现已上线！2025 年 Telegram 研究 — 年度关键洞察 
2 512
订阅者
无数据24 小时
+87 天
+1830 天
吸引订阅者
六月 '26
六月 '26
+8
在0个频道中
五月 '26
+32
在0个频道中
Get PRO
四月 '26
+2
在0个频道中
Get PRO
三月 '26
+36
在0个频道中
Get PRO
二月 '26
+200
在0个频道中
Get PRO
一月 '26
+162
在0个频道中
Get PRO
十二月 '25
+216
在0个频道中
Get PRO
十一月 '25
+115
在0个频道中
Get PRO
十月 '25
+152
在0个频道中
Get PRO
九月 '25
+110
在0个频道中
Get PRO
八月 '25
+119
在0个频道中
Get PRO
七月 '25
+188
在0个频道中
Get PRO
六月 '25
+319
在0个频道中
Get PRO
五月 '25
+207
在0个频道中
Get PRO
四月 '25
+261
在0个频道中
Get PRO
三月 '25
+1 322
在1个频道中
| 日期 | 订阅者增长 | 提及 | 频道 | |
| 04 六月 | +2 | |||
| 03 六月 | +1 | |||
| 02 六月 | +4 | |||
| 01 六月 | +1 |
频道帖子
Ынча дивес, уруум - дээш, Сайлык корга берген - чуге ынча дээриң, уруум?
Өг-бүле чок - дээш, Даяна улуг тынган.
Өпеяларның бирээзи алгыра берген. Сайлык ол өрээлинче чорупкан. Соондан Даяна база, ийи чашты ийи аңгы апкаш, аргалаары ол.
Начын чорупкан, авашкылар боттары арткан.
| 2 | Мен ам улуг мен, авай, 37-ги эге
Даянаның төрүттүнген хуну чоокшулаан. Сайлык каш катап кудээзинге сагындырып, белек кылып алырынче сумелеп турган. Начын чөпшээрежип турган. Сайлык уруунуң төрүттүнген хунунде улуг торт, чечектер, демги номнарын тудуп алгаш келген. Начын кежээ орай, эзирии улуг чанып келген. Даяна хорадавас, оожум боду хорадап эгелээн.
Кончуун аа, таанда хундуткел чок, уш чаптанчыг ажы-төлүнүң авазын хундулевес - дээш, Сайлык чугааланып, уруунга болчуп олурган.
Даяна хорадап турары кончуг болурга, Сайлык унуп чорупкан.
Сайлык чанып келгеш, телевизор көрүп, бодун оожургадып, харын-даа хорадап, Начынның туразының улуун бодап чыткан. Каш хун кудээзинге сагындырып келген. Ооң чаптанчыг, чараш уруу, чассыг уйнуктары дээш Сайлыктың сагыш-сеткили аарып турган. Чараш байырлал, төрүттүнген хун бодап турган, чок диин, Начынның чузу-даа билдинмес, кижи аайынче ол кирбес, боду билир, оода чараш чувеге, өөрү чуктур деп чуве шуут билбес. Удуп чадап чыткаш, Сайлык удуп каан.
Начынның ажылдап чорупкан уезин бодап, уруунга дузалажыр дээш чорупкан. Ол дыштаныр, хостуг уезинде албан уйнуктарын алчыр турган. Даянаны көөрге оглу Алдар онаалгазын хынаар дээш, «кады кылыыл» дээш долганган, ийиспейлер өскен тудум удувас, шимченгир, холга көдүр дээш алгырып-ла эгелээр, оода бирээзи алгырарга, ийи дугаары чыдып калбас, алгырар. Бодаарга, кым ыыткыр деп маргылдаа-биле дөмей.
Сайлык эжикти оожум соктаан. Даяна ажыдыпкан.
Өпеялар удуп чыдыр бе? - деп, Сайлык сымыранган.
Ийе, авай. Авай, Начынны дуун шагдаалар кыйгыргаш суп калдым, маңаа дээрге чалчыттынып туруп берген.
Карааң бе? - дээш, Сайлык уруунуң арнын эскерип каан.
Ийе.
Аазааш-даа хей-дир. Идик-хевин чыып алдым. Ам черле ундур октаптайн - дээш, Даяна арны шыңгыызы кончуг чугаалаан.
Даянаның безин хөңнүнге дээпкен болза, черле чедип келген-дир.
Аажы-чаңы ол багай, кижи сумези шуут хулээвес, өөрү чуткуурун бодавас... - дээш, Сайлык уруунче көрүп тургаш, оожум чугааланган.
Авай, ам черле болзун. Шынап-ла, соксаар ыйнаан. Сайлык ыыт чок олурган.
Даяна боду кежинге эрткеш, Начынны багай кижи деп билип турар.
Аныянда ада-иезиниң аайы биле болбас, боттарының чурээ биле тып ынакшаан кижизинге ынак, канчаар даа чугаалаарга тогбас, ынакшаан кижизи биле чадырга даа дываажаң ораны деп чурттаксап турган. Ада чок өскен болгаш, Даяна эр кижи сорунзазынга алзып, ону кымдан артык бедик салып турган. Долгандыр кандыг-даа кижини дыңнавас, бодунуу-биле турар. Начынның чугаалаары база шын, куштуг, эки ышкаш турган. Начын Даянага болчур турган. Кандыг-даа кижиге болчуп турар кижи бар болза өөрүнчүг болгай. Ол ышкаш Даянага бир дугаар бир кижи болчуп турганы ол.
Эжикти дыңзыг соктап эгелээн. Сайлык уруунче көрген.
Авай, өпеялар чанынче бар шуве.
Чаа, уруум. Начын бе?
Ийе. Мен хевин бериптейн - дээш, ийи шоодай хевин эжик аксынче сөөртүп алган.
Сайлык өске өрээлге дыңнап олурган. Уруглар маргыжып, ыыткыр чугаалажып турганнар. Даяна алгырарга, Начынның унну оон ыыткыр. Сайлык каш катап өрээлинден унуп, уруунга болчуп турган. Эжик хагдынган дааш дыңналган. Сайлык эжик аксынга халып кээрге, Даяна чааскаан турган.
Канчалды, уруум? Чуу диди?
Чорупту - дээш, Даяна улуг тынган. Сайлык ыыт чок, уруунче көрүп турган.
Начын ийи шоодай хевин ап алгаш чорупкан.
Начынга ынакшылы күштүг болгаш Даяна ажы-төлүнүң төрээн адазын өөрү тыртып кижизидип алыр дээш дыка кыскан, Бурган башкы ону көрген, билир. Херээжен кижиден өг-бүлениң быжыг туружу дыка хамааржыр, өг-бүле ийи кижиниң улуг ажылы, кузээшкинни болур. Ол ышкаш ургулчу кыс кижи-ле өг-бүле, төрээн ада, бүдүн өг-бүле дээш кызып чоруур. Даяна боду ада чок өскен болгаш ындыг салымны ажы-төлү каттаптавазын дээш кызып турган. Боду дээш тулчур уе келген. Салым чолдуң оруу каалама болбас болгай, дорт шыйып каан дег болбас, часпас кижи база чок, черле бергелер, шаптараазыннар турар. Дораан шыырак, бай чуртталга болдунмас. Шупту чувени боду чедип алырга унелиг боор. Начынга аайлап, белеткеп берген тудум дедир чуткуур турган.
Ол-ла ышкажыл, авай - дээш, Даяна улуг тынган.
Чуу деп тур уруум?
Чуртталга төнген. | 488 |
| 3 | Экии шупту! Ам эртен унер шуве. Шуптунарга четтирдим, сонуургап номчуп турар чонумга. Удавас төнер. Канчаар төнер ирги дээш бодап турар улус эңдере. Канчаар төнер-дир, тып көрүңерем. | 540 |
| 4 | Мен ам улуг мен, авай, 36-гы эге
Сайлык каш хонгаш чедип келирге, Начын ажылдап турар, Даяна бажыңында уруглар-биле олурган. Сайлык уруун «чарлып ал» деп туруп бээр эвес, ам ыыттавас болган. Уруунуң чээлизин авазы аазаан болгай, будунге төлеп эгелээн. Алдар бирги классче өөренип кирген.
Даяна канчаар-даа өөрү тыртарга, Начын куду чуктуур деп чувени чугле авазы билип турган. Даянаның Начынга бузуреп, хуннуң-не идегеп олурарын авазы кээргеп көрүп турган.
Психолог, психиатр барып көрем, уруум. Сайзырангай уе ышкажыл. Дузадан дилээр болза эки. Сеңээ дуза херек болуп тур, сен ындыг эвес турдуң чоп. Арыпкан, арның безин куурарып каан, кээргенчиин аан, мээң уруумнуң - дээш, Сайлык уруун куспактаан.
Мен божаан соонда ур олургаш ынчап, хорадап, кылыктанып олурар хевирлиг мен, авай. Оода өпеялар ийистер. Оон дораан болу бээр бизнес кайда боор, бир айда казыыр-даа боор, черле ындыг болгай. Дыка хөй улус бизнес кылгаш, соксап каар, куш четпейн баар чувези ол ышкажыл. Хуннуң-не тура душпейн кылып турар болза, ажырбас деп бодаар мен. Дораан хөй акша кээп турар болза магалыг чуве ыйнаан.
Ийе, уруум. Оозу база шын.
Сайлык уруунуң чугаазын дыңнааш, уруунга дуза херегин билип турган, чугле канчаар ол кижиге чедир чугаалаарын билбейн турган. Сайлык бажың иштин эмгелеп, аайлап, аштанып турган. Даяна номчуттунарынга ынак, ынчалза-даа бо хуннерде номчуп турар номнары - бизнес, СТО болган. Стол кырында оон хөй ном чок. Ол бизнес дээш ажы-төлүн безин херекке албайн турган.
Авай, дыка солун ном бар аан. Ону чагыдып алырымга төлеп бээр сен бе?
Ийе, уруум. Чуу деп?
«Канчап хөй садып алыкчылар чыып ап болурул?».
Уруум, бодуң чугаалап тур ышкажыл сен. Хуннуң ажылдаарга болу бээр деп.
Ийе. Дөмей чажыттарын номчуп, билип алыр болза эки.
Ийе, чаа, чагыдып ал че, садып бээр мен, уруум - дээш, Сайлык уруунга хоржок деп шыдаваан.
Сайлык акшазы чедер-четпезин безин бодаваан. Ооң каш шалыңының хөй кезии чээли төлеп эгелээн.
Уруум, оода чангыс катап психолог деп кижиже барып көрем. Мен өпеялар чанынга олурар мен.
Анаа диин, авай. Ынаар база акша чарыыр эвес бис. Мен оон 2-3 өөреникчи тып алыр деп бодап тур мен, репетиторлап, өпеялар чанынга кежээлерде олурар сен бе, авай. Азы силерге чедирип каар мен. Ол-даа болза акша. Чээли төлепсе, бизнес шуудай берзе. Өршээ, өршээ....
Даяна аксын ажыдар, чугаазы акша болган, ол бизнес, чээли акша ол кижиниң угаан-медерелинде, сагыжында.
Шынында, ол хамык чувени Начын бодаар ужурлуг, өг-бүлезинниң амыдыралы эр кижиниң холунда, эр кижи акша тывар, эр кижи азыраар ужурлуг чуве диин, уруум - дээш, Сайлык улуг тынган.
Сайлык уруунуң адазы чок өскен болгаш өг-бүлениң чурумун билбейн, шупту чүъкту бодунда чуктеп турарын билип турган. Тогбас, хая көрнү бээр дээрге чангыс уруу, чаптанчыг уйнуктары бар. Ам канчаар, Сайлык ажылын ажылдап, хостуг уезинде уйнуктарын алчып, уруун дыштандырып эгелээн.
***
Даяна номчуттунар болгай дээш, Сайлык номнар дилеп эгелээн - өг-бүле, эр-кыс кижиниң хулээлгези, ажы-төл, кижизидилге дугайында, уруунга номнар таварыштыр угаанынга чедирер дээш. Ном садыынга келгеш, 2-3 ном садып алган. Оларны дыка чараш кылдыр хаптап, ораап алгаш, кандыг байырлал бар, анаа таварыштыр бээр дээш. Бодаптарга, Даянаның төрүттүнген хуну чоошкулап турган, бир ай болгаш. | 543 |
| 5 | Мен ам улуг мен, авай, 35-ки эге
Даяна чыдыпкаш, удуп чадап, бодалдардан, дувурелден, каш хонук орта удуваанындан бажы аар, уйгу бар, карактын шийип алгаш чыткан. «Чарлыр дээрге эн белен орук, ажы-төл база чаш, канчаарыл? Өг-бүле деп чувени канчап кадагалаар? Начын ажылдай бээр бе? Кажан-бир шуудап болур бис бе? Азы психолог баар бе?» дээш, Даяна улуг тынган.
Даяна чааскаан артарындан база коргуп турган, өг-бүле, ажы-төлүнге ада - аңаа кол турган. Бодап, миннип чыдарга, удавас 30 харлаар, бут кырында ам-даа быжыг турбаан. Начын биле аразында маргыжар чуве хунден хунче билишпестер көвүдээн.
Даянаның телефону алгырган. Телефон өске өрээлде алгырып туруп берген. Даяна чыткан боду арай деп тургаш, кылаштап чорупкан.
Алло! - дээш, Даяна харыылаан.
Даяна, мен эзирик мен, буруулуг мен, эжим. Хорадавас сен шуве - дээш, Начын чугааланган.
Канчап бардың? Чуге?
Та харын, сөөлгү уеде анаа хун эрттирип чурттап тур мен. Кандыг-даа кузел, чуткул чок. Чуу-даа солун эвес апарды.
Даяна дыңнап турган.
Даяна?
А? Дыңнап тур мен.
Арагалап тур мен, дидим.
Чаа - дээш, Даяна телефонун өжүргеш, удуп чыдыпкан.
Өпеялар-биле авазы агаарлап каапкан кирип келгеннер.
Сайлык уруу удуп чыдар боорга, оожум уйнуктарын чыттырып, шуглап каан. Сайлык чем кылыр дээш шкаф, соодукчуну ажыткан, чуу-даа чок, чем шуут чок. Сайлык оожум унгеш, садыг чорупкан. Көдүрүп шыдаары-биле чем садып алгаш келген.
Кайнаар чордуң, авай? - деп, Даяна оттуп келген.
Уруум, сээң арыпканыңны. Чем шуут чок силер...
Авай, бо уе ындыг болуп тур ийин, черле бут кырынга туруп келир боор бис - дээш, Даяна суг ижип турган.
Сайлык уруунуң шаг чок, туреп каанын көргеш, муңгарап көрген.
Начын канчалган? Кайда? - деп, авазы айтырган.
Та харын, авай, арагалап тур мен диди.
Ии кончуун. Мен база маңаа турар мен, силерниң чаңынарга, дурген Начынны чоргузар-дыр, уруум, идик-хевин чыып....
Даяна харыы чок, боданып олурган. Авазындан акша чээп алгаш, Даяна чээлизин төлепкен.
Начынның адында курунеден дузаламчы акша бар, авай. Ол чувени СТО ажылдатпас болза ол акшаны төледир.
Мен чээлини төлээр мен. Начын бодунуң адында ап алган ышкажыл. Боду төлезин!
Авай, мээң адым база бар.
Хинчектиин аа.
Канчап-даа уне бээр бис. Начынны ундурер. Хевин чыып көрем.
Чаа, авай - дээш, Даяна Начынның хевин чыып, эжик аксынга салып каан.
Акшаны Начын боду ажылдап, чыыр турган. Бодунуң эвес акшазы болгаш, унелевес....
Мен турар мен бе? Азы чоруптар мен бе? - дээш, Сайлык уруунче көрген.
Ийе, авай, маңаа турар. Начынны чоргускаш, мен ажылдап унейн. Силер өпеялар-биле олурар силер.
Чок, мен ажылдааш, чээлиниң төлээр мен, сен уруглар -биле олур, уруум.
Чаа - дээш, Даяна чөпшээрешкен.
Даянаның арнындан көөрге-ле шылап каан. Начынның хевин чыып каан. Сайлык бажың иштин аштап, аъш-чем кылып турган. Эжик дагжап, Начын келген. Сайлык уткуп кылаштай берген. Начынның эзирии ийи будунга арай деп туруп турган. Эзирик кижини ундурер эвес, киирип, диванда чыттырып каан.
Даяна! Даяна! Кайда сен? Кым-биле сен? - деп, алгырып чыдып берген.
Сайлык дыңнап тургаш, унгеш, чорупкан. | 480 |
| 6 | Ипотека база бодуң ап алдың.
Авай, СТО Начынның адында.
Арын-нуурлуг кижи болза, бериптер ужурлуг....
Сайлык «чугле чарлып ал» дээш турупкан. Даяна «акшадан чегдириңерем, авай, бо хуннерде бериптер бис» деп дилээн.
Уе эртип турар, эрткен уени эгидип шыдавас сен. Шын ынак оол болза, сен дээш турган хаяны безин андара идиптер. Сактып көрем, сеңээ белек берген бе, бербээн, чугле сен азырап-ла, акша берип-ле чоруур сен, боду кыспас кижини канчап-даа шыдавас сен. Эгезинден-не сен бодуң ол кижини азырап, амдаштырып алган сен. Кыс кижи кыс болур, сеңээ акша бээр чуве диин... Эр кижи сени чедип алыр ужурлуг, чараш белектер берип тургаш, чараш кылдыныглары-биле. Өг-бүлеңде-даа бодап көрем, сен кыспас болзуңза, шупту чуве туруптар. Начын сени манап олурар. Сен албан бир чувени тыптар сен!
Даяна авазынның чугаазын дыңнап, карааның чажы оожум агып олурган.
Ие сөзүн ижип болбас, ада сөзүн ажырып болбас деп бурунгу өгбелеривис шын чугаалап чораан. Авазы мен кыдыындан көргеш, сеңээ экини кузээш, бодааш, суме кадар диин мен. «Мени айтырбас болза чурттавас мен» дээн болзунза, айтырып-даа алды ыйнаан.
Харын, авай.
Эр кижиге кажан-даа акша бербес чуве-дир! Арын нуурлуг кижи болза, эгидип бээр. Ол каяа? Арын-нуур чок, 2 арынныг кижи чорду чоп. Ол сени кижи санынга-даа алыр кижи бе?
Авай….
Сайлык бодун туттунуп, оожургап алган. Даяна бир уруун, оон өскезин эмзирип олурган. Авашкылар кезек ыыт чок олурганнар.
Сайлык уруун оожургадып, куспактап, эргеледип кааш, «удуп, дыштанып ал, уруум» дээш, өпеяларны алгаш, агаарлап унупкеннер. | 541 |
| 7 | Мен ам улуг мен, авай, 34-ку эге
Даяна бажынга уруглары-биле олурупкан. Ийиспейлер авазын кээргеп, бодаан ышкаш, удуп чыдар болганнар.
Начынның машина кылыр СТО-зунга чагыткан чуулдери Новосибирск хоорайдан келген. Курунеден алган деткимче акшаны ургулчү, ай санында туңнеп, кайы-хире ажылдаанын бижип, чортур болган, оон башка ону төлээри бажын ажыг. Даяна ол хамык санаар, бижиир чувени кылып, дузалажып турган. Начын эртен унер, кежээ келир, кирген акшазын эккеп, хуннуң санап турганнар. Даянаның адында чээли база бар. Амдыызында кирген акшазы чугле чээли төлээринге чедип турган, амыдыралга акша четпес болган. Даяна ажылдап унеринге белеткенип эгелээн. Эң кол чуве - опеялар чанынга олурар кижи херек. Даяна канчаар-даа бодаарга авазындан эки, бузурелдиг кижи чок, авазы-биле чугаалажырын бодап эгелээн. Сайлык уйнуктары төрүттүнүп, эмчиден унуп келирге, ужуражып келген. «Бистиң чурттагавыс-тыр, авай, мен ам улуг мен» дээн соонда, Сайлык уруун өөредип, оларның чуртталгазынче киришпес
апарган. Даяна авазы-биле телефонга-даа чугаалажыр, чуге-ле ийик авазы биеги эвес, «адыр, уруум, чайым чогул» дээш, хөй чугаалажып турбас турган.
Начын эзирик чанып келген.
Начын, бөгүн каш акша кирип келди? - деп, Даяна айтырган.
Бөгүн акшаны чарыптым, шуптузун. Шылап калдым, ажыы-биле чугаалаарга. Хун унер, акша-акша.....
А? Эртен чээли төлээр хунувус. Канчап бардың?
Канчаар мен? Кайыын тып бээр мен?
Начын, канчап бардың?
Начын чок-тур... Өлүп каан - дээш, Начын черге олура душкен.
А?
Даяна Начынче көргеш, ыглапкан.
Шупту чувени садывыт. Хей-дир. Шыдавас мен. Сен эгелээн сен, бо хамык чувени. Шыдавас-тыр мен - дээш, Начын холун чайган.
Даяна дыңнаан чуулунге бузуревээн. Начын....
Даяна муңгарап, ыглап эгелээн.
Чоп ыглаар сен? Кижиден хөй чуве манаар сен... - дээш, Начын чулчуруп чыткаш, удуп каан.
Даяна шаан төндүр ыглап алгаш, Начынны сөөртүп орунче чыттырып алган. Аныяк ава ол дуне удуп чадап каан. Дыка хөйнү бодап, муңгарап, чуртталгазында шаптараазыннарның хөйунге хинчектени берген. «Шынап-ла, авам чугаазы шын болганы ол бе? Ынакшыл шупту чувени шыдаар дээш, авам сөзүн дыңнаваан мен... Авамның чагыг сумезин дыңнавайн, Начынны дыңнап, ооң аайы-биле турдум. Авам хуннуң долгаарга, Начынны хулээп албаска, Начынны бактаарга, авамга удурланып, мээң чуртталгам деп турдум, хөөкүй авамның чарлып ал дээрге суг «авам ышкаш чааскаан чурттаар эвес мен» дээш, авамның сумелерин хулээвейн чордум, кончуумну» - дээш, Даяна чугааланырга, чайгаар карак чажы бадып турган. Боостаазында борбак чуве ажып чадап тургаш, ыглап олурган. Бо чурттап келгеш, черле багай чуве бодавас, дужуп бербес, тура душпес деп сорулгалыг чурттап чораан Даяна холдары салдыныпкан. Эртен чээли төлээринге каш акша четпес.
Даяна бир шак хире, чугле даңгаар эртен удаан. Өпеялар оттуп келирге, туруп келген. Уругларын солуп, тоттуруп, эмзирип олурган. Начын туруп келгеш, арыг хевин кедип алгаш, чорупкан. Аразында чуве-даа чугаалашпааннар.
Кайнаар баарың? - деп, Даяна айтырган.
Кылаштап чоруурум ол - дээш, Начын унуп чорупкан.
Даяна авазынче долгапкан.
Авай, акшадан чегдирер силер бе? Каш хонуктан бериптер бис.
Ийе, чаа. Каш? Чеде берейн аа.
Ийе, авай - дээш, Даянаның унну сиринейни берген.
Даяна диштерин ызырып турда-ла, авазы билип каан.
Ыглап тур сен бе, уруум?
Авай... Буруулуг болдум. Авай.....
Даяна, ол-ла, уруум, ам дораан чеде бээр мен.
Сайлык шынап-ла дораан чедип келген. Хлеб, сут, өпеяларга пюре, соктар, Алдар оглунга ногаалар, чимистер эккелген. Даяна шуптузун авазынга бирден бирээ чокка чугаалап берген.
Эртем билигже, эки чуртталгаже чуткул чок, багай салдар чедирер эштерлиг, хундуткел чок, чуртталгада өг-булезинден эки улегер көрбээн кижиден оон өске чуну манаар боор, ол ыйнаан туңнели. Даяна, уруум, сен шыдаар шааң-биле өру тыртып- ла чоруур сен - дээш, авазы муңгаргай түңнээн.
Даяна чугле улуг тынган.
Мынчага сени-даа айтырып, дилевээн, таныжып безин авазы келбес. Черле сени боду миннип келир хуну келир деп идегеп олурдум. Бадылга бар эвес, чарлып турар деп турар эвес. Ол-ла. Ийи тарай кылаштажы бээр. Начынны ундур удептер. | 531 |
| 8 | Мен ам улуг мен, авай, 33-ку эге
Сайлык кудээзинге бузуревес турган. Ие кижи уруунга болчуп, ону чагып, сургап чадап каан. Сайлык сагыжы аарып турза-даа, киришпес деп бодап алган.
Даяна курунениң деткимче акшазын каш кижи-биле сумележип, айтырып тургаш, ап алганнар. Ол акшаны алыры белен эвес болган. Каш катап дужаап, эдип, санадып келгеш, дужаап, кылганнар. Хөй туңнүг акша холда келген.
Эжим, че, херек чуулдериң каш өртектиг-дир, шилиир сен - дээш, Даяна мөөң акшаны агар санында көргүскен.
Ийе - дээш, Начын компьютер көрүп, санап эгелээн.
Даяна шай ижип олурарга, ишти кадып, адаанче аартып турган. Бо каш хонук Даяна дыш чок ажылдап, хөй кижи-биле харылзажып турганындан, бодун камнанмаан.
Начын, мен чиктиг-дир мен. Эмчиже баар бе?
Ындыг бе? Адыр, эжим.
Сеңээ бузүрээр мен, бодуң шыдаар сен, эжим. Сеңээ ынак мен.
Кайы-хире ынак сен?
Владивостоктан Калининград чедир ынак мен.
Ынча дээр чуве бе?
Ам?
Дыка дыка ынак мен дээр чуве диин.
Аа, чаа. Дыка дыка ынак мен. Иии дүрген эмчи барайн. Оон башка ... - дээш, Даяна иштин туткаш олурупкан.
Начын дурген эмчилерже долгапкан. Эмчи келгеш, хынаан соонда Даянаны алгаш барган.
***
Даяна эмчиге чартык ай болгаш унуп келген.
Канчалдың, эжим? Акшаң канчалдың? - деп, Даяна чанып келгеш дораан айтырган.
Акшам? Харын, чогум бажы-биле телевизор бажыңга, сеңээ, бодумга, оглувуска каш идик-хеп...
Начын, канчалдың? Ажылдап эгеледиң бе? Орта чүве чугаалавайн туруп бердиң? - дээш, Даяна элдепсинген.
Эжим, чугле хорадавас сен бе?
Чок, хорадавас мен. Чуу болган?
Даяна, эжим, олуруп ал че.
Чугаала че, дурген.
Сен хорадавас болган сен!
Ийе. Дурген чугаала.
Даяна багай чуве болганын эндевейн олурган.
Эжим, дыка хөй чуве шилип алгаш, санажыр дээн...
Оон?
Та канчаар базып каапкан мен, чок диин, акшам та кайнаар чорупкан, ол улус олчаан харылзаадан дужуп каан, ол номер ажылдавайн барган. Дыка эки долгажып алган диин мен. Меңээ көргүскен. Чиик өртек дээш дыка амыраан мен. Камнап алыр мен, акшам дээш.
А? - дээш, Даяна аңгадай берген.
Ам каш акшаң арткан?
Чок. Чогум хөй түңнүг акшаның бажы-биле телевизор, каш хеп садып каан мен. Ам агар санда акша чок - дээш, Начын Даянаже көрүп, буруузуннуп черже көрүп олурган.
Ам ынчаарга шагдаа чери баар бис.
Олар канчаптар деп?
Истеп, тывар. Мегечи мөлчүкчулерге таварышкан чыгыы сен. Куруне акшазын ай санында ажылдап турарын көргүзер болгай бис. Ам чуну көргүзер бис?
Эжим, хорадава даан, хорадавас болдуң чоп...
Даянаның бажы аарый берген. Ол дораан эдержип алгаш шагдааларга барып, билдириишкин бижип кааннар. Даяна чуну канчаарын бодап, аажок сагышсырапканы ол боор, орта удуп чадап каан. Даяна туруп келгеш, боданып кылаштап турган. Кымдан дуза дилээр? Кайыын эгелээр? Чангыс авазы бузурелдиг акша берип болур, Начынның болган чуулун дыңнаар болза, бузуревес. Даяна Начынның чазып болурун билип турган. Чангыс ол эжинге бузуреп турган.
Даяна бодунуң адынга Сбербанктан чээли алган, дурген Начын ажылдап эгелээр кылдыр. Ынчап ажылдап турда, читкен акшазы тыптып келиринге Даяна бузуреп турган. Даяна Начын-биле олуруп алгаш, кады шилип, хынап, долгажып тургаш, херек чуулдерин алганнар. Ам чугле хамык херексел Новосибирск хоорайдан келирин манаар. Ол дуне Даяна эъди аартып, ийиспейлер кыс уругларын төрүттүнер уезинден эрте божуп, чиигеп алган. Өпеялар кошкак болганы-биле авашкылар эмчиге ай чедир чыткаш, унуп келгеннер. Чаптанчыг ийиспейлерни Алина, Камилла деп адап алганнар. | 575 |
| 9 | Салым
1. https://vk.com/wall-228939270_936
2. https://vk.com/wall-228939270_963
3. https://vk.com/wall-228939270_994
4. https://vk.com/wall-228939270_1016
5. https://vk.com/wall-228939270_1030
6. https://vk.com/wall-228939270_1045
7. https://vk.com/wall-228939270_1060
8. https://vk.com/wall-228939270_1077
9. https://vk.com/wall-228939270_1122
10. https://vk.com/wall-228939270_1162
11. https://vk.com/wall-228939270_1180
12. https://vk.com/wall-228939270_1203
13. https://vk.com/wall-228939270_1223
14. https://vk.com/wall-228939270_1248
15. https://vk.com/wall-228939270_1281
16. https://vk.com/wall-228939270_1294
17. https://vk.com/wall-228939270_1324
18. https://vk.com/wall-228939270_1331
19. https://vk.com/wall-228939270_1348
20. https://vk.com/wall-228939270_1367
21. https://vk.com/wall-228939270_1401
22. https://vk.com/wall-228939270_1413
23. https://vk.com/wall-228939270_1437
24. https://vk.com/wall-228939270_1461
25. https://vk.com/wall-228939270_1472
26. https://vk.com/wall-228939270_1517
27. https://vk.com/wall-228939270_1544
28. https://vk.com/wall-228939270_1561
29. https://vk.com/wall-228939270_1582 | 766 |
| 10 | Экии шупту! Май 11-де улаштыр бижиир бис шуве. Арай аарып тур ышкажыл мен, дуун шуут шаам чок, кондиционерге донупкан хевирлиг мен, бажында чаа кондиционер салдырып алгаш, сонуургаш Хунзедир ажылдадыпкан турган мен. Бөгүн база шаам чогул, температуралаар, боостаам аарып турар. Чаа, эки дыштаныр силер. | 850 |
| 11 | Оон кандыг херекселдер херек, каш акша боорун көрээли.
Харын. Хөй эвес, оода....
Мен бодум көрүптейн аа - дээш, Даяна ноутбугун ажыдып алгаш, интернет көрүп эгелээн - дыка ур хевирлиг, чээли ап аалы че. Дурген диин.
Ии, чок, чоор сен че. Оожум чоруп турар ыйнаан. Оожум-даа болза чоруп-ла турар болза, чылып бар чыдар ышкажыл мен - дээш, Начын хулумзурген - че, чемнениилиңер че, эжим, олур че.
Чаа, эжим - дээш, Даяна олуруп алган.
Даяна Начын-биле эки чугаалашкаш сеткил-хөңнү, сагыш-сеткили, хей-ады көдүрлүп турган. | 1 119 |
| 12 | Мен ам улуг мен, авай, 32-ги эге
Сайлык уруунче долгааш, ужуражырынче, бажынче чедип келирин чалаан.
Сайлык Даянаны манап олурган уезинде, бодалдары аай-дедир маңнашкан, чыып, чангыс аайлап чадап олурган. Алгырып-ла туруксаазы келир болган. Ооң уруунуң оожум, топтуг томаанныг, Начынны шыдажып келирин кайгап ханмаан.
Даяна чедип келген. Сайлык олурган боду туруп келгеш, уруун чемелеп-ле эгелээн.
Чаңгыс чурттаар чуртталганы кажан-чежен соксаар сен? Анаа чуве диин, чарлып ал. Коргуп турар сен бе? Чааскаан кижи чуну-даа шыдаар. Чангыс оол өзүп келир. Начын ол садик ортээн төлеп шыдавас, хосталып унуп келгеш, чугле сеңээ азырадып олурар, оода чаңы багай, сени мен ол кижиге өстүрүп каан эвес мен? - дээш, Сайлык бодунуң чугаазынга безин муңгарай берген.
Авай, менде өөрүнчүг медээ бар.
Сайлык кезек ыыт чок, уруунче көрген.
Авай, көр даан, - дээш, сумказын ужеп, бир саазын авазынче сунган.
Сайлык саазынче, уруунче көруп тургаш, улуг тынган.
Аборт! Начын-биле чуу-даа болдунмас, хөгжүвес силер, ол кижи сени куду тыртар.
Авай, көр даан. Баштай.
Сайлык саазынны топтап көрген, узи эрткен саазын. Чангыс эвес, ийистер.
Ийистер бе? - дээш, Сайлык сандайынче олуруп алган.
Ийе, авай. Мен эмчиге дыңнааш, орталанып чадап, бир дугаар силерге көргүстүм, авай - дээш, Даяна авазын куспактапкан.
Уруум... - дээш, Сайлык карааның чажын чоткан.
Өөрүшкүден бе, муңгаралдан бе карак чажы бадып турган.
Алдар ам ийи дуңмалыг болур.
Кым силерни азыраар бодадың бе? Уруум, амдыызында бичии турда....
Чок, авай.
Ийе, чаа, киришпес мен, бодуң билип көр, берге апарза дораан долгаар сен - дээш, Сайлык хомудаан, мугаттына берген.
Даяна чаныпкан.
Даяна авазынның чугаазын анаа эрттирбээн, бодап, билип турган. Ам дораан чарлып алыр дээрге, өг-бүледе шуут багай эвес, бот-боттарынга ынак, маргыжа бээр чувелер турар, акша-копеек дээш маргыжарга чуу-даа өскерилбес, Начын кызып турар, бичии-ле болдунмайн турар болгай. Даяна бодун оожургадып чорааны ол. Даянаның авазынның кузели, бодалы-биле болза, Начын дораан эңдере акша ажылдап, бажыңче эккеп эгелээр. Даяна авазынга Начын дээш хомудап, хоптанып көрбээн. «Москва чангыс хун туттунмаан, шупту чуве чоорту болу бээр» деп чувеге Даяна бузурээр турган. Бир хун оларга база эки хун келир деп идегеп турган. Өг-бүле дээрге бичии аңгы куруне ышкажыл, ында чугле 2 кижи, ашак-кадай шиитпирлээр. Начынның эки, багай талаларын, улаштыр чуртталганы бодап, сагыш-сеткилин оожургадып, экини бодаар болза, чуртталга аайлажыр деп Даяна билип турган. Чарлыр дээрге эң белен шиитпир, чувени бузары, урээри белен болгай, катап кылыр, быжыг тудары улуг ажыл. Начынның эки чувези - оглунга ынак, аңаа эр кижи деп темаларны тайылбырлап чугаалап турары. Начын кызып турар, бичии-ле болдунмайн турар, ол кижини деткиптер кижи чок. Начынның авазы оглу-биле аразы ырак, харылзаа чок, авазындан, төрелдеринден деткимче, дузазы шуут чок. Чугле Даяна ону деткип турганы ол.
Даяна чаагай чем кылып алгаш, Начынны манап олурган.
Начын, садиктен Алдарны ап алгаш, чанып келириңерге силерге өөрүнчүг медээ бар.
Ийе, чаа, эжим.
Начын биле Алдар чанып келгеннер.
Эжим, чугаала че - деп, Начын эжик аксындан алгырган.
Авай, мен келдим - дээш, Алдар алгырган.
Эртип келиңер - дээш, Даяна каттырган.
Начын, оглу эртип келгеш, столга олурупканнар. Чаагай чем-даа эвес, Начынның сонуургалы Даянага турган. Даяна бичии саазынын сунган. Начын аай-дедир көрген.
Чуу чүвел?
Ийистерлиг болур бис. Бо көр даан - дээш, Даяна бичии кара чуруун тайылбырлаан.
Уеее, шын бе? Кончуун аа - дээш, Начын бажын сыйбаан.
Ийе, сен база көөр сен бе, оглум. 2 дуңмалыг болур сен.
Кажан? Эр бе? Кыс бе? Кайы? Бо бичии кара бе? - дээш, Алдар авазынче көрген.
Даяна биле Начын каттыржып кааннар.
Гаражка ажылдаарга, чартыын ол СТО ээзинге бериптер, аңгы бот ажылдаар болза эки болуп тур. Бичии акша болза, кол чуве херекселдер садып алза, мен шыдаар мен. Ам хөй акша херек-тир, ажы-төл көвүдээн - дээш, Начын чугааланган.
Ынчаарга мен чээли ап көрейн бе? Каш акша херек?
Чок, эжим. Аваң оон хей ыйнаан. Ам ол куруне дузаламчызы бар дээр аан.
Аа. Мен айтырып көрейн аа, кылып бээр мен. | 1 086 |
| 13 | Албан бадылаар даан 😔 | 645 |
| 14 | Кым кайыын номчуп тур силер? | 839 |
| 15 | Сайлык билип турган, Сайлык шынгыы чугаа кылбас болза Даяна шыдавас…
Алдар маң-биле келгеш, кырган-авазындан куспактаныпкан.
Экии - деп, Начын кылаштап келген.
Экии, кудээ. Оглуң садик барбаан - дээш, Сайлык хыйланып эгелээн.
Кырган-авай, мен бөгүн акша ажылдап турдум, ачам-биле.
Сайлык уйнуун көргеш, хыйланмайн барган.
Садик өртээн мен бээр мен, эртен дораан чедирер силер, эштери-биле ойнаар болгай, оглум. Келир чылын өөренир кижи - дээш, Сайлык уйнуун куспактап чугаалаан.
Сайлык сумказын ужээш, акшазын ужулгаш, столга салып каан. Начын шай чылдып, ону куткан. Сайлык шайны ижипкеш, чорупкан. | 926 |
| 16 | Мен ам улуг мен, авай, 31-ги эге
Начын неделя ажылдапкаш, бир дугаар шалыңын алган. Каш акшазын санап, кайнаар чарыырын боданган. Бажыңынче бир улуг сумка чем садып алган, садыгланып турган эвес, чуну садарын-даа орта билбес, мун чемнээр, чигир, ус, хлеб, сут, ол ышкаш оглунга чигирсиг чемнер, ногаа-чимис алган. Чем өртээ улуг болгаш, каш акшазы ында чирлип каан. Арткан акшазын бичииледир дуруп алгаш, кармактап алган. Мотоциклин шимчедип алыр, артык кезектер садарын бодап турган. «Келир неделяда ажылдаан акша бо хире боор болза чеде бээр» дээш, Начын карманында акшазын туткан. Начын оглун садиктен ап алгаш, чанып келгеннер. Даяна чанып келирге, Начын бир дугаар шалың алгаш, кежээки чем кылып алганнар.
Бир дугаар шалың алган ышкажыл сен, бажы-биле бодунга бир чуве садып алдың бе? - деп, Даяна Начынның өөрүшкүзүнге каттышкан.
Чок, чем садып алдым, эжим. Бир неделя ажылдаан , эвээш акша диин. Оон ынчап турар мен, мотоциклим шимчедип алыйн, шуве. Каш чыл турган болгаш, четпес артык кезектери эңдере.
Чаа. Бир дугаар шалың-биле бир чуве садып алыр турган сен. Та харын, черле шалыңның бажы-биле бодунга уктар, азы бажыңга дус садып алырга эки дээр чуве. Мен сагыыр кижи мен.
Ындыг чуве бе? Бир дугаар дыңнап тур мен. Ук бе? Дус? Албан бе?
Чок. Кайы бирээзи.
Шупту олурупкаш, кежээки чемнээннер.
***
Ийи дугаар неделяда Начын шалыңын алган. Бо удаа бодунга уктар, бажыңче дус садып алган.
Начын, Алдарның садик өртээн төлепкен болзуңза аа - деп, Даяна дилээн.
Акша чок диин. Оолдар келген, мындаа каш арттырып алган акшам, бо алган акшам чегдириптим.
Акшаны чегдирбес болза эки чуве чорду.
Бериптер улус диин - дээш, Начын узе кирген.
Дедир бээрге-даа уне чок боор чорду - дээш, Даяна оожум чугаалаан.
Бузуревейн турар сен бе? - дээш, Начын Даянаже көрген.
Даяна ам чуве чугаалаар болза, маргыш унерин билген, ынчангаш ыттавайн барган. Ол шалыңындан Начын бажыңче чуу-даа сатпаан.
Алдарның өртээн төлевес болза эртен киирбес деп турар. Мен эрткен айда бо оолдуң идик-хеви бичиилеп каан дээш, хеп садыпкан мен - дээш, Даяна оожум тайылбырлаан.
Ынчаарга, мени эдерип турар ыйнаан. Келир неделяда кирген акша-биле төлээр бис.
Садик дээрге өөренир, бо кижи келир чылын школа кирер болгай - дээш, Даяна тайылбырлаан.
Харын аан, чугле бир неделя ышкажыл, эңдере чуу өөренип кааптар деп. Хамык чувени дыка кончуг кылып алба даан.
Ийе, чаа.
Начын оглу-биле эртен кады ажылдаарын чугаалашканнар. Бичии кижи чуу боор, амырап, «ачам-биле акша ажылдаар бис, авай» дээш, аай-дедир шурап маңнаан. Даяна оглун деткип каан. Даяна оглунга ачазын ургулчу мактап, эки кылдыр чугаалап турар болгаш, бичии Алдар авазынның аайы-биле ачазынга дыка ынак турган.
***
Сайлык уйнуун сактааш, садиктен ап чеде бээрге, Алдар садик келбээн болган. Сайлык дораан «аарый бергени ол бе?» дээш, дурген уруунче долгаан.
Чок, авай, харын өртээн чыып алган бис, Начын-биле ажылдап турар.
Кажандан эгелеп?
Бөгүн диин, авай. Начын төлээр болган, шалың унерин манап турар.
Кажан чувел?м
Бо хуннерде, бөгүн чадавас...
Ол кандаай чувел? Чаш уруг турей бергей, аъш-чем чуу чиир кижи чувел? Душте удууру...
Авай, ада-ие хуралында мен - дээш, Даяна чугаазын доозупкан.
Кайда СТО чувел? - дээш, Сайлык алгырган.
Даяна дыңнаваан. Сайлык дыка хорадаан. Чугле бир неделя барбаан, олар-биле чугаалашпаан, оглу туреп эгелээн, уруунга-даа хорадап турган, «Начынның чузунге ынакшаан уругул, мынчага ынакшылы төнмес, өшпес, караа согур-биле дөмей» дээш, Сайлык чааскаан чугааланып, урууннуң бажыңынче кылаштап. Бажыңны соктаан, бажың ээн, даштыгаар унуп келгеш, манап олурган.
Үр болбайн, Начын оглу-биле көстүп келгеннер. Сайлык хорадап, манап олурган. «Начын келирге шуптузун чугаалаар мен» дээш, кайыын эгелеп алырын бодап олурган. «Начын боду ажыл тып алгаш кончуургаар байдал бар, арай сагыжы багай оол чорду, кадайының аайынче кирбес, Даянаны шуут өөредип алган, бо уруг ооң кара аайында, оолдар мурнунга кадайының аайында эвес кончуг кылдыр көстуксээр байдал бар, албан шыңгыы чугаа, идиг кылбас болза шимченмес» - дээш, Сайлык кел чыткан Начынны сайгарып көрген. | 970 |
| 17 | Мында номчуп турар кижи бар бе? Көңгүс реакция, лсйк, комментарийлер чок калдыңар? Менде телеграм чугле бажыңга впн-биле ажылдаар, хоорайга шуут ажыттынмас боор-дур | 951 |
| 18 | Олуруп чораан кижи кижилерден чавыс, ийи дугаар сорттуң-биле дөмей, куруне ажылдары ону алыксавас деп билир.
Эртен ажылдап эгелээр сен.
Ийе, чаа - дээш, Начын өөрүшкү чок болган.
Начын бодун буруулуг кижи ышкаш санап эгелээн. Кат-иези-биле чангыс черге ажылдаар деп чуве база шуут болдунмас, таарышпас деп билип турган. Оон оолдарга чуу дээр, эштериниң арнынче канчап көөр, «ажылды кат-иези тып берген» чуве дораан билдинип келир.
Чок, чок, мен ажылдап шыдавас-тыр мен. Четтирдим - дээш, Начын дыка дурген унуп чорупкан.
Начын ол кылаштааш, сонуургаар ажылы машина кылыр турган, каяа-даа өөренип албаан-даа болза, машинаны сайгарып, ажылдап турар даажындан билиптер кижи. Хоорай адаанче, черле баар бодап турган СТО-га чедип келген. Начын каш чугаалашкан соонда дораан ону ап алган. Акша-копеен-даа дугуржуп алгаш, солуттуна хептенипкеш, улуг тынып, хөрээн хостуг тынгаш, бир дугаар келген машинаны чушкуп эгелээн.
Начын дыка эки ажылдап хунзээн. | 950 |
| 19 | Мен ам улуг мен, авай, 30-ги эге
Начын эмчиден унуп келген. Кайнаар баарыл? Бодаарга, дыка ур эштерин көрбээн, баар-чедер чери эңдере ышкаш сагындырган. Бажыңга олуруп каапкан кижи хунге арнын дөгеп, оожум кылаштап чораан. Буттарны базарга анаа бир аңгы буттар ышкаш турган. Ынчангаш далаш чок, оожум кылаштап чораан. Карманда чугле автобустаар акша бар. Начын чайгаар автобус доктаар черже кылаштапкан.
Начын чанып келгеш, ыры дыннап чыткан, ол черле ыры дыннаарынга ынак турган, боду база ырлаар. Эжик соктаан. Начын шакты көөрге, он ийи шак чедип турар, Даянаның келир уези элек. Начын музыказын бичиилеткеш, эжикти ажыдып чорупкан. Эжикти ажыдыптарга, кат-иези турган. Начын биле Сайлык аразында харылзаа багай турган. Сайлык аңаа хөңнү чок деп билир болгаш, Начын чугаа кылбас, ажыы-биле ырак турар.
Даяна чогул - деп, Начын келдирлээр чыгыы чугаалаан.
Экии, кудээ. Мен сеңээ келдим.
Кирип келиңер - дээш, артында сыйып турган буду асканайны берген Начын чугаалаан.
Музыкаң өжүр, дувуренчиг чуве-дир.
Ийе - дээш, Начын музыказын өжүрүпкен.
Начын келген кат-иезин хорадаар, хыйланыр, каш минута шыдажыптарын бодап, «чуу-даа чугаалавас мен» деп, бодунга команда берген олурган.
Будуң анаа апарды бе? - дээш, Сайлык Начынның буттарын көрген.
Ийе, чаа эмчиден келдим. Бөгүн гипсти адырып каапкан.
Сайлыктың шыңгыы арнындан Начын оожургап, бичиилеп кире берген.
Начын, кажан ажылдаар сен? Хосталып келгеш чартык чыл болдуң. Эр кижи ажыл чок олурар... - дээш, Сайлык чугаазын эгелээн.
Ийе, ийе, билип тур мен - дээш, Начын бажын сыйбаан.
Чедип алгаш ажыл дилевес болза хей хевирлиг сен. Даянага чугаалавас ыйнаан бис. Ол сеңээ ынаа дээрге чуу-даа дээртпес сен шуут унелевес-тир сен. Ам чеже олурар сен?
Сайлык кончуп, шыңгыы чугааланып, сумелеп, чагып сургап олурган. Начын удурланыр арга чок, чөпшээрежип, шыдажып-ла олурган.
Бисте чолаачы хереглеп тур, баар бис бе? Кузелиң бар бе?
Ийе,кат-ией - дээш, Начын бажының дерин чоткан.
Чамдык күдээлерниң чугаазын дыңнаарга, кат-иелеринге таарзынмаан, оларның-биле бактажып алган, харын-даа мырыңай бактаан-даа чоруур боор. Ындыг күдээлерниң чугаазынга Начын катчып-даа олурган. Бо удаа Начын Сайлык аайы-биле турбас болза хей деп билип турган. Ынчангаш тура халааш, хептенипкеш, чоруурунга белектени берген.
Кандыг документилериң бар, ап ал.
Паспорт бар. Аа, машина мунар.
Начын кат-иези-биле чорупкан.
Чүвениң алыс дөзүнден ап көөр бооза, кудээзинге багайны күзеп орар, оода чадаарда, чаңгыс борбак кат-ие бар бе? Ындыг кат-ие чок.
Кат-ие кижи күдээзин кончувас боор бе – кончуур апаар. Бир талазында, ол кат-ие кижиниң хүлээлгези-дир. Сайлык Начынче көргеш, «сеңээ экини кузеп турар диин мен, боттарыңар чуртталгаңар эки болзун!» дээш, чугаалаан. Начын чөпшээрешкен.
Ам ажылче киирип каарымга, багай ажылдаар, ажыл шагы узер болзуңза, мени багай кижм тыпкан дээр боор.
Ийе - дээш, Начын дезип чоруксаазы кээп турган.
Начын айыыл улгадып турарын билип турган. Шуут ынавайн, дедирленирин бодап, чуу депкеш адырлып алырын бодап турган. Башче чуве-даа кирбес.
Дарганың өрээли бо. Кирер сен, ажыл дилеп турар, чугаалаар сен. Дарганың ады Орлан Адыгжыевич - дээш, Сайлык Начынга тайылбырлап, көргүскеш, чорупкан.
Чаа - дээш, Начын улуг тынган.
Чуу-даа болза кат-иези турбас деп билип алгаш, Начын улуг тынган. Машина мунар документизи бар-даа болза дуржулга чок, машина мунуп көрбээн, мотоциклди чажындан мунуп турган.
Кирип келиңер - деп, кара костюмнуг, кылагар кара идиктиг эр Начынны чалаан.
Начын соондан кирген.
Кандыг айтырыглыг силер? - дээш, сандайынга эптиг олуруп алгаш, дарга Начынче көрген.
Начын холун 2 документизин сунгаш, ажыл дилеп турарын айтырган. Дораан Начын беш чыл олуруп чораанын чажырбаан. Дарга боданып олургаш, чугаазын эгелээн:
Сагындырыг чок боор, чангыс чурум урээшкинни турар болза ундуруптер мен. Сен дээш дилээни кончуг чуве. Оон башка олуруп чораан уоус албас бис. Бо куруне ажылы-дыр.
Начын билип олурган,кым дилээнин. Начын ол дораан кат-иезинге өрелиг кылдыр санап эгелээн. Оон кадында дарганың чугаазы кадыг, эпчок дыңналган. | 770 |
| 20 | Эжишкилер
1. https://vk.com/wall-228939270_123
2. https://vk.com/wall-228939270_126
3. https://vk.com/wall-228939270_127
4. https://vk.com/wall-228939270_137
5. https://vk.com/wall-228939270_140
6. https://vk.com/wall-228939270_148
7. https://vk.com/wall-228939270_149
8. https://vk.com/wall-228939270_164
9. https://vk.com/wall-228939270_172
10. https://vk.com/wall-228939270_175
11. https://vk.com/wall-228939270_179
12. https://vk.com/wall-228939270_198
13. https://vk.com/wall-228939270_206
14. https://vk.com/wall-228939270_213
15. https://vk.com/wall-228939270_223
16. https://vk.com/wall-228939270_287
17. https://vk.com/wall-228939270_293
18. https://vk.com/wall-228939270_335
19. https://vk.com/wall-228939270_336
20. https://vk.com/wall-228939270_367
21. https://vk.com/wall-228939270_373
22. https://vk.com/wall-228939270_393
23. https://vk.com/wall-228939270_395
24. https://vk.com/wall-228939270_410
25. https://vk.com/wall-228939270_413
26. https://vk.com/wall-228939270_429
27. https://vk.com/wall-228939270_431
28. https://vk.com/wall-228939270_441
29. https://vk.com/wall-228939270_442 | 833 |
