Mia gapiradi

Bu voqea aynan qayerda, qachon bo'lib o'tganining hech qanday ahamiyati yo'q. Mening maqsadim hikoyaning ajoyib yakunini sizlarga yetkazish. Ijtimoiy tarmoqda ushbu video ostida qoldirilgan izohlarga qaraganda, kelinning ota-onasi shu zahotiyoq to'yni to'xtatib, to'yxonadan qizini olib chiqib ketgan ekan. Va bundan xabar topganimdan so'ng miyamga kelgan fikr faqat shu bo'ldi: Ota-ona o'z qiziga yangidan HAYOT va QANOT tuhfa etibdi) @mia_gapiradi

Bir qizni bilardim. Biosiga "2024-yil "Bo'lajak talaba☝🏻" deb yozib qo'yib 24/7 doim online o'tirardi. Yaqinda qarasam, "2025-yil Bo'lajak talaba" deb yozuvni o'zgartiribdi. Haliyam online o'tiribdi 😁

- CHETGA O'QISHGA KETSA, QIZ BOLA AYNIYDI Rostanmi? Qo'lingizda qanday asos borki, fahmi ojizingiz o'ylab topgan absurd fikrga tayanib katta gapirvoryapsiz? Chet elga borib nomaqbul ish qilish uchun bir necha yil umrini til o'rganishga sarflagan biror qizga shu kungacha duch kelmadim. Men duch kelgan qizlarning har birining qalbida o'chmas o't bo'lib yongan narsa bitta edi. U ham bo'lsa ORZU. Dunyoning eng TOP universitetlarida o'qish, American dreamni amalga oshirish uchun tunlarini tongga ulab ingliz tilini o'rganganlarni, grant yutish yo'llarini izlaganlarni uchratdim. Koreya madaniyati, ishtahaochar taomlari, sermulozamat xalqi, kdramalardagi kabi go'zal manzarali joylari tushlariga kirib chiqib halovatini o'g'irlagani uchun jonini berib koreys tili o'qiganlarni ko'rdim. Yaponiya bahori, sakura gullashi, takomillashgan texnologiyalari-yu megapolis Tokyoga yetish uchun yapon tilini suv qilib ichib yuborganlarga duch keldim. Hech birining qalbida g'arazli niyati, "o'zi yo'qning ko'zi yo'q" deb, ota-onasidan uzoqda kayf-u safo hayotni yashash istagi YO'Q EDI!!! Ilm istab chet elga ketgan, ota-onasining ishonchini oqlab yurgan, or-nomus masalasini sizdan ko'ra yaxshiroq anglaydigan ilmli qizlarga loy chaplashga harakat qilmang. Kecha-kunduz qalbini orzu-istak uchqunlari isitib turgan, hayotiga ma'no bag'ishlayotgan yorqin kelajak haqidagi taassurotlari bilan yashayotgan hech bir qiz nomiga dog' tushiradigan xunuk ishlarni o'ziga ep ko'rmaydi. Sizdek qoloq fikrlaydiganlarga nisbatan Yunus Emro hazratlari "Qayerga boqsang, ko'rganing yuzingdir. Kimda nima ko'rsang, asli o'zingdir" deb ketgan ekanlar. Sog' bo'lasizlar, Mia ismim👋🏻 @mia_gapiradi

Bugun Kitobsevarlar kuni ekan. 70dan oshiq kitobim borligini hisobga olganda, men ham kitobsevarlar qatoriga kirsam kerak. Qisqa qilib aytganda, bugun meniyam bayramim. Tabriklarni 9860012110622565 da qabul qilyapman. Menga kitob sovg'a qilishga har doim ham ruxsat beravermayman. Bilsela bilarsila)

Bugun sizlarni ko'p qirrali qiz bilan tanishtirmoqchiman. Ingliz tili tarjimonligi ortidan 18 yoshida Qatar, Turkiya va Qirg'iziston davlatlariga sayohat qilgan Marhabo Uktamova, kelajak uchun maqsadlari aniq bo'lgan qizlardan biridir. Lifestyle blog yuritib, foydali longread postlar yozib borishi bilan bir qatorda ingliz tilidan online/offline dars beradi. Shu bilan birgalikda o'qituvchilik faoliyatini endi boshlayotgan ustozlarga darslarni samarali, qiziqarli tashkil etish sirlari bilan bo'lishib boradi. U bilan bir-necha oylardan beri tanishmiz. Shunga qaramasdan, o'quv markazda direktorlik lavozimida faoliyat yuritayotganini bugun bilib qoldim😅 Keyin miyamda bir savol paydo bo'ldi: Qiziq, buncha ishga qanday qilib ulgurarkin? Kechasi uxlarmikin o'zi?😂 Qisqa qilib aytadigan bo'lsam, barchangizga Uktamova bilan yaqindan tanishishni maslahat beraman. Balki sizga ham uning harakatchanligi, mehnatdan qochmasligi, qiziquvchanligi o'rnak bo'lar. Uktamova bilan tanishish uchun quyidagi linkning ustiga bosasiz😁 👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻 https://t.me/+xOeZAJtg4ldkN2Zi

Insonning aqlan, fikran ulg'ayishida yosh hech qanday rol o'ynamaydi. 15yosh bo'la turib hayotni anglaganlar, 40yoshda ham yosh bolaligicha qolib ketganlar yetarli. Inson butun umriga tatiydigan saboqni olgan kuniyoq ulg'ayishi mumkin. Ammo bu saboqni kim necha yoshga kirganida boshdan kechirishini hech kim bilmaydi. Ayniqsa, qizlarning orasida 20dan oshsa ham yosh boladek xarxasha qiladiganlari tiqilib yotibdi. Dunyoni Disneyland, o'zini esa Zolushka deb o'ylaydi. "Mahrga gelik so'rayman; Mashinasi bo'lmasa tegmayman; Ufff, kontraktda o'qirkan; Qachon odam bo'ladi bu?; To'yimda falonchi artistlar qo'shiq aytadi; $3000 lik kelin ko'ylak kiyaman; To'yim qasrdek joyda bo'lishini xohlayman; Tanlagan gulini ahvoliga qara, men buni qanday qilib dugonalarimga maqtanaman?; Yigit kishi degani qimmat kiyimlar kiyib, lyuks atirlar sepib yurmaydimi?" kabi fikrlaydigan qizlarning ota-onasi o'zini o'tga-chog'ga ursa ham, qiziga iloji boricha, dunyoning faqat rang-barang, go'zal tomonini ko'rsatishga harakat qilgani shundoq bilinib turadi. Hali umrida ishlab pul topib ko'rmagan, tirikchilik dardini anglamagan qiz pulning qanday og'ir va qiyin mehnat ortidan kelishini qayerdan bilsin? Bilgan taqdirida bunchalik "dang'illama" orzular qilgan bo'larmidi? Hech qachon bunday qilmasdi. Aqlan balog'atga yetish uchun kambag'al oilada o'sgan, qiyinchilik ko'rgan bo'lish shart emas. Farosatli, kuzatuvchan qiz o'zi shundoq ham mantiqni ishga solib, sog'lom fikr yuritishni o'rganadi. Ba'zi qizlarning o'zi pushti ko'zaynaklarini yechishni, asl haqiqatlarni anglab yetishni istamaydi. Qisqa qilib aytganda reallikdan qochib, xayolot olamida yashaydi. Orzular qanotida parvoz qiladi. Ammo bu parvozning oxiri osmon-u falakdan yerga, o'zlari qochgan reallikka qulash bilan yakunlanadi. Xullas, dunyo sizni tog'angizmas, qizlar) O'zingiz bir o'ylab ko'ring, qaysi sog'lom fikrli qiz otasi 50yoshga kirib erishgan narsalarini 22-25yoshli endi universitetni bitirib, ishga joylashgan yigitdan talab qiladi? Tushunadigan, farosatli qiz hech qachon bunday qilmaydi. Oq otdagi shahzodalar "limited edition" bo'ladi. Har bitta qizga unaqasi yetishmaydi baribir. Qarshingizda sizdan muhabbat kutib turgan yigit ichmaydimi, chekmaydimi, sizni hurmat qiladimi, ilmlimi, mehnatkashmi, demak shuning o'zi juda katta yutuq. Pul qo'lning kiri. Qo'l-oyoq sog' bo'lsa, pulni istalgan payt ishlab topsa bo'ladi. Birozgina sabrli bo'lsangiz va qo'llab-quvvatlashni bilsangiz, tanlagan umr yo'ldoshingiz ham sizga shunday sharoitlarni yaratib bera oladi. Rim bir kunda qurilib qolmagan. Hammasiga asta-sekin erishiladi. Yuqorida sanaganlarim allaqachon sizda bor bo'lsa-yu, lekin qo'lingizdagi shuncha imkoniyat kamdek tuyulib, ko'prog'ini xohlayotgan bo'lsangiz, buyog'i endi sizning muammoyingiz. Miyani trendga chiqqan sevishganlarning hashamatli hayoti haqidagi "uyushtirilgan" Reels'lardan tozalash vaqti kelibdi) @mia_gapiradi

9-avgust Kitobsevarlar kuni munosabati bilan bookbloggerlar birlashib, kitob hadya qilishyapti ekan. G'oliblar tanlov asosida aniqlanadi. Bir-necha kichik shartlari bor xolos. Tanlovda qatnashishni barchangizga tavsiya qilaman. Kim biladi, balki g'olib chiqarsiz, yutuq sizniki bo'lar. Omadingizni sinab ko'ring! Tanlov quyidagi manzilda o'tkazilyapti. Barchaga omad) 👇🏻👇🏻👇🏻👇🏻👇🏻👇🏻👇🏻👇🏻👇🏻 https://t.me/asarcha/1110

9-avgust Kitobsevarlar kuni munosabati bilan bookbloggerlar birlashib, kitob hadya qilishyapti ekan. G'oliblar tanlov asosida aniqlanadi. Bir-necha kichik shartlari bor xolos. Tanlovda qatnashishni barchangizga tavsiya qilaman. Kim biladi, balki g'olib chiqarsiz, yutuq sizniki bo'lar. Omadingizni sinab ko'ring! Tanlov quyidagi manzilda o'tkazilyapti. Barchaga omad) 👇🏻👇🏻👇🏻👇🏻👇🏻👇🏻👇🏻👇🏻👇🏻 https://t.me/asarcha/1110

Agar problemani yechishni bilmasangiz, uni kiymang! @mia_gapiradi

Bir bor ekan, bir yo'q ekan. Bir qizcha bor ekan. Kun kelib, uning hayotiga kuchli, aqlli, jasur va doim uni himoya qilishga tayyor bo'lgan inson kirib kelishini umid bilan kutib yashabdi. Oxir-oqibat, u kutgan kuchli, aqlli va jasur inson O'ZI ekanligini tushunib yetibdi. @mia_gapiradi