Shokirjonov news

Хабарномада радардан туширилган фото унинг остида координаталар бор экан. Google Earthга координаталарни киритдим. Қарши шаҳридан чиқишда текис йўлда, ғирт чўлнинг ўртасига 70 тезликка радар қўйишган. (Заправканинг олди экан, мабодо заправканинг эгаси қўймадимикан қўшимча "тушум" бўлиб туриши учун?) Бизга ўхшаган Қаршидан бўлмаганлар — меҳмонлар албатта тушади. Атиги 1 km/h зиёдроқ ҳайдаганимда капам куйиб кетаркан, ўзиям. Шопирларимизга ўхшаб қарғайман мен ҳам: шуйтиб пул топгунча ... (нуқталар ўрнини ўзларингизга ёққан тарзда, ўзларинг муносиб бўлган сўзлар билан тўлдиринглар). ➡️ @shokirjonov

Siz qanaqa aql sohibisiz? ➡️ @shokirjonov

«Afrosiyob» tezyurar poyezdlarining chipta narxlari 15-maydan e’tiboran klassiga qarab 20 foizdan 40 foizgacha oshirilmoqda: Toshkent — Samarqand VIP – 554 000 so‘m Biznes – 358 000 so‘m Ekonom – 244 000 so‘m Toshkent — Qarshi VIP – 747 000 so‘m Biznes – 507 000 so‘m Ekonom – 338 000 so‘m Toshkent — Buxoro VIP – 890 000 so‘m Biznes – 600 000 so‘m Ekonom – 403 000 so‘m ➡️ @shokirjonov

У куни Қашқадарёдаги юбилей тадбирига бориб келаётиб, 94 km/h тезлик билан радарга тушибман. Жарима солиш тўғрисидаги қарорда қайси аҳоли пунктида радарга тушганим кўрсатилмаган. 4Р87 — Кўкдала – Қарши йўлининг 46-километрида қоида бузилгани кўрсатилган, холос. Google Earth дастурини очдим. Кўкдала туман марказидан А-378 Самарқанд – Ғузор автомобил йўли айрилишидан бошлаб 46 км.ни линейкалаб ўлчадим — очиқ дала, аҳоли пункти эмас. Қарши томондан Самарқандга қараб ҳам ўлчадим. Самарқанд автостанция олдидан бошлаб 46 км ўлчаганда, Бегламишсой қишлоғидан чиқиб кетилар экан. Яна дала. Агар йўлнинг бошланиши сал кейинроқ бошланса ҳам масофа дала томон сурилади. Ман ўзим машинани анчайин қоидали ҳайдайман. Аҳоли пунктларида 70, шаҳарлардан 60 тезликдан оширмайман. Аҳоли пунктларига радарлар ўрнатилиши тарафдориман. Аҳоли пунктида 94 km/h тезликда ҳайдашим априори мумкин эмас. “Тушган” жойим аниқ дала бўлган. Бу тарзда ҳайдовчиларни “қопқонга илинтириб”, бўлар бўлмасга жаримага тортишга мутлақо қаршиман. Нега Қашқадарёда даланинг ўртасига радар ўрнатишган? Шу саволга жавоб берадиган одам борми ИИВда? Қашқадарёдаги ГАИлардан сўрамайман. Улар жавоб ҳам бермайди, жавоб беришни, маълумот очиқлашни ўзига эп ҳам кўрмайди. Мен-ку, жаримани 50 фоизлик чегирма билан дарҳол тўлаб қўйдим. Шунчаки, журналистлик қизиққонлигим туфайли, мени “урган” радар далага нима учун ўрнатилганини билмоқчиман? Бу протокол устидан эса аниқ судга шикоят аризаси киритаман. Тезлик бирлиги ҳамон хато ёзилмоқда. Аҳоли пункти кўрсатилмаган. Камида иккита ноаниқлик бор. ➡️ @shokirjonov

"Vafling"gayam, "pechening"gayam tormoznoy kolodkamni qoʻyganim bor, degan surat. Bizning shopirlarni shtraf bilan qoʻrqitib boʻlmaydi! Xumoridan chiqib qargʻab raschyot qilishadi. ➡️ @shokirjonov

Samarqandda harakat xavfsizligini taʼminlash, qoidabuzarliklarga chek qoʻyish maqsadida YPX xodimlari tomonidan kuchaytirilgan tartibda nazorat reyd tadbirlari olib borilmoqda. ➡️ @shokirjonov

Паст Дарғомда туман ҳокими буйруғи билан ННТ мулки снос қилинмоқда Паст Дарғом туманининг Гўзалкент қўрғонида «Ўзбекистон Автомотоҳаваскорлар кўнгилли жамияти» Самарқанд вилоят Кенгашига тегишли нодавлат-нотижорат Паст Дарғом туман бўлимига тегишли 1,5 гектар майдондаги бинолар снос қилинмоқда. Снос ишлари туман ҳокими Ваҳобжон Муротқобиловнинг шахсан ўзи бошчилигида, ҳеч бир ҳужжатларсиз, унинг оғзаки буйруғи асосида амалга оширилаётгани хабар қилинди. Бу объект 1999 йилда олдин-сотди шартнома асосида харид қилинган. Барча кадастр ҳужжатлари бўлган кўчмас мулк. Аввал қурилиши битмаган автошоҳбекат бўлган. Собиқ Гўзалкент туман автомактаби сифатида фаолият кўрсатган. Гўзалкент тумани Паст Дарғом туманига қўшиб юборилганидан сўнг фойдаланилмасдан турган. Автомотоҳаваскорлар жамияти бу биноларни таъмирлаб, автомобилларга техник хизмат кўрсатиш маркази ва бошқа мақсадда фойдаланаётганига қарамасдан, тўлиқ бузиш учун 1 кун вақт ажратилган. «Юқоридан топшириқ бор, ҳозир бузасизлар, кейин судлашаверамиз», деган ҳоким. Президент тадбикорларнинг мулки дахлсизлиги ҳақида қанча гапиради, қанчадан қанча қонун ва қарорлар чиқади. Лекин ҳокимларимиз учун ҳаммаси чепуха. ➡️ @shokirjonov

Мувозанат Профессор бир талабани курсига чиқариб қўйиб, ундан ўтган дарсни айтиб беришини сўради. Сўнг стол устига чиқариб, ўтган маърузани айтишни сўради. Шундан кейин домла стол устига бир табуретка қўйиб, унинг устига чиқиб дарсни айтишини сўради. Бу ҳолатда талаба тушиб кетмаслик учун мувозанатни бошқаришга уринса-да, нима деётганини ўзи ҳам билмай, сафсата сўқий бошлади. Устоз бу ҳодисадаги асосий мақсадни билдириш билан дарсни якунлади: — Киши юқорига кўтарилгани сари, тутуруқсиз гапларни гапириб, сафсата сўқий бошлайди. Чунки, мия оғиздан чиқаётган сўзларга эмас, баландликдан тушиб кетмасликка диққат қаратади.  Шу сабабдан ўзини юқорида деб биладиганлар бемаъни сафсаталар сўқиб, шарманда бўлишади. @jonixonov

Солиқ идоралари матбуот ва бизнес билан шу кунларда қанақа гаплашаётгани ҳақида ҳамкасбимиз Дарина Солод 2 кун аввал ёзганди. Элдор, ҳеч нарса ўзгармаган. Буларни ўзгартириб бўлмайди! Қотиб қолишган 😂 ➡️ @shokirjonov

Бугун Остонов билан тушликда гаплашиб ўтириб, қора туш даврини эсладик, беихтиёр бугунги кун билан қиёсладик. Табиийки, бугун анча яхшироқ, ўзгаришлар бор деган хулосага келдик. Суҳбат асносида бир воқеа эсимга тушиб кетди. 2014 йил, Kun.uz'да ишлаётган кезларим. У пайти жамоамиз ҳали анча кичкина эди, бир кичик офисда ишлардик. Мен солиқ мавзусида бир хабар ёзиб чиқаргандим. Хабар Давлат солиқ қўмитаси (ДСҚ) ҳақида экан, мен Давлат солиқ инспекцияси (ДСИ) деб ёзворибман. Ёшман, тажриба кам, давлат ташкилотларини яхши билмайман, шунга шунақа бўлган. Бир пайт қўмитадан Kun.uz'нинг раҳбари Умид акага телефон қилишди, хато кетганини айтишди, сўнг хабарни ёзган одамни сўрашди. Умид ака телефонни менга берди. Мен саломлашиб, узр сўраб, тажрибасизлик қилганимни тушунтира бошладим. Бир пайт солиқдан телефон қилган одам кўчабезори оҳангда, сансираб, "Нима, қўмита билан инспекциянинг фарқига бормай қолдингми?" деди; "Ўргатиб қўяман фарқини"га ўхшаш яна баъзи гаплар айтди, ҳозир аниқ эсимда йўқ. Мен докторантурани яқинда битирган, давлат ташкилотларидаям, улар биланам ишламаган, бунақа муомалага ўрганмаганман. Жаҳлим чиқиб кетиб, менам бақириб кетдим. Тахминан мана бунақа гаплар: "Ўзингизни босволинг, нима сансираб кетдингиз? Арзимаган хатога шунчами? Таниш эмасмиз, ўтказиб қўйган жойингиз йўқ, тўғри-тўғри гапиринг". Ҳалиги ака тутилиб қолди (бунақа реакция кутмаган шекилли), сўнг "ҳа бўпти" деб ўчириб қўйди. Умид акадан "Нега бунақа гаплашяпти бу?" деб сўрасам, ака тушунтирди: солиқчилар жуда катта кучга эга, бизнес қўрқади, чунки ҳамманинг солиқдан минуси бор, шунга беписанд гаплашишга, керак бўлса, уришиб, сўкиб ташлашга ўрганишган. Қолаверса, медиа билан мулоқот қилишга ўрганишмаган, ўрганганиям давлат газеталарига ва ТВсига стандарт интервьюлар берган, журналистлардан кескин реакция, кескин савол кутишмайди. Ҳозир солиқ бизнес билан қанақа гаплашади, билмадим, лекин медиа билан ундай гаплашмаса керак. @AsanovEldar