Writing📖

🩵

സിനിമാ ഭ്രാന്തുള്ള ഒരു കുടുംബമാണ് എൻ്റേത്. മിക്കവാറും ഒരുമിച്ചാണ് പോകാറ്.ഞാനും അമ്മയും ഭാര്യയും മകളും.ഏതാണ്ട് ഒരേ അഭിപ്രായം ആണ് മിക്കവാറും ഉണ്ടാകാറ്. പക്ഷെ,ഈയടുത്തായി വ്യത്യസ്ത അഭിപ്രായങ്ങൾ വന്നുതുടങ്ങി. സാധാരണ ഗതിയിൽ ഒരു ശരാശരി സിനിമയെപ്പോലും ഉൾക്കൊള്ളാൻ കഴിയുന്ന മാനസികാവസ്ഥയാണ് ഞങ്ങൾ എല്ലാവരുടെയും. ഈയടുത്ത് കണ്ട സിനിമകളിൽ എനിക്ക് ഇഷ്ടമായത് "വർഷങ്ങൾക്ക് ശേഷം " മാത്രമാണ്. വിനീതിൻ്റെ ബുദ്ധിയും നിവിൻ്റെ പ്രകടനവും പിള്ളേരുടെ അഭിനയവും നന്നായിട്ടുണ്ട്.അതിനു മുമ്പ് ഇറങ്ങിയവയിൽ ബോറടിക്കാതെ കാണാൻ കഴിയുന്ന സിനിമകൾ ആയിരുന്നു പ്രേമലുവും മഞ്ഞുമ്മൽ ബോയ്സും. എനിക്ക് ഏറ്റവും ഇഷ്ടപ്പെട്ട Movie ഏത് എന്നു ചോദിച്ചാൽ ഞാൻ 1st Rank ആയി തിരഞ്ഞെടുക്കുക "ഫാലിമി " ആണ്. Negative Reviews അധികം എഴുതണ്ട എന്നു കരുതുന്നു.Box Office Hit ആയ "ആവേശം" ഒരു മുഴുനീള "ആഭാസം" ആയിട്ടു മാത്രമാണ് അനുഭവപ്പെട്ടത്. എൻ്റെ മകൾ മാത്രമാണ് ok പറഞ്ഞത്. Newgen ഏറ്റെടുത്തു വിജയിപ്പിച്ചു എന്നാണ് അറിയാൻ കഴിഞ്ഞത്.. ഫഹദ് ഫാസിലിൻ്റെ വ്യത്യസ്ത Make over മാത്രമാണ് അൽപ്പം ആശ്വാസം തരുന്നത്. എൻ്റെ reading ഉം Trend ൻ്റെ reading ഉം രണ്ടായി കണ്ടു തുടങ്ങി എന്നർത്ഥം. സച്ചിന് pad ന് ഇടയിലൂടെ വന്ന ball സ്റ്റമ്പ് തെറിച്ചപ്പോഴാണ് retire ചെയ്യാം എന്നു തോന്നിയത്. അതു പോലെ ഇനി എല്ലാ സിനിമയും കാണണ്ട എന്നു ഞാനും ഭാര്യയും ജീവിതത്തിൽ ആദ്യമായി ഈ വിഷുക്കാലത്ത് തീരുമാനമെടുത്തു. ആ തീരുമാനത്തിന് ആക്കം കൂട്ടാൻ ദിലീപും സഹായിച്ചു. ഇനിയും ദിലീപിന് അഭിനയിക്കാൻ സ്വയം നിർമ്മിക്കേണ്ടി വരും. ദിലീപിൻ്റെ "പവി " ചെയ്യുന്ന കോമാളിത്തരങ്ങൾ കണ്ട് ചിരിക്കുന്നത് ആ സിനിമയിലെ മറ്റു കഥാപാത്രങ്ങൾ മാത്രമാണ്.പേക്ഷകർ സീറ്റുകളിൽ ഇരുന്ന് ഞെളിപിരി കൊള്ളുന്നത് കണ്ടു.ഞാനിവിടെ ഉണ്ടെന്ന് ഉറപ്പിക്കാൻ ശ്രമിക്കുന്ന പാവം ദിലീപിൻ്റെ നിസ്സഹായാവസ്ഥയിൽ സഹതപിക്കാനേ കഴിയൂ. സ്വന്തം ജീവിതത്തിലെ കൗശലങ്ങൾക്കു നേരിടേണ്ടി വന്ന പരീക്ഷണങ്ങൾ, അതിനു കൊടുക്കേണ്ടി വന്ന വില, ആ നടൻ്റെ ജീവരക്തം മുഴുവൻ ഊറ്റിയെടുത്തു കഴിഞ്ഞു. മുഖത്ത് എത്ര പുട്ടിയിട്ടാലും കണ്ണുകളിൽ നിഴലിക്കുന്നത് പരിഭ്രാന്തിയും ആത്മവിശ്വാസക്കുറവും മാത്രമാണ്. Body tight ചെയ്തത് പ്രേക്ഷകരെ കാണിക്കുന്നതിന് ഇടക്കിടക്ക് ദിലീപ് കുളിക്കുകയാണ് സൂർത്തുക്കളേ😭 ഞാനൊരു ദിലീപു വിരോധിയല്ല. ദിലീപ് നിർമ്മാണമോ സംവിധാനമോ മറ്റു സിനിമകളിൽ സഹനടനായോ തീയേറ്റർ സംഘടനകളിലോ മറ്റോ സജീവമാകുന്നതാണ് നല്ലത്. ഇടവേള ബാബുവിനോടൊപ്പം സംഘടനാ പ്രവർത്തനങ്ങൾ ചെയ്യാൻ ദിലീപിന് സാധിക്കും. ഇനിയും ദിലീപിനെ നായകനായി കാണാൻ ജനങ്ങൾ സഹകരിക്കും എന്നു തോന്നുന്നില്ല. ചാന്തുപൊട്ട് /കുഞ്ഞിക്കൂനൻ/സൗണ്ട് തോമ പോലുള്ള അടയാളങ്ങൾ ഇട്ടിട്ടുണ്ടല്ലോ. മനസ്സുകൊണ്ട് ഇപ്പോഴും Super star hang over കൊണ്ടു നടക്കാതെ, നിലവിലുള്ള സാഹചര്യങ്ങൾ കൃത്യമായി read ചെയ്ത് അവനവൻ്റെ കൗശലങ്ങൾ അതിന് അനുസൃതമായി adjust ചെയ്തില്ലെങ്കിൽ........ ഇനിയും ദിലീപിന് ചമ്മുന്ന Scene അഭിനയിക്കാൻ, സിനിമകൾ സ്വന്തമായി നിർമ്മിക്കേണ്ടി വരും. നേരത്തെ സൂചിപ്പിച്ചതു പോലെ ഈ പ്രേക്ഷകനും പ്രായമായി വരുന്നതിനാൽ ചില readings പഴയ പോലെ Market readings ഉം ആയി ഒത്തു പോകുന്നില്ല എന്നത് സത്യമാണ്. എൻ്റെ അഭിപ്രായങ്ങൾ എത്ര പേർക്ക് അതേ രീതിയിൽ അനുഭവപ്പെടും എന്ന് അറിയില്ല. ദുഃഖമുള്ള ഒരു സിനിമയും കാണാറില്ല. പ്രത്യേകിച്ച് വേദനയുടെ കഥ പറയുന്നതാണ് എന്നറിഞ്ഞാൽ ഞങ്ങൾ എല്ലാവരും അത് എത്ര നല്ല സിനിമയായാലും ഒഴിവാക്കാറാണു പതിവ്. തീയേറ്ററിലിരുന്ന് മത്സരിച്ചു കരയുന്നവരാണ് ഞങ്ങൾ നാലു പേരും.😁😁😁😁ആകാശ ദൂത് പണ്ട് അങ്ങിനെ ഒഴിവാക്കിയിരുന്നു. ആട് ജീവിതവും അങ്ങിനെ ഒഴിവാക്കി. ജീവിതം സുഖകരമായി മുന്നോട്ടു നീങ്ങുമ്പോൾ പണം കൊടുത്തു കരയണ്ട എന്നു തീരുമാനിച്ചു. തൽക്കാലം നിങ്ങളെ വധിച്ചത് മതി എന്നു കരുതുന്നു.😁😁😁😁😁😁😁

ഞാൻ കണ്ടതിൽ വെച്ച് ലോകത്തെ ഏറ്റവും വലിയ global star അത് jackie chan ആണ്. ആകെ കുറച്ചു hollywood movies മാത്രമേ പുള്ളി ചെയ്തിട്ടൊള്ളൂ പക്ഷെ ചെയ്തത് മുഴുവൻ നല്ല കിണ്ണം കാച്ചിയ items ആണ്. ഭാഷ ഏതാണ് എന്ന് പോലും അറിയാത്ത പ്രായത്തിൽ കണ്ട് തുടങ്ങിയതാ പുള്ളിയുടെ പടങ്ങൾ അങ്ങ് Hong kong ഇൽ ഇറങ്ങുന്ന ഒരു ചെറിയ budget action പടങ്ങൾ ഇങ്ങ് കൊച്ചു കേരളത്തിലെ dvd store കളിൽ ലഭിക്കണമെങ്കിൽ പുള്ളിയുടെ range ഊഹിച്ചാൽ മതി, bruce lee, jet lee പോലുള്ള martial artist ഉണ്ടായിരുന്നിട്ടും jackie യുടെ unique ആയ action comedy ആയിരുന്നു കൂടുതൽ ആളുകൾക്കും പ്രിയപ്പെട്ടത്, നമ്മളിൽ ഒട്ടുമിക്ക പേരും പുള്ളിയുടെ സിനിമകൾ കണ്ടാകും വളർന്നു വന്നത് One and only legend 💯 @ the age of 69 Our childhood hero is getting old

💜

ശമ്പളവും പെൻഷനും വൈകുന്ന /മുടങ്ങുന്ന അവസ്ഥ കേരളത്തിൽ എങ്ങിനെ സംഭവിച്ചു? ഭരണത്തിലിരുന്ന പാർട്ടികൾ വെറും രണ്ടു വർഷത്തേക്ക് Personal Staff ആയി നിയമിക്കുന്നവർക്ക് ആജീവനാന്ത പെൻഷൻ കൊടുത്തു പോരുന്നു. ഓരോ പാർട്ടിയും ഈ കാര്യത്തിൽ മത്സരിക്കുന്നു. ഇതും പോരാഞ്ഞ് പുറം വാതിൽ നിയമനങ്ങൾ വേറെ.ഖജനാവിലെ പണം എടുത്ത് പാർട്ടികളെ വളർത്താൻ മത്സരിച്ചു. പഠിപ്പു വേണ്ട. PSC എഴുതണ്ട. പാർട്ടിക്ക് വേണ്ടി തല്ലാനും കൊല്ലാനും കൊടിപിടിക്കാനും മാത്രം നടന്നാൽ മതി. നല്ല ശമ്പളവും ആജീവനാന്ത പെൻഷനും. ജീവിതാവസാനം വരെ, കുറുള്ളവരെ സൃഷ്ടിക്കാൻ ഇതിലും മികച്ച മാർഗ്ഗം മറ്റെന്താണുള്ളത്? എല്ലാ Department ലും ഇത്തരം അടിമപ്പണി ചെയ്യുന്ന ആയിരങ്ങളെ സൃഷ്ടിച്ചു കഴിഞ്ഞു. പാർട്ടികൾ ഇനിയും അധികാരത്തിൽ വരും. ഇനിയും കടം എടുക്കാൻ ഉള്ള അധികാരവും അവകാശവും അവസാന ശ്വാസം വരെ ഉപയോഗിക്കും.ആർക്കാണു നഷ്ടം? ആർക്കാണു ചേതം? സ്വന്തം വീട്ടിൽ നിന്നൊന്നുമല്ലല്ലോ? productivity കൂട്ടാനും ഉപഭോഗം കുറക്കാനും ശ്രദ്ധിക്കേണ്ട ആവശ്യമെന്ത്?😄😄😄 ഈ സംസ്ഥാനത്തെ ഈ അവസ്ഥയിൽ കൊണ്ടുചെന്നെത്തിച്ചത് മറ്റൊരു പണിയും ജീവിതത്തിൽ ചെയ്യാത്ത മുഴുവൻ സമയ രാഷ്ട്രീയക്കാർ മാത്രം ആണ്.പലരും "മുഴുവൻ സമയ ഗുണ്ടകൾ". MLA മാർ മുതൽ എല്ലാവരും കോടീശ്വരൻമാർ ആണ്. ഭരിക്കാൻ കഴിയാത്ത പാർട്ടിയിലെ, പിരിക്കാനറിയുന്ന, തോൽവി ഉറപ്പാണെങ്കിലും മത്സരിക്കുന്ന local നേതാക്കൾ പോലും ലക്ഷപ്രഭുക്കളാണ്. വിദ്യാഭ്യാസം എന്ന് ഉച്ചാരണ ശുദ്ധിയോടെ പറയാൻ കഴിയാത്ത ഗുണ്ടയും വിദ്യാഭ്യാസ മന്ത്രിയാകും. സാമ്പത്തിക വിദ്യാഭ്യാസം നേടാത്തവൻ സാമ്പത്തിക വകുപ്പ് കൈകാര്യം ചെയ്യും. ഒരു വകുപ്പും കൈകാര്യം ചെയ്യാൻ അറിയാത്തവൻ മുഖ്യമന്ത്രിയാകും. വ്യവസായങ്ങളോ ഇല്ല. ഉള്ള വ്യവസായങ്ങൾ പോലും മാസപ്പടി കൊടുത്തില്ലെങ്കിൽ പൂട്ടിക്കും. രാഷ്ട്രീയക്കാർ കേരളത്തിൻ്റെ രക്തം മുഴുവൻ ഊറ്റിയെടുത്തു കഴിഞ്ഞു. ഇന്ത്യയെ British കാർ കൊള്ളയടിച്ചതിലും ഭീകരമായാണ് കേരളത്തെ രാഷ്ട്രീയക്കാർ കൊള്ളയടിച്ചത്. അവരുടെയെല്ലാം മക്കൾ വിദേശത്തോ അന്യ സംസ്ഥാനങ്ങളിലോ ആണ്. പരിഹരിക്കാൻ കഴിയാത്ത വിധത്തിലുള്ള നാശനഷ്ടങ്ങളാണ് ഇവർ ചെയ്തിരിക്കുന്നത്. പ്രത്യേകിച്ച്, വരും തലമുറകളോട്.ശമ്പളമോ പെൻഷനോ പോലും കൃത്യമായിട്ട് ലഭിക്കാത്ത ഒരു കേരളസർക്കാർ ജോലിയും പുതിയ തലമുറയെ ആകർഷിക്കില്ല. പുതിയ തലമുറയിലെ യുവാക്കൾ ഒന്നു പോലെ കൊടിപിടിച്ച് ഗുണ്ടകൾ ആകണം. അല്ലെങ്കിൽ സംസ്ഥാനം വിട്ടു പോകണം.നല്ല കുടുംബങ്ങളിൽ പിറന്നവർ രണ്ടാമത്തെ വഴി തിരഞ്ഞെടുക്കും എന്ന് ഉറപ്പാണ്. "ഇതു പോലെയാകണം" എന്ന് അവരെ inspire ചെയ്യുന്ന ഒരു role model പോലും കേരളത്തിൽ ബാക്കി ഇല്ല. കാലം ചവറ്റു കൊട്ടയിൽ തള്ളിയ പാർട്ടികളെയും ചുമന്ന്, കാലമെത്താറായ കുറെ കിഴവൻമാർ മാത്രമുള്ള സ്ഥലമായി കേരളം മാറിക്കഴിഞ്ഞു. അവരുടെ മക്കളിൽ,ഒരു Quality യുമില്ലാത്ത, തെണ്ടിത്തിരിഞ്ഞു നടക്കുന്ന കുറെ ചെറുപ്പക്കാർ മാത്രം ഗുണ്ടായിസമോ സാമ്പത്തിക തട്ടിപ്പുകളുമായി ഇവിടെ കഴിഞ്ഞു കൂടും. സാഹോദര്യം, സ്വാതന്ത്ര്യം, സമത്വം ഏറെക്കുറെ ഉറപ്പായിക്കഴിഞ്ഞു.😄 ഒരാൾ മറ്റൊരാളുമായി തുല്യത വരണമെങ്കിൽ, രണ്ടു പേരും ജയിലിൽ ആണെങ്കിൽ അത് സംഭവിക്കും. രണ്ടു പേരും പട്ടിണി കിടക്കുമ്പോഴും അത് സംഭവിക്കും. ഒടുവിൽ ശവശരീരങ്ങളാകുമ്പോഴും അത് സംഭവിക്കും. ലോകത്ത് മറ്റൊരിടത്തും വേരോടിയില്ലെങ്കിലും, Socialism കേരളത്തിൽ നടപ്പായിക്കഴിഞ്ഞു. വിപ്ലവം ജയിക്കട്ടെ.👍😄

❤️

Women's rule ആണ് വേണ്ടത്. Women's day അല്ല.ഞാനൊരു Feminist അല്ല. പക്ഷെ ചില കാര്യങ്ങൾ തുറന്നു പറയാൻ ആഗ്രഹിക്കുന്നു. മാത്രമല്ല, ഒരു സ്ത്രീ ഞാൻ എഴുതുന്ന കാര്യങ്ങൾ എഴുതിയാൽ അവരെ Feminist ആക്കി മുദ്ര കുത്താനും ഇടയുണ്ട്. അതിനാൽ എന്നെപ്പോലുള്ള ആരെങ്കിലും തന്നെ അത് പറയേണ്ടതുണ്ട് എന്ന് തോന്നുന്നു.👇 പേശീബലം വേണ്ട കാര്യങ്ങൾ ജീവിതത്തിൽ നിർണ്ണായകമായ പഴഞ്ചൻ കാലഘട്ടങ്ങളിൽ മാത്രമാണ് പുരുഷൻമാർക്ക് മുന്നിൽ നിൽക്കേണ്ടി വന്നിട്ടുള്ളത്.ആ കാലഘട്ടങ്ങൾ എന്നേ അസ്തമിച്ചു. അതിനാൽ തന്നെ,വിവര സാങ്കേതിക യുഗത്തിൽ ഇന്നത്തെ സ്ത്രീകൾ സ്വാഭാവികമായി, പുരുഷൻമാർക്കൊപ്പമല്ല, പുരുഷൻമാരേക്കാൾ ബഹുദൂരം മുന്നിലാണ്. ഞാനിത് വെറുതെ പറയുന്നതല്ല. കാര്യക്ഷമമായ Multi Task Management ൽ ഒരു സ്ത്രീ പുരുഷനേക്കാൾ ബഹുദൂരം മുന്നിലാണ്. ലഹരി ഉപയോഗം സ്ത്രീകളിൽ വളരെ കുറവാണ്. ഹൃദയവും ബുദ്ധിയും ഒരുപോലെ ആവശ്യമായ സ്ഥലങ്ങളിൽ എല്ലാം സ്ത്രീ മുന്നിലായിരിക്കും എന്ന് ഉറപ്പാണ്. ഇന്ന് ആരെങ്കിലും സ്ത്രീയെ അടിച്ചമർത്തുന്നുണ്ട് എങ്കിൽ അതിനു കാരണം, പുരുഷൻ്റെ inferiority complexഉം ഭയവും മാത്രം ആണ്. superiority complex ആണെന്നു തെറ്റിദ്ധരിക്കേണ്ടതില്ല. ഒരു വീട്ടിലെ കാര്യങ്ങൾ നടത്താൻ ശേഷിയില്ലാത്തവരാണ് രാഷ്ട്രീയ, ബിസിനസ്സ്, സ്ഥാപനങ്ങളുടെ തലപ്പത്തിരിക്കുന്ന പുരുഷൻമാരിൽ ബഹുഭൂരിപക്ഷവും. എളുപ്പവഴിയിൽ, വളരെ പെട്ടെന്ന് ഈ ലോകത്ത് മുഴുവൻ നൻമ വരണം എന്നുണ്ടെങ്കിൽ, ചെയ്യാവുന്ന ഏറ്റവും മികച്ച, ചിലവുകുറഞ്ഞ strategy, ഉത്തരവാദിത്തപ്പെട്ട സ്ഥാനങ്ങൾ മുഴുവൻ സ്ത്രീകളെ മാത്രം ഏൽപ്പിക്കുക എന്നതാണ്. നെറ്റി ചുളിച്ച്,ഇതു വായിക്കുന്നവർ, അൽപ്പനേരം മനസ്സിൽ ഞാൻ പറയുന്ന ചിത്രങ്ങൾ കാണാൻ ശ്രമിക്കൂ. അടുത്ത 5-10 വർഷങ്ങളിൽ, എല്ലാ രാജ്യങ്ങളിലും പ്രസിഡൻ്റുമാർ, പ്രധാനമന്ത്രിമാർ, മുഖ്യമന്ത്രിമാർ, മന്ത്രിമാർ, MLA s സ്ത്രീകൾ മാത്രം തിരഞ്ഞെടുക്കപ്പെടണം. എല്ലാ പാർട്ടികളിലും സ്ഥാനാർത്ഥികൾ സ്ത്രീകൾ മാത്രം.പുരുഷൻമാർക്ക് support roles മാത്രം. ജഡ്ജിയും വക്കീലും സ്ത്രീകൾ മാത്രം. Police Department ലും Administration ലും ഉയർന്ന സ്ഥാനങ്ങളിൽ സ്ത്രീകൾ മാത്രം.5-10 വർഷങ്ങൾക്കു ശേഷം മാത്രം പുരുഷൻമാർക്ക് മൂന്നിലൊന്ന് സംവരണം ഏർപ്പെടുത്താവുന്നതാണ്. ഒരു കാര്യം ഉറപ്പാണ്. ലോകത്തെ ഇന്നത്തെ രക്തരൂക്ഷിതമായ പല പ്രശ്നങ്ങൾക്കും ഉടനടി പരിഹാരം ഉണ്ടാകും. ആയുധങ്ങൾക്ക് ചിലവാക്കുന്ന പണം കൊണ്ട് പൂന്തോട്ടങ്ങൾ സൃഷ്ടിക്കപ്പെടും. അധികാര സ്ഥാനങ്ങളിൽ Meditative ആയ, ആത്മീയത കൈമുതലായിട്ടുള്ള പുരുഷൻമാർ ഇല്ല എങ്കിൽ, ഈ ലോകം നിലനിർത്താനുള്ള Next best alternative, ആ അധികാര സ്ഥാനങ്ങൾ മുഴുവൻ സ്ത്രീകൾക്ക് നൽകുന്നത് മാത്രമാണ്. യുദ്ധ സജ്ജരാണ് പുരുഷൻമാർ. അവർക്ക് എന്നും കൈത്തരിപ്പ് കൂടുതലാണ്. അധികാരത്തിൻ്റെ ആദ്യ നിമിഷം തന്നെ അത് പ്രയോഗത്തിൽ വരുത്തുന്നു. സ്ത്രീകൾ സ്വാഭാവികമായി സ്നേഹം, കരുണ, ദയ കൂടുതലുള്ളവരാണ്. പുരുഷൻമാരിൽ അത്തരമൊരു ആന്തരിക വിപ്ലവം നടക്കുന്നതു വരെ നിർബ്ബന്ധമായും സ്ത്രീകൾ മാത്രമാണ് പ്രായോഗികമായ ഏക പോംവഴി. ലോകത്തെ ഭൂരിഭാഗം ജനങ്ങളുടെയും ജീവിതത്തിൽ ധ്യാനം ഒരു ശീലമാകുന്നതു വരെ സ്ത്രീകൾ മാത്രമായിരിക്കണം മുന്നിൽ നിൽക്കേണ്ടത്. ധ്യാനം ഒരു ജീവിത രീതി ആയതിനു ശേഷം പുരുഷൻമാർക്ക് 50% reservation ആലോചിക്കാവുന്നതാണ്. വ്യക്തിപരമായി, എൻ്റെ ജീവിതത്തിലും , ചുറ്റും നടന്ന, നടക്കുന്ന കാര്യങ്ങൾ നിരീക്ഷിക്കുമ്പോൾ ഞാൻ പറഞ്ഞ കാര്യങ്ങൾ അടിവരയിട്ടു സ്ഥാപിക്കാൻ ഞാൻ ആഗ്രഹിക്കുകയാണ്. എൻ്റെ അമ്മാമ്മ ഒരു വലിയ കൂട്ടുകുടുംബം കൈകാര്യം ചെയ്യുന്നത് ഞാൻ കണ്ടിട്ടുണ്ട്. എൻ്റെ അമ്മയുടെ രീതികൾ ഞാൻ കണ്ടിട്ടുണ്ട്. ഇന്ന് എൻ്റെ ഭാര്യയുടെ രീതികൾ ഞാൻ കാണുന്നു. ഞാൻ ഉൾപ്പെടെയുള്ള ഭർത്താക്കൻമാരെക്കാൾ അവർ ബഹുദൂരം മുൻപിലാണ്. ഇന്നത്തെ കേരളത്തിലെ മുഖ്യമന്ത്രി ഷൈലജ ടീച്ചർ ആയിരുന്നു എങ്കിൽ, ഇത്ര മാത്രം പ്രശ്നങ്ങൾ ഉണ്ടാകുമായിരുന്നു എന്നു ഞാൻ കരുതുന്നില്ല.March 8 ന് മാത്രം , women's day എന്ന പേരു നൽകുന്നതിന് ഞാൻ വ്യക്തിപരമായി എതിരാണ്. കാരണം, എൻ്റെ ജീവിതത്തിൽ എല്ലാ ദിവസവും women's day ആണ്. സ്ത്രീകൾ സമത്വത്തിനായി ഒരിക്കലും വാദിക്കരുത്. സമരം ചെയ്യരുത്. കാരണം,അവർ പുരുഷൻമാരേക്കാൾ എത്രയോ മുന്നിലാണ്. 🙏🙏🙏

Crypto Currency എന്നത് ഒരു മികച്ച ആശയം ആണ്.പക്ഷെ,അതിൻ്റെ മറവിൽ നടക്കുന്ന തട്ടിപ്പുകളുടെ ഭാഗം ആയി മാറുന്നത് ഒരു മോശം ആശയം ആണ്. സാമാന്യബുദ്ധിയും നീതി ബോധവും നന്മയും ഉള്ള ഒരാൾക്ക് തൊടാൻ അറയ്ക്കുന്ന ഇത്തരം ഭൂരിഭാഗം Programs ലും ,നിക്ഷേപിക്കുന്നവരേക്കാൾ ഇടത്തട്ടുകാർക്കാണ്, referral,binary ഉൾപ്പെടെയുള്ള വിവിധ രീതികളിൽ കൂടുതൽ വരുമാനം.ഇവർ ജനങ്ങളുടെ കൈകളിൽ നിന്ന് യഥാർത്ഥ മൂല്യമുള്ള പണം വാങ്ങുന്നു.പകരം,യാതൊരു ക്രയവിക്രയ മൂല്യവും ഇല്ലാത്ത കൊയിൻസ് തിരികെ കൊടുക്കുന്നു.ജനങ്ങൾ പരസ്പരവും യഥേഷ്ടം പണം വാങ്ങി കൊയിൻസ് കൈമാറ്റം ചെയ്യുന്നു. സഞ്ചികളിൽ പണം കൊണ്ടുനടന്ന് ഈ സംവിധാനങ്ങളുടെ മറവിൽ , പണം പരസ്പര വിനിമയം ചെയ്യുന്നു.പലരുടെയും black money ആയതിനാൽ,പറ്റിക്കപ്പെട്ടാലും പുറത്തു പറയില്ല എന്ന് promoters ന് നന്നായി അറിയാം.ഒരു value creation ഉം ഇല്ലാതെ, ഭീകര Commissions കൊടുത്തു കൊണ്ട് എങ്ങിനെയാണ് ഒരു Currency വഴി fortune ഉണ്ടാക്കുക? Money Circulation നടത്താൻ മുന്നിലവതരിപ്പിക്കുന്ന കെട്ടു കാഴ്ചകൾ മാത്രമാണ് NFT, Crypto എന്നീ മനോഹരമായ വാക്കുകൾ.പേരിന് ഒരു Coin സൃഷ്ടിച്ച് ഏതെങ്കിലും ഒരു Crypto exchange ൽ list ചെയ്യാൻ ഒരു ബുദ്ധിമുട്ടും ഇല്ല.Bitcoin എന്ന Crypto യുടെ വളർച്ച കാണിച്ചു കൊണ്ട് നാളത്തെ bitcoin ആയി ഈ പുതിയ Coin നെ അവതരിപ്പിക്കലാണ് പൊതു സ്വഭാവം. ജീവിതത്തിൽ എവിടെയുമെത്താത്ത, skilled അല്ലാത്ത, unemployed ആയ ഒരു നല്ല വിഭാഗം, പെട്ടെന്ന് പണക്കാരാകാനുള്ള ശ്രമം സമൂഹത്തിൽ തുടർന്നു കൊണ്ടേയിരിക്കും. മിയ്ക്കവാറും പേർ ഭാവിയിൽ,സാമ്പത്തിക കുറ്റകൃത്യങ്ങളുടെ ഭാഗമായി നിയമപരമായ നടപടികൾ അഭിമുഖീകരിക്കേണ്ടതായും വരും. ഒരു കാര്യം 100% ഉറപ്പാണ്. ഇത് രാജ്യത്തിന് എതിരാണ്. രാജ്യത്തെ സാമ്പത്തിക നിയമങ്ങൾക്കും ജന നൻമയ്ക്കും എതിരാണ്."കുറച്ചു പണം ഞങ്ങൾ വീതം വയ്ക്കുന്നതിൽ നിങ്ങൾക്കെന്താ പ്രശ്നം? ഞങ്ങൾ എല്ലാവരും happy യാണ് എങ്കിൽ നിങ്ങൾക്കെന്താ പ്രശ്നം?" "നിങ്ങളുടെ Product based പരിപാടിയിൽ എത്ര പേർ രക്ഷപ്പെട്ടു? ഞങ്ങളുടെ പരിപാടിയിൽ 100% പേരും രക്ഷപ്പെട്ടു കൊണ്ടിരിക്കുന്നു". തുടങ്ങിയവയാണ് മേൽപ്പറഞ്ഞവരുടെ സ്ഥിരം പല്ലവികൾ. മാത്രമല്ല,പണം വീതിച്ചെടുക്കുന്ന ഒരു pyramid സംവിധാനത്തിൻ്റെ മുകളിൽ ഇരിക്കുന്ന സുഖം മറ്റൊരു പരിപാടിയിൽ നിന്നും ലഭിക്കില്ല.ആളുകളുടെ "പണത്തിനോടുള്ള അതിരു കവിഞ്ഞ ആഗ്രഹങ്ങളെ " സ്വാധീനിക്കാൻ, ഇത്തരം "വാചകങ്ങൾ" വഴി താരതമ്യേന എളുപ്പവും ആണ്.പണം തന്നെ, ഉൽപ്പന്നം ആയി മാറുന്ന ഇത്തരം പരിപാടികളിൽ, കടക്കെണികളിലും മറ്റും പെട്ട,സാഹചര്യം മോശമായ നിരവധി പേർ ഇരകളായി മാറുന്നു. സഹജീവികളെ പരസ്പരം ഇരകളാക്കി മാറ്റുന്നു. ഡ്രാക്കുള രക്തം കുടിക്കുന്നവരും പിന്നീട് ഡ്രാക്കുളകൾ ആയി മാറുന്ന കാഴ്ച ചുറ്റുമൊന്നു കണ്ണോടിച്ചാൽ സർവ്വത്ര കാണാം. മൂല്യച്ചുതി സംഭവിച്ച നിയമ രാഷ്ട്രീയ സാമൂഹ്യ സംവിധാനങ്ങൾ ഇത്തരം തട്ടിപ്പുകൾ കൂണുകൾ പോലെ തഴച്ചു വളരാനുള്ള സാഹചര്യം ഒരുക്കുന്നു. നിലവിലെ ഒരു വലിയ തട്ടിപ്പായ High Rich ൻ്റെ തന്നെ ഉദാഹരണം നോക്കുക. എൻ്റെ അഭിപ്രായത്തിൽ, അതിൻ്റെ promoter തന്നെ ആയിരിക്കാം, Money chain Pyramid പരിധി വിട്ട് വളർന്നപ്പോൾ അധികാരികളോട് ഒരു GST Case എടുക്കാൻ അപേക്ഷിച്ചത്. അവർക്ക് ആവശ്യമുള്ളതിൽ കൂടുതൽ, അവർ പിരിച്ചു കഴിഞ്ഞിരുന്നു. തട്ടിപ്പിലൂടെ 10000 കോടി ഉണ്ടാക്കുക. പണം മുഴുവൻ വിദേശ ബാങ്കുകളിലേക്കും binami Accounts ലേക്കും കടത്തുക. നിയമസംവിധാനങ്ങളെ കൈക്കൂലി വഴി ഒതുക്കിത്തീർക്കാൻ വളരെ കുറച്ചു കോടികൾ മതി. പ്രശ്നമുണ്ടാക്കാൻ ഇടയുള്ള customers നെ settle ചെയ്യാനും വേണ്ടത് വളരെ കുറച്ചു പണം. ഒരു പക്ഷെ, ജയിലിൽ പോകേണ്ടി വന്നാലും 8-10 വർഷങ്ങൾക്കു ശേഷം സ്വതന്ത്രരാകാം. ശിഷ്ടകാലം കോടീശ്വരൻമാരായി ജീവിക്കാം. ആർക്കും ഒന്നും കൊടുക്കേണ്ടതുമില്ല. ."ആദ്യം തട്ടിപ്പുകൾ നടത്തി പണം സമ്പാദിക്കുകയും പിന്നീട് ആ പണം ഉപയോഗിച്ച് പേരു സമ്പാദിക്കുകയും" എന്ന മൂല്യബോധം നഷ്ടപ്പെട്ട ഒരു സമൂഹത്തിൽ നിന്നുയരുന്ന സ്വാഭാവിക formula യാണ് ഇവരുടേത്. ഒന്നു രണ്ടു ചെറിയ തട്ടിപ്പുകളിലൂടെ ലഭിച്ച കുറച്ചു പണം ഇവരെ കൂടുതൽ പ്രചോദിപ്പിക്കുന്നു. അതിൽ നിന്നും ലഭിച്ച വർദ്ധിച്ച ആത്മവിശ്വാസത്തോടെ വലിയ വലിയ തട്ടിപ്പുകളിലേക്ക് നീങ്ങുന്നു.കേരളത്തിലെ തൊഴിലില്ലായ്മയും വ്യവസായങ്ങൾ ഇല്ലായ്മയും രാഷ്ട്രീയക്കാരുടെ അഴിമതികളും സമൂഹത്തിലെ പണാധിപത്യവും യുവാക്കളെ വഴി തെറ്റിച്ചില്ലെങ്കിലേ അത്ഭുതമുള്ളൂ.ബിസിനസ്സിലോ രാഷ്ട്രീയത്തിലോ നിയമ സംവിധാനങ്ങളിലോ യുവാക്കൾക്ക് മാതൃകയാകേണ്ട വ്യക്തികൾ ഇന്നില്ല.ക്രിമിനലുകൾ മാത്രമാണ് നിലവിലുള്ളത്. സ്വന്തം കാര്യസാദ്ധ്യത്തിനു മാത്രം പ്രാധാന്യം കൊടുക്കുന്ന, പപരസ്പരം ഭക്ഷിക്കുന്ന നരഭോജികളെയാണ് Crypto Currency ഉൾപ്പെടെയുള്ള നിരവധി programs ഈ സംസ്ഥാനത്ത് സൃഷ്ടിക്കുന്നത്.ഈ "അഭിനവ ഡ്രാക്കുളകൾ" ഓരോരുത്തരും , സമൂഹത്തിൽ സൃഷ്ടിക്കുന്ന damage ഏതെങ്കിലും ഒരു മോഷണമോ കൊലപാതകമോ മാത്രം ചെയ്ത് ജയിൽ ശിക്ഷ അനുഭവിക്കുന്ന

കുറ്റവാളികളേക്കാൾ ആയിരം മടങ്ങ് വലുതുമാണ്. ആദ്യം സ്വന്തം ആർത്തിയുടെ ഇരകൾ ആകാതിരിക്കുക. അഭിനവ ഡ്രാക്കുളകളുടെ ഇരകൾ ആകാതെയും സൂക്ഷിക്കുക. വേണ്ടപ്പെട്ടവരുമായി ഇത് share ചെയ്യുക. സസ്നേഹം വിനോദ്. NB: Comments വായിച്ചതിനു ശേഷം ഞാൻ ഈ post edit ചെയ്ത് add ചെയ്യുന്ന കുറച്ചു വരികളാണ് ഇനി.👇 Current എന്നതിന് ഒഴുക്ക് എന്നാണ് അർത്ഥം. ഒരു Currency ക്കും intrinsic value ഇല്ല. ആത്യന്തികമായി demand -supply മാത്രം ആശ്രയിച്ചുള്ള value ആണ് ഓരോ Currency ക്കും ഉള്ളത്. Wealth Creation എന്ന വിഷയവും ആയി ബന്ധപ്പെട്ട് ഒരു Currency യെയും സമീപിക്കാതിരിക്കുക. ഒരാൾ നിലവിലെ സാഹചര്യങ്ങളെ പ്രയോജനപ്പെടുത്തുന്നതിനോട്/ Trade ചെയ്യുന്നതിനോട് എനിക്ക് വിയോജിപ്പില്ല. പക്ഷെ ഒരു long term നിലനിൽക്കുന്ന value creation എന്ന വിഷയത്തെ അർഹിക്കുന്ന ഗൗരവത്തോടെ സമീപിക്കാൻ കഴിയാത്തവർ ജീവിതം മുഴുവൻ gamble ചെയ്യേണ്ടി വരും. Un controllable Surprises നിറഞ്ഞ ജീവിതവും നയിക്കേണ്ടിവരും🙏

ഭ്രമത്തിനുമപ്പുറം ഞാൻ കണ്ടത്. മമ്മൂട്ടി fan ആണ് ഞാൻ എന്ന് പല പല face book post കളിലൂടെ ആവർത്തിച്ചു പറഞ്ഞിട്ടുള്ളതാണ്. ഒരു നടൻ എങ്ങിനെയായിരിക്കണം എന്നതിന് മലയാളികൾക്ക് പുറത്തേക്ക് നോക്കേണ്ട ആവശ്യമേയില്ല.പരകായ പ്രവേശം ഇത്ര കൃത്യമായി നടത്തുന്ന മറ്റൊരു നടനെ ഞാൻ മലയാളത്തിൽ കണ്ടിട്ടില്ല.മറ്റു നടൻമാരെല്ലാം കഥാപാത്രത്തിലൂടെ "ജീവിക്കുന്നതാണ്" കണ്ടു വന്നിരിക്കുന്നത്.കഥാപാത്രത്തിലും "നടനെ" നമുക്ക് ലഭിക്കും.ഉദാഹരണത്തിന് ലാൽ ഭീമനായി വന്നാൽ അസ്സലാകും. പക്ഷെ ആ ഭീമനിൽ നമുക്ക് ലാലിനെ ലഭിക്കും എന്നർത്ഥം.ലാലിൻ്റെ "അനായാസത"/"അത് സംഭവിക്കുന്നു" എന്നതിനേക്കാൾ മമ്മുട്ടിയുടെ "ആയാസതയോടും അത് സംഭവിപ്പിക്കുന്നതിനെടുക്കുന്ന അദ്ധ്വാനത്തോടും" ആണ് എനിക്ക് "ഭ്രമം". സ്വന്തം ജീവിതത്തിലായാലും മമ്മൂട്ടി ഒരു വലിയ പ്രചോദനമാണ്. വിവാഹിതനും പിതാവും അഭിഭാഷകനുമായിരുന്ന ഒരു വ്യക്തി Passion ന് പുറകെ പോകുകയും ഈ 74-ാം വയസ്സിലും പുതിയ തലമുറയിലെ വ്യക്തികളുടെ പോലും 1st choice ആയി തുടരുകയും ചെയ്യുന്നു എന്നത് ആകസ്മികതയല്ല. തികഞ്ഞ സമർപ്പണമാണ്. ഇത്തരം ഒരു കഥാപാത്രത്തിലേക്ക് പ്രവേശിക്കുന്നതിൽ നിന്ന് മമ്മൂട്ടിയെ മലയാള സിനിമയിൽ നിങ്ങൾക്ക് ഒഴിവാക്കണമെങ്കിൽ അദ്ദേഹം തന്നെ വിചാരിക്കണം. സിനിമയിൽ അഭിനയിച്ച മറ്റെല്ലാവരും അവരുടെ ഭാഗം നന്നാക്കിയിട്ടുണ്ട്. ഞാൻ കഥക്കുമപ്പുറം മനസ്സിലാക്കിയ, തിരക്കഥാകൃത്ത് പറയാൻ ശ്രമിക്കുന്ന മറ്റൊരു കാര്യം കൂടി പറയട്ടെ. ചാത്തൻ അടിച്ചമർത്തലുകളെ പ്രതിനിധാനം ചെയ്യുന്നു. അടിച്ചമർത്തപ്പെടുന്ന കഞ്ഞിവക്കുന്നവൻ അതുമായി പഴകിക്കഴിഞ്ഞു. അവന് വ്യവസ്ഥിതിയോട് വിരോധമില്ല. അവൻ്റെ Role മാത്രം മാറിയാൽ മതി.അടിച്ചമർത്താനുള്ള താക്കോൽ മാത്രമാണ് ലക്ഷ്യം.ഉയർന്ന ജാതിയിൽ നിന്നും താഴ്ന്ന ജാതിയിലേക്ക് താക്കോൽ മാറ്റപ്പെടുന്നതിനാൽ വ്യവസ്ഥിതി മാറുന്നില്ല. അധികാരമുള്ളവനാൽ ഒടുവിൽ വധിക്കപ്പെടുമെന്ന് തീർച്ചയാണ്. അഭിനവ "അടിയാളൻ ചാത്തനിൽ " നിന്നു രക്ഷപ്പെട്ടിട്ടും വിദേശീയരുടെ തോക്കിൻ കുഴലിൽ നിന്നും രക്ഷപ്പെടാൻ കഴിയാതെ വന്ന നമ്മളെയാണ് സിദ്ധാർത്ഥ് ഭരതൻ പ്രതിനിധാനം ചെയ്യുന്നത്. ഇന്നും നാട്ടിലെ "പുതിയ കീഴാള ചാത്തൻമാരും " "വൈദേശിക കമ്പോള കടന്നാക്രമണങ്ങളും" നമ്മെ അടിമകളാക്കി വാഴുന്നു. എന്നും ഇന്നും നമ്മൾ "മരിച്ചു " ജീവിക്കുന്നു. എന്നെ സിനിമ തൃപ്തിപ്പെടുത്തി. നിങ്ങളെയും തൃപ്തിപ്പെടുത്തും എന്നു കരുതുന്നു.

*നടപ്പു* കൊണ്ടാണ് വഴികൾ സൃഷ്ടിക്കപ്പെടുന്നത്. *കാത്തിരിപ്പു* കൊണ്ട് വഴികൾ സൃഷ്ടിക്കപ്പെടില്ല. ഒരാളുടെ *തീരുമാനങ്ങളും ആഗ്രഹങ്ങളും* അല്ല,*ശീലങ്ങൾ* മാത്രമാണ് ഭാവി തീരുമാനിക്കുന്നത്. ജീവിതത്തിൽ ഒരു *പുതിയ വഴിത്തിരിവ്* എന്ന ആഗ്രഹം ഉണ്ടെങ്കിൽ *പുതിയ വഴിയിലൂടെയുള്ള നടക്കൽ ഒരു ശീലമാക്കുക.* പുതിയ വഴിയിൽ നിരന്തരമായി 10000 മണിക്കൂർ നടക്കണം. സ്വാഭാവികമായി പഴയ വഴികളിൽ പുല്ലുകൾ മൂടുകയും പുതിയ വഴി തെളിഞ്ഞു വരികയും ചെയ്യും. കുറച്ചു പേർ മാത്രമേ അതു ചെയ്യാറുള്ളൂ. കുറച്ചു പേർ മാത്രമേ എവിടെയും വിജയിക്കാറുമുള്ളൂ. ഭൂരിഭാഗം പേരും കഴിഞ്ഞു കൂടലിനപ്പുറം കടക്കാത്തതിനു കാരണവും മറ്റൊന്നല്ല പുതിയ വഴിയിലൂടെ നടന്നു തുടങ്ങുക പുതിയ ജീവിതം ആസ്വദിക്കുക.

യുവ തലമുറ  ശാരീരികാകർഷണത്തെ പ്രണയമായി തെറ്റിദ്ധരിക്കുന്ന കാലമാണ് ഇത്. പ്രകൃതിയിലെ  ഓരോ ജീവിയും നിലനിൽക്കാനായി ഇണകളിലേക്ക് ആകർഷിക്കപ്പെടുന്ന, ഇണ ചേർന്നു കുട്ടികൾ ഉണ്ടാകുന്ന പ്രതിഭാസം പ്രണയം അല്ല. അത് ശാരീരിക പ്രേരിതം മാത്രം ആണ്. അതിൽ ഒരു തെറ്റുമില്ല. പക്ഷെ അത് ഏറ്റവും താഴ്ന്ന, ശരീര ബന്ധിയായ, ഒരു മൃഗീയ ചോദന മാത്രമാണ്. നിങ്ങൾ ലൈംഗികതയെ പ്രണയമായി തെറ്റിദ്ധരിച്ചു, പക്ഷേ അത് പ്രണയമല്ല; നിങ്ങൾ വളരെയധികം പ്രാധാന്യം കൊടുക്കുന്ന  ലൈംഗികതയ്ക്ക് ഒരു പ്രാധാന്യവുമില്ല. ഇത് കേവലം ഒരു സ്വാഭാവിക ജന്മവാസനയാണ്, നിങ്ങൾ പുനരുൽപാദനത്തിനുള്ള ഒരു നല്ല വാഹനമാണെന്ന് ഉറപ്പാക്കാൻ പ്രകൃതി നിങ്ങളിലേക്ക് അടിച്ചേൽപ്പിക്കുന്ന ഒരു ആവേശമാണ് ലൈംഗികത.നേരെമറിച്ച്, പ്രണയം ഹൃദയത്തിലേക്ക് ഉയരുന്നവർക്ക് മാത്രമാണ്. മൂലാധാരത്തിൻ്റെ ചോദനകളിൽ നിന്നും ഉയർന്ന് അനാഹതം എന്ന തലത്തിലെങ്കിലും എത്തിയവർക്ക് മാത്രം സംഭവിക്കുന്ന ഒന്നാണ്. അത് ഒരു ധ്യാനാവസ്ഥയാണ്. Purification ആണ്.പ്രണയികള്‍ ധ്യാനിക്കുന്നവരെപ്പോലെ വിരളമാണ്. ധ്യാനിക്കുന്നവർ വിരളമാണെന്ന് നമ്മൾ സമ്മതിക്കുന്നു, എന്നാൽ പ്രണയിക്കുന്നവരും കുറവാണെന്ന് സമ്മതിക്കാൻ നമ്മൾക്ക് വലിയ താത്പര്യമില്ല -- നമ്മൾ പ്രണയികളാണെന്ന ധാരണയിലാണ് മിക്കവരും. എന്നാൽ ഇത് ഒരു മിഥ്യയാണെന്ന് ഞാൻ നിങ്ങളോട് പറയുന്നു. പ്രണയികൾ ധ്യാനിക്കുന്നവരെപ്പോലെ വിരളമാണ്, കാരണം പ്രണയവും ഒരു ധ്യാനാനുഭവമാണ്. ലൈംഗികത ഒരു സ്വാഭാവിക സംഭവമാണ്. സ്നേഹം സ്വാഭാവികമല്ല, അത് ഈ ലോകത്തിന്റേതല്ല, അത് ഒരു അമാനുഷിക പ്രതിഭാസമാണ്. സ്നേഹം പ്രകൃതിക്ക് അതീതമാണ്. Welcome to a New Life of love light and friendship ❤️

💌

ഇന്ത്യയിൽ നാളിന്നേവരെ നിർമ്മിക്കപ്പെട്ട ഏറ്റവും മികച്ച പ്രചോദനാത്മക സിനിമകളിൽ ഒന്നാണ് ഇത്. യഥാർത്ഥത്തിൽ നടന്ന സംഭവങ്ങളുടെ തന്നെ 100% realistic ആയ Cinema version ആണ്. ഇന്ത്യയിലെ എല്ലാ വിദ്യാർത്ഥികളും തൊഴിലന്വേഷകരും മാതാപിതാക്കളും കാണേണ്ട ചിത്രം.മൂല്യങ്ങൾ കൈമോശം സംഭവിച്ചു കൊണ്ടിരിക്കുന്ന ഈ കാലഘട്ടത്തിൽ ഈ സിനിമ വളരെ പ്രസക്തമാണ്. ലോകത്തിനു മുഴുവൻ വെളിച്ചം പകരുന്ന സൂര്യനായില്ലെങ്കിൽ പോലും ഒരു വഴിക്കു വെളിച്ചം പകരുന്ന വഴി വിളക്കായി ഓരോരുത്തരും മാറേണ്ടതുണ്ട് എന്ന് ഈ സിനിമ പ്രചോദിപ്പിക്കുന്നു. സമൂഹത്തിന് ശക്തിപകരാനുള്ള ശ്രമത്തിൻ്റെ ഭാഗമായി മാത്രമാണ് ഓരോ ജോലിയും നിർവ്വഹിക്കപ്പെടേണ്ടത്. വിചാരിച്ച ഒരു ജോലി ലഭിച്ചില്ലെങ്കിൽ പോലും പ്രാധാന്യം സമൂഹത്തിന് ശക്തി പകരലാണ് എന്നും അത് മറ്റൊരു ജോലി വഴിയും നിർവ്വഹിക്കാൻ കഴിയും എന്ന സന്ദേശം ചിത്രത്തിൽ ഉടനീളം ദർശിക്കാൻ കഴിയും. ഗ്രാമീണ ബാലൻ്റെ സത്യസന്ധതയുടെയും നിഷ്ക്കളങ്കതയുടെയും ദൗർബ്ബല്യം( കരുത്ത് ) അവനെ വഴി നടത്തുന്നു. ഹൃദയഹാരിയായ ഇത്തരം കാഴ്ചകളിലൂടെ പ്രേക്ഷകരെ ഈ സിനിമ നൻമയിലേക്കുള്ള വഴി കാണിക്കുന്നു. നായകനെ സൗജന്യമായി Coach ചെയ്യുന്ന ഒരു Civil Service aspirant അവസാന chance ഉം പരാജയപ്പെടുമ്പോഴും , അതേ സ്ഥലത്ത് ഒരു ചായക്കട തുടങ്ങുകയും സഹജീവികൾക്ക് Civil Service Coaching തുടർന്നും ലഭ്യമാക്കുകയും ചെയ്യുന്ന ഒരു ഭാഗം ഉണ്ട്. ഒരു ജോലിയോ ശമ്പളമോ മാത്രമല്ല അന്വേഷിക്കേണ്ടത്, സമൂഹത്തിൻ്റെ നിലവിലുള്ള ആവശ്യങ്ങളെ തൃപ്തിപ്പെടുത്താനുള്ള വൈദഗ്ധ്യമാണ് അന്വേഷിക്കേണ്ടത്, നേടിയെടുക്കേണ്ടത് എന്ന സന്ദേശം ആണ് ഈ സിനിമ തരുന്നത്. സ്വപ്നമായ IPS ലഭിച്ചില്ലെങ്കിൽ എന്തു ചെയ്യും എന്ന ചോദ്യത്തിന്, തിരിച്ച് ഗ്രാമത്തിലെത്തി, കുട്ടികളെ ആത്മവിശ്വാസത്തോടെ രാജ്യവികസനത്തിന് വേണ്ട വൈദഗ്ധ്യമുള്ള സത്യസന്ധതയുള്ള വ്യക്തികളാകാൻ സഹായിക്കുന്ന ഒരു അദ്ധ്യാപകനാകും എന്നാണ് നായകൻ മറുപടി പറയുന്നത്. ഒരു ജോലി നേടിയെടുക്കുന്നതിനേക്കാൾ അതിനു വേണ്ടിയുള്ള ആത്മാർത്ഥമായ ശ്രമം പോലും ഒരാളിലുണ്ടാക്കുന്ന പരിവർത്തനങ്ങളാണ് ഈ ചിത്രം നമുക്ക് തരുന്ന ഏറ്റവും വലിയ സംഭാവന. സമൂഹത്തിലെ ഭൂരിഭാഗം വരുന്ന , വേഷം കെട്ടലുകളുടെ ലോകത്ത്,hype ൻ്റെ ലോകത്ത്, Fakers ൻ്റെ ലോകത്ത്, സത്യസന്ധരല്ലാത്തവരുടെ ലോകത്ത്, ഒറ്റപ്പെടലുകൾ അനുഭവിക്കുന്ന ഓരോരുത്തരെയും നിലനിന്നു പൊരുതാൻ പ്രചോദിപ്പിക്കുന്ന ഒരു നല്ല സിനിമ ഞാൻ നിങ്ങൾക്ക് ശുപാർശ ചെയ്യുന്നു.🙏👫👬🧑‍🤝‍🧑🙏

രാഷ്ടീയക്കാരെക്കാൾ മികച്ച അഭിനേതാക്കൾ പല നെറ്റ് വർക്ക് കമ്പനികളിലും ഉണ്ട്. അവർക്ക് രാഷ്ട്രീയ ഭാവിയും ഉണ്ട്.😄😄😄 ഒരു psychologist എന്ന നിലയിലും നിയമ ബിരുദധാരി എന്ന നിലയിലും Network Marketing scholar/ Leader എന്ന നിലയിലും ഞാൻ സന്തോഷിക്കുന്ന ദിവസങ്ങൾ അല്ല ഇത്. തളർന്നു പോയ ദിവസങ്ങൾ ആണ്. അടിസ്ഥാനപരമായി ഞാൻ ഒരു കേരളീയനാണ്. എന്റെ ലക്ഷക്കണക്കിനു കേരളത്തിലെ സഹജീവികൾ മാനസികാഘാതത്തിൽ (shock )ൽ ആയിട്ടുണ്ടാകും എന്ന് ഉറപ്പാണ്. നിരാലംബരായ ലക്ഷക്കണക്കിന് നിക്ഷേപകർ. നിരവധി പേർ ആത്മഹത്യ ചെയ്തേക്കാം. പലരുടെയും ജീവിതം പഴയതു പോലെ ആകില്ല. വിവാഹ മോചനങ്ങൾ സംഭവിക്കാം. നിരവധി പേരുടെ മാനസിക നിലകൾ തകരാം. നിങ്ങൾ എന്താണു കരുതിയത്? സമാനതകളില്ലാത്ത ഒരു സാമ്പത്തിക ഭീകരാവസ്ഥയാണ് ലക്ഷക്കണക്കിന് വ്യക്തികൾ നേരിടാൻ പോകുന്നത്. 27 വർഷങ്ങൾ കൊണ്ട് , Product based ആയ എല്ലാ network marketing കമ്പനികളുടെ നിലവിലെ മൊത്തം ഇന്ത്യയിലെ size 20000 കോടി വിറ്റു വരവു മാത്രമാണ്. വെറും 6 വർഷങ്ങൾ കൊണ്ട് 15000 കോടി Turnover ലേക്ക് ഒരു തൃശ്ശൂർ money chain കമ്പനിയെ വളർത്താനും ലക്ഷക്കണക്കിന് ജീവിതങ്ങളെ സാരമായി മുറിവേൽപ്പിക്കാനും ഈ കൊച്ചു കേരളത്തിലെ മികച്ച എല്ലാ സംവിധാനങ്ങൾക്കും കഴിഞ്ഞു.🙏🙏🙏🙏🙏🙏🙏😦 ഈ scam ന്റെ വലിപ്പം മനസ്സിലാകുന്നുണ്ടോ? ഇതിന്റെ ആഘാതം എത്ര പേർക്കു മനസ്സിലാകുന്നുണ്ട്?😥😓 എല്ലാ തരത്തിലും role model ആയ ഈ സംസ്ഥാനത്ത് ജീവിതം തുടരാൻ പോലും എനിക്ക് അറപ്പു തോന്നുന്നു. നിലവിലെ വിരലിലെണ്ണാവുന്ന ഭേദപ്പെട്ട Network Marketing കമ്പനികളുടെ ഉള്ളിലേക്ക് ആഴത്തിൽ പോയാലും ഒരു professional ന് ആത്മഹത്യ ചെയ്യാൻ മാത്രമേ തോന്നൂ. നന്ദികെട്ടവരും manipulators ഉം ആയ leaders ന്റെയും വിവരം കെട്ട, Quality തൊട്ടു തെറിച്ചിട്ടില്ലാത്ത managersനെയും സത്യസന്ധതയില്ലാത്ത ownersന്റെയും ദാക്ഷിണ്യത്തിൽ മാത്രം operate ചെയ്യേണ്ടി വരുന്ന ഒരു Professional മേൽപ്പറഞ്ഞ സാഹചര്യങ്ങളിൽ ഈ മേഖലയിൽ ആകസ്മികമായി കടന്നു വന്നാലും , ഒന്നുകിൽ സ്ഥലം വിടും. അല്ലെങ്കിൽ കാത്തിരിപ്പു തുടരും. അതുമല്ലെങ്കിൽ ഈ മേഖലയെ ഒരു part time hobby എന്നതിനുമപ്പുറം കാണാൻ തയ്യാറാകാതെയുമാകും. വ്യക്തിപരമായി ഞാൻ വളരെയേറെ ദുഃഖിതനാണ്.ഞാൻ സ്വപ്നം കണ്ട ലോകം ഇതല്ല. ഒരു value based/ reality based community development സ്വപ്നം കണ്ടാണ് എന്റെ ജീവിതത്തിന്റെ നല്ല ഒരു ശതമാനം ഞാൻ ഈ മേഖലയിൽ നിക്ഷേപിച്ചത്. ഞാനടക്കമുള്ള കുറച്ചുപേരുടെ സാമ്പത്തിക നേട്ടത്തിനുമപ്പുറം ഈ മേഖലയെ ഒരു ഉയർന്ന തലത്തിൽ പ്രതിഷ്ഠിക്കാനുള്ള ശ്രമങ്ങൾ വേണ്ട ലക്ഷ്യം കാണുന്നില്ല എന്നതിൽ ഞാൻ അതീവ ദുഃഖിതനാണ്. Network Marketing ൽ ഒരു UGC approved Phd യുടെ Pre submission പൂർത്തിയായി നിൽക്കുന്ന, അവസാന ഘട്ടത്തിലേക്കടുക്കുന്ന ഈ വേളയിൽ പോലും എനിക്ക് Motivation നഷ്ടപ്പെടുന്ന അവസ്ഥയാണുള്ളത്. ഒരടി മുന്നോട്ടുവയ്ക്കുമ്പോൾ മൂന്നടി പിന്നോട്ടു പോകുന്ന സാഹചര്യങ്ങളാണ് Macro level ലും micro level ലും ചുറ്റുമുള്ളത്. കേരളത്തിൽ നമുക്ക് ഏറെ ദൂരം യാത്രചെയ്യേണ്ടതായിട്ടുണ്ട്. നന്നായി വിയർക്കേണ്ടതായിട്ടുണ്ട്. ഏറെ ദുഃഖത്തോടെ സഹയാത്രികൻ വിനോദ് നമ്പൂതിരി.😥

High Richന്റെ പതനവുമായി ബന്ധപ്പെട്ട എന്റെ മാത്രം ചില ചിന്തകൾ നിങ്ങളുമായി പങ്കു വയ്ക്കാൻ തോന്നിയതിനാൽ ഇതു കുത്തിക്കുറിക്കുന്നു.High Rich എന്ന കമ്പനിയുടെ പ്രവർത്തനം നിറുത്തലും Accounts മരവിപ്പിക്കലും നടന്നിരിക്കുന്നു.എന്തിനാണ് ഈ നടപടികൾക്ക് 6 വർഷം എടുത്തത്? ഇത് ഇത്ര വഷളായതിനു കാരണം ഈ കമ്പനിയുടെ, നിയമപരമല്ലാത്ത രീതിയിൽ business plan സൃഷ്ടിച്ച ഒരു ഭർത്താവും ഭാര്യയും മാത്രമാണോ? ഇത്രയും കാലം നടപടികൾ എടുക്കാതെ, അവരിൽ നിന്നും കോടികൾ പരസ്യങ്ങൾക്കും മറ്റും വാങ്ങി ഇത്രയും കാലം തുടരാനനുവദിച്ച സർക്കാരും പ്രമുഖ പത്രങ്ങളും Media യും regulatory mechanism എന്ന നോക്കുകുത്തിയും എല്ലാം തുല്യ പങ്കുള്ളവരാണ്. ഒരു മികച്ച Network leaders നെപ്പോലും പങ്കെടുപ്പിക്കാതെ, കമ്പനികളിൽ വെറും Membership മാത്രം എടുത്ത രാഷ്ട്രീയക്കാർ മാത്രമുള്ള, അംഗബലവും Subscription fees ഉം മാത്രം വർധിപ്പിക്കാൻ താൽപ്പര്യമുള്ള Network Marketing രാഷ്ട്രീയ സംഘടനകൾക്കും ഇതിൽ തുല്യ പങ്കുണ്ട്. സത്യത്തിൽ ഇവൻമാരുടെ കൂട്ടായ സഹകരണത്തിൽ മാത്രമാണ് ഒരു local SI വിചാരിച്ചിരുന്നെങ്കിൽ പോലും Money Circulation Act ൽ തല്ലിക്കൊല്ലപ്പെടുമായിരുന്ന ഒരു പ്രതാപനും ഭാര്യയും പടച്ചുണ്ടാക്കിയ ഓലപ്പാമ്പ് "അനക്കോണ്ടയായി " വളർന്നത്. എന്റെ അഭിപ്രായത്തിൽ ഇത് ആരംഭിച്ച ആദ്യ മാസം തന്നെ, പരമാവധി ഒരു വർഷത്തിനുള്ളിൽ തന്നെ High Rich എന്ന സ്ഥാപനത്തെ പ്രവർത്തിപ്പിക്കാതിരുന്നെങ്കിൽ 15000 കോടിയുടെ ഇടപാടുകൾ കേരളത്തിൽ നടക്കുമായിരുന്നില്ല.ശരിയല്ലേ? പ്രതാപനും ഭാര്യയും പോലും മറ്റെന്തെങ്കിലും business ചെയ്ത് മുന്നോട്ടു പോകുമായിരുന്നു. ശരിയല്ലേ? പക്ഷെ, 6 വർഷങ്ങളായി നമ്മൾ എന്താണ് കേരളത്തിൽ കണ്ടത്? ആരാണ് വൃത്തിയോ ഭംഗിയോ ഗ്രാമറോ ശരിയല്ലാത്ത പേരിലുള്ള ഇതിനെ യഥാർത്ഥത്തിൽ വളർത്തിയത് ? എല്ലാ പ്രമുഖ ചാനലുകളും പത്രങ്ങളും High Rich ന്റെ പരസ്യങ്ങൾ കൊടുക്കുന്നു. പത്രത്തിന്റെ ഒന്നാം പേജിലെ High Rich ന്റെ പരസ്യം കണ്ടിട്ടേ രണ്ടാം പേജ് മറിക്കാൻ കഴിയുമായിരുന്നുള്ളൂ. Social Media യിൽ സിനിമാനടൻമാരുടെ പോലും സാക്ഷ്യങ്ങൾ. OTT യിൽ ജനപ്രിയ സിനിമകൾ.ഇതു കണ്ട് ജനങ്ങൾ കോടികൾ നിക്ഷേപിച്ചിട്ടുണ്ടെങ്കിൽ അവരെ കുറ്റം പറയാനൊക്കുമോ?മനോരമ, മാതൃഭൂമി,ദേശാഭിമാനി തുടങ്ങിയ പ്രമുഖ പത്രങ്ങളിലെ പരസ്യങ്ങളും, സിനിമകളും സിനിമാക്കാരും,ചാനലുകളും വർഷങ്ങളായി കിട്ടിക്കൊണ്ടിരിക്കുന്നതിന്റെ തെളിവുകളും നിരത്തി ശതകോടികളുടെ business അവർ പിടിക്കാതിരുന്നെങ്കിലാണ് അത്ഭുതമായി മാറുക. ശരിയല്ലേ? ഇത് ഇത്രയും ജനങ്ങളിലേക്ക് എത്തിയതിന് പിന്നിൽ സർക്കാരിന്റെയും നോക്കുകുത്തികൾ മാത്രമായ ഒരു regulatory mechanism ന്റെയും അനാസ്ഥ മാത്രമാണ്. Network Marketing നയരൂപീകരണവുമായി ബന്ധപ്പെട്ട ഗൗരവമേറിയ സർക്കാർ തല ചർച്ചകളിൽ പോലും വിവിധ മികച്ച കമ്പനികളിലെ leaders അല്ല,പല പല രാഷ്ട്രീയ സംഘടനകളിലെ പ്രതിനിധികൾ മാത്രമാണ് പങ്കെടുപ്പിക്കപ്പെടുന്നത്. Market ൽ നടക്കുന്ന നഗ്നമായ നിയമ ലംഘനങ്ങളും ചൂഷണങ്ങളും ചൂണ്ടിക്കാണിക്കാനോ പരിഹാരം നിർദ്ദേശിക്കാനോ കഴിവില്ലാത്തവരാണ് Network Marketing ഉം ആയി ബന്ധപ്പെട്ട regulatory mechanism കയ്യാളുന്നത്.പണം,അധികാരം,രാഷ്ട്രീയ ലക്ഷ്യങ്ങൾ- ഇവയ്ക്കുമപ്പുറം ഈ മേഖലയെ മികച്ചതാക്കാൻ പ്രതിബദ്ധതയുള്ള ഒരുത്തനും ഇപ്പോഴും ഒരു ചവറു paper സംഘടനയിലും ഇല്ല. GST മാത്രമാണ് യഥാർത്ഥ പ്രശ്നം എന്ന രീതിയിലുള്ള സർക്കാർ സംവിധാനത്തിന്റെ കാട്ടിക്കൂട്ടലുകൾ,കോടികൾ കോഴ വാങ്ങിയെടുത്ത് ഊരിക്കൊടുക്കാനുള്ള ശ്രമങ്ങൾ, പ്രമുഖ ചാനലുകളുടെയും പത്രങ്ങളുടെയും മൗനം, ഇതെല്ലാം നമ്മൾ കണ്ടു കൊണ്ടിരിക്കുകയാണ്. അവരെ raid ചെയ്ത രീതി. arrest ചെയ്ത രീതി. എല്ലാം വളരെ വിചിത്രം.ദുരൂഹം. ഇത്തരം ഒരു പക്കാ Money Chain സംവിധാനം ഇല്ലായ്മ ചെയ്യേണ്ടത് സമൂഹത്തിന്റെ ഏറ്റവും വലിയ ആവശ്യമാണ് എന്നു നമുക്കെല്ലാം അറിയാം. ഞാൻ കൂടി പ്രതിനിധാനം ചെയ്യുന്ന ഈശ്വരീയത കുടികൊള്ളുന്നു എന്നു പോലും ഞാൻ ഉറച്ചു വിശ്വസിക്കുന്ന network marketing എന്ന സംവിധാനം, നേരായ വഴിയിൽ സഞ്ചരിക്കാനും ഇത്തരം കമ്പനികൾ പൂട്ടിപ്പോകേണ്ടതുണ്ട്. പക്ഷെ, ഇതാണോ അതിന്റെ രീതി? 6 വർഷക്കാലം ജനങ്ങളെ കൊള്ളയടിക്കാനുള്ള എല്ലാ സാഹചര്യവും ഒരുക്കിക്കൊടുക്കുക.എന്നിട്ട് ആ കൊള്ള മുതലിന്റെ വിഹിതവും നന്നായി പല തരത്തിൽ കൈപ്പറ്റുക. ഒടുവിൽ സ്വാഭാവികമായി Pyramid heat ആകുമ്പോൾ പകച്ചു നിൽക്കുന്ന ഉടമകളായ 2 പേരെ മാത്രം തല്ലിക്കൊന്ന് റീത്ത് വച്ചു മടങ്ങുക. എത്ര എളുപ്പമായി.അല്ലേ? ഉടമകളല്ലാതെ മറ്റാരും ഇതിൽ കുറ്റക്കാരല്ല. അല്ലേ? ഇനി കണ്ടോളൂ. ഉടമകൾ എന്ന കുറ്റക്കാർ ഒഴിച്ചാൽ,high rich ഭൂമിയിൽ 2 തരം ആളുകൾ മാത്രം.ഒന്നുകിൽ നിക്ഷേപകർ.അല്ലെങ്കിൽ ഇരകൾ.😄 Arrest നു മുമ്പ് ഒരൊറ്റയെണ്ണം ഈ കമ്പനിക്കെതിരെ വാ പൊളിച്ചില്ല. ഇപ്പോൾ Social media യിലെ നീർക്കോലികൾ വരെ മൂർഖൻ പാമ്പായി മാറിയിരിക്കുന്നു. Network ചേര സംഘടനകൾ വരെ മാർച്ചു സംഘടിപ്പിക്കുന്നു.😄😄😄 വെറും രാഷ്ട്രീയ സ്റ്റണ്ടുകൾ.

🇵🇸

മൃദുല വികാരങ്ങൾ അനുഭവിക്കണമെങ്കിൽ Pets നെ വളർത്തേണ്ട ഗതികേടിലേക്കാണ് Most Modern & Powerful Artificial intelligence Enabled മനുഷ്യർ ദിനം പ്രതി വളരുന്നത്. ധ്യാനവും യോഗയും ശീലിച്ച കുറച്ചു വ്യക്തികൾ ആഗോള തലത്തിലും Local level ലും രാഷ്ട്രീയ/മത/സിസിനസ്സ് leadership ൽ വന്നില്ലെങ്കിൽ, ഈ കുഞ്ഞിനെപ്പോലുള്ളവർക്ക് സമാധാനമായി ഈ ലോകത്ത് ജീവിക്കാനാകില്ല. ഈ കുഞ്ഞ് പ്രതിനിധാനം ചെയ്യുന്നത് മാനവരാശിയെ മുഴുവനുമാണ്. ഈ ഡോക്ടർ അവനെ ചേർത്തു പിടിക്കുമ്പോൾ പ്രതിനിധാനം ചെയ്യുന്നത് മാനവരാശിയുടെ അവസാന പ്രതീക്ഷയെയാണ്. പേടിച്ചു വിറയ്ക്കുന്ന/ shock ൽ അകപ്പെട്ട ഈ കുഞ്ഞിന്റെ മുഖം, മനുഷ്യൻ എന്നു വിളിക്കപ്പെടുന്നവരുടെ മുഴുവൻ ഉറക്കം കെടുത്തേണ്ടതാണ്. മനുഷ്യരെ മുഴുവൻ ഇനി പഠിപ്പിക്കേണ്ടത്, കാലഹരണപ്പെട്ട , ആളെക്കൊല്ലികളായ,യുദ്ധം ചെയ്യുന്ന ദൈവങ്ങളുടെ മതഗ്രന്ഥങ്ങളും പ്രാർത്ഥനകളും മുദ്രാവാക്യങ്ങളും അല്ല. ധ്യാനവും യോഗയും മാത്രമാണ്.

ഭൂമിയിലെ എല്ലാ മനുഷ്യരും ഈ കുഞ്ഞിനോട് കാലുപിടിച്ച് മാപ്പ് യാചിക്കണം.എനിക്ക് ഇതു കണ്ട ശേഷം ഇന്നലെ ഉറങ്ങാൻ കഴിഞ്ഞില്ല. ഈ പാപത്തിന് എങ്ങിനെ പ്രായശ്ചിത്തം ചെയ്യും?സമാധാനം സ്ഥാപിക്കാൻ യുദ്ധങ്ങൾ !Holy Wars! പരിശുദ്ധമായ യുദ്ധങ്ങളും ഉണ്ടത്രേ! നാമെല്ലാം പരസ്പരം ബന്ധപ്പെട്ടു കിടക്കുന്നു. ലോകത്ത് എവിടെയെങ്കിലും ഉള്ള ഒരു ചിത്രശലഭത്തിന്റെ ചിറകൊടിയുന്നതുമായിപ്പോലും നാമെല്ലാം ബന്ധപ്പെട്ടു കിടക്കുന്നു. അബോധാവസ്ഥയിലുള്ള 99.9% പേരും തിരിച്ചറിയുന്നില്ല എന്നു മാത്രം.കലഹപ്രിയമുള്ള/യുദ്ധ സജ്ജമായ/ അഹങ്കാരം നിറഞ്ഞ മനസ്സ് എന്നും യുദ്ധത്തിലാണ്.ശാന്ത രല്ലാത്തവർ മുഴുവൻ എന്നും അസ്വസ്ഥരാണ്.യുദ്ധത്തിലാണ്.അവർക്ക് എന്തിന്റെയെങ്കിലും പേരിൽ യുദ്ധം ചെയ്തു കൊണ്ടേയിരിക്കണം. ഒന്നുകിൽ മതത്തിന്റെ പേരിൽ. അല്ലെങ്കിൽ രാഷ്ട്രീയത്തിന്റെ പേരിൽ. കയ്യിൽ വാളും തോക്കുമില്ലെങ്കിലെന്ത്? അവർ Mobile വഴിയും Social media വഴിയും യുദ്ധം ചെയ്യും. പുറത്ത് ആരെയും കിട്ടിയില്ല എങ്കിൽ, സ്വന്തം കമ്പനിയിലുള്ള, Community യിലുള്ള ,വീട്ടിലുള്ളവരുമായി യുദ്ധം ചെയ്യാൻ നിർബ്ബന്ധിതരായിത്തീരുന്നു. രോഗാതുരമായ ഒരു മനസ്സിന്റെ ഉടമ മാത്രമേ അഹങ്കാരിയായി മാറുന്നുള്ളൂ. അവനവന് മറ്റുള്ളവരേക്കാൾ കൂടുതൽ പ്രാധാന്യം നൽകുകയുള്ളൂ.മറ്റുള്ളവരെ ഉൾക്കൊള്ളാൻ കഴിയാതെ വരികയുള്ളൂ.അത്തരത്തിലുള്ളവർ മത/രാഷ്ട്രീയ/ബിസിനസ്സ് നേതൃത്വങ്ങളിൽ വരുമ്പോൾ സ്വാഭാവികമായി രോഗാതുരമായ മനസ്സ് നിരന്തരമായി Permanent ആയി ജീവിതകാലം മുഴുവൻ ഏതെങ്കിലും ശത്രുക്കളെ കണ്ടെത്തുന്നു. വർത്തമാന കാലത്ത് ശത്രുക്കളെ കിട്ടിയില്ല എങ്കിൽ, മനസ്സ്, പഴയ മതഗ്രന്ഥങ്ങളും പുരാണങ്ങളും തിരഞ്ഞ്, അതിൽ നിന്നും യുദ്ധം ചെയ്യാനുള്ള കാരണങ്ങൾ കണ്ടെത്തുന്നു.ജീവിത കാലം മുഴുവൻ അതിന് യുദ്ധത്തിൽ ഏർപ്പെടാൻ അതുമൂലം കഴിയുന്നു. Channel ചർച്ചകളിൽ ഉള്ളവർ മാത്രമല്ല, അത് കാണുന്നവരും പരസ്പരം ഏറ്റുമുട്ടുന്നു. യുദ്ധമില്ലാത്ത കേരളത്തിലും, രാവിലത്തെ,കേവലമൊരു പത്രം വായനയിലൂടെ പോലും പിണറായിമാരും മോദിമാരും ഗാന്ധിമാരും ആയി മാറി പരസ്പരം യുദ്ധം തുടങ്ങുന്നു. സാങ്കേതികത പുരോഗമിച്ച, Artificial Intelligence പുരോഗമിച്ച, Super Sonic വേഗതയിൽ യാത്ര ചെയ്യാവുന്ന ഈ കാലത്ത്, ഒരു ഏക ലോകം സാദ്ധ്യമാണ്. ഈ കുഞ്ഞിന്റെ കണ്ണിൽ കണ്ണീർ ഗ്രന്ഥിയിൽ കണ്ണീർ നിറയുന്നതിനു മുമ്പ് അതു കണ്ടെത്താൻ ഇന്നത്തെ സാങ്കേതിക പുരോഗതിക്കു കഴിയും. ഒരു തുള്ളി കണ്ണീർ താഴെ വീഴുന്നതിനു മുൻപ് അത് ഒപ്പിയെടുക്കാൻ ലോകത്തെ ഏതൊരാൾക്കും എവിടെ നിന്നും Super sonic വിമാനത്തിൽ അവിടെയെത്താൻ കഴിയും.എന്തിനാണ് നമുക്ക് ഇത്രയധികം രാജ്യങ്ങളും നശിച്ച രാഷ്ട്രീയങ്ങളും മതങ്ങളും പട്ടാളവും വെടിക്കോപ്പുകളും? ഒരു പണിയും എടുക്കാത്ത ഇത്രയധികം രാഷ്ട്രീയക്കാരും മതപുരോഹിതൻമാരും? ലോകത്തെ തമ്മിലടിപ്പിക്കുന്ന ഒരേയൊരു full time ജോലിയും നാടു മുടിപ്പിക്കലും മാത്രമാണ് ഇവർ ചെയ്യുന്നത്. FULL TIME. ചിലർ അത് Local ആയി മാത്രം ചെയ്യുന്നു. സ്വന്തം കുടുംബത്തിൽ. Community യിൽ.പഞ്ചായത്തിൽ. സംസ്ഥാനത്തിൽ.മറ്റു ചിലർ Global Scale ൽ ചെയ്യുന്നു. എല്ലാവരിലും Common Factor ഒന്നു മാത്രം. അവർ എല്ലാവരും യുദ്ധസജ്ജർ ആണ്. പരിശീലനം വീട്ടിൽ നിന്നും തുടങ്ങുന്നു. ആരെയും കിട്ടിയില്ലെങ്കിൽ പരസ്പരം യുദ്ധം ചെയ്യുന്ന ദമ്പതികൾ! കയ്യിൽ ആയുധമില്ലെങ്കിൽ വാക്കുകൾ ആയുധമായി മാറുന്നു. വാക്കുകൾ കൊണ്ട് പരസ്പരം വധിക്കുന്നു. മാംസം ഭക്ഷിക്കുന്തോറും മൃഗീയതയും വർദ്ധിക്കുന്നു .കാണുന്ന സമയത്തെല്ലാം പരസ്പരം കടിച്ചു കീറാനും ആസക്തിയുണ്ടാകുന്നു.ക്ഷീണിക്കുമ്പോൾ എല്ലാവരും സ്വന്തം മുറികളിലേക്ക് Mobile എന്ന മറ്റൊരു ലഹരിയും ആയി മടങ്ങുന്നു. അസ്വസ്ഥതയോടെ വീണ്ടും പൂർവ്വാധികം ശക്തിയോടെ യുദ്ധത്തിലേക്ക് തിരിച്ചു വരാൻ മാത്രം.ഒരു വീട് ആണെങ്കിലും ഓരോ മുറിയും ഓരോ വ്യത്യസ്ത രാജ്യങ്ങളാണ്. സ്നേഹത്തിൽ നിന്നും മാത്രം ഉടലെടുക്കേണ്ട ലൈംഗികത പോലും യുദ്ധസമാനമാണ്. കീഴ്പ്പെടുത്തലും കീഴ്പ്പെടലുകളും നിറഞ്ഞ,നിയമപരമായ ബാലാൽ സംഗങ്ങൾ മാത്രമാണ് 99% വീടുകളിൽ നടക്കുന്നത്. മനസ്സിലെ യുദ്ധം പതിയെ വീട്ടിലേക്കും വീടിനു പുറത്തേക്കും മറ്റുള്ളവരിലേക്കും വ്യാപിക്കുന്നു. കൂടുതൽ സ്വാധീന ശേഷിയുള്ള അഭിനവ ഹിറ്റ്ലർമാർ അത് ലോകവ്യാപകമായി മറ്റുള്ളവർക്ക് സമ്മാനിക്കുന്നു. ഒരു സംസ്ഥാനം മാത്രം കുട്ടിച്ചോറാക്കാൻ കഴിയുന്ന രാഷ്ട്രീയപ്പാർട്ടികൾക്കും മതങ്ങൾക്കും രാജ്യം മുഴുവൻ അതിനു പറ്റാത്തതിൽ ദുഃഖിക്കുന്നു. രാജ്യം മുഴുവൻ അസ്വസ്ഥത പരത്താൻ കഴിഞ്ഞവർ ലോകം മുഴുവൻ അതിനു കഴിയാത്തതിൽ ദു:ഖിക്കുന്നു. തുടർച്ചയായി മാനവികത മാത്രം പരാജയപ്പെടുന്നു. മനുഷ്യൻ പരാജയപ്പെടുന്നു. മൃഗങ്ങളെക്കാൾ താഴേയ്ക്കു പതിക്കപ്പെട്ട മനുഷ്യർ അധികാരക്കസേരകളിൽ.രാഷ്ട്രീയക്കാരുടെയും മത നേതാക്കളുടെയും ബിസിനസ്സ് നേതാക്കളുടെയും മുഖങ്ങൾ ശ്രദ്ധിക്കൂ. അഹങ്കാരം അല്ലാതെ മറ്റെന്താണ് നിങ്ങൾക്ക് കാണാൻ കഴിയുക? വന്യമൃഗങ്ങൾക്കു പോലും, ഭക്ഷണം തരുന്നവരോടെങ്കിലും കടപ്പാടും നന്ദിയുമുണ്ടാകും.

🩶

ഇളം വെയിലുളള സുന്ദരമായ ഒരു പ്രഭാതം. തേരട്ട വളരെ സന്തുഷ്ടനായിരുന്നു. അവന്റെ ഹൃദയത്തിൽ ഒരു ഗാനം ഈണമിട്ടു. പുലർകാലത്തിലെ ശീതസമീരനിൽ അവൻ ഉന്മത്തനായി നടന്നു. ഒരു ഇടിപ്പടം release ആകുന്ന ദിവസം ആദ്യഷോ കാണാൻ ഉള്ള പോക്കാണ്.😀 പക്ഷെ,വഴിയരികിലെ ഒരു പൊട്ടക്കിണറ്റിലെ രാജാവായിരുന്ന തവള അവനെ കണ്ടപ്പോൾ അസൂയ പൂണ്ട് ,അത്ഭുതസ്തബ്ധനായി. തവള ചോദിച്ചു.. "ഒരു നിമിഷം നിൽക്കാമോ ? താങ്കൾ ഒരു മഹാത്ഭുതമാണ് കാണിക്കുന്നത്. നൂറു കണക്കിന് കാലുകളെ ഒരുമിച്ച് പ്രവർത്തിപ്പിക്കുന്നത് എങ്ങിനെയാണ് ? ഏതുകാലാണ് ആദ്യം ഏത് കാലാണ് രണ്ടാമത്... അതേപോലെ നൂറു കാലുകളും ! ഞാൻ തികച്ചും അമ്പരന്നു പോകുന്നു. എന്നെ സംബന്ധിച്ചിടത്തോളം വളരെ അസാദ്ധൃമായ ഒരു കാര്യമാണിത്". " തേരട്ട പറഞ്ഞു.... ഞാനതിനെകുറിച്ചൊന്നും ഇതുവരെ ചിന്തിച്ചിട്ടേയില്ല. ഞാനൊന്ന് ചിന്തിക്കാൻ ശ്രമിച്ച്നോക്കട്ടെ . അവനവിടെ നിന്നുകൊണ്ട് ഓരോ കാലുകൾ എടുത്തു വച്ച് നടക്കാൻ തുടങ്ങി. ബോധപരമായി അതു ചെയ്യാൻ കഴിഞ്ഞില്ല.. അവന് ഒട്ടും മുന്നോട്ടു പോകാൻ കഴിഞ്ഞില്ല. അവനു തന്നെ സ്വയം വിശ്വസിക്കാൻ കഴിഞ്ഞില്ല. ഈ നൂറു കാലുകൾ എങ്ങിനെയാണ് താൻ കൈകാരൃം ചെയ്തിരുന്നത് എന്ന്.ഒരേ സമയം വിവിധ കാര്യങ്ങൾ എങിനെയാണ് കൈകാര്യം ചെയ്തു വരുന്നത് എന്ന്.😀😀😀😀😀😀 ചിന്തകൾ അവസാനിപ്പിച്ച്, തവളയ്ക്കു മറുപടി പറയാൻ നിൽക്കാതെ അവൻ ഇഷ്ടമുള്ള സിനിമ കാണാൻ ഓടിപ്പോയി.😄😄😄😄🏃🏃🏃🏃🏃🏃🐛🐛🐛🐛🐛🐛🐛🐛 ജീവിതത്തിൽ സമൃദ്ധിയും തീക്ഷ്ണതയും ഉത്സാഹവും ഉണ്ടാകണമെങ്കിൽ അല്പമെങ്കിലും സകല തത്ത്വചിന്തകളേയും വിട്ടുകളയേണ്ടതുണ്ട്. അല്ലാത്തപക്ഷം നിങ്ങൾ വീൺവാക്കുകളിൽ പുതഞ്ഞ ഒരു വ്യക്തിത്വം മാത്രമായിരിക്കും. തത്ത്വചിന്ത മനുഷ്യനെ വികലാംഗനാക്കുന്നു. ജീവിതം അതിനാൽ തന്നെ പൂർണ്ണമാണ്. അത് ഇപ്പോൾ തന്നെ സമ്പൂർണ്ണമാണ്... നാംപൂർണ്ണമായുംജീവിക്കുകയേ വേണ്ടു. ജീവിതം വളരെ ലളിതമാണ്. മനുഷ്യരേക്കാൾ,മൃഗങ്ങളും പക്ഷികളും നന്നായി ജീവിക്കുന്നു.മരങ്ങൾപോലും അതിജീവിക്കുന്നു. നമ്മൾക്കു മാത്രം അതെങ്ങിനെയാണത് സങ്കീർണ്ണമായിപോയത് ? നാം ജീവിതത്തെ സിദ്ധാന്തവത്ക്കരിക്കാൻ ശ്രമിക്കുന്നത് കൊണ്ടാണ് അത് സങ്കീർണ്ണമായി തീരുന്നത്.! ആവേശം ഉള്ള കാര്യങ്ങളിൽ മുഴുകുക. ഹ്രസ്വ ജീവിതം ആനന്ദമയമാക്കി മാറ്റുക.ചുറ്റുമുള്ളവരിലേക്കും കുറച്ചു കാലം ആ ആനന്ദം പടരട്ടെ. അനാവശ്യ ഗൗരവം വേണ്ട. Dead serious ഉം ആകണ്ട . Dead ആകുമ്പോൾ മാത്രം dead Serious ആയാൽ മതിയാകും.😁 ആരും ഇവിടെ അനിവാര്യരല്ല. നമ്മളില്ലെങ്കിലും ഈ ലോകം മികച്ച രീതിയിൽ തുടരും എന്ന സത്യം നമ്മെ നിസ്സാരരാക്കും. ശരിയായ കാഴ്ചപ്പാട് തരും.ജീവിതം ഒരു വരദാനമാണ്.അസ്തിത്വത്തോട് നന്ദി മാത്രമേ തോന്നാവൂ.എല്ലാം ഒരു വരദാനമാകുന്നു.നാമത് നേടിയെടുത്തതല്ല. സത്യത്തിൽ നാമത് അർഹിക്കുന്നുപോലുമില്ല. ഒരു മനോഹര സൂര്യാസ്തമയം കണ്ടുകൊണ്ടിരിക്കവേ നിങ്ങൾ ആ സൗന്ദര്യത്തെകുറിച്ച് എപ്പോഴെങ്കിലും മനനം ചെയ്തിട്ടുണ്ടോ,,,,,,,,,, ഞാനത് അർഹിക്കുന്നുണ്ടോയെന്ന്? അകലെനിന്നും കൂകി വിളിക്കുന്ന ഒരു കുയിലിന്റെ നാദം കേട്ടുകൊണ്ടിരിക്കവേ നിങ്ങളെപ്പോഴെങ്കിലും ചിന്തിച്ചിട്ടുണ്ടോ,,,,,, ഞാനിതർഹിക്കുന്നുണ്ടോയെന്ന്? കാർമേഖങ്ങൾ ഉരുണ്ടുകൂടുമ്പോൾ ഒരു മയിലിന്റെ ആനന്ദനൃത്തം കണ്ടുകൊണ്ടിരിക്കവേ, അല്ലെങ്കിൽ പൈൻമരങ്ങൾക്കിടയിലൂടെ തെന്നി നീങ്ങുന്ന ഇളംകാറ്റ്, നക്ഷത്രങ്ങൾ നിറഞ്ഞ ആകാശം, അങ്ങനെ അങ്ങനെ...... ഈ പ്രപഞ്ചം ലഭിക്കുവാനായി നാമെന്താണ് ചെയ്തിട്ടുളളത്? നാമ‌തിന് ഒന്നും നല്കിയിട്ടില്ല. എന്നിട്ടും നമുക്കത് നൽകപ്പെട്ടിരിക്കുന്നുവെന്ന അനുഭവത്തിൽ നിന്നുമാണ് ശരിയായ മതബോധം ഉയർന്നു വരേണ്ടത്, കൃതജ്ഞത ഉയർന്നു വരേണ്ടത്. ആ അജ്ഞാത ഹസ്തങ്ങളോട്, ഈ മനോഹരമായ, അവിശ്വസനീയമാം വിധം അപാര സുന്ദരമായ ഈ അസ്തിത്വത്തെ സൃഷ്ടിച്ച ആ അദൃശ്യ ഹസ്തങ്ങളോട് ഒരുവന് അങ്ങേയറ്റം കൃതജ്ഞതാബോധം ഉണ്ടാവാൻ തുടങ്ങുന്നു. ആപ്പൊഴയാളൊരു ഹിന്ദുവോ,മുസ്ലീമോ,ക്രിസ്ത്യനോ അല്ല. അയാൾ കേവലം കൃതജ്ഞതാ നിർഭരൻ മാത്രമായി തീരുന്നു..! രാഷ്ട്രീയക്കാരെപ്പോലെ വെറും വിൺവാക്കുകൾ കൊണ്ട് സ്നേഹവും കൃതജ്ഞതയും പ്രതിബദ്ധതയും സൃഷ്ടിക്കാൻ കഴിയില്ല. വാക്കുകൾക്ക് ,മറ്റൊരാളുടെ അനുഭവമാകാൻ കഴിയില്ല. അതിന്റെ പുറകിൽ നല്ല അദ്‌ധ്വാനം ഉണ്ട്. മറ്റൊരാളെ ജീവിതത്തിന്റെ ഭാഗമാക്കാൻ നല്ല അദ്ധ്വാനം ഉണ്ട്. സത്യത്തിൽ, നമ്മെ സഹായിച്ചു കൊണ്ടിരിക്കുന്ന പ്രപഞ്ചത്തോടും മനുഷ്യരോടുമുള്ള കൃതജ്ഞതയും സ്നേഹവും മാത്രം പ്രതിഫലിക്കേണ്ട ഒരു നിറകൺ ചിരി മാത്രം ആണ് ജീവിതം.😀😀😀😀😀😀😀 അത് മനസ്സിലാകാത്തവർക്കും നമുക്കു നൽകാൻ കഴിയുന്നത് സഹതാപത്തോടെയുള്ള ഒരു ചിരി മാത്രം ആണ്.😄😄😄😄😄😄😄 കടപ്പാട്: ഓഷോ, സദ്ഗുരു🙏 സസ്നേഹം സഹയാത്രികൻ വിനോദ് നമ്പൂതിരി 🐜🦋🐾🪰

സാമാന്യ ബുദ്ധിക്ക്‌ നിരക്കാത്ത ലാഭക്കണക്കുമായി ആളുകൾ നിങ്ങളെ സമീപിക്കുമ്പോൾ ഓർക്കുക നിങ്ങൾ വഞ്ചിക്കപ്പെടുകയാണ്‌. പണം മുടക്കി വേഗത്തിൽ ലാഭവും മുതലും തിരിച്ചുപിടിക്കാനിറങ്ങിയ 'നിശ്ശബ്ദ നിക്ഷേപകരെ' പരിഭ്രാന്തരാക്കി ഓൺലൈൻ ട്രേഡിങ് സേവനദാതാവും ഏറ്റവും വലിയ പോൻസി സ്കീമുകളിലൊന്നുമായ മെറ്റാവേഴ്സ് ഫോറിൻ എക്സ്ചേഞ്ച് ഗ്രൂപ് (എം.ടി.എഫ്.ഇ) അടച്ചുപൂട്ടി. പുതിയ നിക്ഷേപകരിൽനിന്ന് ശേഖരിക്കുന്ന പണം നിലവിലുള്ള നിക്ഷേപകർക്ക് നൽകുകയും ഭാവിയിൽ മികച്ച വരുമാനം വാഗ്ദാനം ചെയ്ത് നിക്ഷേപകരെ ആകർഷിക്കുന്നതിനുള്ള സംവിധാനമാണ് പോൻസി സ്കീം. വൻ ലാഭവിഹിതം ലഭിക്കുമെന്ന വാഗ്ദാനം നൽകിയാണ് പോൻസി സ്കീം ഉടമകൾ നിക്ഷേപകരെ ആകർഷിക്കുക. ട്രേഡിങ്ങിൽ ഒരു ശതകോടി ഡോളർ നഷ്ടപ്പെട്ടതോടെ അടച്ചുപൂട്ടാൻ നിർബന്ധിതരായെന്നാണ് എം.ടി.എഫ്.ഇ വിശദീകരണമെങ്കിലും തങ്ങൾ കൊള്ളയടിക്കപ്പെടുകയായിരുന്നുവെന്ന തിരിച്ചറിവിലാണ് നിക്ഷേപകർ. ഒട്ടേറെ മലയാളികളും ഇന്ത്യയിലെ മറ്റു സംസ്ഥാനങ്ങളിൽ നിന്നുള്ളവരും നൈജീരിയ, ശ്രീലങ്ക, ബംഗ്ലാദേശ്, പാകിസ്താൻ തുടങ്ങിയ രാജ്യങ്ങളിൽനിന്നുള്ളവരായിരുന്നു എം.ടി.എഫ്.ഇൻറെ ഇരകളിലധികവുമെന്നാണ് പുറത്തുവരുന്ന വിവരം. 26 ഡോളർ തുടങ്ങി 50,001 ഡോളർ വരെ നിക്ഷേപിക്കാൻ കഴിയുംവിധമായിരുന്നു എം.ടി.എഫ്.ഇയുടെ പ്രവർത്തനം. 26 മുതൽ 201 ഡോളർ വരെ ബേസിക് ലെവൽ തുടങ്ങി 501 ഡോളർ മുതൽ അഞ്ചുലക്ഷം ഡോളർ വരെ മുടക്കുന്നവരെ ലെവൽ ഒന്ന് മുതൽ അഞ്ച് വരെ പട്ടിക തിരിച്ചായിരുന്നു ലാഭവിഹിതത്തിൻറെ ക്രമീകരണം. ബേസിക് ലെവലിൽ ഓരോ ട്രേഡിനും ഒരു ഡോളർ മുതൽ 10 ഡോളർ വരെയും ലെവൽ ഒന്ന് മുതൽ അഞ്ച് വരെയുള്ളവർക്ക് 20 ഡോളർ മുതൽ 2500 ഡോളർ വരെയുമാണ് ലാഭവിഹിതം പ്രഖ്യാപിച്ചിരുന്നത്. തിങ്കൾ മുതൽ വെള്ളി വരെ നടക്കുന്ന ട്രേഡിങ്ങിൽ ഒരുദിവസം നഷ്ടം കാണിച്ചിരുന്ന എം.ടി.എഫ്.ഇയിൽനിന്ന് ബാക്കി നാലുദിവസവും ലഭിക്കുന്ന ലാഭത്തിൽ നിക്ഷേപകർ സന്തുഷ്ടരായിരുന്നു. ആദ്യ മാസങ്ങളിൽ ലാഭം ലഭിച്ചിരുന്നവർ തങ്ങളുടെ കുടുംബങ്ങളെയും സുഹൃത്തുക്കളെയുമെല്ലാം ഈ ഓൺലൈൻ ലാഭക്കച്ചവടത്തെ പരിചയപ്പെടുത്തിയതിലൂടെ എം.ടി.എഫ്.ഇയിലേക്ക് ഒഴുകിയെത്തിയത് കോടികളാണ്. യു.എ.ഇ ഉൾപ്പെടെ ഗൾഫ് നാടുകളിലെ നിരവധി മലയാളികളാണ് എം.ടി.എഫ്.ഇക്കൊപ്പം ചേർന്നത്. ഒരു സംശയത്തിനുമിടയാക്കാത്ത വിധം എം.ടി.എഫ്.ഇയുടെ പ്രഫഷനൽ പ്രവർത്തനരീതിയായിരുന്നു ലോക വ്യാപകമായി ഉപഭോക്താക്കളെ ഘടകം. 2022ലാണ് മെറ്റാവേഴ്സ് ഫോറിൻ എക്സ്ചേഞ്ച് ഗ്രൂപ് നിക്ഷേപങ്ങൾ സ്വീകരിച്ചുതുടങ്ങിയത്. തുടർന്നുള്ള മാസങ്ങളിൽ പണം മുടക്കിയവർക്ക് ലാഭവും മുടക്കുമുതലും ലഭിച്ചതോടെ മെറ്റാവേഴ്സിൻറെ കീർത്തി പരന്നു. ആദ്യ മാസങ്ങളിൽ ആഴ്ചയിൽ ഒരുദിവസം മാത്രമാണ് ട്രേഡിങ്ങിൽ നഷ്ടം കാണിച്ചിരുന്നത്. കച്ചവടമാണല്ലോ, നഷ്ടം സ്വാഭാവികമെന്ന രീതിയിൽ ഇത് എം.ടി.എഫ്.ഇനെക്കുറിച്ച് നിക്ഷേപകർക്കിടയിൽ മതിപ്പിനും വഴിവെച്ചു. മാർച്ച്, ഏപ്രിൽ മാസങ്ങളിൽ ഒരു ദിവസമെന്നത് രണ്ടും മൂന്നും ദിവസങ്ങളിൽ നഷ്ടം കാണിക്കാൻ തുടങ്ങി. ഈ ഘട്ടത്തിൽ പന്തികേടു തോന്നിയവരിൽ ചിലർ തങ്ങളുടെ നിക്ഷേപം പിൻവലിച്ചിരുന്നു. എന്നാൽ, വലിയ വിഭാഗം നിക്ഷേപകർ തങ്ങളുടെ പണം ഇരട്ടിപ്പിക്കുകയെന്ന ലക്ഷ്യത്തോടെ മുടക്കുമുതലും ലാഭവിഹിതവും പിൻവലിക്കാതെ ഗ്രൂപ്പിനൊപ്പം നിലയുറപ്പിച്ചു. ഇവർക്കാണ് നിനച്ചിരിക്കാതെ ഒരു പുലർവേളയിലുള്ള എം.ടി.എഫ്.ഇയുടെ അടച്ചുപൂട്ടൽ വൻ സാമ്ബത്തിക-മാനസികാഘാതം ഏൽപിച്ചിരിക്കുന്നത്.

🥳 Today Telegram turns 10 years old.