Navoiy shahar 16-sonli ayrim fanlar chuqur õrganiladigan ixtisoslashtirilgan maktab.

#Kun_tarixi 🌐Bugun 18-may – Xalqaro muzeylar kuni bo‘lib, u 1977 yildan beri nishonlab kelinadi. 🔹Muzeylar – tarix ko'zgusi. Xalq o'tmishi, urf-odat va an'analari, turmush tarzini ifoda etuvchi neki bo'lsa, shu yerda jamlanadi. 🔹Shuningdek,  muzeylar yosh avlodni tariximiz, moddiy va madaniy merosimizni naqadar chuqur ildizga egaligini singdirgan holda, ularni Vatanga muhabbat va sadoqat tuyg‘ulari bilan tarbiyalashda muhim ahamiyat kasb etadi. 🔹Navoiy shahar "Umid" mahallasi hududidagi 16-maktabda "18-may xalqaro muzeylar kuni" munosabati bilan "Muzeylarga onlayn sayohat" mavzusida davra suhbati o‘tkazildi.

🇸🇱🇸🇱🇸🇱Bizning eng katta dardlarimizdan biri, shubhasiz, jaholat dardidir.Boshimizga har balo kelsa, shu bilimsizligimizdan keladi.Biz har musht yesak, shu bilimsizligimizdan yeymiz. Munavvarqori Abdurashidxonov Navoiy shahar "Umid" mahallasida joylayshagan 16-AFCHO'I maktabning 5-"J" sinf o'quvchilari bugun  "Qatag'on qurbonlari" xotira muzeyiga tashrif buyurdilar. Muzeyda o'quvchilar qatag'on qurboni bo'lgan jadidchi bobolarimizning amalga oshirgan ishlari, bizga qoldirgan adabiy merosi, ularning fojiali taqdirlari bilan yaqindan tanishdilar. Shuningdek, tariximizning turli davrlaridan meros bo'lib qolgan qadimiy jihozlar haqida ma'lumotlarga ega bo'ldilar. O'qivchilar bilan ushbu muzeyga bo'lgan tashrif juda qiziqarli hamda manfaatli bo'ldi.

#Sog'lom hayot uchun 5 ming qadam ➡️“Umid” MFY hududidagi Navoiy shahar 16-AFCHO`I maktabida bugun (Nurafshon-15-A) “Sog'lom hayot uchun 5 ming qadam” shiori ostida ommaviy yurish marafoni o'tkazildi. ➡️👇 Yurish marafonida qatnashgan 9-sinf hamda boshlang‘ich sinf o‘qituvchilari  shahrimizdagi istirohat bog‘idagi ko‘l atrofidagi  yo’lakchadan piyoda harakatlanib borishdi. ☝️➡️ Bu kabi sport-sogʻlomlashtirish tadbirlarini yanada koʻpaytirilishi hamda har bir inson bunday badantarbiya mashgʻulotlarini doimiy ravishda bajarib turishi jamiyatda sogʻlom muhitning barpo boʻlishiga zamin yaratadi desak mubolagʻa boʻlmaydi. ➡️Ushbu ommaviy yurish marafoni har hafta shanba kuni pedagog xodimlar va o’quvchilar hamda mahalla fuqarolari bilan hamkorlikda muntazam o'tkazib kelinishi rejalashtirildi. https://t.me/+T_d77UiFtGG5tCtf

O‘quv yili davomida fizika fanidan o‘zlashtirishi qiyin bo‘lgan o‘quvchilar va ularga berkitilgan iqtidorlilardan tuzilgan jamoalar o‘rtasida o‘tkazilgan "Mo‘jizakor fizika" nomli tadbirda fizika qonunlari aks etgan materiallardan foydalanish atrofdagi voqelikni faol his qilishga ko‘maklashdi. O‘quvchilar 4 xil shartni bajarish orqali, jonli va jonsiz tabiatda fizikaga oid xilma-xil qonunlarning amal qilishini bilib oldilar. 1-shart.Tanishtiruv 2-shart. "Fizika hayotni yengillashtiradi" 3-shart. "Ikkinchi hayotni baxsh etaman" 4-shart. "Fizika qonunlariga bo‘ysunaman" kabi bir-biridan ajoyib qiziqarli shartlar o‘quvchilarga ko‘tarinki ruh bag‘ishladi. Tadbirda o'quvchilarning o'g'zaki va yozma nutq salohiyatini rivojlantirishga qaratilgan topshiriqlar tomoshabinlarning fanga qiziqishi yanada kuchaytirdi. Tadbir so‘ngida ishtirokchilar fizika fani o‘qituvchilari G. Achilova hamda H. Ne‘matova tomonidan rag‘batlantirildi va ta‘tildagi vaqtlarini sermazmun o‘tkazishlari uchun tavsiyalar berildi.