Chortoq tumani hokimligi | rasmiy kanali

Чортоқдаги 12-мактабда Ўзбекистон қизил ярим ой жамияти Чортоқ тумани бўлими томонидан мактабгача ва мактаб таълими, фавқулодда вазиятлар бўлимлари, тиббиёт бирлашмаси ҳамкорлигида табиий ҳодисалар юз берганда аҳолига биринчи ёрдам кўрсатиш, уларни талофатдан асрашга қаратилган назарий билим ва кўникмаларини ошириш бўйича амалий машғулотлар ўтказилди.

Олий Мажлис Қонунчилик палатаси депутати Шоҳиста Турғунованинг округдаги фаолияти туман кенгаши депутатлари билан учрашувдан бошланди. Кун тартибидаги масалалар бўйича самимий мулоқот ўтказилди. Чортоқ тумани аҳолисини ўйлантириб келаётган муаммолар ва таклифлар ўртага ташланиб, ечими юзасидан фикр алмашилди.

"Наманган-Хитой" бизнес форуми иштирокчиси, "United novo technology" компанияси раҳбари Жан Вей Чианг  Чортоқ туманига ташрифи давомида Азамат Ғуломовнинг тадбиркорлик фаолияти билан таништирилди. 2022 йилда "Elektronic technology l-tech" номи билан фаолият бошлаган ушбу корхонада моноблок, компьютер, ноутбук ва электрон доскалар тайёр ҳолатга келтирилади. Бу ерда 20 кишининг бандлиги таъминланган. Англашув меморандуми имзолаш, ҳамкорликда амалга ошириладиган истиқболли лойиҳалар юзасидан фикр алмашилди.

Ijtimoiy himoyaga muhtoj ehtiyojmand oilalar sharoiti oʻrganildi 🔘Ijtimoiy himoya milliy agentligi Namangan viloyati boshqarmasi boshligʻi I.Xodjiyev Chortoq tumanining Oʻzbekiston mahallasida yashovchi 1-guruh nogironligi boʻlgan A.Usmanovning xonadonida boʻldi. Ushbu oila A.Usmanovning turmush oʻrtogʻi ham 2-guruh nogironi, qizi esa hozirda ishsiz. Qizi Yu.Usmanovani bandligini taʼminlagan holda ijtimoiy reyestr orqali kam taʼminlangan oilalar roʻyxatiga kiritilib ijtimoiylashuvi taʼminlanish boʻyicha tegishli topshiriqlar berildi. 🔘Shu mahallada yashovchi 2-guruh nogironligi boʻlgan fuqaro X.Axunovning yashash xonadoni bilan tanishilib, X.Axunovni ijtimoiy reyestr orqali kam taʼminlangan oilalar roʻyxatiga kiritilib ijtimoiylashuvi taʼminlanishi masʼullarga koʻrsatmalar berildi. 🔘Bunday aholi qatlamiga doimiy ijtimoiy koʻmak berish Ijtimoiy himoya milliy agentlikning ustuvor vazifalarida hisoblanadi.

Nogironligi mavjud fuqarolar bandligi ta'minlanmoqda Bugungi kunda Chortoq tumanida jami 2200 nafar nogironligi bo'lgan mehnatga layoqatli fuqarolar istiqomat qilmoqda. Yil boshidan beri ularning 1010 nafari ish bilan ta'minlandi. Ulardan 6 nafari "Shoxruhxon ko'magi" MCHJ da ishlab, o'z oilasiga daromad keltiradi. Ijtimoiy himoya milliy agentligi Namangan viloyati boshqarmasi boshlig'i I.Xodjiyev ushbu tadbirkor faoliyati bilan tanishdi. Tadbirkorning bugungi kundagi imkoniyatlari shuni ko'rsatadiki, ushbu tikuvchilik va mebelchilik faoliyatini kengaytirish orqali yana 10 nafarga yaqin nogironligi bor mehnatga layoqatli fuqaroni ish bilan ta'minlay oladi.

Хитойлик инвесторлар Чортоқ туманида бўлди Туман ҳокими Илҳомжон Саттаров "Наманган-Хитой" бизнес форумида иштирокчиси Ванг Лэй Янг билан учрашди. Самимий мулоқот давомида туманнинг ишлаб чиқариш салоҳияти, инвесторларга яратилган шароит ва қулайликлар ҳақида маълумотлар берилди. "Leoch" компанияси билан ҳамкорликда скутер ишлаб чиқариш лойиҳаси бўйича фикр алмашилди.

Чортоқ туманида давлатимиз раҳбарининг 2023 йил 5 апрелдаги 153-сонли қарорига асосан ёшларга ер ажратиб бериш ишлари "Ойқирон миришкорлари" ММТП ҳудудида давом этди. "Маҳалла еттилиги" тавсияси билан шакллантирилган рўйхатга киритилган ёшлар Е-ауцион платформаси орқали 30 йил муддатга ерга эгалик қилиб, ижара асосида деҳқон хўжалиги фаолиятини юритишларига имкон яратилмоқда. Жумладан, 3-сектор ҳудудидаги "Бағрикенглик" маҳалласида яшовчи 15 нафар ёшларга ер майдони ажратиб берилди.

Аввал хабар берганимиздек, "Наманган-Хитой" бизнес форумида "United novo technology" компанияси раҳбари Жан Вей Чианг ҳам иштирок этди. У “Made in Namangan” кўргазмасидан сўнг Чортоқ туманида бўлди. Меҳмон Чортоқ сиҳатгоҳи, "Узтекс Чортоқ" корхонаси ва бошқа ишлаб чиқариш лойиҳалари билан таништирилди.