جِريَال

#صباح_الخير ثمّ؛ «يقينًا ستُجلى ثقالُ الكروب ‏ويُشرقُ للسّعْدِ صُبحٌ جديد»

صح الصح ✅✅✅ لازم تتحركين أنت وتسألين وتتابعين إذا كان محرمك مب حريص ومتابع خلك أنت حريصة وحرصك بيخليه يهتم 👍🏼 وقد كتبت لكم في القناة مين تسألون وعن أيش تسألون

طبعا!!!! هو اللي مختار ومتقدم، كيف ما يسأل ويستفصل؟ الأمر عنده والاختيار له كيف يتقدم ويخطب على عماه؟؟؟

تواصلي مع أحد تثقين فيه يسأل عنه.. أمي الله يحفظها يوم انخطبت كلمت معلمتها وعطتها الاسم والمعلومات، وزوج معلمتها هو اللي سأل عن أبوي وعرف عنه كل شيء وعلمها (: أوجدي لك حل 💡

وهذا هدفي والله، انكم تكونون واعين ومستوعبين أهمية الموضوع ومدركين لأبعاده..

عشان كذا أقول: استنفدوا كلللل الطرق…

أهلًا وسهلًا 💕 بنات بقول لكم شيء، قلته من قبل وبعيد وأكرر وأقول دائمًا لكل وحدة تنخطب: اسألوا عن الرجال زيييييين، اعرفوا كل شيء عنه قدر المستطاع، لازم يجلس معه محرمك جلسة خاصة يشوفه يسأله يسولف معه يتعرف عليه، وعادي تتكرر الجلسة مرة ومرتين وثلاث.. لا توافقون على أحد ما تعرفونه زين، تعرفونه هو بذاته مو أهله أو جماعته، الحين كل شخص لحاله له توجهات مختلفة عن اللي حوله ويعيش معهم فلازم تعرفين هو شخصيًا وش توجهاته؟ وش أفكاره؟ وش اهتماماته؟ مين أصدقاءه؟ وين يقضي إجازاته؟ وش رده فعله إذا عصّب أو تضايق؟ كيف يعبر عن شعوره؟ علاقته بأسرته القريبة وبأهله عمومًا؟ ووو اسألوا عن كل شيء، واستنفدوا كل الوسائل والطرق، بالنهاية هذي حياتك، هذا شخص بترتبطين فيه للأبد، بتصيرون أنت وإياه شيء واحد، وتعيشون في بيت واحد، لذلك اعرفي مين هو قبل توافقين عليه.. والله اني أكتب هالكلام وأنا استحضر وأشوف وأسمع قصص تعور القلب، كلها ترجع لنقطة وحدة: ما سألوا عن الخاطب بشكل جيد وكافي! السؤال مهم جدًا جدًا جدًا..

كل عام وأنتم بخير 🎈🎉

‏«إن كان ليل اليومِ ليلة عيدنا ‏لا زالَ هذا الصّبحُ من رمضانِ»