BelarusWithUkraine
Канал кампаніі #BelarusWithUkraine пра дапамогу ўкраінцам ад беларусаў Мы па-ўкраінску t.me/BelarusWithUkraine_UA
Show more389Subscribers
No data24 hours
No data7 days
No data30 days
- Subscribers
- Post coverage
- ER - engagement ratio
Data loading in progress...
Subscriber growth rate
Data loading in progress...
❗️Увага! Наш тэлеграм-канал прызнаны "экстрэмісцкім".
Пра чарговае папаўненне "Спіса экстрэмісцкіх матэрыялаў" паведаміў праваабарончы цэнтр @viasna96.
▪️Гэта азначае, што чытачам, падпісантам, распаўсюднікам, захавальнікам матэрыялаў пагражае адміністрацыйная адказнасць. Раім адпісацца ад нас чытачам з Беларусі. Беражыце сябе!
Падрабязней пра тое, як разабрацца ў гатунках экстрэмізму і што можа пагражаць чалавеку, які захоўвае непажаданыя матэрыялы, чытайце тут.
⚡️"Привіт! Я твій сусід із Білорусі. Ми так давно дружимо з тобою! А ти так мало знаєш про мене", — такі тэкст бачаць наведнікі сайта "Твій сусід", які стварылі беларусы для ўкраінцаў.
Аўтары онлайн-пляцоўкі — мастачка Віялета Майшук і актывіст Дзмітрый Лукомскі, разам яны ў 2020-м годзе вымушаныя былі рэлакавацца з Беларусі.
▪️"Жывучы ва Украіне ўжо 2 гады, мы сутыкнуліся з тым, што шматлікія людзі не ведаюць, што ў нас адбывалася ў Беларусі, якія ў нас пратэсныя настроі былі, які ўзровень рэпрэсіяў, чаму ў нас людзі не выходзілі на мітынгі.
Калі пачалася вайна, мы вырашылі зрабіць нейкую такую інфармацыйную кампанію, якая б адказала ўкраінцам на гэтыя пытанні.
▪️Інфармацыя пра палітвязняў часта шакуе людзей. Мы заўважалі, што калі кажаш, што 17-гадоваму хлопцу за фотаздымак КАМАЗу далі 5-10 гадоў калоніі, ён зазнаў яшчэ катаванні — гэта шакуе. Мы вырашылі дасяжнай, простай мовай паказаць, патлумачыць. Прапануем пашыраць гэтую інфармацыю", — тлумачаць стваральнікі канцэпцыю сайта.
🔻Гадавіна вайны. Вынікі пераследу беларусаў за антываенную пазіцыю:
▪️Не менш за 1575 беларусаў былі затрыманыя за выказванне антываеннай пазіцыі за год ад пачатку ўварвання Расіі ва Украіну.
▪️56 чалавек асуджаныя на тэрмін ад года да 23 гадоў пазбаўлення волі.
▪️12 "рэйкавых партызанаў" атрымалі сумарна 191,5 год пазбаўлення волі за дыверсіі на чыгунцы, каб перашкодзіць прасоўванню расійскай ваеннай тэхнікі праз Беларусь ва Украіну.
▪️Як мінімум 31 беларуса асудзілі за фота і відэа перасоўвання ваеннай тэхнікі па тэрыторыі Беларусі.
▪️11 чалавек абвінавачваны ў жаданні ваяваць на баку Украіны — з іх 8 ужо асуджаныя.
▪️Не менш за 20 чалавек зазналі пераслед за публічнае выказванне супраць расійскай агрэсіі.
▪️Падчас масавых антываенных акцый 27-28 лютага 2022-га ў Беларусі былі затрыманыя 1100 чалавек.
⬜️🟥⬜️ Беларусы супраць вайны! 🟦🟨 #BelarusWithUkraine
📷 Мінск, 24.03.2023
"Гэта абсурд для нас, а людзі ў гэтым жывуць".
Лідар украінскага гурта "Океан Эльзи" Святаслаў Вакарчук пракаментаваў прысуд, які вынеслі беларускай спявачцы Мэрыем Герасіменка за выкананне ў Мінску песень гурта — 3 гады "хатняй хіміі".
▪️"Гэта тыпічныя рэпрэсіўныя метады. Мне вельмі шкада гэтую дзяўчыну, якая, я спадзяюся, знойдзе сілы і годна пройдзе гэтае выпрабаванне.
Я не магу зразумець, чаму данаціць украінскай арміі — гэта парушэнне грамадскага парадку. Гэта як у кнізе Оруэла. Гэта зусім іншы свет, ад якога мы, украінцы, адышлі ў 1991 годзе і дакладна ніколі не вернемся".
▪️Нагадаем, што Мэрыем Герасіменку затрымалі ў жніўні 2022-га з-за выканання песняў "Акіяна Эльзы" на тэрасе бару "Банкі-бутэлькі" у Мінску. Яе асудзілі па артыкуле 342 "Арганізацыя ці падрыхтоўка дзеянняў, якія парушаюць грамадскі парадак". Таксама былі затрыманыя ўладальнік бару Андрэй Жук і яго жонка Марыя, суд над імі адбудзецца 31 студзеня.
Падрабязней пра Мэрыем Герасіменку чытайце тут
Repost from Вясна / Правы чалавека ў Беларусі
❗️Ад «сутак» да прастрэленых каленяў: як пераследуюць беларусаў за антываенную пазіцыю
З пачаткам поўнамасштабнага ўварвання Расіі ва Украіну беларусы актыўна праяўляюць антываенную пазіцыю: ладзяць маршы і пікеты, псуюць чыгуначнае абсталяванне, каб запаволіць рух расейскай ваеннай тэхнікі, дапамагаюць у інфармацыйнай вайне, ваююць на баку Украіны.
Хутка будзе год з пачатку ўварвання расійскіх войскаў на тэрыторыю Украіны, а ў Беларусі налічваюцца больш за дзясятак затрыманых за дыверсіі на чыгунцы. За перадачу фота расійскай ваеннай тэхнікі ў СМІ асуджаныя не меней за 30 асобаў, за жаданне ваяваць на баку Украіны ў няволі як мінімум 7 чалавек. За першыя паўтара месяца вайны ў Беларусі за антываенныя акцыі затрымалі больш за 1500 чалавек.
«Вясна» распавядае пра пераслед беларусаў за антываенную пазіцыю
❗️Затрымалі 6 чалавек, якія ў Мінску вывесілі нацыянальны сцяг Беларусі і сцяг Украіны на апоры лініі электраперадач.
На іх завялі крымінальную справу за "злоснае хуліганства", па якой можа пагражаць да 6 гадоў калоніі.
❗️Студэнт з Гродна загінуў ва Украіне.
▪️Міхаілу Шавельскаму быў 21 год, ён навучаўся ў Хрысціянскай тэалагічнай акадэміі ў Польшчы. Раней ён тры гады вучыўся на псіхолага ў Гродзенскім дзяржаўным універсітэце імя Янкі Купалы, але быў адлічаны па палітычных матывах у 2021 годзе.
Калі хлопец даведаўся пра напад Расіі на Украіну, ён прыпыніў навучанне ў Польшчы і паехаў на вайну, каб падтрымаць украінскае войска.
Крыніца: Hrodna.life
❗️На 11 гадоў калоніі ўзмоцненага рэжыму асудзілі "рэйкавага партызана".
Аляксея Шышкаўца з Асіповічаў абвінавацілі ў тэрарызме і ва ўдзеле ва ўзброеным фарміраванні на тэрыторыі замежнай дзяржавы.
Яго затрымалі ў сакавіку 2022 года. Па інфармацыі сілавікоў, Аляксей нібыта атрымаў указанні ад ByPol па блакаванні чыгуначных шляхоў, а таксама па вырабе і выкарыстанні "кактэйляў Молатава". У верасні 2022 года Шышкаўца ўключылі ў "тэрарыстычны спіс".
Пераслед і пошук "рэйкавых партызанаў" у Беларусі: што вядома на сёння.
⚡️Аляксей Арэстовіч выказаўся пра тое, чаму нельга атаясамліваць рэжым Лукашэнкі з беларусамі.
▪️"У Беларусі рэжым у нечым нават больш бесчалавечны, чым пуцінскі. Больш жорсткі, больш эфектыўна ўсё кантралюе. Выступіць там супраць - значыць адразу стаць мішэнню. І часам гэта азначае фізічна знікнуць ці прайсці праз катаванні."
Таксама дарадца кіраўніка Офісу прэзідэнта Украіны расказаў, што захапляецца беларускімі добраахвотнікамі, якія ваююць за Украіну і праяўляюць сябе як выдатныя байцы.
❗️Спявачка Мэрыем Герасіменка, якую затрымалі ў Мінску на пачатку жніўня за выкананне песні гурта "Акіян Эльзы", не выйшла на волю пасля "сутак". Цяпер яна фігурантка крымінальнай справы.
▪️Мэрыем 28 гадоў, родам з Мінска. Вучылася ў музычнай школе, але лічыла гэта сваім хобі. Тэлефанавала сама ва ўсе рэстараны Мінска, каб там выступаць - такім чынам хацела фінансава дапамагчы сям’і. У 2018 годзе ўдзельнічала ва ўкраінскім шоў "Голас краіны" - у адборы дзяўчыну падтрымалі адразу трое сяброў журы.
▪️"Вельмі блізкая нам у Беларусі Украіна, мы, можна сказаць, браты", - казала Мэрыем ў адным з інтэрвію.
Сілавікі сцвярджаюць, што Мэрыем даўно была ў іх полі зроку. Асабліва яе грашовыя пераводы, бо спявачка ахвяравала грошы на набыццё "Байрактара".
Крыніца: Радыё Свабода
Sign in and get access to detailed information
We will reveal these treasures to you after authorization. We promise, it's fast!