cookie

We use cookies to improve your browsing experience. By clicking «Accept all», you agree to the use of cookies.

avatar

شخبطات❤ 💔

خواطر ورمزيات♡ كلام من الصميم ❤ قناة تهتم بكتابه الخواطر وتصميم الرمزيات .. هي عبارة عن يوميات تكتب على شكل خواطر .. ارسلو رابط القناة كهديه للصدقا۽:👇 https://t.me/joinchat/AAAAAELSDAcNZsT2G8WzHw للتواصل🌍:

Show more
The country is not specifiedThe language is not specifiedThe category is not specified
Advertising posts
2 101Subscribers
No data24 hours
No data7 days
No data30 days

Data loading in progress...

Subscriber growth rate

Data loading in progress...

إنت ما سيِّئ أو ما بتتعاشر، إنت بس ما لقيت الشخص المناسب ليك... و حتلقاهو ❤ #ربا_عبد_العزيز
Show all...
كل عام وانتم بالف صحة وعافية وربنا يحقق امانيكم ويديكم ال ف مرادكم ويخلي ليكم احبابكم واصحابكم ويبارك ف عمرهم❤🤲
Show all...
واجه الحقيقة .. ما تختلق الحجج و تكذِّب وجودها، ما تضيع عمرك و إنت مستني العكس يحصل، مرات بيكون الحل في إنك تتقبل رغم الصعوبة، و تبدا خلاص تتعايش مع الحقيقة دي❤ #ربا_عبد_العزيز
Show all...
الحب ما كلمة بتتقال "بحبك" و خلاص . لما تبقى بتبكي أكتر من بتضحك ، لما تبقى متضايق ،بتفكر كتير ، مهموم ، بتراقب بصمت ، بتشتاق كتير ، بتفقد الزول دا و ما بتلاقيهو يبقى وينو الحب دا ؟! و السؤال الأهم لي نستمر ؟ لي نرضاها لنفسنا ؟ #ربا_عبد_العزيز
Show all...
#الغيبة ... عاوزة اتكلم عن موضوع بقى سائد جدا في مجتمعنا و أغلب الناس بتتعامل معاهو عادي جدا ، الغيبة مصطلح غلفوهو الناس تحت مسمى "القطيعة" و بقو يتعاملو معاهو كأنو شي مضحك و وناسة و يتاقو بعض الصحبات و يقولو نحن قعداتنا كلها قطيعة و يضحكو مافكرو لثانية الشي دا عواقبه شنو ..! الحاجة لمن تبقى منتشرة حولينا الناس بتتعامل معاها على إنها بسيطة بس والله تحسبونه هينا و هو عند الله عظيم . أولاً: الغيبة هي بكل بساطة ذكرك أخاك بما يكره يعني انت حتتكلم عن زول كلام هو لو سمعه ما حيحبه "حتى لو الشي دا فيهو" يبقى ياهو نفس الحاجة البنقع فيها كلنا للأسف 💔 الغيبة ما بس محرم لا دي من "كبائر الذنوب" طيب إنت عارف كدا دخلت نفسك في حتة بتاعة "التحلل من حقوق العباد" يعني انت ما عملت ذنب ل الله بس انت أذيت زول ، ف كل زول أذيته لازم ياخد حقه منك يوم الحساب و نحن والله ما ناقصين سيّئات + مافي واحد فينا بيقدر ياكل لحم أخيه و هو ميِّت ، ربنا ما بيغفر حق العباد سواء ظلم أو غيبة أو غيره بيغفر حقه بس . ربنا قال ( ولا يغتب بعضكم بعضًا ) و النبي صلى الله عليه و سلم ليلة المعراج مر بقوم لهم أظافر من نحاس يخمشون بها وجوههم وصدورهم فقال: « من هؤلاء يا جبريل؟ » قال: "هؤلاء الذين يأكلون لحوم الناس ويقعون في أعراضهم" و هم أهل الغيبة ، و غيرها أدلة و عواقب كتيييرة . طيب الكفارة شنو ؟! عارفين إنو الدين دايما متساهل معانا و ربنا دايمًا أرحم علينا حتى في عقوبة الغيبة و تعظيمها عشان ما نأذي قلوب غيرنا . أول شي عليك تتوب مع شروط التوبة اللي هي تقلع عن الذنب حالاً و احساسك بالندم و تعزم انك ما حترجع ليهو ، و في علماء قالو تاخد العفو من الإغتبتهم و دا الأفضل و الأكيد و في علماء قالو لا بس تدعى ليهم و تستغفر ليهم مع تحديدهم يعني مثلا (اللهم اغفر لكل من اغتبته و ظلمته اللهم تجاوز عنا و عنه .... الخ) كتير ما بس مرة وحدة و تعمل حسنات كتيرة بحكم انو الحسنات يُذهِبن السيِّئات و الأهم من دا كله إنك ماترجع للغيبة تاني و اتذكروا دايمًا باب التوبة مفتوح كل ما تعملوا غلط ارجعوا توبوا ربنا أبدا ما بيرد تائب قبل ما يجي الوقت اللي تقفل فيه باب التوبة و نتقيّد بين قيود العجز و الندم . " شير و فيد غيرك " #لكي_نتقرب_من_الله #ربا_عبد_العزيز
Show all...
مساء الخير... كلنا بنفتش على التغيير في رمضان و نفسنا نغير الروتين، نعمل حاجات جديدة، نتقرب اكتر لربنا و كمان ننتظم أكتر في أهدافنا المهمشنها و نفسنا نبدأ فيها بطريقة ممتعة و منظمة.... ماتخلي الشهر دا يعدي عليك زي باقي الايام الروتينية الكسلية المملة 🤣 ماهو التغيير ما بجيك لحدي عندك، إنت البتبداهو 💪🔥.. جيتكم بفكرة باكيج رمضاني حلو شديد، تقضي بيهو شهر رمضان بكل حماس، الباكيج عبارة عن: دفتر و محتوياته( صفحة يومية فيها المهام و الصلوات و تتابع ختمتك، اذكار الصباح و المساء، و صفحة للأهداف العاوز تحققها في رمضان، و صفحة أدعية رمضان النفسك فيها، و بين كل 10 يوم قصة مشوقة) و ستيكرات رمضانية و تحديات رمضانية كل يوم تحدي جديد و فاصل كتاب.. اشتري ليك و أهدي لأحبابك ❤ - الباكيج كامل ب: 5000 جنيه -للتواصل : 0112958603 واتساب فقط
Show all...
أنا ضد فكرة لو عاوز زولك يجيك أتقل عليهو و أبعد شوية أو قصة أعمل شنو عشان أخليهو يلتفت ليا أو يخلي بروده أو يرجع يحبني زي أول ... و كل الكلام الزي دا. لي أنا أقعد أحاول كل فترة ألفت الزول دا ليا، أنا بحب إنسان مُخيَّر ما روبوت، دا معناتو أنا حعيش حياتي كلها أحاول كل فترة ألفتو ليا؟! الزول البيحبك حيكون دايما معاك، دايما فاقدك، مشاركك تفاصيلك، ما حتكون محتاج ثانية تفتش بهنا و هناك عشان تحاول تلفتو ليك، الزول لما يبعد أو يعاملك ببرود دي وحدة من اتنين يا في مشكلة حاصلة بينكم و هنا المفروض تتحل، يا هو خلاص ما عاوزك و هنا الماعاوزك خليك في غنى عنو. الحب والله أكبر من كل شيء ❤ #ربا_عبد_العزيز
Show all...
في بداية العلاقة أمشي ورى مشاعرك ايوا ما حتنلام بس أول لما تلقى الحزن غالب عليك أكتر من السعادة في العلاقة دي معناتو هنا العلاقة محتاجة تفكير ، محتاجة عقل عشان تتصحح ، فهنا وقف قلبك تماما و ماتنساق ورى مشاعرك ، أقعد مع نفسك و فكر بعقلك ، فكر في كل شي من بداية علاقتكم إلى اللحظة دي ، صدقني غالبا حتشوف البينكم بسيناريو تاني خالص و حاجات كتيرة حتوضح ليك و وقتها اليقولو عقلك نفذو قبل ما تغلبك مشاعرك . #ربا_عبد_العزيز
Show all...
(لن نستطيع التخلص من أوجاعنا، إن لم نشارك شخص أوجاعه) "مقتبس من فيلم هندي" الكلام دا أنا بتفق معاه جدا، غالبا بيتحقق عند أغلب الناس و اللي هو منافي جدا لمقولة (فاقد الشيء لا يعطيه). سمعت قبل كدا كلام لأحمد الشقيري قال من أهم طرق السعادة و الراحة النفسية إنك تشوف كم زول كنت إنت سبب في سعادته، علماء نفس و رجال دين كتيرين قالو نفس الكلام دا، مرات كتيرة بيلقى الزول الحل في السلام و الراحة النفسية الفاقدها لمن يسعد غيره ولو بحاجة بسيطة، و أعظمها طبعا إنه يسمع لزول احتاجه أو يلبي طلبه، و الدين بيقول جبر الخواطر من أجلّ العبادات، لو كان فضلها ما عظيم ما كانت من أجل العبادات، سواء ليك أو للزول القدمت ليه السعادة دي❤ #ربا_عبد_العزيز
Show all...
Sign in and get access to detailed information

We will reveal these treasures to you after authorization. We promise, it's fast!