لانها حست بعدم الامان و ابتدت تتغير معايا بقت عنيفة عصبية ردودها مش حنينة بقت بتنجح في شغلها عشان تعوض احساسها بالفشل في حياتنا .. لغاية ما مرة قالتلي انا مش شايفاك و انت مش فارق معايا .. صهينت و طيبت خاطرها بكلمتين و سيبتها تهدي.... بعدها بمدة مش كبيرة حصلت مشكلة كبيرة .. و مراتي اللي كانت واثقة في خذلتها للمرة التانية بس المرة دي هى ما ثارتش و ما قالتش لحد وبطلت تتكلم و تحكيلي حاجة بقى التعامل بيننا في الحاجات اللي تخص ولادنا بس و ابتدت تبعد...... انا بصراحة قلت طالما في البيت و الاولاد كويسين يبقى فترة و تعدي .. و صحيت بعدها باسبوع على احزن يوم في حياتي .. مراتي ما بتردش علي و ساقعة متلجة..... ماتت و هي نايمةجنبي و ما حسيتش بيها زي ما كانت عايشة معايا و ما حسيتش بيها و لا فهمتها.... ماتت و هي نفسها تعمل حاجات كتير انا مش عارفها.... انا اما شوفت صحاب و زمايل مراتي في العزا و حزنهم عليها و الكلام الحلو اللي بيتقال عليها حسيت قد ايه انا عشت غافل عن نعمة كبيرة كانت معايا..... انسانة كانت تتمنالي الرضا ارضى بس انا خذلتها .. انسانة كان نفسها تعمل كل حاجة معايا بس انا سيبتها لوحدها.... واحدة كانت بتحبني و بتحب اهلي بس كنت اناني ما حبيتش غير نفسي و شكلي و بس. ..... عرفتوا ليه ما عرفتش اجاوب لاني لو كنت تعبت نفسي و فكرت ايه اللي يرضيها و عملته يمكن ما كانتش اتقهرت يمكن ما كنتش اكتئبت و خبت على الناس كلها انها مش سعيدة معايا.... لو بس كنت فهمتها .. انت عارف انا جاي هنا ليه ؟ لان هي ياما اتحايلت علي نيجي هنا عشان نقرب من بعض..... لو رجعتلي تاني هاتعرف عليها و اعرف تفاصيل حياتها عشان اعرف اسعدها.... مش حاضحك لما الاقيها بتتفرج على king kong و بتعيط .. او ازهق و هي بتشوف (تيمور و شفيقة) للمرة المليون .. و هاخليها تشغل الاغاني اللي بتحبها و ترقص عليها من غير ما اقولها ايه الهبل دة...... حعملها كل اللي نفسها فيه بس هي ترجع تاني) . المحاضر سكت و كل اللي قاعدين اتاثروا .. فيه منهم دموعه غلبته و فيهم اللي صوت بكاها كان مسموع.... وقف المحاضر و قالهم دي اجابة سؤال النهاردة .. لما تزعل مراتك صالحها بالطريقة اللي هى بتفهمها و بتحبها حتى لو انت شايفها طريقة تافهة بس هي حتشوفها منك اهتمام.... صالحها و ما تطنشش نظرة الحزن اللي في عينها طالما شايفها بتتكلم و مش عاملة نكد..... خليك زوج ذكي و اوعى تفقد ثقة مراتك لان الست لما تفقد ثقتها في جوزها بينزل من نظرها و بتحس انها ضيعت عمرها مع الشخص الغلط بالنسبة لها..... خليك ذكي .

إحداهن تقول : انا مهندسة وقد تم تعييني في مكان مرموق تقدم للزواج مني زميل من زملائي.اسمه يوسف. أنا شخصية عقلانية .. ولست عاطفية بحثت مع أمي ظروفه ميسور الحال .. والداه محترمان. تم الزواج . أغرقني بمشاعره .. التي لم أعرف كيف أستقبلها أنا شخصيه عقلانيه .. ومنهجيه .. أما هو فشخص عاطفي جدا" لدرجة البكاء أحيانا". أنجبت رقية . هي ووالدها .. يحبان الأحضان .. والحركة .. ومتكلمان .. ويتحركان دوما. وليسا عقلانيين .! وكنت أكره ذلك. ثم أنجبت ريهام . مثلي تماما عقلانية تتحدث بحساب .. أشعر معها بالارتياح. بصراحة أعترف أني كرهت من داخلي شخصية رقية .. لكن .. كان عندي أمل تتغير .. لكثرة الانتقاد وتتحول لشخص هادئ.! لكن ما حدث هو أنها بقيت حركية....لم نتفق على شئ. كنت اكره ذلك! كنت دوماً أقارن بين ريهام العاقلة وبين عشوائية الأخرى .. أو بالأحرى .. بين رزانة ريهام وتهور رقية زوجي كان أميل لرقية .. وكان يصفني بالجفاء العاطفي. كنت أرتقي في عملي. سعيدة. لكني للاحظت مع تقدم البنات بالسن ميل رقية إلى أبيها وحضنه وتباعدها عني وكرهها لانتقاداتي أما ريهام فهي مريحة وعاقلة. - لكن فجأة ! مات زوجي في حادث مروري .. وكانت رقية بالإعدادية .. وريهام سادس ابتدائي شعرت أن سهماً اخترقني رحيل الزوج بالفعل عصيب تذكرت جفائي معه .. وشعرت بحرقة قلب .. لكن ....رقية منهارة تماما " وبعد الانهيار مندفعة ومتهورة وتشعر أنها بلا ضابط ولا رابط. وريهام حزينة. فوجئت ان رقية .. دوما في انعزال ..وتتباعد عني وعن أختها. أصرخ في وجهها .. تصرخ في وجهي!!!! ثم مرة هددتني أن تترك البيت .. واتهمتني بعدم حبي لها. و بالفعل ..... تركت البيت...! كنت كالمجنونة .. أبحث عنها .. إلى أن كلمني والد صديقتها وأخبرني بوجودها مع ابنته وزوجته. بكيت بحرقة .. ربما أكثر من يوم وفاة زوجي ! ما الذي ينفر هذه البنت مني؟ ؟ ؟ أنا محددة حازمة صارمة لكن لست طويلة اللسان ولا أضربها .. إلا نادرا"......!! مثلها مثل أبيها نفس العاطفة المفرطة التي لا أحبها طلب والد صديقتها أن يراني ويتحدث معي. هو طبيب نفسي قال لي أن رقية محبة أحضان وأنها تفتقدني وتشعر بكراهيتي لها وتفضيلي لريهام عليها. قلت له طبيعي لأن ريهام أعقل قال لي جملة عجيبة (رقية مختلفة عنك .. أحبي اختلافها) أولادنا ليس من الضروري أن يشبهوننا....! الحياة تحتاج الجميع (رقية مشوهة النظرة لنفسها وتقول أنك لا تحبينها) شعرت بالضيق الشديد قلت للطبيب (أحبها والله لكن ...) قاطعني (ابنتك مختلفة الطباع عنك هذا ليس سوءاً فيها ).. لم اقتنع ! وعادت فأعطيتها محاضرة طويلة في الأدب .. وبكت كثيرا" لاحظت بعدها انها أصبحت أكثر انعزالية .. ساكتة دوما" تحتضن ذكريات أبيها ريهام مريحة وتفهمني وأفكر دائماً؛؛؛؛؛؛ ما فائدة هؤلاء العاطفيين أنهم عبء على العقلانيين هي وأبوها الله يرحمه شخصيات مريعه.!! مضت حياتنا في صراع. تزوجت رقية من شخص عاطفي مثلها دوما" يقول لي يا ماما وانت مثل أمي. المهم أنها ذهبت من البيت ريهام حبيبتي تزوجت من دكتور بالجامعة. .. أصبحت وحدي. بعد فترة .. فاجأني السرطان. ردود ريهام العقلانية اهدأي تجلدي. رقية تبكي من أجلي. و تدعو الله لي كثيرا. عندي موعد الطبيب. رقية تحمل ابنها الرضيع وتكون عندي بسيارة زوجها قبل الموعد. أما ريهام فتعتذر لأنها لديها تعب الحمل وأيضا" لا تستطيع ترك ابنها وحده! أول مرة بحياتي وانا مريضة بالسرطان .. أعرف أن العواطف لها قيمة حضن رقية يهون عليّ آلامي. رغم أني لم أحبه.....أبدا" أشعر أني وأنا في الخمسين .. طفلة.............. زوج رقية يقول لي من قلبه سلامتك يا ماما. كيف كرهت العواطف والعاطفية؟ ؟؟ ؟. ريهام حزينة .. لكن دعمها بحساب ..تماما" مثل شخصيتها أما رقية وزوجها دعمها وعطفهما بلا حساب ... ! - بكيت من قلبي وتذكرت سابق حياتي ........احتضنت رقية ...كم هو جميل حضنها...... بكت وبكيت.... هل في العمر متسع لأستمتع بما لم أفهمه؟ ؟ ؟ أم أن الأجل قد دنا.. ؟ دعوت الله من قلبي يارب اشفني وامنحني العمر كي أسعد بابنتي المختلفة عني. .. وبالفعل تم شفائي والحمد لله رب العالمين. .. أنا ورقية لا نفترق.......أشعر اني اكتشفت كنزا"..!!! كلامها يؤنسني وحضنها يهدئني. لا تكرهوا اختلاف أولادكم .. بل أحبوا اختلافهم.... وتقربوا منهم لا تشوهوا نظرتهم لأنفسهم بسبب أنهم لا يشبهونكم أنا ورقية نحيا أسعد أيامنا .