Yurist_GUVD
Ички ишлар органлари фаолиятига оид янги норматив-ҳуқуқий ҳужжатлар, ислоҳотлар ва бошқа соҳа фаолиятига доир янгиликлар ҳамда тезкор маълумотлар тақдим этувчи канал.
Show more2 135Subscribers
-124 hours
-77 days
-2630 days
- Subscribers
- Post coverage
- ER - engagement ratio
Data loading in progress...
Subscriber growth rate
Data loading in progress...
⚡️ Korrupsiya haqida xabar bergan yoki korrupsiyaga qarshi kurashda ko‘maklashganlar mukofotlanadi
Korrupsiyaga oid huquqbuzarlik haqida xabar bergan yoki korrupsiyaga qarshi kurashishga boshqa tarzda ko‘maklashgan shaxslar quyidagi miqdordagi bir martalik pul mukofoti bilan rag‘batlantiriladi:
💵 a) korrupsiyaga oid ma’muriy huquqbuzarlik haqida berilgan xabar uchun — BHMning uch baravari miqdorida;
💵 b) pora summasi yoki yetkazilgan zarar yoxud o‘zlashtirilayotgan (o‘zlashtirilgan) mulkning qiymati BHMning o‘ttiz baravarigacha bo‘lsa:
➖ ijtimoiy xavfi katta bo‘lmagan jinoyat uchun — BHMning besh baravari miqdorida;
➖ uncha og‘ir bo‘lmagan jinoyat uchun — BHMning yetti baravari miqdorida;
➖ og‘ir jinoyat uchun — BHMning
o‘n baravari miqdorida;
➖ o‘ta og‘ir jinoyat uchun — BHMning o‘n besh baravari miqdorida;
💵 v) pora summasi yoki yetkazilgan zarar yoxud o‘zlashtirilayotgan (o‘zlashtirilgan) mulkning qiymati BHMning o‘ttiz baravaridan yuz baravarigacha bo‘lsa:
➖ ijtimoiy xavfi katta bo‘lmagan jinoyat uchun-BHMning o‘n baravari miqdorida;
➖ uncha og‘ir bo‘lmagan jinoyat uchun — BHMning o‘n besh baravari miqdorida;
➖ og‘ir jinoyat uchun — BHMning yigirma baravari miqdorida;
➖ o‘ta og‘ir jinoyat uchun — BHMning yigirma besh baravari miqdorida;
💵 g) pora summasi yoki yetkazilgan zarar yoxud o‘zlashtirilayotgan (o‘zlashtirilgan) mulkning qiymati BHMning yuz baravaridan ko‘p bo‘lsa, quyidagi foiz hisobida hisoblanadi:
➖ ancha miqdor uchun — pora summasi yoki yetkazilgan zarar yoxud o‘zlashtirilayotgan (o‘zlashtirilgan) mulk qiymatining o‘n besh foizi miqdorida;
➖ ko‘p yoki juda ko‘p miqdor uchun — pora summasi yoki yetkazilgan zarar yoxud o‘zlashtirilayotgan (o‘zlashtirilgan) mulk qiymatining o‘n foizi miqdorida.
@Yurist_GUVD
❇️ Ichki ishlar organlari va Milliy gvardiya harbiy xizmatchilarini har qanday turdagi ma'muriy javobgarlikka tortish mumkin emas faqatgina...
👉Harbiy xizmatchilar va yig‘inga chaqirilgan harbiy xizmatga majburlar, shuningdek ichki ishlar organlari hamda Milliy gvardiya oddiy askarlari, boshliqlari tarkibiga mansub shaxslar O‘zbekiston Respublikasi Ma'muriy javobgarlik to'g'risidagi kodeksining 16-moddasiga muvofiq:
🔹ijro hujjatini ijro etmaganligi;
🔸sud hujjatlari va boshqa organlar hujjatlarini ijro etish to‘g‘risidagi qonunchilikni;
🔹yo‘l harakati qoidalarini;
🔸ov qilish, baliq tutish va baliq zaxiralarini saqlash qoidalarini,
🔹bojxona qoidalarini buzganligi uchun umumiy asoslarda ma’muriy javobgar bo‘ladilar.
@Yurist_GUVD
👉Ijara huquqini rasmiylashtirish tartibi?
🔸 Qonunda 2018-yil 1-maygacha qurilgan binolarga bo‘lgan huquq tasdiqlanishi nazarda tutilgan.
@Yurist_GUVD
Айрим фуқароларга электр энергияси ва табиий газ учун компенсация берилади❇️ “Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида”ги Ҳукумат қарори (204-сон, 16.04.2024 й.) қабул қилинди 👉 Унга кўра, қуйидагилар тасдиқланди: 🔹2024-2025 йилларда ёқилғи-энергетика ресурслари нархларининг босқичма-босқич ўзгариш графиги; 🔸2024 йил 1 майдан аҳоли учун электр энергияси ва табиий газ бир ойлик истеъмолининг “базавий меъёрлари”. 👉 2024 йил 1 майгача ёқилғи-энергетика ресурслари нархлари ошишини ҳисобга олган ҳолда минимал истеъмол харажатлари қиймати қайта кўриб чиқилади. 🔹 Қарорга мувофиқ, қуйидаги тоифадаги истеъмолчилар учун юзага келиши мумкин бўлган қўшимча харажатларни қоплаш бўйича вақтинча компенсация жорий этилади: ✔️“Ижтимоий ҳимоя ягона реестри” ахборот тизими орқали кам таъминланган оилалар, болалар нафақаси ва моддий ёрдам олувчи оилалар; ✔️Ягона реестрга киритилмаган, “маҳалла еттилиги” хулосаси асосида аниқланадиган қўшимча эҳтиёжманд оилалар. ✔️Шунингдек, иситиш мавсумида (ноябрь – февраль ойларида) эҳтиёжманд оилаларга қуйидаги компенсация турлари тақдим этилади: 🔹ноябрь ойида 270 минг сўм миқдорида бир марталик моддий ёрдам ўтказиб берилади; 👉электр энергияси ва табиий газ бўйича қуйидаги миқдорлардаги истеъмол учун базавий меъёр доирасидаги ҳамда базавий меъёрдан ошган нархлар ўртасидаги фарқ компенсация қилиб берилади: ➖табиий газ учун – ойига базавий меъёрдан ортиқ фойдаланилган 250 куб метргача; ➖электр энергияси учун – ойига базавий меъёрдан ортиқ фойдаланилган 150 кВт соатгача. @Yurist_GUVD
👉Коллегиаллик– бошқариш принципи, бунда раҳбарлик ваколатли шахслар гуруҳи томонидан амалга оширилади. Мазкур шахсларнинг ҳар бири муайян фаолият соҳаси учун шахсий жавобгар бўлади. Коллегиалликнинг ҳал қилувчи ва маслаҳат берувчи шакллари бўлади. Коллегиалликнинг ҳал қилувчи шакли айрим давлат ва жамоат ташкилотларининг раҳбарлик фаолиятига хосдир.
🔹Коллегиалликнинг маслаҳат берувчи шакли, асосан, яккабошчилик асосида иш олиб борадиган хўжалик бошқариш органларида учрайди. Уларда коллегияларнинг қарорлари раҳбар рози бўлгандагина кучга киради.
🔸Бунда раҳбар, одатда, коллегия раиси ҳисобланади. Коллегиаллик шаклидан қатъи назар, шахсий жавобгарлик унинг самарали ишлашининг ҳал қилувчи шартидир.
@Yurist_GUVD
🔹 Ўзбекистон Республикаси Конституциясида инсон ҳуқуқларига оид 9 та энг муҳим кафолат
1. Шахсни ушлаш чоғида унга тушунарли тилда унинг ҳуқуқлари ва ушлаб турилиши асослари тушунтирилиши шарт.
2. Шахс ўзининг айбсизлигини исботлаши шарт эмас ва исталган вақтда сукут сақлаш ҳуқуқидан фойдаланиши мумкин.
3. Айбдорликка оид барча шубҳалар гумон қилинувчи, айбланувчи, судланувчи ёки маҳкумнинг фойдасига ҳал қилиниши керак.
4. Агар шахснинг ўз айбини тан олганлиги унга қарши ягона далил бўлса, у айбдор деб топилиши ёки жазога тортилиши мумкин эмас.
5. Шахс ўзига ва яқин қариндошларига қарши гувоҳлик беришга мажбур эмас.
6. Шахс суднинг қарорисиз қирқ саккиз соатдан ортиқ муддат ушлаб турилиши мумкин эмас.
7. Ҳибсга олиш, қамоққа олиш ва қамоқда сақлашга фақат суднинг қарорига кўра йўл қўйилади.
8. Ёзишмалар, телефон орқали сўзлашувлар, почта, электрон ва бошқа хабарлар сир сақланишини чеклашга ҳамда уй-жойда тинтув ўтказишга фақат қонунга мувофиқ ва суднинг қарорига асосан йўл қўйилади.
9. Ҳар кимга малакали юридик ёрдам олиш ҳуқуқи кафолатланади. Қонунда назарда тутилган ҳолларда юридик ёрдам давлат ҳисобидан кўрсатилади.
@Yurist_GUVD
❇️ Ҳуқуқий билимимизни оширамиз...
🔹Ички ишлар органи ходими ўзига фуқаро мурожаат этган тақдирда:
- ўз лавозимини, унвонини, фамилиясини, исмини, отасининг исмини айтиши,
- уни диққат билан эшитиши,
- ўз ваколатлари доирасида тегишли чоралар кўриши ёхуд қўйилган масалани ҳал этиш кимнинг ваколатига киришини тушунтириши шарт.
🔸Асос: Ички ишлар органлари тўғрисидаги қонун, 8-модда.
@Yurist_GUVD
👉Унификация– маълум бир ижтимоий муносабатларни бир хил тартибга солишга қаратилган ҳуқуқий нормаларни ишлаб чиқишга қаратилган бир ёки бир неча давлатнинг махсус органлари фаолияти.
@Yurist_GUVD
👉Эрудиция (лот. ēruditio - таҳсил, билим) - чуқур ҳар томонлама билим, кенг хабардорлик.
Эрудит-инсон кенгроқ маълумот соҳасидаги қўшимча билимларга эга, мавзу бўйича адабиётлар билан чуқурроқ ва яқинроқ алоқада ва кенг интеллектуал фикрлаш қобилиятига эга инсон.
👉Эрудиция ўқимишли одам билан боғлиқ. Бироқ, улар бир хил эмас. Эрудит-инсон албатта ўқимишли, аммо ўқимишли одам ҳар доим ҳам эрудит эмас. Муҳим фарқ шундаки, эрудит-инсон ўзининг қўполлиги ва билим етишмаслигини енгишга интилади, оддий ўқимишли киши бунда ўзига хос қадр-қимматни кўрмайди.
👉Эрудит-инсон маълум мавзуларга тўғридан-тўғри ушбу мавзу бўйича курслардан эмас, балки китоблар ва тадқиқотлар орқали кириб боради.
@Yurist_GUVD
👉 Инсоннинг улканлиги унинг бўйи билан ўлчанмаганидек, халқнинг буюклиги ҳам унинг сони билан билан ўлчанмайди; ягона меъёр бўлиб унинг ақлий ривожланганлиги ва ахлоқий даражаси хизмат қилади.
🔸Величие народа не измеряется его численностью, как величие человека не измеряется его ростом; единственной мерой служит его умственное развитие и его нравственный уровень.
Виктор Гюго
@Yurist_GUVD