Bible Reporters 📜🔊🔉🔉📡

ክርስቲያን ነህ/ ነሽ?

2ኛ ጢሞቴዎስ 1 ¯¯¯¯¯¯¯¯¯¯ ⁶ ስለዚህ ምክንያት፥ እሳት እንደሚያቀጣጥል ሰው፥ እጆቼን በመጫኔ በአንተ ያለውን የእግዚአብሔርን ስጦታ እንድታነሣሣ አሳስብሃለሁ። ⁷ እግዚአብሔር የኃይልና የፍቅር ራስንም የመግዛት መንፈስ እንጂ የፍርሃት መንፈስ አልሰጠንምና።

ክርስቲያን ነህ/ ነሽ?

እግዚአብሔር ሆይ፤ ከጥልቅ ወደ አንተ እጮኻለሁ። ጌታ ሆይ፤ ድምፄን ስማ፤ ጆሮዎችህ የልመናዬን ቃል፣ የሚያዳምጡ ይሁኑ። እግዚአብሔር ሆይ፤ ኀጢአትን ብትቈጣጠር፣ ጌታ ሆይ፤ ማን ሊቆም ይችላል? ነገር ግን በአንተ ዘንድ ይቅርታ አለ፤ ስለዚህም ልትፈራ ይገባሃል። እግዚአብሔርን ደጅ እጠናለሁ፤ ነፍሴም በትዕግሥት ትጠብቀዋለች፤ በቃሉም ተስፋ አደርጋለሁ። መዝሙር 130:1-5

አንድ መርጥ መንፈሳዊ  ቻናል ልጋብዛቹ መንፈሳዊ ህይወቱን ማሳደግ የሚፈልግ ብቻ  ሰብስክራይብ በማድረግ ቤተሰብ ይሁኑን እንዲሁም መልክቱን አስተላልፉት !! 👇👇👇👇👇👇👇👇👇👇👇 https://youtu.be/M37QKvQiX8w https://youtu.be/M37QKvQiX8w https://youtu.be/M37QKvQiX8w

እርስ በርሳቸው አይገፋፉም፤ እያንዳንዱ መስመሩን ጠብቆ ይሄዳል፤ መስመራቸውን ሳይለቁ፣ መከላከያውን ሰብረው ያልፋሉ። ከተማዪቱን ይወራሉ፤ በቅጥሩም ላይ ይዘላሉ፤ በቤቶች ላይ ዘለው ይወጣሉ፤ እንደ ሌባም በመስኮት ይገባሉ። ምድር በፊታቸው ትንቀጠቀጣለች፤ ሰማይም ይናወጣል፤ ፀሓይና ጨረቃ ይጨልማሉ፤ ከዋክብትም ከእንግዲህ ወዲያ አያበሩም። በሰራዊቱ ፊት፣ እግዚአብሔር ያንጐደጒዳል፤ የሰራዊቱ ብዛት ስፍር ቊጥር የለውም፤ ትእዛዙንም የሚያደርግ እርሱ ኀያል ነው፤ የእግዚአብሔር ቀን ታላቅ፣ እጅግም የሚያስፈራ ነው፤ ማንስ ሊቋቋመው ይችላል? ኢዩኤል 2:8-11

ስለ ህይወት ብዙ ጥያቄ አለዎት??🤔

ቃል በምስጢር መጣልኝ፤ ጆሮዬም ሹክሹክታውን ሰማች። በሚያስጨንቅ የሌሊት ሕልም ውስጥ፣ ከባድ እንቅልፍም በሰዎች ላይ በወደቀ ጊዜ፣ ፍርሀትና መንቀጥቀጥ ያዘኝ፤ ዐጥንቶቼም ሁሉ ተናወጡ። መንፈስ ሽው ብሎ በፊቴ አለፈ፤ የገላዬም ጠጒር ቆመ። እርሱም ቆመ፣ ምን እንደሆነ ግን መለየት አልቻልሁም፤ አንድ ቅርጽ በዐይኔ ፊት ነበረ፤ በእርጭታ ውስጥ እንዲህ የሚል ድምፅ ሰማሁ፤ ‘ሥጋ ለባሽ ከእግዚአብሔር ይልቅ ጻድቅ ሊሆን ይችላልን? ሰውስ ከፈጣሪው ይልቅ ንጹሕ ሊሆን ይችላልን? እግዚአብሔር በአገልጋዮቹ ላይ እምነት ካልጣለ፣ መላእክቱንም በስሕተታቸው ከወቀሰ፤ ይልቁንስ በጭቃ ቤት የሚኖሩ፣ መሠረታቸው ከዐፈር የሆነ፣ ከብልም ይልቅ በቀላሉ የሚጨፈለቁ እንዴት ይሆኑ? በንጋትና በምሽት መካከል ይደቃሉ፤ ሳይታሰብም ለዘላለም ይጠፋሉ። ያለ ጥበብ ይሞቱ ዘንድ፣ የድንኳናቸው ገመድ አልተነቀለምን?’ ኢዮብ 4:12-21

⭕️ "እሳት እሳት" 🗣 ጪስ🌪 ለማስነሳት ========================= 📌 በዚህ ዘመን በብዙ ወጣቶች ዘንድ በተደጋጋሚ የሚነገርለት አንድ አጀንዳ አለ ። ይሄ አጀንዳ "ሪቫይቫል" ይባላል ። የሚገርመው የተነሳው አጀንዳ አይደለም አጀንዳውን ያነሱት ሰዎች ናቸው ። ከምንም ጊዜ ይልቅ ሪቫይቫል የሚያስፈልገው በዚህ ዘመን ነው ፤ ነገር ግን ይሄንን አጀንዳ እያነሱ ያሉ ግለሰቦች በእውነት ለሪቫይቫል ምቹ የሆኑ የመሆናቸው ጉዳይ አጠያያቂ ነገር ነው ። 📌 ይሄ ዘመን መፅሐፍ ቅዱስ የስበት ማዕከልነቱን ያጣበት እና ከሌሎች መፃህፍት ጋር ጎንለጎን እየተጋፋ ያለበት ዘመን ነው ። ይሄ የሆነበት ምክንያት ደግሞ ሰዎች በተፃፈው መርካት ባለመቻላቸው እና ተጨማሪ ነገር በመፈለጋቸው ነው ። በጣፋጭ ንግግሮች እና በግርግር የሚሰበሰብ ሕዝብ እየበዛ በመምጣቱ ምክንያት ስህተት እንደ ትክክል ተቆጥሯል ። 📌 ብዙ ወጣቶች በ ቴሌግራም ስማቸውን "fire" ፣ "revival" ፣"glory" ፣ ወዘተ በማለት ፕሮፋይል ላይ ደግሞ ስለ ሪቫይቫል እና ስለ እሳት የሚያሳይ ምስል በማስቀመጥ ለሪቫይቫል ያላቸውን ናፍቆት ለማሳየት ሲሞክሩ ይታያል ። የምንጠብቀው ሪቫይቫል እንዳይመጣ እንቅፋት የሆነው የቱ መሆኑን ለይተን ለእውነተኛ መንፈሳዊ ተሀድሶ መሥራት ካልጀመርን በስተቀር በግርግር የሚመጣ ሪቫይቫል የለም ። 📌 በመንፈሳዊ ትምህርት እና "sound doctrine" ጉዳይ ለዘብተኛ የሆነ አቋም የያዘ ነገር ግን መንፈሳዊ ልምምድ እና መንፈሳዊ መነቃቃት ላይ ከፍተኛ ፍላጎት ያለው ትውልድ አሁን ላይ ተነስቷል ። ይሄንን ትውልድ የዚህ ዘመን ሐሰተኛ አስተማሪዎች እንደ በዓል ገበያ እየተጠቀሙበት ይገኛል ። እሳት የሚያጠፋ ኮተት ከዚህም ከዚያም እየሰበሰበ "እሳት እሳት" እያለ የሚጮህ ትውልድ ነው አሁን ላይ የተነሳው ። እግዚአብሔር የዚህን ትውልድ ፀሎት ሰምቶ እሳቱን ቢለቀው በጪስ ነበር የምናልቀው ፤ እሳት ከጠፋ በኋላ የሚመጣው ጪስ መሆኑ ግልፅ ነውና ። 📌 እውነተኛ የሆነ መንፈሳዊ መነቃቃት እንዲመጣ አስቀድሞ እውነተኛ የሆነ ተሀድሶ መሆን አለበት ፣ የምናስተምረው ትምህርት መጥራት አለበት ። ለሪቫይቫል እንቅፋት ከሚሆኑ ነገሮች ዋነኞቹ የስህተት ትምህርት እና ከመንፈስ ቅዱስ ያልሆኑ ልምምዶች ናቸው ። የልምምዶች መነሻ ደግሞ ትምህርት ነው ። መንፈሳዊ ትምህርት ለመንፈሳዊ ልምምዶች ወሳኝ ነው ። ከእውነተኛው የመፅሐፍ ቅዱስ ትምህርት ከወጣን እውነተኛውን መንፈሳዊ ልምምድ እያጣን ነው የምንሄደው ። 📌 በኢትዮጵያ ውስጥ ያላችሁ ወጣቶች ከዚህ በኋላ የሚመጣው ጊዜ እውነተኛው ክርስቲያን እውነተኛ ካልሆነው ተለይቶ የሚወጣበት ዘመን መሆኑን እወቁ ። አውሮፓን እና አሜሪካን ከ ግብረሰዶማዊነት እና ከ እርኩሰት ሊያላቅቅ ያልቻለ ትውልድ ኢትዮጵያ ውስጥም ከዚህ በኋላ የሚያመጣው ለውጥ አለ ብዬ አላስብም ። የሚነድ ትውልድ ሲመጣ እየጬሰ ያለው ማን እንደሆነ ያን ጊዜ ተለይቶ ይታወቃል ። አሁንም ቢሆን መመልከት ያለብን ወደ ኋላ ወደ አባቶቻችን ዘመን ነው ፣ እነርሱ ከእኛ በተሻለ እውነተኛውን መንገድ ጠብቀው ቆይተዋል ። የጥንቱን መንገድ እንጠይቅ ፣ አስቀድሞ ክርስትና እንዴት እንደነበር እንጠይቅ ። ትክክለኛው የጥንቱ ነው ፣ እውነተኛው የመጀመሪያው ነው ፣ ከሐዋርያት ዘመን ጀምሮ የነበረውን ትምህርት እንያዝ ፣ የጥንቱን መንገድ እንከተል ፣ ከቀደመው መንፈሳዊ መነቃቃት ወደላቀ መንፈሳዊ መነቃቃት እንደርሳለን ። ተባርካችኋል🙏

"፤ የሕፃኑን ነፍስ የፈለጉት ሞተዋልና ተነሣ፥ ሕፃኑን እናቱንም ይዘህ ወደ እስራኤል አገር ሂድ አለ።" (የማቴዎስ ወንጌል 2: 20) "፤ ስለዚህ እላችኋለሁ፥ ስለ ነፍሳችሁ በምትበሉትና በምትጠጡት፥ ወይም ስለ ሰውነታችሁ በምትለብሱት አትጨነቁ፤ ነፍስ ከመብል ሰውነትም ከልብስ አይበልጥምን?" (የማቴዎስ ወንጌል 6: 25) "፤ ሥጋንም የሚገድሉትን ነፍስን ግን መግደል የማይቻላቸውን አትፍሩ፤ ይልቅስ ነፍስንም ሥጋንም በገሃነም ሊያጠፋ የሚቻለውን ፍሩ።" (የማቴዎስ ወንጌል 10: 28) "፤ በሰንበት በጎ ማድረግ ተፈቅዶአልን? ወይስ ክፉ? ነፍስ ማዳን ወይስ መግደል? አላቸው፤ እነርሱም ዝም አሉ።" (የማርቆስ ወንጌል 3: 4) "፤ ሁለተኛይቱም ይህችን ትመስላለች፥ እርስዋም፦ ባልንጀራህን እንደ ነፍስህ ውደድ የምትለው ናት።" (የማቴዎስ ወንጌል 22: 39) "፤ የሰው ልጅ የሰውን ነፍስ ሊያድን እንጂ ሊያጠፋ አልመጣም አለ። ወደ ሌላ መንደርም ሄዱ።" (የሉቃስ ወንጌል 9: 56) "፤ ኢየሱስም እንዲህ ብሎ መለሰለት፦ ነፍስህን ስለ እኔ ትሰጣለህን? እውነት እውነት እልሃለሁ፥ ሦስት ጊዜ እስክትክደኝ ድረስ ዶሮ አይጮኽም።" (የዮሐንስ ወንጌል 13: 38) "፤ ቃሉንም የተቀበሉ ተጠመቁ፥ በዚያም ቀን ሦስት ሺህ የሚያህል ነፍስ ተጨመሩ፤" (የሐዋርያት ሥራ 2: 41) "፤ ያንም ነቢይ የማትሰማው ነፍስ ሁሉ ከሕዝብ ተለይታ ትጠፋለች አለ።" (የሐዋርያት ሥራ 3: 23) "፤ ዮሴፍም አባቱን ያዕቆብንና ሰባ አምስት ነፍስ የነበረውን ቤተ ዘመድ ሁሉ ልኮ አስጠራ።" (የሐዋርያት ሥራ 7: 14) "፤ አሁንም፦ አይዞአችሁ ብዬ እመክራችኋለሁ፤ ይህ መርከብ እንጂ ከእናንተ አንድ ነፍስ እንኳ አይጠፋምና።" (የሐዋርያት ሥራ 27: 22) "፤ በመርከቡም ያለን ሁላችን ሁለት መቶ ሰባ ስድስት ነፍስ ነበርን።" (የሐዋርያት ሥራ 27: 37) "፤ ነፍስ ሁሉ በበላይ ላሉት ባለ ሥልጣኖች ይገዛ። ከእግዚአብሔር ካልተገኘ በቀር ሥልጣን የለምና፤ ያሉትም ባለ ሥልጣኖች በእግዚአብሔር የተሾሙ ናቸው።" (ወደ ሮሜ ሰዎች 13: 1) "፤ ይህም ተስፋ እንደ ነፍስ መልሕቅ አለን እርሱም እርግጥና ጽኑ የሆነ ወደ መጋረጃውም ውስጥ የገባ ነው፤" (ወደ ዕብራውያን 6: 19) "፤ ጥቂቶች ማለት ስምንት ነፍስ በውኃ የዳኑበት መርከብ ሲዘጋጅ፥ የእግዚአብሔር ትዕግሥት በኖኅ ዘመን በቈየ ጊዜ ቀድሞ አልታዘዙም።" (1ኛ የጴጥሮስ መልእክት 3: 20) "፤ ወዳጆች ሆይ፥ ነፍስን ከሚዋጋ ሥጋዊ ምኞት ትርቁ ዘንድ እንግዶችና መጻተኞች እንደ መሆናችሁ እለምናችኋለሁ፤" (1ኛ የጴጥሮስ መልእክት 2: 11)