surxontongi.uz

Сел, кўчки содир бўладиган ҳудудларда навбатчилик штаблари ташкил этилади ✍ Жорий йилнинг март-май ойларида кучли ёғингарчилик оқибатида Бухоро, Жиззах, Наманган, Самарқанд, Сурхондарё, Сирдарё ва Тошкент вилоятларида 15 га яқин йирик сел ва кўчкилар содир бўлди. Оқибатда 9 нафар инсон ҳалок бўлди. 245 та хонадон, 19 та кўприк зарар кўрди, 450 дан ортиқ бош чорва моллари нобуд бўлди. Бунга сел ва кўчки хавфи юқори ҳудудларда йиллар давомида бетартиб пала-партиш суғорилгани ҳам сабаб бўлмоқда. Шу муносабат билан тоғ дарёлари ва сойлари, сел йўллари жойлашган ҳудудларда туну-кун ишлайдиган штаблар ташкил этилиб, қутқарув отрядлари кўпайтирилади. Шунингдек, дарё қирғоқлари, сув омборлари, селга қарши иншоотларнинг фавқулодда вазиятларга шайлик ҳолати ўрганилиб, мустаҳкамланади. Хавфли ҳудудларда яшаётган хонадонлар эса яна табиий офатлардан зарар кўрмасликлари учун хавфсиз ҳудудларга доимий кўчирилади. Давлат раҳбари иштирокида ўтказилган бугунги йиғилишда ана шу масалаларга ҳам тўхтаб ўтилди. ✅t.me/surxon_tongi

Энди фермер ғалласини биржада сотади ✍️ Президент иштирокидаги йиғилишда ғаллачилик соҳасидаги ислоҳотлар янги босқичга чиқиши ҳақида маълум қилинди. Чунки, давлат рабарининг сўзларига кўра, эски тизим дон етиштирувчига ҳам, қайта ишловчи корхоналарга ҳам манфаат бермаяпти. Шу боис, 1 июндан бошлаб ғаллани давлат томонидан сотиб олиш ва сотишда бозор нархларига ўтилиши айтилди. 💰Шунингдек, фермер ва кластерлар ўзлари етиштирган ғалласини биржа савдоларига олиб чиқишлари учун ҳам барча имкониятлар яратилади. Давлат ресурслари учун сотиб олинадиган 1 тонна буғдой нархи ўтган йилдаги 1 миллион 550 минг сўмдан жорий йил ҳосили учун 3 миллион сўмга, яъни 2 бараварга оширилади. ✅👉t.me/surxon_tongi

Ўзбекистонда долларнинг расмий курси кетма-кет иккинчи кун кўтарилди 1 АҚШ долларининг расмий курси 22,60 сўмга кўтарилиб, 11 минг 184,63 сўмни ташкил этган. 1 евро курси 11 минг 814,32 сўмга баҳоланиб, 50,6 сўмга кўтарилди. Шунингдек, 1 рубль 164,06 сўм этиб белгиланиб, 3,11 сўмга баландлади. ✅👉t.me/surxon_tongi

Селда оқиб кетганларнинг жасади топилди ✍️ 10 май куни соат 16:00 лар атрофида Сариосиё туманининг тоғли ҳудуди “Боғистон” МФЙ “Зохона” қишлоғида қисқа муддатли кучли ёмғир ёғиши натижасида сел оқими ҳодисаси юзага келган эди. Ҳодиса оқибатида ушбу ҳудудда ўзининг “Nexia" русумли автомашинасида бўлган Узун тумани "Истиқлол” маҳалласида яшовчи икки нафар фуқарони ҳам сел оқимлари оқизиб кетган. ФВВ қутқарувчилари ва ҳамкорликдаги ташкилотлар билан олиб борилган қидирув-қутқарув ва сел оқими оқибатларини бартараф этиш жарёнида автомобиль ва бир нафар фуқаро “Тўпаланг” дарёси ўзанидан топилди. Иккинчи фуқаронинг жасади эса биринчи фуқаро жасади топилган жойдан тахминан 5 километр қуйидан топилди. ✅👉t.me/surxon_tongi

#Yo'lsozlar ✍ Sariosiyo tumani "Gulobod" mahallasidan kesib o'tuvchi xalqaro M-41 "Bishkek - Dushanbe - Termiz" avtomobil yo'lining 1465-1466 kilometrida joriy ta'mir asfalt yotqizildi, deya xabar berdi tuman hokimligi axborot xizmati. ✅t.me/surxon_tongi

#Ҳуқуқ ☑️ 2023 йил 1 январгача иш берувчиларга улар томонидан 25 ёшдан ошмаган ходимлар учун тўланган ижтимоий солиқ суммаси Давлат бюджетидан тўлиқ қоплаб берилади. 🗓 Иш берувчи томонидан ариза солиқ органига ижтимоий солиқ ҳисоботи тақдим этилганидан кейин 3 ойдан кечиктирмасдан тақдим этилади. ➡️ Ариза келиб тушган санадан бошлаб 5 иш куни мобайнида аризанинг талабларга мувофиқ ёки мувофиқ эмаслиги ўрганилади. ✅t.me/surxon_tongi

Qaysi hududda eng ko‘p sabzavot yetishtirildi? 🏢Viloyat statistika boshqarmasi maʼlumotiga ko‘ra, 2022- yilning yanvar-mart oylarida Surxondaryo viloyati bo‘yicha barcha toifadagi xo‘jaliklar tomonidan 24,3 ming tonna sabzavot ishlab chiqarildi. Bu ko‘rsatkich 2021- yilning yanvar-mart oyiga nisbatan 25,6 foizga ko‘p. 2022- yil yanvar-mart oylarida hududlar bo‘yicha sabzavot ishlab chiqarish: 🔸Termiz – 5 528 tonna; 🔸Sherobod – 3 547 tonna; 🔸Angor – 3 380 tonna; 🔸Denov – 3 066 tonna; 🔸Jarqo'rg'on – 2 680 tonna; 🔸Sariosiyo – 2 248 tonna; 🔸Muzrabot – 1 015 tonna; 🔸Oltinsoy – 666 tonna; 🔸Qumqo'rg'on – 483 tonna; 🔸Sho'rchi – 424 tonna; 🔸Boysun – 405 tonna; 🔸Uzun – 298 tonna; 🔸Bandixon – 238 tonna; 🔸Qiziriq – 180 tonna; 🔸Termiz sh. – 136 tonna qayd yetildi. Maʼlumot o‘rnida, sabzavot ishlab chiqarish umumiy hajmidan 54,5 % dehqon (shaxsiy yordamchi) xo‘jaliklari hissasiga to‘g‘ri kelishini ko‘rsatmoqda.

#Ҳикмат КАМБАҒАЛЛИК ЭШИГИ ✍ Абдурраҳмон ибн Авфдан ривоят қилинади: «Расулуллоҳ соллаллоҳу алайҳи васаллам: «Садақадан мол камаймайди. Қай бир киши ўзи учун тиланчилик эшигини очса, Аллоҳ таоло унинг тепасидан фақирлик эшигини очиб қўяди», дедилар». Бу ҳадиси шарифда зикр қилинган маъно улкан ҳикматдир. Зоҳирда, одамларнинг кўзида садақа берган одамнинг моли шу садақа миқдорича камайгандек бўлади. Бироқ аслида унинг моли камаймайди. Чунки Аллоҳ таоло бирнинг ўрнига етти, ўн, етмиш, етти юз ҳисса беришни ваъда қилиб қўйган. Зоҳирий, моддий кўриниш ҳисоб эмас, асосий ҳисоб Аллоҳ таолонинг ҳисобидир. Банданинг садақаси қабул бўлса, Иншааллоҳ, бу нарса унга жуда катта миқдорда қайтади. Садақа қилаётган киши шу ниятда қилса, садақасининг фойдасини албатта кўради, мол-мулк ҳеч қачон садақа туфайли камаймайди. Худди шунингдек, ким ўзига тиланчиликни раво кўрса, умр бўйи тиланчи бўлиб ўтиб кетади, чунки Аллоҳ таоло унга камбағаллик эшигини очиб қўяди. Ўзига тиланчиликни эп кўрган одам бир умр бой бўлмайди, ўзи тўйса ҳам, кўзи тўймай, хорликда ўтиб кетади. Шунинг учун мўмин-мусулмонлар бу нарсани ўзларига эп кўрмасликлари керак, касб қилиб олмасликлари, бу нарсалардан ўзларини устин қўйишлари лозим. "Яхшилик ва силаи раҳм" китобидан. ✅t.me/surxon_tongi

#Boysun_bahori "Бойсун баҳори" фестивалида дронлар шоуси ҳамда мушакбозлик тадбирлари бўлиб ўтди Сурхондарё вилояти ҳокимлиги Матбуот хизмати Каналга уланиш: t.me/axborot_xizmati Facebook | Instagram | YouTube | Web-site

#Boysun_bahori «Бойсун баҳори» халқаро фольклор фестивалининг тантанали очилиш маросимидан фото лавҳалар Сурхондарё вилояти ҳокимлиги Матбуот хизмати Каналга уланиш: t.me/axborot_xizmati Facebook | Instagram | YouTube | Web-site