Doniyor MIRZO ijodi

Шукур, кўрдик икки подшони, Бу дегани, тириклик, дўстлар...

БЎҒИЛДИМ Бир умр мен сизга интилдим, Сиздай гўзал қизга интилдим. Ўз ҳолимни билмадим, аммо, Сизнинг ҳолингизни мен билдим. Сиз гўзалсиз, ақлли, доно, Нурмаъносиз, сўзи пурмаъно, Аълолардан экасиз, аъло, Дасторингиз бошимга илдим. Мен шаҳзода, сиз қироличам, Биллур қалбли менинг бахтличам, Нурга тўлди кундузим, кечам, Сизни бахтли қилгани келдим. Қадрин билиб олтин қанотнинг, Бахтлилари бўлиб ҳаётнинг, Жиловини тутганча отнинг, Мен сиз учун қайта туғилдим. Жаннат гули каби дил поклаб, Сизни севиб, сизни ардоқлаб, Шоир бўлдим, севгимни оқлаб, Сизни сева-сева бўғилдим. Дониёр МИРЗО

ҲАРДУРИ ҚАЛАЙ? Анвар Санаев билан Анвар Ғаниев ака-уками, деган аския бўларди. Бу-ку, аския экан. Кеча менда ҳаётий бир воқеа бўлди. Анвар Собировда бир ишим бор эди. Шу баҳонада Анвар акани янги лавозимга тайинлангани билан, акаси Оғабек Собировни Тожикистон халқ ҳофизи унвони билан тақдирлангани муносабати билан табриклайман, деб Авар Собировга телефон қилсам, Анвар Санаев телефонига тушиб қолибман. - Ассалому алайкум, Анвар ака, аввало, янги лавозимга тайинланганингиз билан, акангизни қўшни Тожикистон халқ ҳофизи унвони билан табриклайман, десам. - Ваалайкум ассалом, Дониёр Мирзо! Адашдингиз мен Анвар Санаевман, деди. Кулиб юбордим. Агар яхшилаб қараб телефон қилмасангиз, Ҳардурига тушиб қолишингиз ҳам мумкин, деди ҳазиллашиб. Бир пайтлари Ҳардурига Тиркаш ака фарзандларига тўй қилганида, Чўлли уйланганида тўйига олиб боргандим. Анвар Санаев билан қачон кўришсак ё телефонлашсак, биринчи бўлиб Ҳардури қалай, жойидами, деб сўрайди Авар ака. Ўша тўйда қойил қолганим, мусиқачилар усул бериб турибди, Анвар ака Ҳардурида севги бор дедим, Ўтамалида севги бор дедим, Мойлижарда севги бор дедим, Талоқтепада севги бор дедим, Хушалида севги бор дедим, Шўрбозорда севги бор дедим, Кўкдалада севги бор дедим, деб ҳамма қишлоқларнинг номини қўшиққа солиб куйлаганида қойил қолгандим. Анвар ака ҳар доим Ҳардурини сўрайди, мендан. Ҳардуриликлар зўрми, деб қўяди, Анвар ака. Ҳа, албатта! Зўр, дейман мен ҳам. Доим ҳурмат билан тилга олади, барака топсин. Ҳар не бўлганда ҳам қадрдонлигимизга кўз тегмасин. Дониёр МИРЗО, шоир

ЙИҚИТГУВЧИЛАР Йиқилишинг кутмас йиқитгувчилар, Ғанимингга иғво тўқитгувчилар. Худдики олдин ҳам яшаб кўргандай, (Аввал ҳам бир аср яшаб кўргандай,) Ҳаёт сабоғини ўқитгувчилар. Босмалаб тепкилар аямайдилар, Мункиллаб мудрасанг суямайдилар, Кўзинг ўяр, кўзинг бўямайдилар, Кўзингни қарғага чўқитгувчилар. Туҳмат тоши бисёр, кўнгли кир, пулдор, На садоқат бордир, на-да ори бор, Из қолдирмас улар, ўзига ҳушёр, Шанингга мақтовлар тўқитгувчилар. Юзи шивит, гулдай сўлди дейдилар, Куни ўтмай очдан ўлди дейдилар. Дониёр Мирзога қул бўлди дейдилар, Ғанимга ғийбатлар тўқитгувчилар. 15 апрель 2024 йил Дониёр МИРЗО @Doniyor_MIRZO_shoir